[][][][][ موضوع للنقاش .. تعال دردش وقول رأيك ][][][][]

[ALRAYYAN]

السلام عليكم

صباح/مساء الورد ع الجميع

بصراحه لفت انتباهي في كثير من المرات سواء في المنتديات او عن طريق الأعلان في الجرايد
أن يقوم شخص بعرض رقم سيارته ويعرض مع رقم السياره رقم جوال مشابه لرقم السياره ويصمم على بيع الاثنين مع بعض

السؤال هني .. شدخل رقم السياره بالجوال ؟؟ :con2:

يعني ممكن الواحد (( يطقم )) في ارقام الجوالات اللي عنده يعني مثلاً

جواله يكون 1××6666 و 2××6666 على اساس يكون حفظهم سهل بالنسبه للغير
وحتى لو واحد سألني كم رقمك الثاني اقوله نفس الاولي بس آخر شي 2 مثلاً حتى يركز الرقم في مخه :o

اما رقم سياره 14140 مثلاً ويجي راعيه يقولي لازم تاخذ معاه الجوال 14140××

بصراحه ماشوف لها اي داعي ان الجوال والسياره تكون ارقامهم متشابهه

يعني لو واحد قالي كم رقم جوالك ..؟؟
اقوله روح المواقف شوف رقم سيارتي وزيد صفرين
ولا نقص 23 من آخر رقمين في السياره يطلع لك الناتج أضربه في 4 واتصلي على الناتج النهائي crazy

ولا شرايكم ياجماعه .. ياليت نتبادل وجهات النظر في هالموضوع ونسمع الآراء

وفي النهاية المكتوب فوق هذا رأي الشخصي واللي يحب ينتقد رأيي أو يعارضه .. عادي

مو لازم وجهات النظر تكون وحده والاختلاف في وجهات النظر شي ايجابي

تحياتي للجميع:nice:

[ANONYMOUS]

هلا تالريان صباح الورد

انا اشوف ان هالموضوع عادي..

طالما الواحد يطقم.. بس الاصرار على البيع مع بعض يمكن في ناس راغبه هالشي

انا رقم جوالي و الغرفه ورقم السياره نفس الشي تقريبا..

اللهم البدايه تتختلف..

بس رقم صندوق البريد ماقدرت اصيده :)

[ريال قطري]

هذا اخوي يالرياني نفس مسمار جحه

يعني اذا يبي يصرف رقم الجوال بسعر حلو ومايقدر ايحط رقم السياره ويتحكم في السعر على كيفه

عندي واحد من الربع عنده رقم سياره وكان عارضه 20 ومحد يطالعه حتى مع انه رباعي من نفس الارقام الي تنكتب هالشكل 6769
الاخ شاف واحد في الجريده حاط نفس رقمه معكوس 6967 اتصل حق الريال وهو مايعرفه وقاله اشرايك اتحط رقمي مع رقمك وتعرضهم للبيع مع بعض الريال حطهم عقب ثلاث ايام بسبعين الف وللعجب انهم راحو نفس اليوم بنفس السعر
فا فيه ناس اتحب هالاشياء بس بعد حركة التلفون مع السياره مالها حل
وتسلم

[ملاحظه]

اخوي الريان وباقي الاعضاء

اسمحولي اقول وجهة نظري

في فئه من الشباب يدورون رقم السياره نفس رقم الجوال لسبب

بتكلم بصراحه السبب انه يوم يجي يرقم ولا يسو شي يقوله مثلا حطي 5 ورقم السياره يعني بس حط 5 اول رقم السياره بصير رقم جواله

هذي الحركه ما يسونها الا مع البنات لانه مع ربعه اكيد يقدر يسوله رنه او ينقله الرقم كامل

ومنه بعد يقول كشخه في فئه من الشباب يعتبرونها كشخه انه يكون رقم السياره ورقم الجوال ورقم غرفته نفس الشي .. وفي شباب وايد يوم يجون يشترون او يدورون ارقام يدورون رقم سياره ورقم جوال مع بعض .. واللي يلزم انه يبيع الاثنين مع بعض ذكي لانه يدري انه في ناس ادور هالشي وتكون الفايده اكبر .. صدقوني انا اعرف واحد رقم سياره ورقم جواله ورقم غرفته ورقم مصر لانه يروح مصر وايد كلهم نفس الشي مع اختلاف اول رقم بس يعني رقم موتره تحط قدامه 55 يصير جواله وتحط 1055 يصير رقم مصر وغرفته 18 ويصير نفس الرقم
وكل الشباب ربعنا صارو يدورون جي ارقام هذي وجهة نظري
والسموحه اني طولت عليكم

[نيساني]

صحيح!

[بو الجوري]

مرحبا اخوي

والله انا صراحه من وجهة نظري اشوف ان من انواع التميز
ان يكون مثلا رقم جوالك وسيارتك و..و... نفس الشي
فاكيد اذا ارقامك كلها مميزه و مثل بعض بيكون التميز غيــــر :dance
بس ان الواحد يصر ان الرقم ينباع مع الجوال :court: فهذا لسببين
الاول ان لو عرض الرقم بروحه والجوال بروحه محد بياخذهم
او يفكر يشتريهم :confused: . لكن اذا كانو طقم غير .. بيفكر الواحد

والسبب الثاني هو ان يبي يجبر الناس او يغريهم بشرائهم :deal:

وبــــــــس :D

واسف عالاطاله وتقبل مروري

[الدبلومااسي]

السلام عليكم ورحمة الله وبركاته بصراحه الموضوع حلو لنقاش لانه فيه وجهات نظر مختلفه وانا عن نفسي اشوف ان الي يطقم ارقام الجوالات بروحها والسيارات بروحها احلى مثل رقم الجوال وتليفون البيت والجوال الثاني نفس الرقم ومايتغير الا رقم او رقمين او العكس والسيارات تكون نفس الرقم بس يكون عكسه ومشكورين على الموضوع الطيب

[ALRAYYAN]

والله آراء حلوه ووجهات نظر مختلفه وننتظر المزيد من وجهات النظر من باقي الاعضاء

[وهابي]

الناس اجناس

[ALRAYYAN]

في اعضاء وايد يهمني رايهم بس ماشفناهم للحين

[زمن كذاب]

ALRAYYAN


i thank its good ides to have your phone number and

your car number at the same


{{{{ good night for everybady }}}}

[سوق واقف]

شراء الأرقام حرام بارك الله فيكم الفقير اولى بهذي الفلوس
أسئلوا اي شيخ يقولك حرام
أنا سألت واجد مشايخ يقولوم اتقى الله في مال الله الذي عندك
سوف تسأل يوم الحساب عن مالك فيما أنفقته

[بوعبدالله - قطر]

مرحبا اخوي الريان...
وجهة نظري انا عن نفسي رقم جوالي وجوال الثاني نفس شيء وأدور كرت هلا شبيهه...
بس رقم السيارة ماعندي نفس شيء بس لو لقيت رخيص اشتريه...
عشان ارقامي كلها مع رقم السيارة تكون متشابهه حق البطرة والكشخة...
المشلكة رقم عن رقم يختلف إذا رقم الجوال حلو تقدر تدور رقم السيارة نفس الجوال او على اخر اربع ارقام متشابهة...
وتحياتي لك ياالغالي وللجميع...
:app: :app: