رايح الاحساء وين السكن والاسواق

[مسااااااااهم]

أول مرة اروح الحسا
ورايح مع الاهل لغرض التسوق وبنقعد كما يوم .... بغيت ولا هنتم أسماء الشقق او الفنادق النظيفة وأماكنها وكذلك الأسواق اللي ممكن توفي بالغرض .
ويعطيكم العافية

[شيزكيك]

انا رحت بس مره ورحت مجمع البستان وشارع الماجد وحذا هالشارع الي يبيعون الهيل

والقهوه والتمر واحنا ما باتينا بس يمدحون فندق الانتر

[nor85]

الانتر بلا منازع ماكأنك في الاحساء وقريب من الاسواق

[الــجــزيــرة]

مالك الا الانتر

[(احمد)]

بس ما كنها غريبة قطري اول مرة يروح للاحساء

[ابوعلي]

أول مرة اروح الحسا
ورايح مع الاهل لغرض التسوق وبنقعد كما يوم .... بغيت ولا هنتم أسماء الشقق او الفنادق النظيفة وأماكنها وكذلك الأسواق اللي ممكن توفي بالغرض .
ويعطيكم العافية
اخوي اذا بتسكن بالانتر فالأفضل تحجز من الدوحه ارخص (( ريجينسي ))

[شيزكيك]

بس ما كنها غريبة قطري اول مرة يروح للاحساء


مب غريبه ولا شي انا زوجي ما يحب الحساء بس وداني مره عن خاطري وما اقتنع فيها وحتى

هله راحوا عقبنا وما اقتنعوا فيها وقالوا له ما تستاهل العنوه وانا اشوف العكس :eek3: :eek3:

[AL_MUTAEM]

الاخوان اللي قبلي ماقصروا ..

اكد لك اخوي فندق الانتر اجمل واهدأ فندق بالاحساء .. واذا سعره عالي حبتين تقدر تشوف الشقق اول ماتدخل الاحساء ثاني اشاره على اليسار قريبه من مطعم الاخوان (نسيت اسمها)
والاسواق بصراحه اللي عرفته مجمع البستان حلو للتسوق ..

بس نصيحه بما انك بتسكن كم يوم ليش ماتروح الخبر وتسكن بالشقق المنتشره بجانب مجمع الراشد واسعارها ممتازه والتسوق اكبر واحلى لكثرة المجمعات والاسواق اللي بالخبر .

[كاتم المواجع]

اخوي مساهم عندك الانتر وعندي احساس انه فول"""" وعندك شقق بيسان وشقق الاحساء على يسارك وانت جاي من قطر بعد ثاني دوار واتجاهك غرب...
اما الاسواق فالشعبيه اسال عن القيصريه" والمتطلبات الاخرى اسال عن "السويق" بكسر الواو واتمنى اكون وفيت في الوصف

[مسااااااااهم]

الله يعطيكم العافية جميعا وفي ميزان حسناتكم
ما قصرتوا والمعلومات اللي اعطيتوني مفيدة بلا شك

[مسااااااااهم]

اخوي اذا بتسكن بالانتر فالأفضل تحجز من الدوحه ارخص (( ريجينسي ))
أخوي ابو علي الله يجزيك خير حجزت من الدوحة وفعلاً الفرق كثير عن الاحساء
اتصلت بالفندق وقالي الليلة بـ 920 ريال بينما حجزت من الدوحة بـ 550 ريال
شكراً على النصيحة

[alwahesh]

مالك الا الانتر

[البسمةالعذبه]

انصحك بالانتر

واذا تبي اي شي اسال ما يردك الا السانك

[البسمةالعذبه]

ما ادري انت انت اهني والا مسافر

بس الحساااااااااااااااااااا ما فيها شي عدل الحين

انصحك ودهم الخبرفرق بينها وبين الحسا ساعه ,, ساعه ونص

في الخبر

محلات القهوى المشهورة مثل
د. كيف
مركز قزاز
مجمع فؤاد سنتر
مجمع Zara للملابس ذات الماركة العالمية
مجمع التركي
شارع الملك خالد التجاري في وسط الخبر الشمالية
مجمع الراشد


لكن الحسا ما فيها الا البستان ومب حلو لذيك الدرجه

شارع الماجد

وما انصح بهالاسواق لان بضاعتها رديئه وما تصلح الواحد يتعنى ويروح لها

لكن الخبر تجنن

رحله ممتعه ان شاء الله في ربووووووع الاحساء

بعد الحين عندهم مهرجان اسمه

حسانا فله

[iamara]

مرحبا أخواني
حبيت أورد بعض الشقق المفروشة والفنادق بالأحساء مع أرقام هواتفهم للإستفسار عن السعر والموقع والحجز ومرحبا بكم في بلدكم الأحساء



البيت الأخضر للشقق المفروشة
5812500

الثريا للشقق المفروشة
5847350

هفوف هاوس للشقق المفروشة
5821267

بيسان للشقق المفروشة
5815500

السفراء للشقق المفروشة
5755544

المحرق بلازا للشقق المفروشة
5754441

الخليج سنتر للشقق المفروشة
5853970

علاء للشقق المفروشة
5869505

نجمة الثلاثية للشقق المفروشة
5815350

سفير بلازا للشقق المفروشة
5879657

البيت الصغير للشقق المفروشة
5879657

هجر للشقق المفروشة
5877952

العييري للشقق المفروشة
5879279

العييري للشقق المفروشة
5313339

الفخامة للشقق المفروشة
5822379

السليمان للشقق المفروشة
5863539

البراك للشقق المفروشة
5874753

قصر الرياض
5753164

عروى للشقق
5754536

الدوحة للشقق المفروشة
5807575





الفنادق





فندق الأحساء الأنتركونتننتال
5840000

فندق الهفوف
5855555

فندق الغزال
5826555

فندق بونيس
5827700

فندق النعيم
5755511

فندق الخليج
5875046

[مسااااااااهم]

الله يعطيكم العافيه جميعاً على تفاعلكم بالموضوع
وعموما رحت الاحساء ورديت وكانت رحلة ممتعة
وفندق الانتر فعلا لا يعلى عليه
والاسواق بعد حلوة وأسعارهم أقل بقليل عن الدوحة