اسعار صالات الافراح

[fandi]

ياجماعة ايش رايكم هذا الغلاء في اسعار الصالات في الدوحه ,وصلت ارخص صالة ماهو اقل من 25000الف ريال, ليش مايكون هناك دعم من الحكومه وتسهيلات للشباب كي يتزوج , ليش مايكون فيه رقابة صارمة على هذه الاسعار العالية بغض النظر عم يقدمون من بوفية او ماشابة, ممكن الدوله تعمل صالات افراح باسعار رمزية للشباب كي يتزوج.

انا عرفت ان اغلى صالة في الكويت تساوي 200 دينار كويتي وفي السعودية يعني مايقارب 20000الف ريال.

ياريت المسؤلين ينظرون بعين الاعتبار للشباب لكي يتزوج.

والله الموفق.

[همس العيون]

شنقول ولا شنخلي

يزيدون الرواتب من هني مايلحق الواحد يفرح

الا زايدين عليه الاسعار في مكان ثاني

crazy crazy

[Mariam]

مسكين هالمعرس من وين بيلاقيها بس !

[امل الحب]

الله يسهلها بويه الشباب ..

[هداف]

ياخوي اي غلا هذا !! سعر 25000 او 20000 سعر مناسب ومعقول لصالة افراح مكيفه ومجهزه !!!! ابيك اتمر على صالة الدفنه في الشيراتون ولا غيرها في فنادق الخمس نجوم الصاله من فوق المية الف وانت طالع حسب الاظافات المطلوبه !! اخي العزيز تقدر توفر وتحط خيام في براحه تكلفك عشره او حووووووش البيت ما يقصر ولا اقولك شرايك اتزوج ببلاش :)

[eXpert*]

ياجماعة ايش رايكم هذا الغلاء في اسعار الصالات في الدوحه ,وصلت ارخص صالة ماهو اقل من 25000الف ريال, ليش مايكون هناك دعم من الحكومه وتسهيلات للشباب كي يتزوج , ليش مايكون فيه رقابة صارمة على هذه الاسعار العالية بغض النظر عم يقدمون من بوفية او ماشابة, ممكن الدوله تعمل صالات افراح باسعار رمزية للشباب كي يتزوج.:funny:

انا عرفت ان اغلى صالة في الكويت تساوي 200 دينار كويتي وفي السعودية يعني مايقارب 20000الف ريال.

ياريت المسؤلين ينظرون بعين الاعتبار للشباب لكي يتزوج.

والله الموفق.


كان في صالة (( خيمة )) ورى Toys R us والله العظيم ان زوجت ناس باسعار متواضعة اللي يجزي صاحبها خير على اللي سواه ،،،، بس مع الاسف اصحاب الصالات الاخرى ضربهم الحسد واشتكوا عليهم بحكم ان الصالة مافيه من وسائل الامن او السلامة شي جي المهم وشالوها .. والله العظيم اللي ما عمره فكر يتزوج ... تزوج ايامها .

[الجنوبي 111]

مشكور على الموضوع



الدوله تعمل صالات افراح باسعار رمزية للشباب كي يتزوج.


اقترح جميل

في الامارات هناك فية صالات أعراس حكومية هدفها مساعدة و تشجيع الشباب على الزواج

[ahmed jasim]

fandi تساؤلك وأقتراحك فى محله والدولة لازم تدخل من حيث تسهيل الحصول على رخصة الصالات والتجار أيضا لهم دور فى أقامة مثل هالصالات لأعمال الخير لحفلات الزواج و تقبل العزاء
وهذا مالاحظته فى البحرين حيث يتبرع الأهالى بأقامة هالصالات فى كل فريج ويكون كوقف لأعمال الخير وفى نفس الوقت كملتقى لأبناء الفريج

http://www.raya.com/mritems/images/2007/8/10/2_274998_1_209.jpg

[جرس الإغلاق]

انا مستعد اسوي قاعه

عطوني ترخيص بس


ولو تبوني اسوي 3 قاعات بعد حاضر

الخور والريان والوكره

[شيزكيك]

تدرون الصالات في البحرين ان كثرت ست آلاف ريال مع العشاء والي هو صحن مشكل

والله وعايشين بلا مظاهر ولا عوار قلب

[fandi]

اشكر الجميع على المرور وانا اطالب اخوانا في الصحافة والتلفزيون يسلطون المجهر على هذي القضية وتكون محض اهتمام من الجميع ويفكونا من جشع بعض التجار.

[جرس الإغلاق]

اشكر الجميع على المرور وانا اطالب اخوانا في الصحافة والتلفزيون يسلطون المجهر على هذي القضية وتكون محض اهتمام من الجميع ويفكونا من جشع بعض التجار.

انا اقول محد حولك

القرارات بيد التجار

والتجار بينهم مصالح

والمواطن البسيط خله يحترق.. وياخذ ديون.. وينفع البنوك.. اللي هي مالت تجار..

يعني المسأله صعبه جدا.. وطلع الموضوع من يدي..

[اهـم001]

والله انا عرسي ماكلف علي واااجد لاكن اكثر ربعي

تزوجو في السعوديه وخصوصن في (الرياض) صالات

حلوه حلوه حلوه وماتتعدى 15000 ريال لاكن ياشباب

المشكله اذا ماعندك حد يصيرلك هناك !!

بـس عني انا افضل العرس مايصير في الدوحه

لان كل شي رخيص في الرياض ..

موب في الصاله بس في كل تكاليف الزواج !

واشكركم على الموضوع وان شاء الله نشوف

هالشي عندنا في قطر لتخفيف العبى على شبابنا

وتكون بادره طيبه من حكومتنا اذا سوو صالات

للافراح بأسعار رمزيه ...

واسمحولنا على الاطالــــــــــــه ,

[مضارب دوسري]

ربك كرييييييييم
للي يبي يتزوج اقووووووووله(((اعقلها وتوكل)))))) ربك يسهل