خبز الرقاق

[fandi]

ياجماعة رمضان على الابواب وين نحصل خبز الرقاق الزين (نبي شغل عدل)

[بنت الدوحه]

كل عام والجميع بخير


ان شاء الله يفيدونك الاخوان

[قطـــريـــه]

فيه خبز رقاق على شكل دائرة بس صغير حجمه ووووايد حلو على نكهات
على .. زعتر ، زعفران ، مهياوه ، حليب ، دارسين ...
لذيذ وخفيف يعني مايصلح لثريد ..
ويجي الطلب درزن وفوق ..
واللي حاب يطلب ...!

[" روح قطر "]

السلام عليكم
أول كنا نحبز الخبز في البيت مع أمهاتنا الكبار ونتعاون علية لدرجة أن احنا نخبز للأهل والفريج كامل
ومن 3 سنوات بدينا نشترية
الناس تكيسلو ومالها بارض على الشغل والعباله
الحين سرنا نشترية من مخابز الرغيف الساخن والمخبز السعودى
وفيها كذا نوع بدون سكر وبر وعادى
واسعرها وايد حلوة
أرخص من الخبازين اللي يجون للبيت لانهم يطلبون 500 بس حق الخباز والأغراض عليك
فسرنا نفضل الجاهز وايد حلو ونظيف
الله يهلة علينا بالخير والبركة

[ام شادن]

ما في احلى من الخبز في البيت والي يعرف حد يخبز يقولي

[قطـــريـــه]

انا معاج خبز البيت احسن واحلى

[قطري عصامي]

اييييييييييييييييييييييييييه الله يرحم نسوان قبل

[مستثمر-قطر]

اييييييييييييييييييييييييييه الله يرحم نسوان قبل


:nice: :nice: :nice: :nice: :nice:

الله يرحمك ياجدتى اخبر البزان يتجمعون حولها هى تسوى والبزران من هناك ياخذون :) فديت ايام االاول صدق
و غير رقاق البيتو لايحوشك ( الله يرحم نسوان الاول)

[الهاوي28]

امي الله يبارك فيها دايما تخبز

بس العام ما اخبزت شرينا جاهز من الحسا

وحتى بعد في البحرين يبيعونة

يجي جاهز ومغلف في كرتونة وخاصه قبل رمضان ينزلون منه كميات كبيرة

وسعر الكرتونة 10 ريال تقريبا الكرتون حق يومين


تحياتي

الهاوي

[جرس الإغلاق]

على طاري رمضان

شكل رمضان هذا بتكون اسعاره قنبله

الله يستر

اللي يدل مكان في الحسا ماحاشه الغلاء يوصي الربع


ربع تعاونوا ماذلوا

[@ دانتيل قطر @]

الحمد لله
احنا طباخنا يخبز لنا
ماشالله على خبزه
نكمله قبل الصيام
لكن اولت العام توهقنا كان مسافر
وجبنا خبازين يجون للبيت وياهم غازهم وتاوتهم وإغراضهم
يسوون الخبز ويروحون
أذا عرفت رقمهم بارسله لج
بس رقم طباخنا ماراح أعطيج
هههههههههههههههه

http://www.hmsathob.com/up-pic/uploads/3a96d4eed5.jpg (http://www.hmsathob.com/up-pic)

http://www.hmsathob.com/up-pic/uploads/e2c730a1ac.jpg (http://www.hmsathob.com/up-pic)

[ام غادة]

في محل قرب مصلى العيد اسم المحل الهضيم يسوي خبز رقاق حسب الطلب

[بطران متملل]

بالتوفييق

[" روح قطر "]

والله يا جماعه عقب أمهاتنا ما عاد بة خبز الا خبز المكاين
هو النظيف
العام بنت عمي خبز لها طباخ معروف كل رمضان هو اللي يخبز للناس
ويشهد الله ان خبزة كلة شعر من يدينة
وماتستأمنون مدى نظافتهم وحرصهم على النظافة
عليكم بخبز المسح اللي ينباع في الجمعيات ومغلف في أكياس ومحطوط في كرتون
هذا شغل عدل ونظيف وعلى بركة الله
ومبروك عليكم الشهر مقدماااااا

[التيما]

الله يخلي امي فدييييييييييتها هالكـــــــــــــــــــــــــــــبر .. بس باشوف اذا لقيت لج حد

[Mariam]

اللي يعرف رقم خباز ممكن يجي عندنا في البيت و يكون نظيف و شغله جيد يدز لي رقمه بالخاص لأنه ما بقى شي عن رمضان ،

و يعطيكم العافية مقدماً

[البانوش]

خبز الجمعية مافية احسن منة الى يجي من الحساء في كارتون ونظيف وسنين وحنا نستعملة

[ام يوسف]

مافي احلى من رقاق البحرين فديتها