!!.. شرايكم في مشروع مغسلة سياراات ..!! [الأرشيف]

Bin Hood

12-08-2007, 03:50 AM

السلام عليكم ورحمة الله وبركاته

يا جماعة الخير انا افكر بعد ما اتخرج من الجامعة بعد 5 شهور ان شاء الله افتح مشروع وانا

الصراحة متحير بين عدة مشاريع , لكن ابي مشورتكم ورايكم في مشروع سيارات , وانا طبعا

ناوي افتحه في ديرتي البحرين , قريت من قبل موضوع في هالقسم عن احد الاعضاء كان يفكر

بس ما يندرى جان فتح والا لاء . المهم انا عندي كم سؤال ودي انكم تفيدوني ما عليكم امر

هل مشروع السيارات مشروع ناجح ؟

واحد اعرفه عنده مغسلة سيارات شغله ماشاء الله عليه , ويقدم خدمات سيرفس للسيارة من

تغير زيت وتنظيف فلتر و تغير اطارات وغيرها من الخدمات.

كم تكلفني معدات واجهزة غسيل السيارة ؟ , علما اني ما ابي النظام اللي تدخل السيارة وتبتدي

الالات تدور وتطشر وووو , انا ابي الجهاز اللي يرفع و المرشات وجهار شفط الى اخره .

وهل في اجهزة سبيشل حق الغسيل يعني هب موجوده عند باقي مغاسل السيارات ؟

ومن وين اشتري المعدات من الامارات او السعودية ؟

وين تنصحوني افتح قريب من المناطق السكنية (اذا حصلت رخصة ) او في منطقة صناعية او

يم محطة بترول ؟

وشنو الامور اللي تخلي الواحد يروح حق مغسلة دون غيرها ؟

وكم الدخل الشهري المتوقع للمغسلة ؟

اكرر انا ناوي افتح في البحرين

ولد شرق

12-08-2007, 09:15 AM

توقعت انك بتفتح في قطر ولكن انتبهت في النهاية
اخوي مغسلة السيارات ماعليها كلام وادّخل لك خير في قطر
اما في البحرين انا درست فيها الصراحة اذا حاط في بالك الزباين بحرينيين فماظن اخوي
لأن انا اشوف ان البحرينين ماشاء الله عليهم عصاميين ويغسلون بنفسهم وانا شفتهم
لكن اذا بتعتمد على مواسم الويك اند (نهاية الاسبوع) بتحصل الاخوان السعوديين والقطريين ولكن ماظن حد جاي من بلاده وسيارته وصخه وناهيك ان بعض الاخوان يرش تغبيره على سيارته علشان لون الويه مايطير...
الصراحه انا ماقدر انتبأ لك بسوق البحرين...
وان اشاء الله الاخوان يفيدونك...

Bin Hood

12-08-2007, 03:06 PM

توقعت انك بتفتح في قطر ولكن انتبهت في النهاية
اخوي مغسلة السيارات ماعليها كلام وادّخل لك خير في قطر
اما في البحرين انا درست فيها الصراحة اذا حاط في بالك الزباين بحرينيين فماظن اخوي
لأن انا اشوف ان البحرينين ماشاء الله عليهم عصاميين ويغسلون بنفسهم وانا شفتهم
لكن اذا بتعتمد على مواسم الويك اند (نهاية الاسبوع) بتحصل الاخوان السعوديين والقطريين ولكن ماظن حد جاي من بلاده وسيارته وصخه وناهيك ان بعض الاخوان يرش تغبيره على سيارته علشان لون الويه مايطير...
الصراحه انا ماقدر انتبأ لك بسوق البحرين...
وان اشاء الله الاخوان يفيدونك...

تسلم على ردك اخوي
من ناحية ان البحرينين عصامين فأنهم عصامين عاد ان يغسلون برحهم فهاذي قويه اخوي
احنا عندنا الهنود الفري فيزا يغسلون سياراتنا , صج ان في شباب يغسلون سياراتهم بروحهم اللي عادتا نشوفهم صوب الدوارات وغيره وسيايرهم كله "ون ايتي" وطقتها
المهم اخوي ما عندك اجابات حق الاسئلة الباقية لاني اشوف الشباب ماعطيني الطاااااااف القوي

لاعدمناك

جرس الإغلاق

12-08-2007, 04:20 PM

افتح المغسله قريب المعارض.. وابشر بربعنا بالويكند.. اول مايوصلون يغسلون عندك

بعدين ترا الدعوه كلها ارزاق

سوق واقف

12-08-2007, 04:25 PM

مشروع ممتاز (( بس وين بتلاقي واحد يعطيك محلات الحين تقوله مغسلة يقولك لا تخرب الاساس ومب عارف ايش ..
اذا حصلت ولد حلال يأجر لك محلات وعقد طويل يكون افضل
والله يوفقك

السريع6

12-08-2007, 04:37 PM

مشروع ناجح ورااائع ,,

لكن وين بتحصلك محلاااااااااااات واذا حصلت , الله يعينك على الايجار ,,
وبتوفيق انشاءالله ,,
فمان الله ,,

مستثمر-قطر

12-08-2007, 05:06 PM

الى اعرفه يالغالى ان الاجار بالمعارض غالى غالى ووعندك الرفاع يالغالى الرفاع الشرقى صوب بكواره لوتفتحه صوب الشيشه ( المقهه ) الى بوسط المحلات الى بالرفاع الشارع الى ورا المعارض هناك بيكون الاجار نازل شوى والله يوفقك يالغالى

Bin Hood

12-08-2007, 10:11 PM

افتح المغسله قريب المعارض.. وابشر بربعنا بالويكند.. اول مايوصلون يغسلون عندك

بعدين ترا الدعوه كلها ارزاق

والنعم فيهم

بس وصهم عليها اذا فتحتها

والله يرزقنا

Bin Hood

12-08-2007, 10:12 PM

السريع 6

سوق واقف

جزاكم الله خير على المرور وعلى التعليق

Bin Hood

12-08-2007, 10:16 PM

الى اعرفه يالغالى ان الاجار بالمعارض غالى غالى ووعندك الرفاع يالغالى الرفاع الشرقى صوب بكواره لوتفتحه صوب الشيشه ( المقهه ) الى بوسط المحلات الى بالرفاع الشارع الى ورا المعارض هناك بيكون الاجار نازل شوى والله يوفقك يالغالى

هلا طويل العمر , بالنسبة مثل ما قلت الاجار في المعارض ضو ونفس الشي في الجفير ولو ان الموقعين يدخلون ذهب , وبالنسبة حق البوكوارة اي شيشة تقصد ( شنو اسمها ) بس لازم الارض تكون صناعية . اذا عندك اجابات حق الاسئلة اللي في موضوعي اكون شاكر لك .

لاهنت

مستثمر-قطر

13-08-2007, 01:56 PM

هلا طويل العمر , بالنسبة مثل ما قلت الاجار في المعارض ضو ونفس الشي في الجفير ولو ان الموقعين يدخلون ذهب , وبالنسبة حق البوكوارة اي شيشة تقصد ( شنو اسمها ) بس لازم الارض تكون صناعية . اذا عندك اجابات حق الاسئلة اللي في موضوعي اكون شاكر لك .

لاهنت
يالغالى المحلات الى ورا شارع بوكواره صوب المحل الى يركب رايبون وتغبيرات بس شسمه ولا شسم الشيشه مانى خابر بس المكان ممتاز واشوفه حيوي

Bin Hood

13-08-2007, 03:26 PM

لاهنت يالمستثمر

والله يوفق الجميع

بطران

14-08-2007, 08:38 AM

اول شي طال عمرك على ماذكرت انك تبي معدات وحركات وماتبي غسيل سريع ... برايي يبيلك راس مال مايقل عن 500 الف من معدات رفع ورش برشر .. ويكون للمغسله كذا باب ... من ضمنهم قسم لتبديل الايل وخلافه ..واكيد مبلغ احتياطي مايقل عن 200 الف .. ماتدري الاسعار بزياده ...

واقتراحي اكيد تفتح على شارع عاام مثل المعارض عندكم .. وابتعد عن المناطق السكنيه الداخليه لانك بتدفع دم قلبك واخرتها بتموت يوع !!

وتذكر ترى المغسله شغلها موسمي مب دايمن بتحصلها زحمه ... موسمها بالاعياد والويك اند وايام المطر ...

طبعا غير رواتب العمال كم واحد وكم بتعطيهم ..وغير صيانة الاجهزه الدوريه ..انت ماتبي تدخل موتر جديد على الجيك واخرتها ينقلب من فوقه والسبب سوء الصيانه !!

والناس تجي على حسن الاستقبال ورخص الاسعار والسياره تطلع مافيها ولا قطرة ماي ... مب رشتين بالهوز وتمسحها بشامليدر تقولي فتحت مغسله !! جميع انواع المواسح سواء للقزاز او للبدي كل انواع البولش الداخلي والخارجي ...

واكيد فوق ذي كله ماتبي تنطر الزبون بالشمس الي ماتغسل سيارته ..اكيد بتحط استراحه وفيها مكيف وشاي وماي وجرايد اليوم ...

وتحط مسؤول على راس الهنود يشرف عليهم ويضرب بيد من حديد بالمعامله هاذي سمعة محل وباب رزق مب لعب بالفلوس واخرتها مافي مقابل ...

تحياتي اخوك بطران

Bin Hood

14-08-2007, 05:23 PM

اول شي طال عمرك على ماذكرت انك تبي معدات وحركات وماتبي غسيل سريع ... برايي يبيلك راس مال مايقل عن 500 الف من معدات رفع ورش برشر .. ويكون للمغسله كذا باب ... من ضمنهم قسم لتبديل الايل وخلافه ..واكيد مبلغ احتياطي مايقل عن 200 الف .. ماتدري الاسعار بزياده ...

واقتراحي اكيد تفتح على شارع عاام مثل المعارض عندكم .. وابتعد عن المناطق السكنيه الداخليه لانك بتدفع دم قلبك واخرتها بتموت يوع !!

وتذكر ترى المغسله شغلها موسمي مب دايمن بتحصلها زحمه ... موسمها بالاعياد والويك اند وايام المطر ...

طبعا غير رواتب العمال كم واحد وكم بتعطيهم ..وغير صيانة الاجهزه الدوريه ..انت ماتبي تدخل موتر جديد على الجيك واخرتها ينقلب من فوقه والسبب سوء الصيانه !!

والناس تجي على حسن الاستقبال ورخص الاسعار والسياره تطلع مافيها ولا قطرة ماي ... مب رشتين بالهوز وتمسحها بشامليدر تقولي فتحت مغسله !! جميع انواع المواسح سواء للقزاز او للبدي كل انواع البولش الداخلي والخارجي ...

واكيد فوق ذي كله ماتبي تنطر الزبون بالشمس الي ماتغسل سيارته ..اكيد بتحط استراحه وفيها مكيف وشاي وماي وجرايد اليوم ...

وتحط مسؤول على راس الهنود يشرف عليهم ويضرب بيد من حديد بالمعامله هاذي سمعة محل وباب رزق مب لعب بالفلوس واخرتها مافي مقابل ...

تحياتي اخوك بطران

مراحب اخوي بطران

مشكور على النصيحة

بس هب كأن 500 الف ريال ( اعتقد هب دينار) مبالغ فيها وايد

الا اذا كنت تقصد سعر الارض ويا المعدات !!

شباب اذا احد عنده معلومات عن سعر الاجهزة يعطينه اياها مشكورا

تسلم البطر مرة ثانية

ولد الكويت

14-08-2007, 05:30 PM

اول شي طال عمرك على ماذكرت انك تبي معدات وحركات وماتبي غسيل سريع ... برايي يبيلك راس مال مايقل عن 500 الف من معدات رفع ورش برشر .. ويكون للمغسله كذا باب ... من ضمنهم قسم لتبديل الايل وخلافه ..واكيد مبلغ احتياطي مايقل عن 200 الف .. ماتدري الاسعار بزياده ...

واقتراحي اكيد تفتح على شارع عاام مثل المعارض عندكم .. وابتعد عن المناطق السكنيه الداخليه لانك بتدفع دم قلبك واخرتها بتموت يوع !!

وتذكر ترى المغسله شغلها موسمي مب دايمن بتحصلها زحمه ... موسمها بالاعياد والويك اند وايام المطر ...

طبعا غير رواتب العمال كم واحد وكم بتعطيهم ..وغير صيانة الاجهزه الدوريه ..انت ماتبي تدخل موتر جديد على الجيك واخرتها ينقلب من فوقه والسبب سوء الصيانه !!

والناس تجي على حسن الاستقبال ورخص الاسعار والسياره تطلع مافيها ولا قطرة ماي ... مب رشتين بالهوز وتمسحها بشامليدر تقولي فتحت مغسله !! جميع انواع المواسح سواء للقزاز او للبدي كل انواع البولش الداخلي والخارجي ...

واكيد فوق ذي كله ماتبي تنطر الزبون بالشمس الي ماتغسل سيارته ..اكيد بتحط استراحه وفيها مكيف وشاي وماي وجرايد اليوم ...

وتحط مسؤول على راس الهنود يشرف عليهم ويضرب بيد من حديد بالمعامله هاذي سمعة محل وباب رزق مب لعب بالفلوس واخرتها مافي مقابل ...

تحياتي اخوك بطران
سعر طربت الماء بحدود 9000ريال وسعر الرفعه 15الف ريال وسعرالمكينه مالت الرافع بحدووود 70 الف ريال

Bin Hood

14-08-2007, 05:37 PM

سعر طربت الماء بحدود 9000ريال وسعر الرفعه 15الف ريال وسعرالمكينه مالت الرافع بحدووود 70 الف ريال

تسلم اخوي بس شنو :

طربت الماي >>> اعتقد تقصد مرشات الماي

الرفعة >>> مادري شنو تقصد وشالفرق بينها وبين اللي تحت

مكينة الرفع قلت لي 70 الف ريال , انا سمعت بس هب متاكد ان المكينه سعرها بين 15 و 20 الف ريال .

اتمنى الرد منك اخي الكريم "ولد الكويت"

ولد الكويت

14-08-2007, 05:45 PM

تسلم اخوي بس شنو :

طربت الماي >>> اعتقد تقصد مرشات الماي

الرفعة >>> مادري شنو تقصد وشالفرق بينها وبين اللي تحت

مكينة الرفع قلت لي 70 الف ريال , انا سمعت بس هب متاكد ان المكينه سعرها بين 15 و 20 الف ريال .

اتمنى الرد منك اخي الكريم "ولد الكويت"
حبيبي تعال الكويت وضبطك بكل المعدات

Bin Hood

14-08-2007, 07:13 PM

بايي الكويت بس اخوي انا ما فهمت الفرق بين الرفعة ومكينة الرفع ؟؟

واذا عندك خبر وين احصل معدات المغسلة اعتقد في السعودية او الامارات (بالظبط) ممكن احصل وباسعار طيبة

بطران

14-08-2007, 11:13 PM

الشيخ 500 الف اقصد فيها راس المال من كل شي وانت اكيد تبي الشي الزين مب مغسله والسلام اذا على جذي مستعد افتح مغسله بالبحرين حتى ماتكلفني 100 الف هههههههههههههه ... واكيد مبلغ احتياطي لانك راح تحط في بالك الخساره في البدايه

اهـم001

14-08-2007, 11:27 PM

والله مشروع المغعسله مشروع ناجح لاكن لاتفكر تبطل في الغرافه لانهم بيسكرون المغاسل هناك على ماسمعت يعني حاول ادور صوب شارع سلوى او العزيزيه

Bin Hood

15-08-2007, 12:07 AM

تسلم يا بطران مرة ثانية

واخوي لا للمخدرات انا راح افتح في البحرين

Bin Hood

16-08-2007, 01:37 AM

شباب اللي عنده اي معلومه نافعة يحطها

للرفع

auto body

16-08-2007, 08:37 AM

السلام عليكم اولا مشروع ناجح اذا انفتح في منطقة الجفير لان المنطقه فيها مستقبل سياحي قوي ويكون المشروع متخصص بالغسيل السريع جداا لان السياح ماعندهم وقت لغسيل السيارة الا في حاله وجود عوامل تساعد على الموقع مثلا وجود حلاق رجالي ومغسلة ملابس وشيشه او مطعم المحلات المذكورة راح تشيل نفسها مع بعض .

عـيـون قـطـر

16-08-2007, 08:41 AM

بالتوفيق

Bin Hood

16-08-2007, 05:04 PM

السلام عليكم اولا مشروع ناجح اذا انفتح في منطقة الجفير لان المنطقه فيها مستقبل سياحي قوي ويكون المشروع متخصص بالغسيل السريع جداا لان السياح ماعندهم وقت لغسيل السيارة الا في حاله وجود عوامل تساعد على الموقع مثلا وجود حلاق رجالي ومغسلة ملابس وشيشه او مطعم المحلات المذكورة راح تشيل نفسها مع بعض .

تسلم الشيخ ومنطقة الجفير والمعارض بتكون موقع ممتاز جدا حق هالمشروع , لكن المشكلة في المنطقتين ان مافيها اراضي صناعية والاراضي غالية والله يسهل .

Bin Hood

17-08-2007, 03:09 PM

للرفع