ابغي اشتغل في مدرسة مستقله حد عنده واسطه؟؟

[خشوف]

;) صباح الخيراااااااااات

ابغي اشتغل مليت من البيت ... يقولون المدارس المستقله يشغلون الثانويه

بس يبيغي لها واسطات .... واحلى مافيها المكان مب خلط وهذا الي يبغيه بو الشباب

ممنوعه من المكان الخلط :eek3:
التحصيل العلمي:
• الشهادة الثانوية(أدبي رياضيات وعلوم).

• متفرقات في المعرفة :
- الكمبيوتر :
- ميكروسوفت أوفيس ( الورد ، الأكسل ،الأكسس، البوير بوينت .. ).
- ويندوز XP ، ويندوز Vista ، الإنترنت .
- طباعة بسرعة جيدة جداً باللغة العربية والإنجليزية.
- دوره في تصميم المواقع .
- دورة في الفلاش وفي الفوتوشوب
اللغه الانجليزيه جيده


----------------------
Can you help?

[" روح قطر "]

حبيبتي روحي لاأقرب مدرسة مستقلة عند بيتج وقدمي اوراقج يالغالية
وصدقيني راح يستدعونج لان المدارس الحكومية سارت أكثريتها مستقلة
والمدارس المستقلة محتاجة لمدرسات واداريات روحي قدمي وواصطتج الله
موفقة يارب

[ذيبة الريان]

أختي الفاضله ,,

مدرسة الإيمان المستقله تطلب معلمات بكل التخصصات ,,

لكن ما أدري إذا للجامعيات أو ثانويه؟

إذا حبيتي عطيني خبر بعطيج رقمهم,,

[ولد الغانم]

هلا اختي

انا سمعت ان مدرسة مريخ المستقله طالبين موظفات

روحي وقدمي عندهم .. والله يوفقج .. يارب



تحياتي

[fandi]

كملي الجامعة احسن لك

[الهاوي28]

اختي قدمي على وزارة الداخليه

يبون موظفات وخاصة ثانوية

وبالنسبه للمكان مافيه خلط كلش البنات لهم مكان خاص فيهم القطو مايدشه

او عندج المحاكم الشرعية بعد اماكن خاصه فيهم

واذا تبين نصيحتي درسي ابرك لج واخذيلج شهاده تنفعج

انا كنت قبلج عندي ثانوية واشتغلت وشفت غيري وصل

وانا محلك سر مثل ما انا اما الحين لا درست وخذت شهادة تنفعني

وارتحت الحمدلله

تحياتي

الهاوي

[الحلال فقط]

واحلى مافيها المكان مب خلط وهذا الي يبغيه بو الشباب

ممنوعه من المكان الخلط :eek3:

أنا اشهد انه رجل

[خشوف]

حبيبتي روحي لاأقرب مدرسة مستقلة عند بيتج وقدمي اوراقج يالغالية
وصدقيني راح يستدعونج لان المدارس الحكومية سارت أكثريتها مستقلة
والمدارس المستقلة محتاجة لمدرسات واداريات روحي قدمي وواصطتج الله
موفقة يارب



وين اروح في اجازه الحين؟؟

[بطران متملل]

بالتوفييق للجمييع

[خشوف]

اجمعين

[" روح قطر "]

أنتظرى شوى لين تفتح المدارس
وصدقيني المدارس المستقلة محتاااااااااااااااااجة
وخصوصا القطريات بس أصبرى أن الله مع الصابرين
وعليج بالدعاء وربي يوفقج ياوخيتي

[خشوف]

تسلمون جميع

[المركزي]

ممكن مدرسه بلال بن رباح ياخذونج لانها مدرسه مستقله جديده وبالتوفيق انشالله

[خشوف]

ممكن مدرسه بلال بن رباح ياخذونج لانها مدرسه مستقله جديده وبالتوفيق انشالله

:no2::yes2::strong2::anger3:

[الدوحي7]

أنا اشهد انه رجل

انا اشهد انك انت رجال بعد طال عمرك،، وبتوفيق للجميع،،

[lule]

قدمي اوراقج وواسطتج رب العالمين .. توكلي عليه

[alwahesh]

انا انصحج اختي ومثل ما قالو الشباب واصلي الدراسه كلها سنتين ولا 3 سنوات وانتي جامعيه

اما الثانويه ما فيها خير الراتب ما يزيد عن 4000 ريال .

يعني البيت ارحم .

وربي يوفقج ويسر دربج ولا تنسين ان الارزاق من رب العالمين مب البشر

بالتوفيق

[الغلا81]

اختي انا اتكلم عن تجربه في المدارس المستقله والي انا اشوفه مافي أمان وظيفي تخيلي تفنشو 6 مدرسات من المدرسه وهم كفئ وقطريات والمجلس الأعلى ما سوى لهم شي يعني حقوقهم ضايعه وطبعا صاحب الترخيص أو صاحبة الترخيص بتوظف الي من أهلها وياكثرهم الي عندهم شهاده ثانويه بس الأقربون أولى بالمعروف.. وانشاءالله تلقين وظيفه في مكان أفضل

[محمد11]

السلام عليطك اختي ..

اختي ودي تشتغلين في وزارة الصحه ( الموارد البشريه ) الراتب من 6000 الى فووق
اذا لج خاطر طرشي لي رساله ..

الله يوفقج ان شاء الله

[كبير المتداولين]

بتموتين ولا راح يقبلونج بالمدارس المستقله

والسبب لانج ثانويه

غيرج حاولو وماقدروا

وياما واسطات بس بدون فايده

[خشوف]

مشكورين جميع عالنصايح