ابي نصيحتكم جزاكم الله خير

[زمان الصمت]

اخوي الصغير عمره 17 سنة ورايح لندن هاليومين قدامه خاله ينتظره بيسكن معاه

ومع عيال خاله قصيت له تذكره

وباقي البوكيت موني المصروف محتار كم اعطيه

سكن مدفوع وتذكره مدفوعه وماباقي الا المصروف محتار فيه

لو ما اعتبركم اخوان واعتبر انفسنا اسرة واحده في هذا المنتدى ماسألت هالسؤال

المدة 15 يوم

وشكرا

[إنتعاش]

هلا فيك اخوي

اول شي يروح و يرجع لكم بالسلامه ان شاءالله


بالنسبة لعمره 17 فأكيد يحب يشتري كم شغله يبيها لو كان راعي تشري

وعلى حسب هل عيال خاله اللي بيكون معاهم شنو الجو مالهم ؟

هل اهل مثلا اجهزة كمبيوترات او يعني ألعاب جيمز او شي من هالقبيل اكيد ما نبي نخلي اخوك
شكله جذيه معاهم من غير ما يشتري او يعني يستانس

15 يوم اعتقد نقول لو نفترض مبلغ 1000 باوند او اقل يعتبر جيد جدا

7000 ريال خل نقول

حولها او حواليها يعني

5000 بعد زين لشخص مثل عمره ما راح يدفع سكن ولا طيران ولا اكل ولا مواصلات

لأنه مكفول بخاله هناك

ويروح ويرجع بالسلامه اخوي

[زمان الصمت]

جزاك الله خير اخوي انتعاش

اظن في حدود ال 1000 باوند زين ولو احتاج بحط له في كرت البنك

هذا الي ناوي اسويه

[سهم المراقيب]

مرحبا زمان الصمت ,, علاوة على ما ذكره إنتعاش ,,
أخوي عمره 16 راح مع المدرسه وبيقعدون هناك30 يوم ,,

عطيته مصروف يد 20 جنيه كل يوم ,, يعني 600 جنيه ,,
(الصرف كان 7,40 ريال لكل باوند)

أهم حاجه ما يخربط ,, يعني يتشرى ويتبضع ,,
مثل منت عارف أسعار اللبس والسوالف هناك نار ,,

أشوف 1000 باوندز حلوين ,, وان شاء الله يرجع لكم سالم غانم ,,

[خالدالخالد]

لا حط في يده 1500 باوند لندن غاليه وخله يستانس ويذكرك بالخير والله بيرزقق ويرجع لكم بسلامه يارب

[اهـم001]

والله انا بعد اقول 600 باوند حليوه معني مارحت لندن بس

من كلام اخوي لانه دوره هناك سنتين

والله يرجعهم لكم بالسلامه ..

[عندليب قطر]

اخوى مدام خالة هنااااك كلم خالة

والمصروف الي يصرفة ع اعيالة يوميا يصرف مثلة للاخوك

وبعدها تتفاهم مع خالك

لانها عيب في حق خالك تعطي ابنك اكثر او اقل من ابنا ء خالك

علما انة في سيكون في مثابة والدة في السفر

ويروح ويجي بسلامة

[كويتي فهمان]

اعتقد والله واعلم


كافي 1000


وللعلم ترا زين هالمبلغ

وقبل يرجع للدوحه طرشلي 2000 حق الهدايا

يعني بحبحها شوي خله يستانس