هل سوق المنتدى هو سوق فعلا ؟؟

[Bin Hood]

السلام عليكم ورحمة الله وبركاته

سوق المنتدى من اكثر الاقسام جذبا للاعضاء وليس فقط الاعضاء حتى زوار المنتدى نرى تواجدهم بشكل كبير في هذا القسم , لكن السؤال اللذي يفرض نفسه هل هناك بيع وشراء فعلي ام ان الامر يقتصر على العروض الجادة والطلبات الغير جادة , اعتقد ان عروض وطلبات منتدى السيارات هي الاقل جدية وخاصتا الطلبات كثير منها غير جدية وكثير من اللي يسومون السيارة يكونون غير جادين بالسومه بس من باب انه راح يحصل له سيارة بسعر لقطة .

بالنسبة لي شريت مره واحده من احد الاخوات وكانت معاملتها من احسن ما يكون , ومره عرضت رقم للبيع وكان في ناس سامته بس للاسف دش شخص الله يسامحه وقال ان الرقم مايسوى وشرد اللي كانوا يبون يشترون , بس للحين الصراحة باط جبدي , بس احسن اني ما بعت الرقم .

بس الادارة ماشاء الله عليها شادين حليهم على الاشخاص اللي داشين يخربون على الناس

[بنت الدوحه]

Bin Hood

وعليكم السلام ورحمة الله وبركاته

نعم فيه بيع وشراء فعلي ومثل ما وجد بعض الاشخاص المخربين
واللي هدفهم التسليه فقط وجد بالمقابل ناس صادقه ومن أروع الزباين
وما دام جا ذكر هالموضوع

انا احب أشكر زبايني اللي عطوني ثقتهم وهم ما يعرفوني ولا انا اعرفهم
بس الحمدلله الدنيا بخير والناس اللي تخرب هذولا كلنا لازم نعذرهم
لانهم اما صغار بالسن ويتسلون بالمنتدى او الحقد مالي قلوبهم

لكن لا تشيل هم اخونا قطر ما يقصر فيهم

يعطيك العافيه اخوي


والحمدلله ان الارزاق بيد رب العالمين مو بيد البشر

[ستايل2006]

الحمد لله في بيع وشراء
والحمد لله اني تعاملت وعرفت ناس ذهب وناس اصبحوا مثل الاخوات
اشكر كل اللي تعاملوا معاي واتمنى اني ما قصرت معاهم
الله يوفق الجميع

[ذوق]

صح لسانك...جبتها على العوق... :eek2:

:p

[" روح قطر "]

من حكم تجربتي
نعم فية سوق
وفية ناس جدين
وفية ناس معاملتهم أحسن مايكون
وفية ناس تخاف ربها وجادة في الشراء
وفية ناس تخاف ربها وتبيع لجل تترزق باحلال
بس فية ناس الله يهديها ينقصها العقل والدين علشان تعرف تتعامل مع الغير
والله يهديهم ,,,,,,,,,,,,,,,,,,,,, ويوفق للي يسعي بالخير وعمل الخير

[Bin Hood]

اشكر الجميع على المرور

واذا احد عنده تجربه يقولها

[AL_MUTAEM]

يعطيك العافيه اخوووي Bin Hood فكل مكان تحصل الصالح والطالح ..

واتوقع ان جميع المنتسبين للموقع يعرفون الجدي من اللي يدش بس لزياده عدد مساهماته لا اكثر ..

بس ممكن الواحد اذا عرض اي نوع من انواع السلع واتاه رد من احد الاعضاء ووضع سعر غير مناسب يجب ان لا يغضب لان لكل شخص حرية المساومه ..

بس بصراحه اللي يزعل .. انه لو وافق صاحب السلعه ببيعها بسعر متواضع ولم يرد عليه الشراي هذا هو اللي يزعل لانه يتضح انه بس يبي ينزل من السعر لغرض في نفس يعقوب

[فيوليت]

شكرا Bin Hood على طرح الموضوع المهم

وبمااني عضوه جديده بس انا متابعه من العام للمنتدى

وخصوصا سوق المنتدى

والصراحه عجبني واحب ادخله لانه فيه اشياء تستاهل العرض

وفيه نشاط بس ماصار لي شراء اوبيع

<<< شكلها بتشارك بالسوق :)

[Bin Hood]

اشكر الجميع على المرور

[راعي النيسان]

اخوي المشكلة في البزران ومنهم وايد فاضين عمل ويدشون ويسومون ويخربون البيعة والشروة على الناس ،، ويوم يتورط يلغي اشتراكه بالمنتدى خير شر وما تشوفه يدش إلا بعد شهور باللفيت الناس نست من اهو ؟؟

بس لو كانت هناك قرارت تاديبية وصارمة مثل الباند على النيك نيم والايقاف المؤقت والمراقبين والمشرفين يراقبون الامور عدل ويتأكدون من سوالف العروض والشراء والبيع كان الامور صارت بصالح الكل ،،

مثلا
1 - محد يدخل الموضوع ويعلق إلا بهدف الشراء أو بالسومة الطيبة والعدلة ،، وبلا التعليقات الفاضية اللي مالها داعي ..
2- يتولى صاحب الموضوع مسؤولية مصداقيته في عرض منتجاته اللي يبي يعرضها للبيع .
3 - يشترط على صاحب الموضوع اللي يبي يبيع منتجاته انه يرفق معها صور لبضاعته .
4- اذا كان هناك مزاد وصاحب الحلال لازم يقرر السعر اللي يبي يوصل له علشان الناس تسوم عدل وتحط سعر قريب من سعره . ( مب يقول والله ابي اعرض هالرقم بمزاد اذا جاب لي السومة اللي بخاطري راح ابيعه ، وين الجدية بالموضوع اذا صاحب الموضوع خارطها خرط من البداية ؟؟ياترى الناس يدرون بعلم الغيب علشان يتنباون بسومتك :funny: :funny: )
5- يجب سرد كل تفصيل بالبضاعة سواء من عيوب او مميزات واذا فيها شي مو واضح يوضح هذا الشي من البداية ،، (وقت الناس مو للتسلية ) .
6- يجب وضع تاريخ وايام محددة للانتهاء من العرض ، وبعدها يغلق الموضوع خير شر ومو يتم شهر ، وكل اسبوع داش واحد انباع الموتر انباع الرقم تراني جاد بالشراء ...؟؟ ( عاد محد يدري اهو جاد بالشراء او اهو صاحب الموضوع وداش باسم ثاني ؟؟؟ :D وبس يبي يرفع الموضوع بس يخاف انه يفتشل ويقولون عنه بضاعته طايحة في جبده ،، او واحد فاضي يبي يزيد عدد مشاركته ،,, :funny: )
7 - اذا صاحب الموضوع باع المنتج الخاص به يجب ان يخطر الادراة لغلق الموضوع .

هذه بعض الامور التنظيمية اللي ممكن تفيد قسم البيع والشراء ,,,

(((ما يبوني مشرف ))) :app: :app: :app: :app: :app:

[ماي الذهب]

كلامك صح و 100% ياراعي النيسان

[راعي النيسان]

كلامك صح و 100% ياراعي النيسان


تسلم اخوي واشكر لك تأيدك لكلامي .. واتمنى هالكلام يوصل للسادة المشرفين على المنتدى ..

[Bin Hood]

اخوي المشكلة في البزران ومنهم وايد فاضين عمل ويدشون ويسومون ويخربون البيعة والشروة على الناس ،، ويوم يتورط يلغي اشتراكه بالمنتدى خير شر وما تشوفه يدش إلا بعد شهور باللفيت الناس نست من اهو ؟؟

بس لو كانت هناك قرارت تاديبية وصارمة مثل الباند على النيك نيم والايقاف المؤقت والمراقبين والمشرفين يراقبون الامور عدل ويتأكدون من سوالف العروض والشراء والبيع كان الامور صارت بصالح الكل ،،

مثلا
1 - محد يدخل الموضوع ويعلق إلا بهدف الشراء أو بالسومة الطيبة والعدلة ،، وبلا التعليقات الفاضية اللي مالها داعي ..
2- يتولى صاحب الموضوع مسؤولية مصداقيته في عرض منتجاته اللي يبي يعرضها للبيع .
3 - يشترط على صاحب الموضوع اللي يبي يبيع منتجاته انه يرفق معها صور لبضاعته .
4- اذا كان هناك مزاد وصاحب الحلال لازم يقرر السعر اللي يبي يوصل له علشان الناس تسوم عدل وتحط سعر قريب من سعره . ( مب يقول والله ابي اعرض هالرقم بمزاد اذا جاب لي السومة اللي بخاطري راح ابيعه ، وين الجدية بالموضوع اذا صاحب الموضوع خارطها خرط من البداية ؟؟ياترى الناس يدرون بعلم الغيب علشان يتنباون بسومتك :funny: :funny: )
5- يجب سرد كل تفصيل بالبضاعة سواء من عيوب او مميزات واذا فيها شي مو واضح يوضح هذا الشي من البداية ،، (وقت الناس مو للتسلية ) .
6- يجب وضع تاريخ وايام محددة للانتهاء من العرض ، وبعدها يغلق الموضوع خير شر ومو يتم شهر ، وكل اسبوع داش واحد انباع الموتر انباع الرقم تراني جاد بالشراء ...؟؟ ( عاد محد يدري اهو جاد بالشراء او اهو صاحب الموضوع وداش باسم ثاني ؟؟؟ :D وبس يبي يرفع الموضوع بس يخاف انه يفتشل ويقولون عنه بضاعته طايحة في جبده ،، او واحد فاضي يبي يزيد عدد مشاركته ،,, :funny: )
7 - اذا صاحب الموضوع باع المنتج الخاص به يجب ان يخطر الادراة لغلق الموضوع .

هذه بعض الامور التنظيمية اللي ممكن تفيد قسم البيع والشراء ,,,

(((ما يبوني مشرف ))) :app: :app: :app: :app: :app:

تسلم ياراعي النيسان على الاقتراحات والتعليق الحلو

وترى المشرفين قاعدين يبذلون جهد جهيد من ناحية الجدية

وكثير من اللي داشين يلعبون ويخربون حصلولهم Bannad من الزين

وادارة المنتدى مشكوره قامت بانشاء هذا القسم وجعله مجاني والله يجازيهم خير

شكرا على المرور

[L0only]

مرحبااا


حابه اقول راايي في هالموضووع


الصرااحه في ناس تيي بضاايع وتبيع بذمه وظمير


بس في ناس ..............

مثلا انا تعرضت للغش من النت مرتين


شريت من وحده ميك اب قالت لي الحبه ب 100


ولقيته في منتدى ثاني ب 40


وشفته في باانكوك ب 15 رياال


مثله بالضضضبط


يعني ياليت اللي يبعون مايرفعون السعر لهالدرجه

انا عارفه السوق وبضاايعه ورغم ترددي على الصين في السنه مرتين لاعمال خاصه


وبعد تعرضت للغش

عيل شلون النااس اللي ماتدري


والله حراام هالغش بيعو بس خذو لكم نسبه معقووله


=)





تحياتي واسمحو لي ع المدااخله

[Bin Hood]

مشكور يا لونلي على التجربة

واذا يات على الخسارة من هالنوع فتهون

جزاك الله خير على المرور

[مستثمره]

السلام عليكم اخواني واخواتي في هالمنتدى الجميل رغم انني من الامارات بس للامانه حسيت ان المنتدى قريب مني جدا,,,,, نشكر القائمين عليه كما انني اشكر كل من تعامل معي باحترام وجديه,,,وهم عدد لاباس به في هذا المنتدى,,,,صحيح هناك بعض الافراد ماعندهم جديه ولكن الغالبيه ماشاء الله ذوق وادب فعلا حسيت انهم اخوان واخوات تعرفت عليهم واصبحت التعامل المخلص بيننا قبل اي بيع او شراء تحياتي لهم جميعا وهم يعرفون انفسهم ,,,,:) :)

[alwahesh]

انا صار معاي موقف يمكن يكون غريب لان نسقت مع احد الاعضاء اني اشتري منه اغراض سواء قلم تقليد او طقم ازره وخلافه .. وكل مره بواعدني بمكان ويخلف وعده وللأسف كنت انتظره لاكثر من ساعه ..

المهم مب بس الشراي الي متهم وحتى البايع نوجه له اصبع الاتهام وعدم الجديه

[L0only]

مشكور يا لونلي على التجربة

واذا يات على الخسارة من هالنوع فتهون

جزاك الله خير على المرور




اكيد تهون هذي ماتعتبر خسااره


بس في غيري يخسر اكثر ^^


تحياتي

[شمسة]

هلا اخوية مشكور على طرح الموضوع فعلا انا اتعاملت ووايد اعضاء المنتدي والنعم فيهم

[الزخنوني]

انا الحمدالله تعاملت مع ناس .. ما شفت منهم الا كل خير

[مشتاقة لقطر]

مع اني جديدة بامنتدى

بس ماشالله

خللا هالشهرنص صارت لي بيعات وااااااايدة ولله الحمد بهالمنتدى اكثر من بعض المنتديات الثانية


وبصراحة التعامل مع شباب وبنات منتدانا جدي بشكل كبيرررررررر

اكثر من التعامل مع حريم المنتديات الثانية

الله يوفق الجميع يارب وشكرا على طرح الموضوع