ارجو الدخول jeep استشاره + رنج سبورت

[مستثمر-قطر]

ياااخوان استشاره مستعجله ابغي اخذ جيب srt موديل 2006 ماشي 16 الف وابغي نصيحتكم فيه ومع العلم الموتر حلو وخفيف وقوى فنفس الوقت

وانعرض على ب 170000 ماادرى هو غالى ولا رخيص لن انا اشوفه مايسوى فوق ال165 بالكثير

وفي نفس الوقت ودى برنج سبورت 2006 ابيض ولا اسود ولا الفوشي - الى مايل عالزهرى
:dance
وياريت الى عنده رنج ماشي شوى يعرضه ووكم حده نهائي فيه

لن الافكار متشتته بين الجيب والرنج سبورت :strong

وارجو مشورتكم وماخاب من ساْل 0

اخوكم المستثمر0

[شمسة]

بالتووووووووووووووووووووووفيق

[بوسالم90]

بالتوفيق اخوي
ونا اشوف الرنج السبورت افضل

[ame32480]

الرنج افصل حلوه وسواقتها حلوه ..

وبعدين الجيب اسمها عادي ..

لكن الرنج اسمه راكب رنج ..

والراي لك ..

[al_1000]

والله الشيخ تبي من رايي انا كان عندي الجيب الصراحة ماعليه كلام اوقف بس في اشارة كل الي حواليك يخافون ,, والله الموتر وحش وبعته 177 كان ماشي 12,000 وياليتني مابعته موتر صج تشتاقله بس انا اشوف اخوي السعر الي عندك وايد حلو بس اذا كان ضمان المانع فيه واهو سعره في الوكاله 200,000 بس ماعندهم صح .. (( انتظروني srt10 ram جاي في الطريق من كاليفورنيا )) والله اسعارهم بلاش

الله يوفقك اخوي ترى سعره زين اذا بتاخذه لك مو للبيع

[الـخـور]

الجيب حلو وعملي وحتى لو جيت كقطع غيار ارخص من الرنج
بس عيبهم الوكاله
عادي موترك يتنقع سبوع بس عشان تبدل ايل
بعدين احسه وعر شوي اكثر من الرنج

الرنج الاسبورت حلو والوكالة ماعليها كلام.. بس الصيانه غاليه

[بطران]

الرنج ضيق... واركبي تطق بالسكان هههههههههههه اشوف الجيب احسن ... لان خرابات الرنج غبيه بالمره ... اقل مطبه تدشها عرض وانت ماتدري عنها يضرب عليك الهايدروليك .. ويتم الموتر هابط على طوول ههههههههههههه وبعدين وين فيه شدة رمل هاذي امحق الا اذا بيزاتك زايده طول ما انت تطعس شوف وراك بالمنظره بتحصل اثر التواير والبدي من تحت ههههههههههه ههههههههههه

برايي الجيب احسن وقطع رخيصه وموتر توه جديد بتشكيلته ومال كرف ورمل وشارع وسبورت ناقصه السوبر جارج ويصيررنج وسعره معقول .. بلا 240 الف مادري اشقد وامضيق على عمرك وربك موسعها بالموتر الامريكي ههههههههههه

[مستثمر-قطر]

والله الشيخ تبي من رايي انا كان عندي الجيب الصراحة ماعليه كلام اوقف بس في اشارة كل الي حواليك يخافون ,, والله الموتر وحش وبعته 177 كان ماشي 12,000 وياليتني مابعته موتر صج تشتاقله بس انا اشوف اخوي السعر الي عندك وايد حلو بس اذا كان ضمان المانع فيه واهو سعره في الوكاله 200,000 بس ماعندهم صح .. (( انتظروني srt10 ram جاي في الطريق من كاليفورنيا )) والله اسعارهم بلاش

الله يوفقك اخوي ترى سعره زين اذا بتاخذه لك مو للبيع


يالغالى انا سالت كذا واحد وقالولى حده حده 160 وتحت وانا بصراحه متردد وغيرت رايي نوعا ما 0

بس اخوى ايش srt10 ومتا بينزل الله لايهينك وعندك له صور

[فتى الجود]

وفي نفس الوقت ودى برنج سبورت 2006 ابيض ولا اسود ولا الفوشي - الى مايل عالزهرى


يبا روح معرض ليوا وأنشاءالله بتحصل المطلوب

[مستثمر-قطر]

وفي نفس الوقت ودى برنج سبورت 2006 ابيض ولا اسود ولا الفوشي - الى مايل عالزهرى


يبا روح معرض ليوا وأنشاءالله بتحصل المطلوب


الله يرحم والديك احمد نجم احسن منه ذى رجال مافي قلبه ذمه بايع رنج كحلى مصبوغ كامل علا رجال واثق فيه واخررشي طلع مدعوم ومصبوغ كامل

(( معرض ليوا - العين )) ماحد ياخذ منهم ومنبوذين فسمعتهم وثالثهم -- احمد نجم الخليفى-- ماجتمعا 2 الا و3 الشيطان :funny:

[_QTR_]

والله يا اخوي عليك بالجيب

وربي وحش

في الامارات مجربين احنا على Cl63 وجربنا مع الجيب والله انه لين 160 هو قدامنا

وعند واحد من الربع من اهل الامارات الجيب ومركب عليه سوبر شارج في الوكاله عندهم ... والله يا اخووووووووي انه مب صاحي ... عزم غير طبيعي والله ومركب عليه فوقلرات غاز ويتحرش بالكورفت Z06 والله انه مجرم

بس اذا تبي الصدق ... ترى وارد امريكا احسن واقوى .. توايره اللي ورى اكبر ويكون عليه سسبنشن سيستم ... وعليه شوية حركات هذا اللي سمعته