افضل مكيف سبيلت ؟؟؟

[haya99]

شنو افضل مكيف سبيلت
يكون خرابة قليل واهم شي ماينزل ماي في الغرفة

وسعرة يكون زين


وشكرا

[الهاوي28]

تبي الزين

عندك 2 بس الي هم

ترين وتلقاة عند الدرويش ثلاجه مب مكيف

والثاني متسوبيشي ماعلية كلام وبارد وانسى الخرابات

بس الاثنين غالييين شوي

تحياتي

[عندليب قطر]

ارخيص
واقتصادى
بانا سونيك...او سامسونك
يصلحون لمكتب او مطبخ او غرف خدم
اما صالة البيت
انصحك بالجنرال او ميتسوبيشي
اما غرف نوم
حاول تاخذ متحركة
وافضلهم الامريكية
بالتوفيق

[ملاحظه]

اخوي انصحك بالمستوبيشي
او Lg

ال Lg تكيييييييييف باااارد وانسى خرابات

وسعره مناسب مب غالي ولا رخيص وسط

والله يوفقك

[haya99]

تبي الزين

عندك 2 بس الي هم

ترين وتلقاة عند الدرويش ثلاجه مب مكيف

والثاني متسوبيشي ماعلية كلام وبارد وانسى الخرابات

بس الاثنين غالييين شوي

تحياتي

اخوي ممكن اعرف سعرهم

[haya99]

ارخيص
واقتصادى
بانا سونيك...او سامسونك
يصلحون لمكتب او مطبخ او غرف خدم
اما صالة البيت
انصحك بالجنرال او ميتسوبيشي
اما غرف نوم
حاول تاخذ متحركة
وافضلهم الامريكية
بالتوفيق

شلون متحركة يعني اخوي

[haya99]

اخوي انصحك بالمستوبيشي
او Lg

ال Lg تكيييييييييف باااارد وانسى خرابات

وسعره مناسب مب غالي ولا رخيص وسط

والله يوفقك

اخوي ال Lg يقولون خرابة وايد وينزل ماي

[عتيج الصوف]

الجنرال والميتسوبيشي الافضل من وجهة نظري المتواضعة,,,,واذا ارخص شوية هناك فوجي يقال عنه انه جيد ولكن ليس من تجربة شخصية,,,ويمكن البعض يختلف معي ماشاء الله ماركة الدايكن صار له عندنا 7 سنوات ,,,اليوم بس طرشت لهم حق يجون ياخذونه للسيرفيس,,بس ماعندي فكرة عن الجديد,,,,والله يوفقك في اختيارك

[ahmed jasim]

جربت نسمة من الريس (أمريكى تجميع عمان) 13 سنة شغال والسيرفس يمكن مرة كل 5 سنوات وللحين شغال
وجربت جنرال الأصلي من 5 سنوات لازم أعمله صيانة 2-3 فى السنة والكمبروسر أخترب مرتين وبدلته كمبروسر جديد على حسابي لأن الوكيل يلف ويدور مايبقى يتحمل المسؤولية

نصيحة أبعد عن جنرال

[عندليب قطر]

شلون متحركة يعني اخوي





موجود عند الدرويش والجنرال

[Qa6ar]

جنرال او ميستوبيشي ولاتخلون سامسونج ماعليه كلام

[ستايل2006]

نصيحة مكيف جنرال وبس لان يعيش عندي مكيف جنرال من 15 سنة ما شا الله
يمكن مرو وحدة غيرت كبريسر

نصيحة جنرال وبس والباقي ؟؟؟؟؟؟؟؟؟؟؟

[الوهم]

هيتاشي او ميستوبيشي وبتدعينلي

[aljaber1]

المستوبيشي هو الافضل
لكن الافضل منه سعرياً هيتاشي

[مساهم أسترالي]

تبون الصج انا جربت ثلاث انوع مره وحده وبنفس الوقت في بيت الوالد

جنرال و الجي وباناسونك وتبون الصراحه كلهم زين ومب زين

حاس انهم كلهم نفس الصنعه

المهم بعد استعمال سنتين

من غير صيانه ولا حتى تنظيف ولا تغير فلتر

1-الجنرال قل مستوى الغاز "انا مقصر فيه بس حكيته صح في غرف النوم"

2-الجي حلو وفيه مزايا كثيره. " لو ما عندك مشاكل بسعره خذه"

3-بانسونك حاط اثنيين في المجلس بارد وشغل عدل "سعره معقول ولو تصيده بتنزيلات مالك حل"


تقديري الاخير كالاتي:

90% بانسونك" ارخصهم"
88% الجي " يعني سعر اشوي غالي"
85% جنرال" اغلاهم"

[L0only]

اخوي اي ماركه بتاخذها باذن الله بتكون زينه

طبعا النوعيات الاحسن احنا البيت كله جنراال وما شاء الله ممتاااز

وبالنسبه للتبريد على حسب طن ولا طن ونص ولا طنين ولا ثلااث

انا في غرفتي طنين جنراال وممتاااااز و عندي دايما شتى ^^


تحياتي

[Nasser Mohd]

اخوي عليك بالجنرال بس مب اقل من طنين والميتسوبيشي بعد جيد بس أغلا من الجنرال

[ALRAYYAN]

اخوي بالدرجه الاولى طبعا مكيفات متسوبيشي .. لأنه للحين ياباني اصلي وتجميع وتركيب اليابان
وكمبريسره بستن مب روتري مثل باقي المكيفات

معروف ان البستن احسن من الروتري لكن الروترى بعد زين

بس سعر المتسوبيشي غالي وايد لأني كنت ادور صار لي شهر وماخليت ماركه ماعرفت اسعارها

المتسوبيشي سعره الطنين 5500 ريال والطنين ونص 7500 ... وايد غالي طبعا

عندك بعد ماركه كارير وهو اقدم مكيفات سبلت في العالم ... بارد وماله حل وسعره مناسب

بس مادريت عنه الا يوم شريت المكيفات وخلصت

عموما انا شريت سامسونج لأن سعره مناسب وانصحوني به وايد وغير اني مجرب سامسونج الوندو ... رهيب في التبريد

نصيحه ابعد ابعد ابعد عن شي اسمه Lg مكيف مصخره في كل شي ... مايكمل السنه الا خربان تقول مبرمج

باختصار

رقم واحد متسوبيشي
رقم اثنين كاريير
رقم ثلاثه سامسونج و بانسونك وفوجي ... كلهم نفس المستوى
رقم اربعه جنرال كول ... لأنه ماعاد جنرال الاولي الياباني

دايما اسأل قبل لاتشتري ... المكيف كمبريسره بستن ولا روتري ... وحاول تاخذ بستن مع انه نادر تلقاه

وبالتوفيق

[al_1000]

انا من رايي وعلى استخدامي الي في البيت ميستبيشي ... يخلي غرفتك القطب الجنوبي

ولاخرابات ولا شي 24 ساعة شغال

[شرشووووورة]

دايكن احسن شي

[ارجون]

تي رايي خذلك جنرال صج سعرة اغلى من غيرة بس ضامن البراد وعلية ضمان ولا ينزل ماي

[ja077]

افصل مكيف جنرال

[simsim1963]

انا جربت نسمه بصراحه مكيف تعيس ومن أخذته وهو خربان ودايما حار والوكيل نايم على وذنه والحين كنسلوا ما ييبونه لأنه فاشل والحين أشتريت جنرال وللحين ماركبته

[سهم عنابي]

دوم الصناعه اليابانيه افضل من التجميع بس وين اتحصل الزين

[haya99]

حيرتوني ؟؟؟

[haya99]

شرايكم في مكيف ترين
عند الدرويش اعتقد

[الخيميائي]

ماشاء الله

صج لولا اختلاف الاذواق لبارت السلع :)

[الوهم]

اخوي مركب ترين في بيته وكيله الدرويش

الصراحه مكيف تعبان