ممكن مساعده منكم ياشباب

[سبع قطر]

السلام عليكم


ياشباب انا عندي موتر vx-r موديل 99 والموتر مدعوم وفيه ضربه في الشاصي وابي ابدل الشاصي وتعبت وانا ادور في الصناعيه ولا حصلت وياليت الي يخبر لي شاصي للموتر vx-r موديل 98 او 99 وقير اوتماتيك ياليت يخبرني او اذا احد يعرف كراج تشليح ممكن احصل عنده

وابغي قطع ثانيه للمكينه ومن هالشغلات وياليت تفيدوني ياشباب واكون شاكر لكم ...


والسموحه :)

[مستثمر 999]

اخوي الكريم

نصيحتي لك بحكم خبرتي مع السيارات وبلاويها ...المهم اذا بتستعمل السياره انسى الشاصي بس تقدر تمر كراج الكريستال او المستقبل او حتى الوكاله وتشيك على ابعاد الشاصي واعتقد الفحص يكلف 300 ريال والتصليح بحدود 3000 ريال .

وان كنت ( شريطي ) وتبي اترزق بيع السياره على حالتها وبدون ما تخسر فيها لان هالسيارات مرغوبه شرط تكون بسعر مناسب .

اما انك تغير الشاصي يعني انك تصرف عليها من 10000 الى 15000 ريال ولا تنسى انها بتنكشف في الفحص .... وتعبك وخسايرك على الفاضي

معلومه :
تغيير الشاصي مثل اعادة تجميع السياره يعني تنزيل مكينه وقير ودفرنشات واي شي تحت السياره .

الشاصي الله يسلمك تلقاه في السعوديه او الامارات على 5000 ريال والشحن يكلفك من 1000 - 2000 ريال ولا تنسى تفحص الشاصي على الكمبيوتر قبل الشراء لاني شريت مره شاصي من عمان وبعد التركيب اكتشفت ان الياره تميل على اليمين والشاصي في ضربه ..المهم وتركيب الشاصي بعد يكلف 5000 واكثر ..

وفوق هذا كله وراك تصليح المكينه وقطع غيار لها بعد كم الف يعني ما تسوى العنوه

اللهم هل بلغت ....اللهم فاشهد

[اهـم001]

اخوي سبع قطر الله يعطيك العافيه انا اقول مدام لسياره موب جديده

بيعها على دعمتها احسن لانك بتحط عليها نفس ماقالك اخوي مستثمر مقرود

في حدود ال 17000 او اكثر وانت ماراح تكون مرتاح من السياره حتى بعد

تصليحها يعني كنك يابو زيد ماغزيت انا كانت عندي بيكم حق البيت ودعم فيها

واحد من اخواني لصغار دعمه نص ونص تأثرت السياره وديتها الكراج قالي

بتكلفك حدود ال 8000 وفيها شاصي قلت يبه تعرف حد من ربعك مال الكراجات ياخذها

بدعمتها !! وبعتها بدعمتها مع العلم انا موديلها 2005

يعني نصيحتي لك تبيع الموتر بدعمته لان السياره عقب الشاصي تنكره

تقبل مروري يالغالي ,,,

[auto body]

الله يعينك ياسبع قطر

[سبع قطر]

ربي يعطيكم الف عافيه اخواني على المرور وعلى النصيحه الطيبه منكم

والله يسلمكم الموتر عليه اقصاد ووايد عليه الموتر فيعني ماقدر ابيعه ولو بابيعه انا راح اكمل باقي الاقصاد يعني ماسويت شي اصلح الموتر احسنلي والموتر صراحه ماودي ابيعه وخصوصا انه تصليحه بيكلفني 25 الف تقريبا

وحصلت شاصي لكزس موديل 99 والشركه قالولي نفس الشاصي وبركبه ان شاءالله بعد مافحصه على الكمبيوتر

ويعطيكم الف عافيه اخواني ماقصرتو على المرور :)

[3slqtr]

الله يعينك يارب

[الدبلومااسي]

الله يعينك ويقويك