يا ترى مين فيهم المسكين؟؟؟؟؟؟؟

[حكيم زمانه]

قبل قرأة القصة .. لنعلم جميعا أنها قصة خيالية للضحك فقط... وأعلم أن
فتيات المسلمين أفضل من ذلك وأدعوا الله سبحانه وتعالى أن يرزقنا زوجات
صالحات ويرزق أخواتنا المسلمات أزواج صالحين
مع تمنياتي لجميع المتزوجين بالسعادة والحب
( القصة باللهجة المصرية )




نتكلم أولاً عن نبذة قصيرة عن حياتهما في ظل التقدم التكنولوجي: هو يعمل
عمل شاق ومتعب جدا ويحب زوجته بالرغم من المعاملة التي يراها منها ،
معاملة ليست بالجيدة .. كلامها حاد .. عصبية .. إلخ ، مش كده وبس ..
لا .. ده كمان نشف من كتر أكل بره .. والنواشف .. بس يعمل ايه بقى
بيحبها،
وكمان ايه بقى .. بصوا هحكيلكوا عن شقتهم .. الشقة أوضتين وصالة ومطبخ
وحمام .. شقة عرايس لسه مبتدئين .. المشكلة إني طول عمري بسمع إن أوضة
للزوج والزوجة والأوضة التانية للأولاد لما ربنا يرزقهم بأولاد ... لكن
هناك العجب .. وعلى رأي الشاعر : عجبُ عجاب ولو ترى عيناك

تخيلوا بقى هيه في أوضة وهوه في أوضة وكل واحد ليه كمبيوتر ووصلة دي إس
إل وتلاجة صغيرة في كل أوضة وتليفون خاص بكل واحد ... يعني كل واحد ليه
رقم تليفون مش تليفون واحد ووصلتين ..

طبعاً مستغربين ... لكن ده يدوب بداية الكلام .. لسه فيه كتيير من الغرائب والعجائب ...


هحكيلكوا على يوم من أيام الزوجين .. حتى هوه مش يوم .. ده يدوب ساعتين بالليل ...


هوه كان راجع من الشغل متأخر وتعبان مووت ... لكن مش بيقدر غير إنه
يشوف حبيبته ويقعد معاها شوية مهما كان تعبان ..



المهم بقى ندخل في الموضوع :

الزوج : دخل أوضتها بالراحة .. لقاها نايمة .. محبش يزعجها .. ميل
عليها بشويش وباس على دماغها .. هيه صحيت من النوم .. اخبارك ايه يا
روحي ؟
الزوجة : روحك ايه بس .. صحيتني من النوم .. حرام عليك عندي شغل الصبح
بدري ..
الزوج : معلش يا حياتي .. مقصدش ... بس انتي عارفة إني مقدرش أنام غير
لما أشوفك ..
الزوجة : طيب خلاص سيبني أنام بقى ..
الزوج : حاضر يا روحي .. طيب ممكن تدخلي شوية يا حبيبتي علشان أنام
جنبك ..
الزوجة : انتا عارف إني مش بحب حد ينام جنبي ومش بحب أي نفس في
أوضتي .. واحنا متفقين على كده من قبل الجواز ..
الزوج : صح يا روحي انا عارف إننا متفقين .. لكن يا حبيبتي لما ننام
جنب بعض حتى لو كل واحد ضهره للتاني ..برده ده بيزود الأُلفة والمحبة
والمودة ما بينا ..
الزوجة : اسمع بقى .. لو سمحت سيبني أنام وروح أوضتك علشان عندي شغل
بدري الساعة 9 ... بلى مودة .. بلى أُلفة .. ايه الكلام بتاعك ده ..
الزوج : يا حبيبتي انا بصحى قبلك وبرجع من الشغل بعدك وبكون ميت من
التعب .. بس مش بقدر مش أشوفك .. إنتي حياتي يا روحي قلبي ..
الزوجة : يووووو .. لو سمحت سيبني أنام وسيبك من كلام المراهقيين ده ..
وإكبر شوية بقى ..
الزوج : يا حبيبتي .. كلام مراهقيين ايه بس !! ... هوه احنا مش مراتي ولا
ايه .. مش بقولك اللي جوايا ..
الزوجة : هوه انا علشان مراتك هتصحيني من النوم علشان سيادتك مش بتعرف
تنام إلا لما تشوفني .. روح نام بقى
الزوج : حاضر يا روحي .. نوم الهنا ..
وذهب الزوج مكسور الجناح .. بعد أن صدته زوجته ..
ووقتها أصبحت الزوجة تتقلب يمين وشمال على سريرها .. لكن ليس من الندم
على ما فعلته مع زوجها ..
الزوجة : يوووو ..أوووففففف .. الله يقطعك صحيتني من النوم ومش عارفة
أنام تاني .. لما أأقوم شوية أدخل النت مادام البعيد ده طير النوم من
عيني ...
وفي نفس الوقت
الزوج : انا هدخل النت أتكلم مع أي حد بدل ما حبيبة قلبي مش معبراني ..
ومش عايزة تسمعلي ..
الزوجة : يووو .. هوه انتا على النت يا منيل ..
الزوج : بكل لهفة وشوق .. اخبارك ايه يا روحي ؟
الزوجة : بكل نرفزة وعصبية .. انا كويسة .. الحمد لله
الزوج : مش نمتي ليه يا حياتي ؟
الزوجة : ماهو حضرتك صحيتني ومش عارفة أنام تاني ..
الزوج : يقطعني .. مقصدش ..
الزوجة : هههه .. انا لسه قايلاها ..
الزوج : مادام مش جايلك نوم .. ما تيجي نقعد شوية في الصالة نتفرج على
التليفزيون .. نتكلم مع بعض ..
الزوجة : ايه اللي فرق يعني .. ما نتكلم هنا على الماسينجر
الزوج : يا روحي ازاى بس ايه اللي فرق ، فرق كبير طبعا .. كفاية يا
روحي تبقى جنبي .. نتكلم مع بعض .. نهزر ما بعض .. كمان عايز أخد رأيك
في كذا موضوع .. انتي عارفة انا مش بخبي عنك أي حاجة
الزوجة : انا مش فايقة إنك تاخد رأيي في أي موضوع .. ولو عايز رأيي في
أي حاجة .. ابعتلي الموضوع على إيميلي ..
الزوج : يا حبيبتي مش ينفع .. دول كذا موضوع .. كمان علشان نتناقش مع
بعض ..
الزوجة : انا بقولك مش فايقة دلوقتى لأي موضوع ..
الزوج : خلاص يا روحي .. بلاش نتكلم في مواضيع .. تعالي نقعد مع بعض ومش
هكلمك في أي موضوع ..
الزوجة : مادام مش هنتكلم في أي موضوع .. عايز مني ايه بقى .. حدد
هنتكلم في ايه ..
الزوج : مش هنتكلم في أي موضوع .. كفاية يا روحي أأقعد جنبك .. تعالي
نعمل عشا مع بعض وناكل .. أوكي ؟
الزوجة : لا انا هعمل أي حاجة .. انا مش قادرة ..
الزوج : خلاص يا روحي .. تعالي اقعدي معايا في المطبخ وانا هعمل العشا
وناكل مع بعض ..
الزوجة : يووو . (وقالت في سرها انتا مقرف أوووي وطلباتك كترت .. زهقتني بقى ..) ... خلاص جايه

وتقابلا في الصالة .. بكل الأشواق والحب من الزوج .. ومسك ايديها .. وباس
دماغها .. وحط دراعه عليها ..
الزوج : تعالى يا روحي علشان أعمل العشا..
الزوجة : شيل ايدك من عليا .. انا مش طايقة نفسي من ساعة ما صحيتني ..
الزوج : طيب يا روحي .. اللي يريحك .. صدقيني مش قصدي إني أصحيكي ..
الزوجة : خلاص خليصنا .. ما انا صحيت خلاص ..
ودخلا المطبخ مع بعض
الزوج : ممكن يا حياتي تقعدي زي الأميرة على الكرسي وانا هعمل العشا ..
بس اتكلمي معايا وانا شغال ...
الزوجة : طيب .. بس متتكلمش كتيير ..
الزوج : طيب .. اخبارك ايه في شغلك ..
الزوجة : كويسة ..
الزوج : ماتيجي نخرج بكره ..
الزوجة : معلش مش هينفع .. عندي معاد مع صحبيتي على النت ..
الزوج : يا روحي ابعتيلها إيميل وقوليلها إنك مش هتقدري تدخلي ..
الزوجة : مقدرش .. ده معاد بقاله كذا يوم ..
الزوج : طيب .. أوكي .. خليها بعد بكره .. موافقة ؟؟
الزوجة : لا مش موافقة .. علشان رايحة للدكتورة ..
الزوج : بكل لهفة .. بجد يا روحي ..
الزوجة : ايه هوه اللي بجد !! .. ده دكتورة السنان ..
الزوج : بكل إنكسار .. معلش كنت بفتكر إنك حامل ..
الزوجة : حمل ايه وهبل ايه بس .. ما تفوق بقى .. الموضوع ده مش
دلوقتى ..
الزوج : يا روحي ليه بس .. ده الأولاد نعمة من ربنا وهيملوا علينا
البيت ..
الزوجة : هوه انا يعني اعترضت .. انا بقول مش دلوقتى .. وبعدين علشان
أبحاثي وشغلي .. مش فاضية للكلام ده ..
الزوج : يا حبيبتي ليه بس .. ما انتي عارفة انا نفسي تكون ست ناجحة ..
انتي عارفة كمان إني واقف جنبك في كل أبحاثـك ..
الزوجة : انا عارفة .. لكن انا مش بفكر في الموضوع ده غير بعد
الماجيستير ..
الزوج : نعم!! ليه بس يا روحي .. ده الماجيستير لسه علشان يخلص مش أأقل
من 3 سنين ..
الزوجة : وانتا مستعجل على ايه ..
الزوج : يا حبيبتي اسمعي بس .. الراجل لما بيحب زوجته زيي كده بيكون
نفسه في أولاد منها ..
الزوجة : طيب ممكن تأجل الموضوع ده بعدين .. ويلا كُل علشان تنام وانا
كمان أروح أنام ..
وابتدا الزوج ياكل ..
الزوج : يا حبيبتي .. مش هتاكلي معايا ؟؟
الزوجة : لا مش عايزة .. نفسي مسدودة ..
الزوج : علشان خاطري يا روحي ... مش هعرف أاكل غير لما أشوفك بتاكلي
معايا ..
الزوجة : يوووو .. انا مش بحب الغصب ده كل شوية ..
الزوج : يا حبيبتي انا عمري ما غصبت عليكي في أي حاجة .. انتي عارفة إن
حبنا مبني على التفاهم ما بينا ..
الزوجة : طيب طيب .. خلاص .. هاكل هاكل .. انتا مش بتعرف تنام غير لما
تشوفني ولا بتعرف تاكل غير لما تشوفني باكل .. مش عارفة ايه موضوع
المودة والمحبة والأُلفة اللي انتا ماسك فيه ده !!
الزوج : أيوه طبعا يا روحي ... انتي لو تعرفي حبي ليكي قد ايه .. كنتي
عذرتيني .. ده انا بعد الساعات علشان أخلصشغل وأرجع البيت أشوفك ..
الزوجة : كتر خيرك .. ربنا يعينك في شغلك ..
الزوج : انتي نسيتي الموضوع بقى ولا ايه ؟؟
الزوجة : موضوع ايه ؟
الزوج : موضوع إننا نخرج مع بعض
الزوجة : ما انتا توهتني بموضوع الأولاد
الزوج : طيب خلاص نخرج بعد بكره .. علشان خاطري وافقي بقى .. ده هيبقى
يوم الخميس .. وصابح أجازة .. ممكن ؟؟
الزوجة : مممممممم ... أوكي موافقة .. بس على شرط !!
الزوج : ايه يا حبيبتي ؟؟
الزوجة : بعد ما نخرج .. نروح لماما ..
الزوج : وفيها ايه يا روحي .. انتي عارفة يا روحي إني بحب حماتي جدا ..
مش كفاية جايبة العسل ده ..
الزوجة : أوكي اتفقنا .. يلا بقى قوم نام ..
ومرت الأيام .. وآتى يوم الخميس .. ورجع الزوج من الشغل في وقت بدري
علشان يستحمى ويوضب نفسه ..
ولكن الزوجة عادت قبيل المغرب ..
الزوج : ايه اللي أخرك يا حبيبتي ؟؟
الزوجة : كان عندي شغل لازم أخلصه ..
الزوج : ربنا يعينك يا روحي .. انا استحميت وهلبس هدومي .. ادخلي بقى
استحمي .. ويلا علشان نخرج ..
الزوجة : انا أسفة مش هقدر لأني تعبانه ..
الزوج : ليه بس يا عمري .. ألف سلامة عليكي .. فيه ايه ؟؟ .. أوعي تكوني
بترجعي وكده ..
الزوجة : هوه انتا يعني عايزني أرجع ليه .. انتا فرحان إني عيانه ..
الزوج : اخص عليكي يا روحي .. انا أأقصد تكوني كده يعني ..
الزوجة : ايه هوه اللي كده ؟؟
الزوج : ايه يا حبيبتي مش فاهمه ؟
الزوجة : لا مش فاهمه !!
الزوج : يا روحي أأقصد تكوني حامل ..
الزوجة : بكل عصبية .. لا مش حامل . هوه انتا مصمم ولا ايه ..
الزوج : بكل آسى وحزن .. طيب يا حبيبتي ..
الزوجة : على فكرة انا باخد حبوب منع حمل ..
الزوج : نعم .. ليه بس .. يا روحي الحبوب حرام وقبل كل شيء غلط
عليكي .. انتي عارفة صحتك عندي بالدنيا ..
الزوجة : ممكن تغير الموضوع ؟
الزوج : حاضر .. ممكن نخرج بقى ؟؟
الزوجة : طيب ممكن أنام ساعة واحدة ..
الزوج : نوم الهنا يا روحي ..
مرت ساعة ودخل الزوج المكسور ليقظ زوجته الحبيبه
الزوجة : سيبني أنام شوية كمان ..
الزوج : يلا يا روحي .. بلاش دلع بقى
وظل الزوج يداعب زوجته ويهزر معاها ..
الزوج : يلا يا حياتي ..
الزوجة : طيب طيب ..
وقامت الزوجة من نومها .. ودخلت للإستحمام .. وارتدت ملابسها ..
الزوج : بكل سرور .. يلا بقى يا نور عيني .. تحبي نروح فين بقى ..
الزوجة : بص بقى .. الوقت إتأخر ..
الزوج : يعني ايه ؟!!
الزوجة : يعني لو هنخرج نتمشى نص ساعة بس .. ونروح لماما على طول ..
انتا عارف ماما ست كبيرة وبتنام بدري ..
الزوج : يا روحي نخرج النهاردة كله .. وبكره نروح لماما من بدري ..
الزوجة : لا مش هينفع نروج لماما بكره علشان جايلها ضيوف يخطبوا أختي ..
الزوج : ألف مبرووك .. ربنا يتمم ليها بخير ... خلاص نروحلها بعد
بكره ..
الزوجة : لا مش هينفع علشان عندي شغل ..
الزوج : يا حبيبتي ما انتي اللي اتأخرتي ونمتي كمان .. صدقيني مش
بعاتبك ... لكن التأخير منك انتي .. انا النهاردة جاي جري من شغلي
وخلصت بدري علشانك ..
الزوجة : انتا هتذلني ولا ايه ؟؟
الزوج : ده كلام برده يا روحي .. انا أذلك !!!! .. عيب الكلام ده ..
الزوجة : طيب يلا نخرج ونروح لماما .. لازم أروحلها ..
الزوج : يلا ......


وخرجوا مع بعض .. وما أدراك ما الخروج .. وما أدراك الذهاب إلى
حماته ..







منقووووووووووووووووووووووووووول

[ذوق]

:) :) :) مشكور..بس أندمجت فيها وللأسف لاتوجد نهايه تبرد الخاطر :(

[سكون]

الحقيقة القصة تجيب الأعصاب والنرفزة ويعطيك العافية

[حكيم زمانه]

:) :) :) مشكور..بس أندمجت فيها وللأسف لاتوجد نهايه تبرد الخاطر :(

النهاية باينة من السياق أختي


القصة ما تحتاج تكملة


شكرا لمرورك اللي أسعدني

[حكيم زمانه]

الحقيقة القصة تجيب الأعصاب والنرفزة ويعطيك العافية

فعلا أختي هي ترفع الضغط


و أعتقد إنها بدأت تكون واقع في بعض البيوت فيما يسمى بمساواة المرأة بالرجل؟؟؟


السموحة إذا كدرنا مزاجك