المساعد الشخصي الرقمي

مشاهدة النسخة كاملة : سهم الغاز كم يباع الان .. ؟


عبدالله الهاجري
10-03-2005, 02:44 AM
السلام عليكم ..

كم يباع الان سهم الغاز في السوق السوده ؟

السؤال مهم جدا بالنسبة لي .. فأرجو الاجابه عليه .


مودتي .. واحترامي
qatar_moon
10-03-2005, 02:46 AM
البيع في السوق السوده ممنوع واضمن لك اشتر يوم تنزل الاسهم بالسوق
عبدالله الهاجري
10-03-2005, 02:55 AM
لن اغير شيء .. لانني سوف اشتري من " ثقه " وتكون الاسهم بأسمه .. واعطيه المبلغ المتفق عليه .. كاش

ولا زال السؤال عندي يبحث الى اجابه كم سعر الغاز ..؟

شكرا لك اخي (( qatar_moon )) على هذا المرور الطيب


مودتي .. واحترامي
بوناصر1
10-03-2005, 04:24 AM
70الى90 ريال
شرقاوي
10-03-2005, 07:26 AM
70الى90 ريال



اكيد ياابو ناصر ؟

وللا من وكالة يقولون ؟
الشقيان
10-03-2005, 10:25 AM
من 80 الى 100 اكيييييييييييييييييييييييييييييييييييييييييييييييي ييييييد ان شاء الله
سموالأخلاق
10-03-2005, 11:00 AM
السلام عليكم ورحمة الله وبركاته

هلا اخي الفاضل....عبدالله
ما ذكر سابقا :
البيع في السوق السوده ممنوع واضمن لك اشتر يوم تنزل الاسهم بالسوق !
وكان ردك :
لن اغير شيء .. لانني سوف اشتري من " ثقه " وتكون الاسهم بأسمه .. واعطيه المبلغ المتفق عليه .. كاش

طيب واذا قلنا ... حرام وما يجوز ! يا ترى ايش رح يكون ردك !!

اخي الفاضل : خلي كلمة ممنوع على صوب ....
خلنا في الحلال والحرام.....

الله يسلمك لا يجوز بيع الاسهم حاليا ....
غير ان البيع ممنوع ومن وراه ضرر..
الله يجزاك خير ... لا يجوز انك تبيع أو تشتري ....
وحتى لو قلت لي مافي ضرر والشخص مضمون وبيني وبيه.....بعد هاالشي ما يجوز هذا الشي ولا يحله.
لأن الشركه ما نزلت وما اشتغلت .... يعني كأنك تبيع وتشتري مال بمال....

يعني الناس قاعده تحسب وتفكر وتنتظر...فتوة جواز بيع الاسهم بعد ما تنزل بالسوق... لأن في كلام ان جواز بيع اسهم الغاز.. بعد نزول الشركه بشهرين تقريبا . يعني شهر 6
لأن الشركه بتباشر عملها يعني قيمة الايجارات والعقود والخ...

فـ .... بكل تأكيد وبدون شك.... ما يجوز تبيع أو انك تشتري....

وتحيـــاتي لك
و بالتوفيق ان شاءالله

(( إحفظ الله يحفظك ))
المخلب
10-03-2005, 01:35 PM
والله البيع في السوق السوده ممنوع لكن السعر

بين 70 الى 90 ريال

والله العالم

وياريت تبعدون عن السوق السوده ترى مااتوديكم اله بداهيه

تحياتي :cool:
طبشور
10-03-2005, 09:22 PM
أخاف تصير الخايسة وينزل للسوق بعشرين أو خمسة عشر ريال ... سؤال .أيش بيكون الرد وخاصة من صغار المستثمرين ..؟؟
ياليته ينزل بمليون بس تدرون هذا السوق وفيه هوامير وزمارير


الله يستر
سيف
10-03-2005, 09:44 PM
واضمن لك اشتر يوم تنزل الاسهم بالسوق وارخص لك اضمن لك!
بوناصر-قطر
11-03-2005, 11:26 AM
الاكيد 80

امس اثنين من الربع اتفقوا على بيعه بهذا السعر

جدامي
ابوسعود
11-03-2005, 02:54 PM
السلام عليكم

اخواني اعضاء منتدى الاسهم القطريه

اتفهم بان جميع الاعضاء على قدر من الوعي والادراك

ولكن ياليت لو كل واحد ينصح اصحابه واحبابه واقاربه

بعدم بيع الناقلااااااااااااات لان فيها خير كثير

هذا السبب الاول

اما السبب الثاني : هدية ابومشعل الله يطول لنا في عمره ماتنرد
اوتنباع الا في الوقت المناسب لانه يبي الخير لك انت

لاني سمعت عن تجار من البلدان المجاوره يشترون
اسهم الناقلااااااااات ب 110 ريال

انصح الجميع بالتمسك بالسهم وعدم الاستعجااااال
واسالوا من باع الصناعات بسرعه اكيد نادم اليوم
ويتمنى انه ماباع الاسهم

شكراااااااااااااااااااااا
سهم عتيج
11-03-2005, 03:04 PM
أرجو من الأخوان عدم الخوض في مثل هذه المواضيع حتى يأتي موعدها,, أو على الأقل قبل ادراجها في السوق حتى لا يتخذ أي واحد قراراته على افتراضات قد تكون من نسج الخيال,,

واسمحوا لي لاغلاق الموضوع حتى لا يصل سعر السهم الى 500 ريال في نهاية الموضوع

ونكتفي بهذا القدر من الردود