للمضاربين اسمنت الخليج

[تيتانيوم]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع

[abutaleb]

اللهم آمين
بالتوفيق للجميع

[الشرقي]

الله يسمع منك ان شاء الله ارتفاع ولا اخلى

[بوعبدالله3]

تسلم اخوي تيتانيوم

اليوم عملنا بنصيحتك واخذنا اسهم اسمنت الخليج للتعديل سعر الشراء 9 . 19

سعر الشراء السابق 7 . 20

ماعليك امر يالغالي تذكر لنا نقاط الدعم والمقاومه ليوم غد

مع تحليل مؤشرات السهم

ولك مني خالص الشكر والدعاء وجزاك الله خير ومبارك عليك الشهر مقدما

[المغترب 123]

جزاك الله خيـــر

[قطر95]

تسلم أخوي على التوصية الطيبة والله يوفقك ان شاء الله

[تيتانيوم]

حياكم الله جميعا
بوعبدالله 3

21.3 مقاومه
19.5دعم

اغلب المؤشرات في مناطق تشبع بالبيع
rsi قطع خط 30 اشارة ممتازه وبادره خير ان شاء الله
ستوكاستيك تقاطع ايجابي
الاموال الذكيه تشبع كبير والارتداد متوقع 21.4
الماكد سلبي
الماكد هستوجرام في طريقه لتكوين ترن صاعد

اسمحلي ماقدر ارفق شارت يوضح المؤشرات
عندي خلل بسيط في الانترنت
اعتقد الي مكتوب يوفي بالغرض

بالتوفيق للجميع

[حبر سري]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


حياكم الله جميعا
بوعبدالله 3

21.3 مقاومه
19.5دعم

اغلب المؤشرات في مناطق تشبع بالبيع
rsi قطع خط 30 اشارة ممتازه وبادره خير ان شاء الله
ستوكاستيك تقاطع ايجابي
الاموال الذكيه تشبع كبير والارتداد متوقع 21.4الماكد سلبي
الماكد هستوجرام في طريقه لتكوين ترن صاعد


بالتوفيق للجميع

يعطيك العافية اخوي تيتانيوم على المجهود الواضح

بس اعتقد في تعارض في الاهداف

هل الهدف 22 تقريبا او 21.4 ؟؟؟

نرجو التوضيح

[تيتانيوم]

اخوي حبر سري
21.4 اهو رقم خاص بمؤشر الاموال الذكيه (mfi)
وتعتبر هذه المنطقه منطقه تشبع بالبيع ويتوقع الارتداد من عندها
يعني ماله خص بالسعر والهدف نفس ماهو 22.2 ريال ان شاء الله

خل عنك الكلام الي مكتوب في المشاركه الخاصه باابوعبدالله لانه موجه للمحللين
موفق اخوي

[المغترب 123]

اخوي جزاك الله خيـــــــــــــــــــــــــــــــــــــــــــ ر والله يوفقك

[ابوريما الرياشي]

الله يجزيك خير والله اسمنت الخليج ماعليها كلام بس مادري ليش مايبون السهم يرتفع كلما تعدى المقاومه الاولى يضخوا اسهم للعرض وهذا مالاحظته عندما كانت 22.1وحتى اصبحت 19.6واليوم كذللك توقعت ان السهم سيرتفع لميت اب ولكنهم لم يعطوه فرصة الارتفاع ضيقوا عليه مادري شنهو الهدف

[بوعبدالله3]

اخوي الغالي تيتانيوم :nice:

جزاك الله خير وبارك فيك ووفقك في حياتك الدنيا والاخره :D

[تيتانيوم]

حياكم الله جميعا ومشكورين على الدعاوي الطيبه بارك الله فيكم

صلحت الكمبيوتر اخيرأُ

وهذا شارت يوضح المقصود بالمشاركه الاولى

[تيتانيوم]

تسلم اخوي تيتانيوم

اليوم عملنا بنصيحتك واخذنا اسهم اسمنت الخليج للتعديل سعر الشراء 9 . 19

سعر الشراء السابق 7 . 20

ماعليك امر يالغالي تذكر لنا نقاط الدعم والمقاومه ليوم غد

مع تحليل مؤشرات السهم

ولك مني خالص الشكر والدعاء وجزاك الله خير ومبارك عليك الشهر مقدما



حاضرين للطيبين

[السامر الأسود™]

اخوي تيتانيوم

تمت القراءة والفائدة

جهد مصروف عليه وقت

تسلم يمينك وجزاك الله خير

الى الامام بالمزيد معا

وبالتوفيق

[boss83]

و الله مجهود طيب و الجميل انه جاه في وقت مناسب يسمح للجميع اذا كانوا
مقطنعين في التحليل الدخول و بناء المراكز

جزاك الله خير

[العجمي444]

كل الشكر لك اخي وجزاك الله خير

[بوعبدالله3]

تستاهل كل خير ياتيتانيوم :nice:

[تيتانيوم]

السامر -بوس -العجمي-بوعبدالله
حياكم الله جميعا
ومشكورين على التشجيع والدعاوي الطيبه
الله يوفقكم دنيا واخره

اخوكم تيتانيوم

[زعيم البورصة]

ما قصرت ويعطيك العافيه تم الدخول على اسمنت الخليج على سعر 19.8

[المغترب 123]

اخوي جزاك الله كل خيـــــــــــــــــــــــــــــــــــــــــــ ـر والله ايوفقك

[ســـهم]

كل الشكر لك اخي وجزاك الله خير

مجهود رائع وفقك اللـــــــــه

[حبّار]

جزاكم الله خير

[*¤ بن قطر¤*]

جهد و عمل يستحق الثناء ...

أسأل الله ان يرزق رزقا واسعا و علما نافعا ...

دمت بأطيب حال ...

[العجمي444]

جزاك الله خير والله يوفق الجميع

[الشرقي]

ان شاء الله يرتفع ويفرح ملاكه

[ابو الاسهم]

ان شاء الله يرتفع ويفرح ملاكه

اصبر بعد شوي اخوي

[ابوريما الرياشي]

من شهر واسمنت الخليج 21.7واستمر لهذه المده والحين 19.9سيكمل الشهر ومادري ايش عقبها

[THE END]

:con2:السلام عليكم مادري اخواني المحللين حسب متابعتي للسهم صار عندي احساس انا السهم الان في حالة تجميع صاله الان تقريبا 4 ايام التداول من 40 الى 50 الف سهم وعلى سعر 19.9 و19.8 ولو تلاحظون كمية الطلب على السهم يوميا تراها تزداد زياده غير ملحوظه هذه وجهة نظري هل من مؤيد:con2:

[deepbluesea]

تسلم اخونا تيتانيوم

مجهووود واضح

وتحليل جدا منطقي


واعتقد اسمنت الخليج بيكون الحصان الاسود للسوق

متى ؟ ، اصبرو عليه شوي بس

[الشرقي]

يبوك الصبر له حدود نصبر لين السنه الجايه عسا يرتفع

[الحريف]

مؤشرات ايجابية لاسمنت الخليج مع ازدياد تدريجي لحجم التداول تبشر بخير ان شاء الله

الاغلاق فوق 20.5 بر الامان.. يعني ما بقى شي يالشرقي :D

[deepbluesea]

يبوك الصبر له حدود نصبر لين السنه الجايه عسا يرتفع

اخوي الشرقي

بقولك كلمه وانا صادق فيها

اسمنت الخليج بالذات لا تخاااف منه ابد

اولا سعر شرائك مب واااايد وااايد

ادري نزل عن سعر الشراء كم ريال


بس بعد احب اطمنك السهم ان شاء الله مطمن وله مستقبل

وكل اللي عليك تكمل صبرك شوي

ياخوي السالفه كلها مصنع يبنون فيه ،متى ماخلص المصنع واصبح جاهز للعمل

هني شوف سهمك اشلون بيلعلع

تقولي ليش

اقولك ، لانه المصنع الحين ماشي حسب الخطه في التركيب
وعلى 2008 بيدا العمل

ومتى مابدى العمل ، مصنع يديد وماده جدا مطلوبه في السوق

يعني لو تقدر تشغل المصنع بطاقته القصوى ، بعد كل انتاجه بيروح

اخوي لا تخاف وان شاء الله بيكون عاقبه صبرك خير

واجمل مافي الاسمنت
انه اسهم قليله مقارنه بباقي الشركات
250 سهم لكل بطاقه فقط

وايضا راس ماله مدفوع بالكامل 10 ريال

والسهم مؤشراته الحين وااايد ممتازه

توكل على رب العالمين واصبر

وسلامتك

[الشرقي]

كان بالامكان افضل مما كان

[حبّار]

ارتفاع اسمنت الخليج كان مضاربات لان الشركة للحين ما اشتغلت ولا عندها ارباح تذكر

ان شاء الله فيها الخير في المستقبل

[Abu Omar]

ما هي اخبار افتتاح المصنع
نحن على اعتاب 2008
في اي شهر يفتح المصنع

[حبر سري]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


الاخ العزيز تيتانيوم

هل لازال الهدف كما هو؟؟؟
وماهو وضع السهم الان؟

[تيتانيوم]

الاخ العزيز تيتانيوم

هل لازال الهدف كما هو؟؟؟
وماهو وضع السهم الان؟

نعم اخوي حبر سري الهدف قائم بأذن الله والاسبوع القادم لازم يحدد السهم وجهته


لازم السهم يكسر مستوى 20.3 وبكميه تداول عالي 500 الف وفوق

مستوى وقف الخساره 19.6

[حبر سري]

نعم اخوي حبر سري الهدف قائم بأذن الله والاسبوع القادم لازم يحدد السهم وجهته


لازم السهم يكسر مستوى 20.3 وبكميه تداول عالي 500 الف وفوق

مستوى وقف الخساره 19.6

يعطيك العافية اخوي تيتانيوم واسمح لي على اسئلتي

لكن الهدف الموضح في الرسم هو 25 ريال تقريبا

هل هناك محطات قبل الوصول الى هذا الرقم؟؟

وماذا سيحدث اذا تم كسر نقطة 20.3 بحجم تداول منخفض؟؟؟

نرجو التوضيح

[تيتانيوم]

يعطيك العافية اخوي تيتانيوم واسمح لي على اسئلتي

لكن الهدف الموضح في الرسم هو 25 ريال تقريبا

هل هناك محطات قبل الوصول الى هذا الرقم؟؟

وماذا سيحدث اذا تم كسر نقطة 20.3 بحجم تداول منخفض؟؟؟

نرجو التوضيح


اذا تم الكسر بحجم تداول منخفض فالهدف 22.2 ويفضل جني الارباح عندها

اما اذا كان حجم التداول عالي عند الكسر فالهدف 27.5 (علم صاعد)

بالنسبه حق الهدف الموضح بالرسم السابق 27 وليس 25 انا مكبر الرسمه(مسوي زووم)

موفق اخوي

[khalil313]

يعني يا أخوي نشتري ونتوكل على الله

[الشرقي]

استاذي العزين كم كميه السهم لنعرف انها تداولت بنسبه عاليه او منخفضه

[ابوريما الرياشي]

مادري ليش مايبون السهم يرتفع انا اقول يمكن تجميع للسهم اما بالنسبه للشراء بصراحه سهم ذهبي يستحق العنايه

[تيتانيوم]

واحد من الاخوان جزاه الله خير
نبهني بوجود خطا في رسم القناه
سبب الخطأ وجود الترند الاحمر الكبير
الي حجب عني رؤيه القمه السعريه 24.5

على العموم المستهدف نفس ماهو ماتغير 22 ان شاء الله

الرسم المعدل بدون الخط الاحمر :nice:

[الوعب]

واحد من الاخوان جزاه الله خير
نبهني بوجود خطا في رسم القناه
سبب الخطأ وجود الترند الاحمر الكبير
الي حجب عني رؤيه القمه السعريه 24.5

على العموم المستهدف نفس ماهو ماتغير 22 ان شاء الله

الرسم المعدل بدون الخط الاحمر :nice:

خله يكسر الهدف الاول 20.20 والله كريم

[Qa6ar]

اخوي تيتانيوم

نبغي رايك في تداول اليوم بخصوص اسمنت الخليج

[الشرقي]

اليوم كسر حاجز 20.2 وتداولاته معقوله شو راي اخواني المحللين للسهم

[بوعبدالله3]

20 . 20 صح تمثل مقاومه لكن اختراقها في الوقت الحالي لايمثل شيئا والله اعلم

رغم اني مش محلل لكن من الواضح من الشارت ان السهم يسير في قناة هابطه وعلامة الانطلاقه هو اختراق ضلع القناه العلوي بتداول عالي

والله اعلى واعلم

[تيتانيوم]

خله يكسر الهدف الاول 20.20 والله كريم


اليوم اخترق النقطه الي ذكرتها وننتظر التأكيد غدا بأذن الله
بالتوفيق اخوي طاهر

[تيتانيوم]

اخوي تيتانيوم

نبغي رايك في تداول اليوم بخصوص اسمنت الخليج


السهم في وضع حرج بعض الشئ لانه اليوم تقابل مع متوسطين شرسين

25 يوم و100 يوم غدا يوم حاسم للسهم ننتظر ونشوف

في حاله كسر متوسط 25 نتوقع دخول مضاربين جدد للسهم

والعكس صحيح في حاله كسر متوسط 100 يوم نتوقع خروج مستثمرين من السهم

ان شاء الله المستهدف نفس ماهو 22.2 ماتغير شئ

مقاومه مهمه قبل الوصول للمستهدف 21.1

بالتوفيق اخوي قطر

[تيتانيوم]

اليوم كسر حاجز 20.2 وتداولاته معقوله شو راي اخواني المحللين للسهم

تمت الاجابه على السؤال وحياك الله (الشرقي)

[تيتانيوم]

20 . 20 صح تمثل مقاومه لكن اختراقها في الوقت الحالي لايمثل شيئا والله اعلم

رغم اني مش محلل لكن من الواضح من الشارت ان السهم يسير في قناة هابطه وعلامة الانطلاقه هو اختراق ضلع القناه العلوي بتداول عالي

والله اعلى واعلم

جزاك الله خير بوعبدالله

مقاومه القناه الهابطة 20.5 بنشوف اشلون يتعامل معاها السهم بكره

موفق يابوعبدالله

[تيتانيوم]

انا مسافر اليوم اذا الله احيانا يوم السبت بنشوفك
في امان الله

[بوعبدالله3]

انا مسافر اليوم اذا الله احيانا يوم السبت بنشوفك
في امان الله

تروح وترجع بالسلامه يالغالي والله يوفقك بالدنيا والاخره

اسمحلي العين ماتعلى على الحاجب انت المحلل وصاحب الموضوع وانا متطفل صراحه لكن لله الحمد طمنتنا الله يجزاك خير ويردك بالسلامه ان شاء الله تعالى :nice:

[الشرقي]

واليوم كسر حاجز 20.5 سورايكم هل يستمر في هذا

[وجهة نظر]

جزاك الله خير بوعبدالله

مقاومه القناه الهابطة 20.5 بنشوف اشلون يتعامل معاها السهم بكره

موفق يابوعبدالله

تسلم أخوي ولكني أشوفها مقاومة القناة 20،8 وأرجوا التوضيح ممكن أكون مخطىء

[حبر سري]

حجم التداول كان عالي الحمد لله يوم الخميس

والسهم اغلق على 20.5

هل لهذا اي دلالات؟؟؟

نرجو التوضيح من الاخوة المحللين

وهل لازال الهدف كما هو؟؟؟؟

والهدف اصلا هل هو 22 ام 24 ان شا الله؟؟؟

[السامر الأسود™]

بتاريخ 7 8 2007 كانت هذي اخر مشاركاتي عن اسمنت الخليج
بموضوع اخر.. لم استطع ان ارد فيه .. وهنا اتابع مع تيتانيوم

===========

الشرقي, اصبر وهذا الي اقدر اقوله لك

السهم مب بروحه الي ماتحرك ..كل السوق

السهم عليه تجميع وعليه ضغط قوي بعد

ارجع لاخر التحاليل كل شي مكتوب

توقعته الاسبوع الماضي يرتفع اكثر من ارتفاعه
الي صار عليه... ولكن تاخر تحركه ومع كل تاخيره
خيره.. وهذا الي اقدر اقوله لك..

انت تبي سهم يطلع صح.. مايطلع نص قومه وينزل ولكل
صعود صحيح..لازم يكون تجميع صحيح

الله يعينك ويصبرك

وانا تضامنا معاك زي ماسويت مع اهل الريان

بشتري السهم ومن بكره وبزيد كميتي وانا واضع
في بالي ان 19.6-20.7 هي افضل الاسعار لاهداف
اكبر من 22 اولها 26 ان شاء الله وانا هنا ما اقول
انه بينزل لاسمح الله؟؟؟.. لا..انا اقول من باب الاحتياط
والحساب..فالسوق ماله امان وانا خوك

وشرايك؟

=================

وصل السهم الى ال 19.6 ومن بعدها اظهر ارتداد
الى اليوم وتماسك .. وعليه اتابع وانهي التوصيات

اقول والله اعلم

السهم ليس للبيع.. واعتقد والله اعلم ومن تحليلي للسهم
ان السهم سيكون له صولات وجولات خلال الاسبوع هذا
القادم ..واعتقد والله اعلم انه سيتجه الى تقريب هذي الارقام

20.8 ثم 21.7 ثم سيتردد بنفس اليوم او باليوم التالي
وقد يثبت ومن ثم سيعاود التماسك مرة اخرى فوق 21
لينطلق بإذن الله الى ال 22.3 ثم 26.4 والله اعلم

هذا تقريب واجتهاد..

السهم ليس للبيع يا الشرقي وفرج الله قريب ان شاء الله

اسمنت الخليج مشواره تقريب 20 يوم تداول من
الغد..ويمكن اقصر.. باتجاه اهداف الله اعلم بها
ولكن ذكرنا بعضها وحواليه

[الشرقي]

والله ماقصرت يا استاذي السامر الاسود والله يفتح عليك ان شاء الله

[المغترب 123]

جزاكم الله خير روية موفقة بالتوفيق لملاك السهم

[تيتانيوم]

تروح وترجع بالسلامه يالغالي والله يوفقك بالدنيا والاخره

اسمحلي العين ماتعلى على الحاجب انت المحلل وصاحب الموضوع وانا متطفل صراحه لكن لله الحمد طمنتنا الله يجزاك خير ويردك بالسلامه ان شاء الله تعالى :nice:

عدنا والعودو احمدو

السلام عليكم ورحمه الله وبركاته

حياك الله بوعبدالله والله يسلمك من كل شر

لا متطفل ولااي شي الى في خاطرك قوله فديتك

ترى ان وانت وغرينا كلنا جينا اهني عشان نتعلم ونتفيد بعضنا بعض

موفق بوعابد

[تيتانيوم]

واليوم كسر حاجز 20.5 سورايكم هل يستمر في هذا

ان شاء الله الى المستهدف 22 بأذن الله

مع بعض المطبات الصناعيه

بالتوفيق يالشرقي

[المغترب 123]

ان شاء الله الى المستهدف 22 بأذن الله

مع بعض المطبات الصناعيه

بالتوفيق يالشرقي



جزاك الله خيــــــر اخوي وبالتوفيق للجميع

[تيتانيوم]

تسلم أخوي ولكني أشوفها مقاومة القناة 20،8 وأرجوا التوضيح ممكن أكون مخطىء

20.5 او 20.8 مب فارقه المهم اليوم اخترقناهم وننتظر التأكيد غدا بأذن الله

وحياك الله وجهه نظر

[تيتانيوم]

حجم التداول كان عالي الحمد لله يوم الخميس

والسهم اغلق على 20.5

هل لهذا اي دلالات؟؟؟

نرجو التوضيح من الاخوة المحللين

وهل لازال الهدف كما هو؟؟؟؟

والهدف اصلا هل هو 22 ام 24 ان شا الله؟؟؟


22 بأذن الله مايهم حجم التداول رايحين رايحين :nice:

[تيتانيوم]

السهم ليس للبيع.. واعتقد والله اعلم ومن تحليلي للسهم
ان السهم سيكون له صولات وجولات خلال الاسبوع هذا
القادم ..واعتقد والله اعلم انه سيتجه الى تقريب هذي الارقام

20.8 ثم 21.7 ثم سيتردد بنفس اليوم او باليوم التالي
وقد يثبت ومن ثم سيعاود التماسك مرة اخرى فوق 21
لينطلق بإذن الله الى ال 22.3 ثم 26.4 والله اعلم

هذا تقريب واجتهاد..

السهم ليس للبيع يا الشرقي وفرج الله قريب ان شاء الله

اسمنت الخليج مشواره تقريب 20 يوم تداول من
الغد..ويمكن اقصر.. باتجاه اهداف الله اعلم بها
ولكن ذكرنا بعضها وحواليه

بيض الله وجهك يالسامر
تحديد قاع السهم 19.6 يثبت انك محلل من ذهب خالص
الله يوفقك دنيا واخره مانقدر نزيد على كلامك شيء
موفق يالسامر

[اتحادى]

يعطيك العافيه اخوي تيتانيوم مجهود تشكر عليه
ان شاء الله يشد حيله السهم ويثبت بكره لان المضاربين ماشاءالله عليهم ماعطوه فرصه يأسس السهم فوق 21

[حبر سري]

هبط السهم اليوم

وكأن هناك نقاط يججب ان يختبرها لكي يؤسس فوقها

مارأي محللينا الافاضل؟؟؟

[حبر سري]

هل لازال التحليل كما هو بعد تداول يوم الخميس؟؟؟؟؟؟؟؟؟؟؟؟؟؟

[a.h]

ياليت الاخوان المحللين يفيدونا اشوى هل السهم في طرق 22 او نازل؟؟؟؟؟؟؟؟؟؟؟؟؟؟؟

[حبر سري]

السلام عليكم

اتمنى من اخي السامر ان يحلل هذا السهم ايضا

وعندي سؤال:
هل ترى ان السهم اسس فوق ال 20 ريال اخي السامر الاسود؟
ام ترى انه سوف يصل الى 19.6 كما وصل سابقا؟؟؟

نرجو عدم اهمال هذا السهم

[السامر الأسود™]

اسس فوق 19.5 حاليا والى اليوم

مش بعيده من ال 20 يعني 50 درهم بس

السهم على دعم حسابي قوي جدا واتوقع له الخير
ان شاء الله

هو والريان يتحكم فيه نفس العقلية

[ابوريما الرياشي]

السهم جيد بس اقلكم السهم كلما اراد ان يتحرك قليلا لم يسمحوا له ابدا بالحركه الى الامام بل العكس يحاولو انزاله مادري عشان تخويف صغار المستثمرين او الله اعلم احترت في الامر

[السامر الأسود™]

صحيح, مايخلونه يطلع

تسلم والله يتقبل صيامنا وصيامك

[hajooh]

السهم جيد بس اقلكم السهم كلما اراد ان يتحرك قليلا لم يسمحوا له ابدا بالحركه الى الامام بل العكس يحاولو انزاله مادري عشان تخويف صغار المستثمرين او الله اعلم احترت في الامر


صحيح, مايخلونه يطلع

تسلم والله يتقبل صيامنا وصيامك

تقبل الله منا ومنكم يابو ريما ويالسامر الاسود صحيح المثل الي اتقوله ينطبق على الريان واسمنت الخليج ولي اهو اشتر من الخايف 000000 وبيع على الطماع :D

[السامر الأسود™]

وفيك يا هجوووه

شنو تتوقع للسهم..صراحه قام يصير مثل الريان

تدوسه نفس الرجل الي تدوس ريس البترول مالت الريان :)

[الشرقي]

الله يعينك يالسهم ذبحوه بالبيع ومافي شرايه

[الحلال فقط]

هل من الممكن ان ينطلق السهم مثلما انطلق الريان اليوم خاصة انه لم يأخذ حقه من الارتفاع بعد في الموجة الاخيرة للارتفاعات

[السامر الأسود™]

فيه شراء ولكن ايضا فيه ضغط على السهم

سهم بالفعل جرت العاده فيه التاخر في الصعود

صعد السهم بعيد اخر تحليل وتوقع له الاسبوع الماضي
ومن بعدها بداء في نزول خفيف وتدريجي

السهم عليه شراء عند مستويات معينة (تجميع واضح)

دعم واشارة الخطر للسهم هي 19.5 لا سمح الله

السهم فيه قوة ومازال فوق المتوسطات وفيه احتمال لل 24

تحليله صحيح 100% ولكن المساله مساله مضاربة
مستثمرين كبار فيما يبدو لي وهي ايضا مساله وقت فقط


يمر بنفس ظروف العقارية والريان والسلام سابقا
وهذا دليل على انه مرغوب .. والله يفك اسره

[تيتانيوم]

هذا اخر تحليل لي



السهم في وضع حرج بعض الشئ لانه اليوم تقابل مع متوسطين شرسين

25 يوم و100 يوم غدا يوم حاسم للسهم ننتظر ونشوف

في حاله كسر متوسط 25 نتوقع دخول مضاربين جدد للسهم

والعكس صحيح في حاله كسر متوسط 100 يوم نتوقع خروج مستثمرين من السهم

ان شاء الله المستهدف نفس ماهو 22.2 ماتغير شئ

مقاومه مهمه قبل الوصول للمستهدف 21.1

بالتوفيق اخوي قطر

لم يستطع السهم كسر المقاومه 21.1
وبدء يتماسك في الفتره الحاليه بجانب متوسط 25 يوم
السهم يمر بفتره تركيع واضحه للجميع

المستهدف بأذن الله نفس ماهو ماتغيير 22.2
وقف الخساره نفس ماهو ايضا 19.5
بالتوفيق للجميع

[تيتانيوم]

فيه شراء ولكن ايضا فيه ضغط على السهم

سهم بالفعل جرت العاده فيه التاخر في الصعود

صعد السهم بعيد اخر تحليل وتوقع له الاسبوع الماضي
ومن بعدها بداء في نزول خفيف وتدريجي

السهم عليه شراء عند مستويات معينة (تجميع واضح)

دعم واشارة الخطر للسهم هي 19.5 لا سمح الله

السهم فيه قوة ومازال فوق المتوسطات وفيه احتمال لل 24

تحليله صحيح 100% ولكن المساله مساله مضاربة
مستثمرين كبار فيما يبدو لي وهي ايضا مساله وقت فقط


يمر بنفس ظروف العقارية والريان والسلام سابقا
وهذا دليل على انه مرغوب .. والله يفك اسره


تسلم يمناك يالسامر
الضغط والتركيع الواضح لبعض الاسهم في السوق اكيد له اثر على نفسيات المتداولين

خافو ربكم ياكبار،، وأنتبهو ياصغار من البيع
ترى الشركات اغلبها في الحضيض واسعارها وعوائدها مجزية في حقها

[السامر الأسود™]

تسلم يا تيتانيوم\ محلل من كشفي

والشاهد اكثر من تحليل ورؤية لك

وبالتوفيق

[الشرقي]

سبحان الله كل اسبوع ننتظر ونتفرج عسا انه يرتفع لكن لا حياه لمن تنادي

[KhalidQ]

سبحان الله كل اسبوع ننتظر ونتفرج عسا انه يرتفع لكن لا حياه لمن تنادي

ان شاء الله راح ينطلق ويكسر 22 و 24 ويصل الى 30 ريال بس
اصبر ما كان ب14 ريال و اليوم ب20 ريال يعني 6 ريال حلوين

[السامر الأسود™]

بوادر خير لاسمنت الخليج والله اعلم

نتابع ونشوف

[هسلان]

ان شاء الله راح ينطلق ويكسر 22 و 24 ويصل الى 30 ريال بس
اصبر ما كان ب14 ريال و اليوم ب20 ريال يعني 6 ريال حلوين


omenomenomen

[الخليج العربي]

http://www.m5zn.com/uploads/69e6f40616.jpg (http://www.m5zn.com)

[KhalidQ]

اذا ركد السوق اشتغل الاسمنت خ

[ابوريما الرياشي]

اخويالخليج الغربي السهم سوف ينطلق ان شاء الله ماتتذكر الفحص الفني لما اخبرتنا بان السهم سوف ينخفض خوفتنا من السهم وبعناه .37.2ووصل الة 38.5بس الامر متعلق بالنصيب والعرض والطلب

[الخليج العربي]

الأخ العزيز ابو ريما الرياشي
من مبادئ علم التحليل الفني أن لا نتعاطف مع السهم
فسهم الفحص الفني
كان مشكل نموذج خطر وهو نموذج المثلث الهابط
والحمد لله السهم تحرر من النموذج بتاريخ 23 - 9
والسهم يواجه حاليا دعم متوسط ال 30 يوم ونتمنى الا يكسر الدعم
فتخيل لو ان النموذج اكتمل فكان السهم هوى الا تحت

فبالنسبة للنماذج قد تفشل ولكن بسبب وحيد وهو خبر قوي جداً يرتد السهم منه

http://www2.0zz0.com/2007/09/28/13/41537140.jpg

[*¤ بن قطر¤*]

بوادر خير لاسمنت الخليج والله اعلم

نتابع ونشوف


الله يسمع منك يالسامر ... تراني شريته بعد ما نصحت فيه و انا منتظر بوادر الخير يا وجه الخير ...

تحياتي لك

[*¤ بن قطر¤*]

الخليج العربي ...

مشكور ياطويل العمر على التوضيح و دمت خير سند لهذا المنتدى

[حبر سري]

بوادر خير لاسمنت الخليج والله اعلم

نتابع ونشوف

يعطيك العافية اخي السامر الاسود

ولكن مالمقصود ببوادر خير؟؟ هل هناك مؤشرات ايجابية؟؟؟

هل سوف ينزل السهم الى مستوى الدعم القوي عند 19.5 او 19.6 ام ان الدعم عند 20 ريال اصبح اقوى والسهم اسس عنده؟؟

نرجو الافادة

[الشرقي]

ان شاء الله يرتفع

[الشرقي]

غدا ان شاء الله لمت اب

[a.h]

على اي اساس لمت اب مضاربه ولا في خبر

[abo-fahd]

هل من تحليل لاسمنت الخليج

[deepbluesea]

ان شاء الله الخليج للاسمنت فيه خير كثير

وقريبا سوف نرى ذلك



انا شخصيا اتوقع

ان يكون مشواره مشابه لمشوار بروه في الصعود


والله يوفق ملاك السهم

[deepbluesea]

نسيت اقول شي

السهم عليه توصيه من اغلب المحللين في المنتدى



وكلهم يؤكدو انه استثماري بالدرجه الاولى


واود هنا ان اشكر اخي عتيق الصوف

[سعدون]

:looking::looking:
هل من تحليل لاسمنت الخليج

ياليت الأخوه الأفاضل يحللون السهم ولهم منا جزيل الشكر:con2::con2::con2::con2:

[تيتانيوم]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


التحليل نفسة ماتغيير شي

[Orbit]

ياخوان ممكن تجديد تحليل السهم بعد تداول اليوم الكبير

[ابوريما الرياشي]

ماعندي خبره في التحليل بس ابشر بالخير الحين السهم في حالة تجميع من 20.10 و20.80ان شاء الله بيرتفع مثل الاجاره

[سعدون]

ياخوان ممكن تجديد تحليل السهم بعد تداول اليوم الكبير

للرفع:con2::con2::con2::con2:

[abo-fahd]

اعتقد واللة اعلم بان الاسبوع القادم سيكون مميز للسهم

[سعدون]

ياخوان ممكن تجديد تحليل السهم بعد تداول اليوم الكبير

للرفع مره أخرى جزاكم الله خير:confused::confused::confused::confused::confus ed::confused::con2::con2::mad::mad::mad:

[الكحلي]

بدا مضارب السهم بفقد السيطرة ودخول قوة شرائية وان شاءالله بداية التحرر

[السعدي999]

ماهو السر بهذه الحركة في اسمنت الخليج

21.20 50
21.20 50
21.20 50
21.20 50

[عبدالله الخوار]

بدا مضارب السهم بفقد السيطرة ودخول قوة شرائية وان شاءالله بداية التحرر

والله عندي نفس الاحساس المتابعه .. دخول قوة شرائية عليه بياخذون اسهمه برخيص

هاي المشكله .. بعض عندهم اسهم وايد في شركه .. بس ما يعرفون يسيطرون على السهم

[بن كهلان]

اعتقد واللة اعلم بان الاسبوع القادم سيكون مميز للسهم

ليش مب الاسبوع القادم اجازة؟؟؟

[الساموراي]

اقلاع السهم قريب انشالله

[تيتانيوم]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


المستهدف عندي نفس ماهو 22,2

مرفق نظره على بعض المؤشرات الفنيه

السهم يعتبر جاهز للانطلاق

وتكفي شهاده الين الياباني والساموراي مشكورين

بالتوفيق للجميع

[حمد911]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


المستهدف عندي نفس ماهو 22,2

مرفق نظره على بعض المؤشرات الفنيه

السهم يعتبر جاهز للانطلاق

وتكفي شهاده الين الياباني والساموراي مشكورين

بالتوفيق للجميع

الله ايبارك فيك

السهم ماشي على تحليلك خصوصا بعد تداول اليوم يلاحض ارتفاع الحجم

وشكرا لك

[ابوريما الرياشي]

اليوم 21متوسط السعر سينطلق السهم ان شاء الله والهدف24 هذا الاسبوع

[بوعبدالله3]

بشرك الله بالخير :)

[السعدي999]

عمل المفاجئة في اللحظة الاخيرة وبسعر السوق من 21.7 الى 22

يعني هذا تجميع على السهم مبروك لملاك السهم

[بوعبدالله3]

اخوي تيتانيوم هل لازال الهدف 22.2 ام تغير ؟

الله يجزاك الخير ان شاء الله.

[الكحلي]

عمل المفاجئة في اللحظة الاخيرة وبسعر السوق من 21.7 الى 22

يعني هذا تجميع على السهم مبروك لملاك السهم

وشصار باللحظات الاخيرة ؟

مبروك لمن قنص السهم ب 20.5 و21 والي 24

[عقاب]

بداء شغل اسمنت الخليج من اليوم

[الهاوي28]

اخ شريته وقعدت انطره ماارتفع وقبل لا يسكر السوق طلعت من البيت

وارتفع الحظ عندي رايح في خرايطها

[home]

:fight::fight:22 والقادم ان شاء الله 24الى25

[ابوريما الرياشي]

طيب بكره ماهو توقعك نشتري بداية السوق وكم بيكون الافتتاح تراني اليوم بعته من 21.3

[هسلان]

طيب بكره ماهو توقعك نشتري بداية السوق وكم بيكون الافتتاح تراني اليوم بعته من 21.3
اخوي لا تستعجل عط نفسك فرصة تداول بكرة راح يبين مسار السهم

[ســـهم]

طيب بكره ماهو توقعك نشتري بداية السوق وكم بيكون الافتتاح تراني اليوم بعته من 21.3


اخوي الله يهديك

لوكانت هناك متابعه لهذا القسم وثقه في جهد أخواننا المحللين للشركات ولهذا السهم على وجه الخصوص

لكان حصلت على الكثير

الله يوفقك ..

[بوعبدالله3]

اخ شريته وقعدت انطره ماارتفع وقبل لا يسكر السوق طلعت من البيت

وارتفع الحظ عندي رايح في خرايطها

:funny:

اخوك بوعبدالله مثلك اليوم بعت اول دفعه ب 21.3 والنص الثاني ذخرته وعقب ماطاف نص الوقت حسيت انه مابيرتفع واصقلهم ب 21.6 وطلعت ويوم رجعت الظهر والا واصل 22

عادي مب اول مره اسويها :nice:

[عقاب]

:funny:

اخوك بوعبدالله مثلك اليوم بعت اول دفعه ب 21.3 والنص الثاني ذخرته وعقب ماطاف نص الوقت حسيت انه مابيرتفع واصقلهم ب 21.6 وطلعت ويوم رجعت الظهر والا واصل 22

عادي مب اول مره اسويها :nice:

ابو عبدالله ما اقدر اقولك الا ان سعر 21.6 سعر شراء وليس سعر بيع تعدي السهم لل 21.3 وبكميات كبيرة فهي اشارة دخول.وعلى العموم اذا كنت ربحان فتذكر اللهم
" ارزقني ورزق مني" وتذكر ان فارق الدراهم في اسمنت الخليج ليس كافيآ لقلة الاسهم.

[تيتانيوم]

اليوم السهم عند نقطه دعم مهمه 50% فيبو+متوسط 100 يوم
ان شاء الله نتوقع ارتداد من 19.5 الى 22.2
يعني ريالين ونص كاش :d

بالتوفيق للجميع


مبرووووك تحقق الهدف اليوم
مبروووك لكل من استفاد من التوصيه
لاتنسونا من الدعاء الله يجزاكم خير

[بوعبدالله3]

ابو عبدالله ما اقدر اقولك الا ان سعر 21.6 سعر شراء وليس سعر بيع تعدي السهم لل 21.3 وبكميات كبيرة فهي اشارة دخول.وعلى العموم اذا كنت ربحان فتذكر اللهم
" ارزقني ورزق مني" وتذكر ان فارق الدراهم في اسمنت الخليج ليس كافيآ لقلة الاسهم.

هلا اخوي الغالي عقاب :p

صدقت وكنت اصلا مفكر مابيع الى ب 30 ريال بس قريت تحليل عن سهم اسمنت الخليج في منتدى ثاني انه ماخلص تصحيحه فقلت ليش احجز فلوسي وخصوصا الحين اعلان نتائج الشركات الماليه وحاط عيني على الدولي

الله يوفقك يالغالي ;)

[بوعبدالله3]

مبرووووك تحقق الهدف اليوم
مبروووك لكل من استفاد من التوصيه
لاتنسونا من الدعاء الله يجزاكم خير

اسأل الله العظيم رب العرش العظيم ان يجعل لك من كل هما فرجا ومن كل ضيق مخرجا ويرزقك من حيث لاتحتسب ان شاء الله

وجزاك الله خير اخوي الغالي تيتانيوم .

[الساموراي]

الاخ الي راسلني ع الخاص

نقطه 24.5 اعلى نقطه وصلها في المره الماضيه ممكن الواحد يبيع عليها اذا وصلها للي حاب يضارب

في حاله الاغلاق فوقها دخول مره ثانيه

(الله يعينكم على المضاربات )

[الساموراي]

تحذير

المضاربه سبب رئيسي لحرق الفلوس والقلق والارق والمشاكل الأسريه واخيرا الفلس

الله يجيركم منها