انقاذ...محلات فساتين السهرة

[القطوة]

عندي مناسبة ومحتاجة فستان سهرة ماخليت مكان مادرته ...crazy حد يعرف محل معين ويقول لي وين ؟
رحت : سيتي سنتر
رويال بلاز
حياة بلازا
شارع السد
مركز القمة
فيلاجيو
(درتهم بالكامل مافي شي دخل مزاجي...)
حد يعرف مكان غير هالاماكن ممكن القى فيه فستان سهرة ...وللعلم ابغيه ناعم مب دفش والافضل يكون فيه لون اخضر :)

[سوق واقف]

روحي الإحساء اذا تبين نصيحة

[جاري البحث]

روحي الإحساء اذا تبين نصيحة
مثل مال سو واقف \ محل اسمه المهيوووووووب عند سوق القيصريه وارخص من عندنا بواجد

[قطريه كوول]

عندج محل وحدة معانا بالمنتدى نسيت اسمها المحل اسمه ريماس في العزيزية مقابل فلاجيوو ماشفت فساتين بس روحي وشوفي يمكن شي يعجبج
وإذا عندج وقت روحي الخبر عندج المارينا مول وجمعة سنتر

[ام حمودي]

محلات الستي ينزلون موديلات جديدة اسبوعيا متى مناسبتج؟
بس انصحج بالتفصيل اذا بعيده

[oumadam]

شفتي الجعيدي حبيبتي ممكن تلاقين اللي تبحثي عليه

[بطران متملل]

مثل ماقالو في الحسى ارخص بواجد واشياء جديده و روحي عند مصممين واذا ماعجبج شي في محلات في المريخ يمكن تدخل مزاجج :funny:

[القطوة]

المناسبة اخر الشهر بالضبط يوم الجمعة ....
فكرت بالحساء بس ماعندي وقت !!!...وهل في محلات ثانية غير هذا الميهوب لاني مادل في الحسا...

اما عن ريماس ..قلت بامر اليوم اشوفه...
والباقي اللي ذكرتوهم مريتهم وشفتهم وماعجبني شي :(

ماعتقد القى في المريخ...
اذا حد يعرف اي محل لايبخل علينا ...وعاجل

[بطران متملل]

الحسى مايبيلها شي ولا يبيلها ادلاله وكلها يوم واحد يعني تقدرين تروحين الاربعاء وترجعين الخميس او بنفس اليوم واممممممممم مافي غير اعطيج ثوب من عندي وعندي بشت بيطلع عجيب عليج :p

[مريديان]

اختي عندج...السلام( الدفنه)...وجلامور..عندهم فساتين وايد حلوة...والحلو ان مايجيبون وايد من نفس الموديل...

وفيه بعد محلات جديدة ...فساتين لبنانية...بالنصر...بس مااعرف اسمائهم...اشوفهم اذا مريت...

[موال الحزن]

حبووبهـ

حاسه بوهقتج وانا مثل حالتج عندي خطوبه وحفله ودرت المجمعات كلها مالقيت شي يستاااهل

بس قالو لي عن محل قريب من رويال بلازا فيه مصمم لبنااني

بعدين حبووبه دوري محلات المصممين لانهم مرات يحطون فساتين للبيع اخبر مره خذت من البرنسيسه وايد كان راقي

بس الحين مادري اذا موديلاته حلوه نفس قبل ولا لاء






اما عني انا حليت ازمتي ورحت ربشه وفصلت ^^

[أنين الروح]

بالتوفيق

[KHALIFA]

روحي الخبر

بتحصلين وايد محلات فيها

[شموخ قطر]

في شارع النصر محلات جديده عندهم موديلات ناعمه

بس غاليه

[القطوة]

والله وهقة تعبت وانا ادور !!!....وماعندي وقت افصل باقي هالكم محل اللي دليتوني عليهم مثل جلامور والمحل اللبناني اللي في النصر ...وان شاء الله احصل

...ان مالقيت شكلي باحرك صوب الحسا يوم السبت ان شاء الله...
بس ماعليكم امر اللي يعرف اسامي المحلات واماكنهم في الحسا لايبخل علينا عشان مايضيع يومي وانا ادورهم !!!...
ويعطيكم العافية

[قطرية وبس]

تشرفين في أي وقت ياأختي الغالية في مركز ريماس النسائي
وعلى فكرة ترى تعاملنا مع محل المهيوب إلي قالوا عنه البنات
وتوجد لدينا بطاقات خصم عند الشراء من محلات المهيوب في الحسا تحصلين على خصم خاص لدى مركز ريماس وعندما تتعاملين مع مركز ريماس النسائي تحصلين على خصم في محلات المهييوب إلي في الحسا .
زيارتكم تسرنا ..... وخدمتكم هدفنا ....
وعلى فكرة لا يوجد تكرار للموديلات الموجودة ... يعني من كل موديل تقريبا واحد من نفس اللون.

[القطوة]

هلا اختي جيتكم امس الساعة 9 الا كم دقيقة بالليل ولقيت الباب الخارجي مفتوح حتى كانت في فلبينية قاعدة على الدرج وبعدها طلعت...ودخلت لكن الباب الداخلي كان مغلق ....ضربت جرس لقيته عند الباب الداخلي ونطرت قلت يمكن حد يفتح لانه مب معقولة الانوار مفتوحة والباب الرئيسي مفتوح اكيد في حد ...ولكن محد بطل لي ولاعت جبدي لانه حر ورطوبة فرجعت اجر اذيال الهزيمة مثل مايقولون...بامركم اليوم اذا قدرت واتمنى القى المركز مفتوح...

[جرس الإغلاق]

خذي لج بخنق من سوق واقف وجلابيه خضرا

وقولي لهم في المناسبه بحيي التراث

:)

[قطرية وبس]

إختي المحل يفتح من الساعة 4 العصر ولغاية 8 ونص مساءً.
وبعد كم يوم إن شاء الله بيكون مفتوح فترتين الصبح والمساء..

[القطوة]

جرس الاغلاق خخخخ...حلوة ممكن فكرة الجأ لها لما تتسكر في وجهي كل الابواب!!!!
قطرية وبس شكرا على التوضيح وان شاء الله امر اليوم

[نووونه]

ههههههههههههههههه
جرس الاغلاق

[الهاوي28]

عندج مجمع البستان في الحسا

[نووونه]

لا لا لا مجمع البستان في الحسا مافيه شي

كملي طريقج ساعتين زيااده وبتشوفين نفسج واصله الخبر أشياء روووعه في الجمعه مول
واذا ماياز لج شي .. من قريب لفي على البحرين نص ساعه إلا انتي فيها
وبتحصلين العجب هناااك وبعد أسعاارهم حلووه

[قطرية وبس]

إن شاء الله أختي تلاقين إلي تدورين عليه في أقرب وقت
وبالتوفيق أختي الغالية.

[القطوة]

شكرا لكم جميعاً ...وحصلت اللي ابغيه في محل في شارع النصر (ايلياج)...الحمدلله افتكيت :)
نصيحة كل وحدة تجهز نفسها قبل المناسبة عشان ماتتوهق نفسي...ومشكورين

[الخيزران]

هلا اختي ...للاسف قريت مشاركتج متأخرة ....كنت بقولج في محل اسمه : ألور ...في السد....فساتينهم راااااااقية وحلوة ومميزة ...عموما تهنيتي بالفستان ...وان شاء الله تصكين على كل الموجودات :)..ولو مب مخطوبة تنخطبين :).........سلام:)

[القطوة]

شكرا اختي الخيزران...ان شاء الله بامر على المحل في مناسبات جاية :) والله يوفقج