فظيحه لشركة تويوتا

[عـيـون قـطـر]

السلام عليكم
اخواني واخواتي ،،،،

امس انا رحت شركة تويوتا الصناعيه مدخل موتري اغير فيه اربع رنجات وفي قطع من تحت والموعد لأستلام كان يوم الأثنين رحت لهم امس شفت موتري على جيك ناديت مسؤل الصيانه تعالى الحبيب وش سويتوا في سيارتي متى استلم سيارتي انا مسافر بكل بروده يقول لي مافي رنجات عندنا مسوين اوردر يبيله على الأقل شهر لما يوصل وفاتحين السياره من تحت الكفرات امحق شركه اذا ماعندها استوك رنجات في واحد هناك قابلته يقول لي انا كاسرين لي بلط يقولون لي نسوي لك اوردر
شكلهم على بالهم ناخذ القطع الغيار ببلاش
تدرون مغير 4 رنجات مع 2 تاير في كفرات من تحت كل اشياء بسيطه ضاربين على
14،000 اربع عشر الف والله لو موتري موجديد مادخلته الوكاله برع الواحد يخاف يركبون له قطع تجاري

تحياتي لكم

[قطر96]

الله يعينك يا عيون قطر
لو شاري قطع الغيار من الحسـا ولا رايح الامارات كان افور لك بس خلص ماينفع اللحين الكلام

[عـيـون قـطـر]

الله يعينك يا عيون قطر
لو شاري قطع الغيار من الحسـا ولا رايح الامارات كان افور لك بس خلص ماينفع اللحين الكلام


الله يعين الجميع شاسوي كنت بسحب الموتر امس يقول لي بس ارجع لك القطع يبيله اقل شيء اربع ايام محتار والله شاسوي

[كربيتر كام]

الصراحه انت غلطان المفروض تشتري الاغراض من وايد اماكن مثل الموزعيين ومضمونه 100% والقطعه ااصليه تنعرف او مثلا تجيب القطع من الامارات او السعوديه تروح مثلا الدمام وشيكون لك على القطعه في كل انحاء المملكه لو موجوده خلال يومين توصل ولو الطلبيه من اليابان خلال 15 يوم عكسنا اهني من 25 الى 30 يوم وعندك وايد شركات بيشتغلون في سيارتك مثل التيسير او اي وكيل سيارات ثاني لكن لو سيارتك على الضمان وانت ماراح تدفع شي مالك غيرهم انا صادني موقف كنت محتاج ظفيره ورحت الوكاله اللي بالصناعيه وشيك على الكمبيوتر وماحصل وعقب قالي بنرسل فاكس لدول الخليج اذا موجوده توصل خلال اسبوع او 10 ايام بالكثير وخذ رقمي واتصلي وقالي مب موجوده في كل الخليج ونطلبها لك من اليابان وتدفع لنا مقدما المهم قلت له ماراح انطر 30 يوم وبنفس اليوم سافرت الدمام وحصلت القطعه موجوده عندهم !!!! يعني اشكره جذابين وقولون القطعه مب موجوده بالخليج !! يعني ينقعونك شهر بس عشان تشتري من عندهم

[ALRAYYAN]

اخبر الشيخ ان سعر الرنجات ... خمس رنقات عندهم بـ 11500 ريال لموديل 2007

رحت الامارات وجبتهم من الشارقه من الوكاله الخمسه بـ 5600 ريال اصليين طبعا وبكرتونهم

غير القطع الثانية اللي خذتها من هناك بنص السعر واقل شوي بعد ومن الشركه

انا عندي vxr اخترب عندي كرسي العبري لأنه كهرباء .. كان شاير من طرف يعني ترجع الكرسي على ورى يفتر مكانه

دخلته الوكالة في الصناعيه قالولي تصليحه بيكلف 4600 ريال لأنهم بيغيرون السيستم كامل مال الكرسي اللي تحته

قلت له ان شاء الله يكلف 100 الف على الضمان .. قال لا مو على الضمان

قلت له نعم ... الموتر عليه ضمان 5 سنين .. وبتصلحونه غصب عنكم واعطيه لسان من الزين

دخل الورقه ع المدير وقالي المدير يقول اوكي على الضمان بس تنتظر السيستم يجينا اوردر من اليابان ويبيله شهر

شاسوي نطرتهم شهر وعقب سوولي اياه

هالسوالف مب جديده على التويوتا وبالنسبه لهم شي عادي مو فضيحه ولا شي

الله يعينك ياخوي .. ويعين الجميع ... مشكلتنا مدمنين شي اسمه تويوتا

[بوخالد2]

اشدعوه 14000 اشغلى التويوتا للالماني عيل ؟؟

الله يعينك يالغالي

[تراثكم]

والله قهر
مشكله هذي وكاله وكذا

[مزيون الدوحه]

ذكرتني بواحد من الربع بيشيكون موتره كامل ب 25 الف وقلت له لاتشيكه احسن لك صدقني الاشياء الي بيغيرونها مايبيلها تغيير لاكن الحبيب ماسمع الكلام وبعد اسبوع كلمت رفيجي وقلت له شسويت قالي موتري في الوكاله وبيخلص بكره قلت له براحتك انا نصحتك وانت بكيفك واتصلت له اليوم الثاني وكان في الوكاله بيستلم موتره قلت له قول حق الوكاله تبي كل الاغراض وقطع الغيار الي بدلوها وجيبها لي قالي ليش قلت له جيبها وانت ماعليك والحبيب خذ الاغراض وجابها وخذناها ورحنا حق كراج سيارات وفحصها والله كل قطعه اجدد من الثانيه ومافيهم ولااااااا شي وراعي الكراج قال يبي يشتريها بس طبعا بسعر نازل وخسراه الي ماسمع الكلام

[جرس الإغلاق]

انا من بكرا ابيع الكروزر واخذ 13 بيجو :)

[عـيـون قـطـر]

اشدعوه 14000 اشغلى التويوتا للالماني عيل ؟؟

الله يعينك يالغالي

اخوي بو خالد على فكره احنا مدمنين تويوتا بس تدري الماني غالي بس والله في امان مواعيدهم مثل الناس مو تويوتا يومهم بسنه

[كاتم المواجع]

يالربع0000 المعامله زفت000 والتشيك زفت0000
والله دخلت سيارتي تشيكه 30000 قال عندك مشكله في المكيف يبي له 3 اسابيع000 كلمت واحد من الربع وعطاني رقم فلبيني اسمه000 وقال دفه بفلوس وشوف عطيته الف ريال000 بعد 3 ايام اتصل لي وقال سيارتك خالصه000 ورقمه عندي للي يبيه
يعني الدعوى بالرش000 وقدام عيني مندوب دعم على سياره زبون وعاااادي وقفها في المواقف خبرت المدير وناداه وقال مخصوم عليك يوم00 طنش له وهو يناديه ومطنش000
اذا تبون الخدمه الفوق فوق الفردان وبس0000

[راعى Sl]

الله يعينك الشيخ

[الدبلومااسي]

الله يعينك اخوي على التيوتا اخذ الماني ابرك

[رنج سبورت]

الماني وبس :)

[jassim_9]

شباب انتوا من صدقكم هذي تسمونها وكالة محترمه انا كرهة الكروزر بسبب السيرفس تبدل اويل في يومين ماعرفت الفرق لين جربة وكالة ثانية شريت من عندهم سيارة تغير الاويل ياخذ ساعتين مع الغسيل ومره ماشتغلت السيارة من البطارية وكان يوم جمعه اتصلت علي خدمة الطواريء عندهم وبعد عشرين دقيقة كانوا عندي وشغلو السيارة ولحجوني للبيت وخذو السيارة وجابوها ثاني يوم مغيرين البطارية بدون مادفع شي اتحدى اي واحد يقول وكالة التويوتا تخدم بنفس الطريقة

[بطران]

هاذي عيب الوكالة الي تصيدها زحمه .. يتخزبقون ولا يدرون يتصرفون مع العميل يقولون له شي والواقع شي ثاني ... يبه احذف موترك ادناة معرض وحول على الالماني ولا الامريكي ... تلفون واحد يشلون موترك يشيكونه ويدلعونه ويرجعونه لك ... وبلا علة قلب ... وكالة اشكبرها مافيها رنجات هههههههههههههه واصلن الفنيين مايدرون وين الله قاطهم ... كله واحد ترى لو شغلتهم بمحطة وقود ماراح يفرق شي بشغلهم هههههههههههههه