سؤال قانوني ياهل القانون

[طاير]

السلام عليكم
سؤال قانوني ياهل القانون ...

اذا انا مستأجر ومتناحس مع راعي البيت يبي فوق القيمة الأصلية للعشرة في الميه
يبي ما يقارب 35 بالمية
والعقد ينتهي بتاريخ : 31/08/2007م
وعقب فتره الظاهر شاف مافيه موافقة على الخمسة وثلاثين بالميه قرر انه ايبيع البيت

والحين باعه على شخص وهالشخص يبي يسكن البيت ويطلب إخلاؤه

الأسئله !!!
هل يحق لراعي العقار ايبيعه وفيه مستأجر مايدري اذا بيطلع والا لا ؟
هل ايحق لراعي البيت الجديد ايطلعني بالقانون ؟؟

ياليت تردون علي ...

[بواسطة]

قصه صارت معاي يمكن تفيدك.. واحد من الربع كان مستأجر عقار وفجئه قاله راعي العقار الازم تطلع
طبعا لمصلحه شخصيه !!!!!!!!! الرجال قاله اوكي ماعندي مشكله اذا مصلحه شخصيه ماعندي مشكله ..
شل اغراضه وطلع المسكين وعقب شهرين رد هذا المسكين يبي يشوف البيت والا راعي البيت مأجر البيت على مقيمين الحكمه من هذه القصه انك تحاسب لا ينقص عليك ويطلعك من البيت واذا طلعك واجر البيت ارفع عليه دعوه ف المحكمه .. والمحكمه تحكم لصالحك اذا سبت انه مأجر البيت والحكم يكون انه يأجر لك بيت ف نفس المواصفات حكم ف السعر وف الشكل

[رنج سبورت]

قصه صارت معاي يمكن تفيدك.. واحد من الربع كان مستأجر عقار وفجئه قاله راعي العقار الازم تطلع
طبعا لمصلحه شخصيه !!!!!!!!! الرجال قاله اوكي ماعندي مشكله اذا مصلحه شخصيه ماعندي مشكله ..
شل اغراضه وطلع المسكين وعقب شهرين رد هذا المسكين يبي يشوف البيت والا راعي البيت مأجر البيت على مقيمين الحكمه من هذه القصه انك تحاسب لا ينقص عليك ويطلعك من البيت واذا طلعك واجر البيت ارفع عليه دعوه ف المحكمه .. والمحكمه تحكم لصالحك اذا سبت انه مأجر البيت والحكم يكون انه يأجر لك بيت ف نفس المواصفات حكم ف السعر وف الشكل

بس في حالة كاتب الموضوع الوضع يختلف شوي تدري ليش

لان عقده مع المالك السابق اللي باع البيت وهذا مالك جديد ماعنده عقد معاه شالوضع في هالحاله:con2:

[بواسطة]

على مااعتقد انه في حالة بيع العقار والمستأجر يكون فيه المستأجر ماله خص ولالا علاقه كل شي يتم على حاله على مااعتقد:con2:

[بواسطة]

العقد القديم دايرك ينتقل على صاحب البيت الجديد المستأجر ماله خص
واكبر دليل الحين اذا واحد فكر يشتري عقار اول شي يسال عنه يسال اذا البيت مأجر ولا لا

[ملكة الأسهم]

احنا صار لنا نفس السالفة كنا مأجرين البيت من شخص وهذا الشخص باع البيت على صديقه

وشرط عليه أنه ما يزيد الاجار علينا ولا يطلعنا من البيت ولكن للأسف صاحبه هذا طلع نذل

اي اقولها نذل مع احترامي للجميع العقد كان مع صاحب البيت الاصلي سنتين واحنا تونا

بالسنة الاول يطلب منا نطلع طبعا ما رضينا اشتكى علينا بالمحكمة والايجار هذا اصلا على

الاسكان مب من عندنا بس للأسف المحكمة اصدرت حكم ان نخلي البيت ونشوف بيت ثاني

والحين احنا في بيت ثاني ولين الحين اصلا ما خلص عقد البيت هذاك المفروض ينتهي

بشهر 9 لكن الواحد ما يقول الا حسبي الله ونعم الوكيل والله تعبنا من النقل خصوصا

احنا بيت كبير بيت عيله لا وتكاليف اللي نفقناها على النقل والمكيفا ت ووووو الخ

بس ما قول الا الله ياجرنا خير ...

الله يكون بعونك أخوي

[بواسطة]

ياربي مته تنتهي هالازمه
الانسان اذا جاع عادي واذا ماعنده ملابس عادي وذا ماعنده سياره عادي
بس المشكله اذا ماعنده بيت يأوي نفسه وعياله

[بواسطة]

مشاكل السكن ماكنت اسمع فيها الا ف الافلام المصرية والمسلسلات بس
لا حولا ولا قوه الا بالله

[Redvette]

السلام عليكم
اخوي صاحب البيت يقدر ايطلعك بحكم القانون وبامر من القاضي
اذا كان هو يبي يستنفع من البيت او احد من اقربائة الدرجة الاولى او الدرجه الثانيه وهم لهم الاولويه عليك
وشكرا

[شهد]

اخوي مالك البيت الجديد يقدر يطلعك مدام بيسكن بالبيت
وبذات عقدك انتها معااه وماراح يجدده لك

والله يعينك

[طاير]

مشكورين على المشاركات والمناقشات البناءة

والله المستعان

[الخبير العقاري]

القانون

إذا المؤجر السابق ارسل إليك كتاب خطي باليد أو بالبريد بطلب الإخلاء قبل شهرين من إنتهاء مدة العقد ووقعت على الكتاب او مجرد انك استلمته فيعتبر عقد لاغي ويتوجب أن تخرج من العقار فوراً سوى باع البيت او لم يبيعه.

اما إذا لم يقدم إليك كتاب خلال هذه الفترة وفجاءة قال لك اطلع من البيت راح ابيعه مع بداية شهر 8 واستلم الإيجار فيعتبر العقد تجدد تلقائياً لمدة سنة جديدة

وايضاً يجب أن تتأكد من قصة بيع البيت لان البعض يدعي انه باع البيت صورياً من أجل يخرج المستأجر وهو في الحقيقة غير صادق تذهب بالاوراق البيت مع صورة عقد الإيجار للتسجيل العقاري وتتأكد هل باع البيت ام لا.. وهنا تكتشف الكذب من الصدق للعلم.


وهناك افتراضات اخرى سوف ارد عليك في حالة الرد علينا والتوضيح


ولك احترامي

[ام حمودي]

للاسف اي
راعي البيت الاول يبيع البيت مع الحقوق المحملة معاه مثل الايجار
و المالك الجديد له ما كان للمالك القديم
و القانون المؤقت 4 سنة 2006 اعطاه حق المطالبة بالاخلاء لاسباب
منها السكن الخاص

لكن

لا تحاتي

فيه مية طريقة و طريقة للبقاء

القضاء منصف عندنا صدقني و خصوصا كونك قطري و المشكلة مشكلة ايجار
و الادعاء اذا كان غير مثبت و كأنه لم يكن
اذا قالك هالكلام حجة بس عشان يطلعك ما بيقدر لازم يثبت
بيرفع الاجار يرفعه 10 % لين خلص العقد و يستمر بذلك الى مدة سنتين
بيلف و يدور اكثر
نلف و ندور اكثر معاه
و انا بالخدمة:)

عن خبرة و تجربة و ثقافة

[طاير]

القانون

إذا المؤجر السابق ارسل إليك كتاب خطي باليد أو بالبريد بطلب الإخلاء قبل شهرين من إنتهاء مدة العقد ووقعت على الكتاب او مجرد انك استلمته فيعتبر عقد لاغي ويتوجب أن تخرج من العقار فوراً سوى باع البيت او لم يبيعه.

اما إذا لم يقدم إليك كتاب خلال هذه الفترة وفجاءة قال لك اطلع من البيت راح ابيعه مع بداية شهر 8 واستلم الإيجار فيعتبر العقد تجدد تلقائياً لمدة سنة جديدة

وايضاً يجب أن تتأكد من قصة بيع البيت لان البعض يدعي انه باع البيت صورياً من أجل يخرج المستأجر وهو في الحقيقة غير صادق تذهب بالاوراق البيت مع صورة عقد الإيجار للتسجيل العقاري وتتأكد هل باع البيت ام لا.. وهنا تكتشف الكذب من الصدق للعلم.


وهناك افتراضات اخرى سوف ارد عليك في حالة الرد علينا والتوضيح


ولك احترامي

ماقصرت اخوي
الله يفتح عليك باب الرزق والعلم ...

القصه اخوي
انه شهر 3 جانا شخص قال انا ابي اشتري بيت مع مندوب وقال انا ابي اسكن البيت
انتوا بتطلعون بدون مشاكل جزاكم الله خير باشتري البيت اذا عندكم مشاكل انا مابي مشاكل
قلت له ياخي العزيز اذا بتأجر البيت انا اولى وباستاجره منك واذا بتسكنه حقك وانا باطلع
قال لا ابي اسكن فيه .. المهم قلت له اذا خلاص قررت تشتري البيت عطنا خبر ندبر امورنا واندور بيت

الرجال من شهر 3 ما شفنا وجهة ولا وجه المندوب

من شهر تقريبا راجعت راعي البيت وقلت له ابي اجدد العقد مع العلم انه العقد السابق مكتوب فيه سنه قابله للزيادة لكن لعدم توفر الشيكات ما قدرنا نسوي عقد سنتين فخليناها سنه
المهم الرجال قال لي ماعندي مشكله انا باجهز العقود وانا شاء الله نجدد العقد بس انا ابي عشرة بالمية زيادة
قلت حقك بالقانون
المهم اليوم الثاني اتصل فيني الرجال مره ايقول انا ابي ابني في البيت غرفتين زياده عشان ارفع الإيجار ومره ايقول انا ابي اجدد العقد بعشرة آلاف ريال
قلت له باعطيك تسعة آلاف بس تخلينا نسكن في البيت ماحنا حمل نقل وروح وخصوصا انا مالقينا بيت جديد حالياً
المهم الرجال جلس ايماطل مره يبي عشره ومره يبي تسعه ونصف لغاية ما كلمه اخوي وقال له يا اخي العزيز انا بادور بيت ليمن وقت نهاية العقد اذا مالقيت باراجعك واتفق معاك على اجار مرضي للطرفين

عقب اسبوعين اتصل لي المندوب وقال لي انا مندوب عن راعي البيت وراعي البيت باعه وجابوا وحده تشوف البيت والحين انا قلت لكم شاري البيت يصبر عليكم مره ايقول شهر ومره ايقول اسبوعين عشان تخلون البيت لأنه بيسكنه

وانا محول الموضوع على اخوي لأن صراحه احس في الموضوع لعبه من طرف مالك البيت والمندوب والرجل ايقول الشاري الجديد مايبي مشاكل اطلعوا بدون مشاكل احسن المهم وصلت للتلاسن وقلت له خل صاحب البيت ايكلمني انا غير راضي بوساطتك ..

والمندوب يترك يوم ويتصل . ايش صار في البيت ( اسلوب تطفيش )
العقد ينتهي اخر هالشهر 31/08/2007م !


مشكور مره ثانيه

[طاير]

للاسف اي
راعي البيت الاول يبيع البيت مع الحقوق المحملة معاه مثل الايجار
و المالك الجديد له ما كان للمالك القديم
و القانون المؤقت 4 سنة 2006 اعطاه حق المطالبة بالاخلاء لاسباب
منها السكن الخاص

لكن

لا تحاتي

فيه مية طريقة و طريقة للبقاء

القضاء منصف عندنا صدقني و خصوصا كونك قطري و المشكلة مشكلة ايجار
و الادعاء اذا كان غير مثبت و كأنه لم يكن
اذا قالك هالكلام حجة بس عشان يطلعك ما بيقدر لازم يثبت
بيرفع الاجار يرفعه 10 % لين خلص العقد و يستمر بذلك الى مدة سنتين
بيلف و يدور اكثر
نلف و ندور اكثر معاه
و انا بالخدمة:)

عن خبرة و تجربة و ثقافة

ماقصرتي اختي ..
مشكوره على الكلام الطيب

[خطر]

في القانون المدني ماده تنص على ان صاحب العقار يعتبر صاحب (الرقبه )اللي هي العقار.وايضا يعتبرصاحب حق المنفعه اللي هي (السكنا).فبذلك اذا هو اجرلك حق المنفعه اللي هي السكنا.يعني تقدر تحتج بان محداشعرك من سوأالمالك القديم اوالجديد بأخلاالعقارقبل نهاية العقدالمبرم سابقا.
وتقبلوتحياتي

[RE-Qatar]

الله يعين ..
والله قريت الموضوع ، وقريت الردود ، وقلبي يعورني ، واقول بيني وبين نفسي : -
معقوله هذا كله يصير في خمس سنوات ....!!!
لكن ما اقول الا ( الا ليت الزمن يرجع )

[المغترب 123]

الله ايوفقك اخوي واتمنى تقول ماذا حدث معك من مستجدات لنا ؟؟

[طاير]

ان شاء الله اخوي المغترب :)

[jfal]

للاسف اي
راعي البيت الاول يبيع البيت مع الحقوق المحملة معاه مثل الايجار
و المالك الجديد له ما كان للمالك القديم
و القانون المؤقت 4 سنة 2006 اعطاه حق المطالبة بالاخلاء لاسباب
منها السكن الخاص

لكن

لا تحاتي

فيه مية طريقة و طريقة للبقاء

القضاء منصف عندنا صدقني و خصوصا كونك قطري و المشكلة مشكلة ايجار
و الادعاء اذا كان غير مثبت و كأنه لم يكن
اذا قالك هالكلام حجة بس عشان يطلعك ما بيقدر لازم يثبت
بيرفع الاجار يرفعه 10 % لين خلص العقد و يستمر بذلك الى مدة سنتين
بيلف و يدور اكثر
نلف و ندور اكثر معاه
و انا بالخدمة:)

عن خبرة و تجربة و ثقافة

:nice::nice::nice:

[مدحوب_ قطر]

يحق للشاري اذا يبي البيت للسكن المحكمة رح تحكم بالاخلاء ولا احسن لك ادفع الي يرضي الطرفين ابرك