المساعد الشخصي الرقمي

مشاهدة النسخة كاملة : مطلوب شريك لمشروع تجاري للجادين فقط ..؟؟



ريم
14-09-2005, 02:46 PM
http://www.qatarshares.com/vb/images/not_responsible.gif
مطلوب شريك لا أي مشروع تجاري بشرط بأن يكون المشروع ناجح وتكون هناك دراسة كافيه للمشروع ولاتتعدى تكاليف المشروع 400 الف على أن يلتزم الشريك بدفع النصف وأنا كذلك لايهم نوع المشروع أو نشاطة وللعلم السجل التجاري ليس بالمشكله بالنسبة لي يفضل المشاريع المضمونه ..... والسهله وذات العائد الجيد .... من يجد نفسه يرغب في مشاركتي فيمكنه مراسلتي على الخاص وشكراُ ... فقط للجادين وغير ذلك سوف تهمل الرسائل التي غير جاده

الوهم
14-09-2005, 10:38 PM
حاضرين براس المال .. بس مشروع معين ماعندي

قناص قطر
14-09-2005, 10:46 PM
السلام عليكم

احسن مشروع حاليا المطاعم او الكوفي شوب ،


وعندي عقد من شركه معروفه في تايلاند ( بنكوك ) بخصوص فتح كوفي شوب والعقد حاليا عند المحامي

مادري اذا لك في هذه الشغله من قريب او بعيد

وكذلك هناك عقد من شركه امريكية معجنات مثل سينازون والسينابون بس شيء مختلف، ترتيب موجود في جميع دول العالم وخاصه امريكا وفرنسا وايطاليا وماليزيا والسعودية اكثر من 300 فرع حول العالم

حاليا انا مع 2 شركاء يعني المجموع 3 ، مادري اذا لك الوضع يسمح بالمشاركه ام لأ

الوهم
14-09-2005, 10:48 PM
يشرفني اخوي ... بس ممكن اعرف راس المال ... وكم المطلوب مني

الوهم
14-09-2005, 10:50 PM
واذا تحب نتفاهم على الماسنجر يكون افضل

الوهم
15-09-2005, 02:20 PM
شكلك هونت

قناص قطر
18-09-2005, 11:50 AM
السلام عليكم


المسامحه يالوهم

نسيت الموضوع وين كان وكنت اعتقد انه في منتدى ثاني

والله الموضوع اخوي قيد الدراسه

بخصوص محل الحلويات ( المعجنات ) لين الحين ننتظر رد المالك من امريكا ،

اما الكوفي شوب اشوي شروطه تعجيزية طرشناله الموافقه على بعض الشروط وننتظر الرد

واذا في اي جديد ان شاء الله خير

بويوسف
18-09-2005, 02:01 PM
انه عندي مشروع وقوي جدا بس محتاج له محل في مكان راقي .. والادارة علي

المقرود
18-09-2005, 03:31 PM
السلام عليكم

اخوي قناص قطر .... مشروع الكوفي ممتاز

واذا تحب اشارك معاك ... انا حاظر

الوهم
22-09-2005, 03:18 PM
خلاص اخــوي قناص عطني خبر اول بأول .... وخلنا على تواصل

زهرة الاقحوان
23-09-2005, 11:25 AM
السلام عليكم ورحمة الله وبركاته

أنا ودي أشارك بمشروع وعندي 150 الف وخاطري اطلع سجل تجاري ياليت حد يساعدني : (

وتسلمون

أختكم

زهرة الاقحوان

متعالي
24-09-2005, 08:38 PM
اختي ريم حاب اقولك هذا وقت طفره البورصه وسوف تمتد ثلاث سنوات بي اقل تقدير انصحك بعدم مشاركة اي انسان فيهذا الوقت بي التحديد واستثمري اموالك بنفسك اوعملي مشروع انتي تحبينه وتجدينه مناسب لكي ولي قدراتك مثل اذا كنتي تحبين الازياء وتتابعين كل جديد افتحي محل . وانا من موقع خبرتي في التجاره انصحك بي الاستثمار في سوق الدوحه لي الاوراق الماليه سواق ممتاز واعد بي ارتفعات هائله اوسوق دبي المالي لمدة عام وانشاء الله بعد سنه بتلقين راس مالك تضاعف عدة مرات في هذا الوقت اعملي مشاريعك الي تحبينهاولو لا قدر الله وخسرتي بيكون عندك راس مال يخليك تبدين من جديد وبي الحاله هذي تكوني اكثر ثقه بنفسك وبي قرارتك

المهندس عبدالعزيز
24-09-2005, 10:37 PM
كوفي شوب لا أعتقد أنه سيربح في قطر ألا إذا كان مشهور ومتعوب فيه ولعله سيخسر في أول 5 سنين والله أعلم

ولا أنصح بالدخول مع شخص اخر في مشروع تجاري لأن لكل شخص اراءه وفلسفته ومنهجه وأختياراته ...الخ وقد يتطور الأمر إلى جدال

MUBASHER
28-09-2005, 03:01 PM
اختي ريم انا عندي مشروع صناعي ok ممكن

الخفي
17-10-2005, 05:09 AM
عطنا اقتراحاتك

مستثمر_
18-10-2005, 11:25 PM
السلام عليكم

صراحه افكاركم حلوووه وانا مستعد بالمشاركه

*__عديل الروح__*
19-10-2005, 02:05 AM
الله يوفق الجميع انشاله

jajassim
23-10-2005, 07:23 PM
:con2: :con2: :con2:

فاهد العذبة
27-10-2005, 05:27 AM
والله في مشروع يدخل ذهب بس بشوف اذا قدرت عليه ولا بعرضه عليكم

فاهد العذبة
27-10-2005, 05:48 AM
السلام عليكم ورحمة الله وبركاته

أنا ودي أشارك بمشروع وعندي 150 الف وخاطري اطلع سجل تجاري ياليت حد يساعدني : (

وتسلمون

أختكم

زهرة الاقحوان


شنو مشروعج واقول لج عن التفاصيل لأن كل نشاط له تكاليفه بس تقريبا في حدود ال5000 بيكلفج اذا المشروع صغير واذا كبير بأستفسر لج

ريم
30-10-2005, 08:35 AM
اختي ريم حاب اقولك هذا وقت طفره البورصه وسوف تمتد ثلاث سنوات بي اقل تقدير انصحك بعدم مشاركة اي انسان فيهذا الوقت بي التحديد واستثمري اموالك بنفسك اوعملي مشروع انتي تحبينه وتجدينه مناسب لكي ولي قدراتك مثل اذا كنتي تحبين الازياء وتتابعين كل جديد افتحي محل . وانا من موقع خبرتي في التجاره انصحك بي الاستثمار في سوق الدوحه لي الاوراق الماليه سواق ممتاز واعد بي ارتفعات هائله اوسوق دبي المالي لمدة عام وانشاء الله بعد سنه بتلقين راس مالك تضاعف عدة مرات في هذا الوقت اعملي مشاريعك الي تحبينهاولو لا قدر الله وخسرتي بيكون عندك راس مال يخليك تبدين من جديد وبي الحاله هذي تكوني اكثر ثقه بنفسك وبي قرارتك

شكرا لك اخوي على النصيحه وأنا أنشالله مب طالعه من البورصه بس هاي زياده الخير خيرين والصراحه المشروع الناجح يعتبر مصدر دخل ثابت مو مثل البورصه كله على الاعصاااااااب :nice:

ريم
30-10-2005, 08:41 AM
السلام عليكم ورحمة الله وبركاته

أنا ودي أشارك بمشروع وعندي 150 الف وخاطري اطلع سجل تجاري ياليت حد يساعدني : (

وتسلمون

أختكم

زهرة الاقحوان



أوكي أختي أنا بتشارك معاج بس في بالج مشروع معين ياليت اتكلميني في الخاص لو سمحتي :)

ريم
30-10-2005, 08:49 AM
الصراحه أخواني أنعرض علي مشروووووع مادري يالسه افكر فيه أبي رايكم الصراحه هو المشروع ماله شغل في البنات كلش المشروع الله أيسلمكم محل لتأجير وبيع وتصليح الدراجات تبون الصج أنا أتصلت في محل أهني كان حاط أعلان في الجرايد وسئلته عن اليوم للدراجه قالي شي جي 100 ريال يعني لو عنده 10 دراجات اب 100 في اليوم هاي 1000 ريال في شهر 30 الف ريال ياليت الي عنده أي فكره أو عنده دراسه للموضوع أيقولي أنا عندي محل مشابه والحمدالله أيدخل علي ذهب بس مو دراجات ومابي اقلوكم شنو اسمه أو نشاطه عشان ماينعرف بس هو فيه ريم طبعا ياليت أتفيدوني والله محتاجه رايكم لانه الصراحه الي عرض علي الموضوع دخل الفكره في راسي وانا مب عارفه ابكم هاي الدراجات وشنو المطلوب مني عشان اقدر افتح هاي المحل وشنو الضمنات يعني ماياخذون درجاتنا ومايردونها أبي كل شي عن المشروع الله أيخليكم ووالله مب ناسيه هاي الشي لكم :)

سلطان زماني
30-10-2005, 03:15 PM
يبى مشرووع الدبابات هذى يبيلها وقفه يعنى شغل شغل

وكل مره جايبين قطعه من المكان الفلانى ومشعارف ايش واموور

كثيره

لاكن انا عندى لج مشروووع شرط ان ربحج فى الشهر

6000 ريال والله لو يطرى علا بال اى واحد ما راح اطوفه

لا بعد كل ما كثرت الكميه كل ما زاد الربح اخوج من الكويت

لاكن المشروووع عندكم فى قطر علا العموووووم

راسلينى علا الخااااص

co0o0ol
30-10-2005, 10:30 PM
يا اخواني انا عند فلوس لكن ماعرف حق التجارة والله لو احصل حد يمكن يكون راسمالي يوصل المليون بشرط دراسه وافيه عن المشروع ومدخوله التقريبي فى الشهر وعلى شرط مايكون فيه حرام مثل الشيش وغيرها

ريم
31-10-2005, 02:07 PM
يبى مشرووع الدبابات هذى يبيلها وقفه يعنى شغل شغل

وكل مره جايبين قطعه من المكان الفلانى ومشعارف ايش واموور

كثيره

لاكن انا عندى لج مشروووع شرط ان ربحج فى الشهر

6000 ريال والله لو يطرى علا بال اى واحد ما راح اطوفه

لا بعد كل ما كثرت الكميه كل ما زاد الربح اخوج من الكويت

لاكن المشروووع عندكم فى قطر علا العموووووم

راسلينى علا الخااااص




شكراُ لك اخوي ووالله صج كلامك المشروع هاي يبي له موافقه من المرور أعتقد يعني سالفه ومب ناقصه مشاكل الناس الا ماخذينهم وماردينهم ولا طايحين منهم ورافعين علينا قضية ووالله صج كلامك المشروع هاي كله مشاكل كافي صيانهتهم يمكن أتطير نص الربح عموما أخوي انا يالسه أنتظر المشروع في الخاص منك لو سمحت :) حتى لو اتقولي عنه رؤس أقلام أذا ماتحب اتقول لي الفكره نفسها

H A D i
07-11-2005, 12:07 AM
السلام عليكم ..

الاخت ريم .. نصيحه اختاري مشروع يناسب لج .. يعني انا اشوف الامور النسائيه تصلح لج اكثر ..

وانا عندي لج اكثر من فكره ..

المشروع الاول ... يحتاج راس مال

وهو عباره عن أكسسوارات نسائيه ..

اعرف مصمم من جنسيه عربيه .. مصمم اكسسوارات نسائيه .. وعندي بعض الصور لعماله

فاتح محل في دوله خليجيه وربحااان ودخل ذهب ..

وحاب يفتح فرع في قطر .. عرض علي المشروع لكن انا مالي في الشغلات النسائيه ..

.................
المشروع الثاني وهو مشابه لهذا المشروع نوعاً ما

عباره عن محل .. لكسسوارات نسائيه

وطبعا من النوع الراقي .. والي سعره قليل ..

وهذي طبعاً تشترينها بلجمله وبأشكال مختلفه .. وبسعر مناسب

وانتي تعرفين اكيد كم اسعارها هنااا في قطر

.........

وعندي مشروع بعد نسائي بس مختلف اشوي ويحتاج محل

بسعود
08-11-2005, 07:35 PM
اللي يبي يسوي مشروع لازم تكون التكلفة (راس المال) قليلة والربح مقارنة بالتكلفة معقول وانصح بقراءة كتاب عن المشاريع الصغيرة

المــستشار
10-11-2005, 11:26 AM
اللـــــــــــــــــــــــه يوفقكم وأنشاء الله أول واحد بأذن الله أشرب عندكم كبتشينو...........
أذا تسمحولي........................................... ..

Qtri
11-11-2005, 03:36 PM
الله يوفقكم جميعا اخواني واخواتي في مشاريعكم والاخت ريم اي دراجات تقصدين اكيد تاريه اذا كان ناريه ماعتقد في اليوم اكثر من 50 دراجه اما اذا كانت هوائيه فدخلها بسيط انصحج اختي شوفي مشروع ثاني يدر عليج ربح اكثر لان بيكون عندج راس مال معقول الله يوفقج اختي