بنات هالأيام

[انتظار مصير]

السلام عليكم



حبيت أنبهكم على شي منتشر وااايد بين البنات هالأيام
و يمكن إنكم اتعرفون حكمه و يمكن لا
و أتمنى إنكم تنشرونه

الشي هو اللي يسونه البنات يوم يطلعون
و هو الشبيه بالراس الثاني على راسهن
و أونه هذا من طول شعرهن و غلظه

لكن....

في حديث نبوي شريف يقول:
عن النبي صلى الله عليه و سلم: صنفان من أهل النار لم أرهما: قوم معهم سياط كأذناب البقر يضربون بها الناس، و نساء كاسيات عاريات مميلات مائلات، روؤسهن كأسنمة البخت المائلة لا يدخلن الجنة، و لا يجدن ريحها، و إن ريحها ليوجد من مسيرة كذا و كذا.
رواه مسلم

كأسنمة البخت: يكبرنها و يعظمنها بلف عمامة أو عصابة أو نحوها.

و بتلاقونه في كتاب رياض الصالحين
ص 565


اللهم إني بلغت!

[المزواج]

الله يهدي الجميع إن شاء الله
مشكور يابوحمودي

[انتظار مصير]

مشكور يا خوي المزواج على المرور

[الـدانـه]

والله انا مافهمت


ايش هو الشبيه بالراس الثاني ...... :looking:


مشكور بوحمودي

[ذيبه مزاجيه]

تسلم يا بو حمودي الله يجعله في ميزان حسناتك

والله يستر على الجميع

[التيما]

اتفق معاااك اخوووووي صراحه انا اسميه الييان = وحش فضائي له راس كبير .. والله حرام اللي يسوونه الله يهدي الجميع

[وطن]

جزاك الله خير اخوي

فعلاً رؤوسهم كأسنمة البخت المائلة

الله يهديهم ان شاء الله

[انتظار مصير]

أختي الدانه البنات لما يسون هذي الحركه يقصدون لفت إنتباه الشباب بالذات يبغي يوضحون إن شعورهن طويلة وغليضة (( الشبيه بالراس الثاني ))(( كأن لهم راسين ))
ومشكورة أختي على المرور

[انتظار مصير]

أختي ذيبه مزاجيه أخواني التيما ، وطن يشرفني مروركم ويعطيكم العافيه

[الـدانـه]

أختي الدانه البنات لما يسون هذي الحركه يقصدون لفت إنتباه الشباب بالذات يبغي يوضحون إن شعورهن طويلة وغليضة (( الشبيه بالراس الثاني ))(( كأن لهم راسين ))
ومشكورة أختي على المرور


قصدك وصلات الشعر ؟؟؟


يمه شنو راس ثاني


والله مافهمت

[انتظار مصير]

والله ما فهمت إيش وصلات شعر الحمدالله أهلي مايسون هذي الحركات وأنتي بنت أدرى بهذي الحركات:con2:

[الـدانـه]

والله ما فهمت إيش وصلات شعر الحمدالله أهلي مايسون هذي الحركات وأنتي بنت أدرى بهذي الحركات:con2:


:con2::con2::con2:


شعري مايحتاج وصلات


وشدخل اهلك :eek2:

[انتظار مصير]

أتمنى أختي الدانه إنج تقرين الحديث وتفهمينه لأن فيه الجواب الشافي لج وخليج من كلامي
اللهم أهدي الجميع

[الـدانـه]

انا عمري ماقريت حديث ان وحده لها راسين


عمومآ جزاك الله خير بحاول ادور ع الحديث وافهمه

[انتظار مصير]

حديث نبوي شريف يقول:
عن النبي صلى الله عليه و سلم: صنفان من أهل النار لم أرهما: قوم معهم سياط كأذناب البقر يضربون بها الناس، ((و نساء كاسيات عاريات مميلات مائلات، روؤسهن كأسنمة البخت المائلة لا يدخلن الجنة، و لا يجدن ريحها،)) و إن ريحها ليوجد من مسيرة كذا و كذا.
رواه مسلم
هذا هو الحديث يا الدانه وحرام الجدال في الحديث

[انتظار مصير]

أنا شبهت البنات كأن لهم راسين هذا تشبيه فقط وليس حديث أختي الدانه والله إلي ماقرأ الأحاديث النبوية مشكله كبيرة اللهم أهدني وأهدي جميع المسلمين

[الخيزران]

جزاك الله خير اخوي ....والله يهديهن ويهدي امة محمد

الدانة ....هو يقصد .لما البنات يرفعون شعورهن بالعضاضة (الشباصه) فيكون راسها كانه سنام الجمل ...وهذا الشي فيه لعنة صريحة... بس ....استغفر الله العظيم ...في ناس صاروا يتساهلون حتى في اللعنة ومن من ...من رب العالمين !

الله يستر علينا

[دلة الرسلان]

جزاك الله اخي الكريم وفعلا بعض البنات تشوفها حاطة فوق رأسها هودج حشى موب شعر...........وبصراحة والله ما ادري ايش الانوثة ولا الاغراء فيه لا وسمعت في الكويت يدخلون في الشعر لما يلمونه فوق الرأس قوطي روب ويلفون عليه الشيلة لايطيح :funny:

[ANONYMOUS]

في بنات يكبرون روسهم.. مفهومه..

بس وش هالشيب؟؟ شموضوعه

[انتظار مصير]

الخيزران ، دلة الرسلان ، شنو يعني سعر السهم شكرً على المرور ويعطيكم العافيه

[قطريه ماركه]

جزاك الله خير ع الموضوع ...

[حنان الدنيا]

صدقت اخوي وتلاقي ماعندهاا شعر بس تسويه بالحركه هاذي عشان تبين ان شعرها غليظ

الله يهديهم ان شاء الله والمشكله مايعرفون عقابها يوم القيامه والله يستر علينا

[شموخ قطر]

جزاك الله اخي الكريم وفعلا بعض البنات تشوفها حاطة فوق رأسها هودج حشى موب شعر...........وبصراحة والله ما ادري ايش الانوثة ولا الاغراء فيه لا وسمعت في الكويت يدخلون في الشعر لما يلمونه فوق الرأس قوطي روب ويلفون عليه الشيلة لايطيح :funny:


والله اختي مت من الضحك على قوطي الروب

الله يهداهم بس وجزى الله صاحب الموضوع خير

[الخيميائي]

ياجماعة انتوا تتكلمون بالالغاز

شسالفه الموضوع

الحديث ومفهوم والحمدالله

بس ياليت تشروح لنا مصطلحاتكم :p

[القناعة كنز]

ياجماعة انتوا تتكلمون بالالغاز

شسالفه الموضوع

الحديث ومفهوم والحمدالله

بس ياليت تشروح لنا مصطلحاتكم :p


الموضوع يااخوي يتكلم عن موضة هالايام اللي البنات يسوونها يلفون شعورهم بشباصة وهالشباصه كبيرة كبر ويوههم عاد عقب لين غطت شعرها بالشيلة الخفيفه تبين هالشباصه من فوق كان لها راس ثاني وهاللي يتكلم عنهم الحديث الشريف ((رؤؤسهن كأسنمة البخت))

عاد لو حطوا قوطي روب مثل ماتقول اختي دلة صارت تسريحة ام كلثوم

[الخيميائي]

الموضوع يااخوي يتكلم عن موضة هالايام اللي البنات يسوونها يلفون شعورهم بشباصة وهالشباصه كبيرة كبر ويوههم عاد عقب لين غطت شعرها بالشيلة الخفيفه تبين هالشباصه من فوق كان لها راس ثاني وهاللي يتكلم عنهم الحديث الشريف ((رؤؤسهن كأسنمة البخت))

اهاه قصدك مثل الطربوش :looking:

خبركم اسمعكم تقولون لها راسين فما قدرت اتخيل الوضع :o

الله يهديهم ان شاء الله

وشكرا على التوضيح

[المزواج]

أخوي بو حمودي الصراحة موضوعك جداً مهم وأتمنى من البنات إن الله يهديهم ومايسون هذي التسريحه العجيبة
اشدعوه برج إيفل

[انتظار مصير]

مشكورين على المرور وردكم الطيب على الموضوع

[الـدانـه]

جزاك الله خير اخوي ....والله يهديهن ويهدي امة محمد

الدانة ....هو يقصد .لما البنات يرفعون شعورهن بالعضاضة (الشباصه) فيكون راسها كانه سنام الجمل ...وهذا الشي فيه لعنة صريحة... بس ....استغفر الله العظيم ...في ناس صاروا يتساهلون حتى في اللعنة ومن من ...من رب العالمين !

الله يستر علينا



اهاا الحين فهمت

جزاك الله خير على التوضيح

واذا الوحده شعرها طويل شتسوي فيه ؟؟؟ :looking:

ارفعه بالشباصه لايبين من ورى الشيله :p

[الـدانـه]

أخوي بو حمودي الصراحة موضوعك جداً مهم وأتمنى من البنات إن الله يهديهم ومايسون هذي التسريحه العجيبة
اشدعوه برج إيفل


:funny:

[فلوه]

جـزاااك الله خير اخوي


والصرااااحـــــه ...هو مش كبر راسهم....لا ....أكبر بكثـــــــــــــــــــــــير



بنات..... ..بناااااات هذا الحديث:deal: لا تطلعوووون لنا فيهااا وتقعدووون ((اتطنزوووون )) هذا كلاااام رسولنا الكريم ..بسج تبقش بشعرج ...والله انه ماااا يزيدج جماااال ....بس ايحط ((ابليس على راسج)) وتبااااهين به انه رااااكب راااسج



اللهم لك الحمد والشكـــــــر

[A.L.I]

جزاك الله خير

[انتظار مصير]

اختي فلوه وأخوي A.l.i
جزاكم الله خير ومشكورين على المرور

[انتظار مصير]

الحمدالله على السلامه توج فهمتي يالدانه
بس كفايه تطنز على الأحاديث النبوية الشريفة وعلى كلام رسولنا الكريم وما أظن أن في أحد يعترض على حكم الله ورسوله

[خفايا الروووح]

ياكثرهم ف الجامعه


الله يستر عليهم ويهديهم ...وجزاك الله خير اخوي

[انتظار مصير]

يشرفني مرورج أختي خفايا الروح

[الطرف الأغر]

هههههههههههههههههههه راس ثاني و قوطي روب وطربوش

تعليقات الأعضاء اتضحك بصراحه :funny:


ملاحظه : انا ضحكت على تعليقات الأعضاء لحد يقولي تضحك على الحديث ولا مادري شنو omen


بس أعتقد انها موضه وبتروح ،، أتذكر لما هبو البنات قبل في القذله المنفخه وكل ما كانت كبيره كانت أحلى ،، الحين أتخيل اشلون كنا نسوي جي استغرب

الله يهدينا ويهدي الجميع ان شاء الله

[قطري في لندن]

اتفق معاااك اخوووووي صراحه انا اسميه الييان = وحش فضائي له راس كبير .. والله حرام اللي يسوونه الله يهدي الجميع

وحش فضائي ؟؟؟؟؟؟؟؟؟؟؟؟؟؟؟ :looking: omen

[قطري في لندن]

اخوي اذا شعره اطويل شتسوي والله يعين البنات على اشعورهم صرحه

وتقبل مروري اخوك قطري في لندن

[المزواج]

الصراحه مافي داعي أتلفه وتحطه في قمة راسها
تقدر تلفه على تحت
الله يستر على بناتنا

[غزلان]

جزاك الله اخي الكريم وفعلا بعض البنات تشوفها حاطة فوق رأسها هودج حشى موب شعر...........وبصراحة والله ما ادري ايش الانوثة ولا الاغراء فيه لا وسمعت في الكويت يدخلون في الشعر لما يلمونه فوق الرأس قوطي روب ويلفون عليه الشيلة لايطيح :funny:

:D:D

حلوه قوطي الروب

الله يهدي الجميع

شكرا لصاحب الموضوع

[انتظار مصير]

شكراً أختي غزلان على المرور
ويعطيج العافيه

[ونه الم]

الله يهدي هالنوعيه من البنات
واسال الله ان يهدي الجميع
ويستر على الجميع
...اللهم امين...

[قمرهم كلهم.]

الله يهديهم ان شاء الله

[ANONYMOUS]

اهاا الحين فهمت

جزاك الله خير على التوضيح

واذا الوحده شعرها طويل شتسوي فيه ؟؟؟ :looking:

ارفعه بالشباصه لايبين من ورى الشيله :p



لا شعر البنت غليض ولا طويل.. المفروض تدخله في الجلابيه.. ولا البلوزه

ولا اي شي لابسته..

[بوخالد2]

جزاك الله خير اخوي

[انتظار مصير]

يشرفني مروركم ويعطيكم العافيه

[nooora]

جزاك الله خير ;)

[انتظار مصير]

ماتقصرين يا أختي نوورة على هذي الردود الجميله وشكراً

[لولوتي]

السلام عليكم
الشي هو اللي يسونه البنات يوم يطلعون
و هو الشبيه بالراس الثاني على راسهن
و أونه هذا من طول شعرهن و غلظه
اللهم إني بلغت!

الصراحه اذبحتني هالفقره من الضحك:shy:
السموحه بو حمودي

وبالفعل انا الصراحه ماادري شنو وجه الجمال في هالتشكيله العجيبه...اتلاقي الوحده منهم طالع لها راس طوله شبرين:(

الله يهدي الجميع

[Orbit]

الصراحه اذبحتني هالفقره من الضحك:shy:
السموحه بو حمودي

وبالفعل انا الصراحه ماادري شنو وجه الجمال في هالتشكيله العجيبه...اتلاقي الوحده منهم طالع لها راس طوله شبرين:(

الله يهدي الجميع

ماينلام الاجنبي لما يصور هذه الكائنات الغربية
بوراسين ويضعها في موقع اليوتب وغيرها من
مواقع الصور من حقه
نعم من حقه ولحد يعترض على وضع صورهم

[انتظار مصير]

شكراً على المرور ويعطيكم العافية