هل من حل لما يحدث في المجمعات التجارية !! [الأرشيف]

ابن الوكره

26-08-2007, 08:57 AM

السلام عليكم

حقيقة انا اكتب عن ظاهره بدات تزيد في المجمعات التجارية القطرية و يجب ان يتم ايجاد حل لها فوراً قبل ان تصبح عاده سيئه تسيء للبلاد و اهلها و زوارها من الخارج هذه الظاهره هي زيادة العمالة ( الاجانب العزاب ) في المجمعات التجارية مثل السيتي سنتر و فيلاجو دون قصد الشراء و انما التسلية و التمشية خصوصا ايام الخميس و الجمعة و السبت من نهاية كل اسبوع مما يجعل دخول هذه المجعات التجارية امر في غاية الصعوبه على العوائل بسبب الزحام الشديد ( الكتف في الكتف ) و كذلك امر مقزز لغيرهم لما يحدث داخل هذه المجمعات فهولاء العماله ( العزاب ) بملابسهم الرياضية القصيرة الغير لائقة و كذلك تحرشهم بخدم العوائل الخليجية و انا شخصيا تعرضت خادمتي لتحرش احدهم و هرب في زحمة المجمع قبل ان امسكه غير امور الترصد للسرقة و غيرها من الافعال المشينه , الامر الذي جعلني اتجنب نهائيا دخول مجمعتنا في ايام نهاية الاسبوع ( طبعاً هذا مش حل للمشكلة !! ) لاننا بصراحة ننتظر حل من الجهات المسؤولة في الدولة و كذلك ملاك هذه المجمعات لان من مصلحتهم ان تكون مجمعاتهم اماكن محترمه فكما للعمالة مناطق سكن خاصة بهم يجب ان يكون المجمعات الكبرى لها ظوابط و قوانين مثل منع دخول العمالة في نهاية الاسبوع خصوصا ( باصات الشركات ) التي تجلبهم بالمئات الى المجمعات في كل نهاية اسبوع وفرض غرامات مالية على الشركات التي تاخذ عمالها الى المجمعات التجارية.

هناك اسواق اخرى لهذه العماله مثل ( اللولو ) و ( دسمان ) وغيرها تغتص بالعماله مما جعل القطرين و العوائل على وجه التحديد تتجنب دخول هذه الاسواق وتركتها بالكامل لهم ناهيك انه في الاساس المجمعات التجارية لا يجب ان تكون للتسلية فقط حيث ان مناطق التسلية والترفية موجوده في كل مكان هناك حدائق و كورنيش لمثل هذه الامور.

يجب اجبار الشركات بدل البحث عن وسيلة رخيصة للترفيه عن العمال بشحنهم بالباصات و ارسالهم كل اسبوع الى الاسواق و مضايقة الناس يجب اجبار هذه الشركات على عمل حدائق و ملاعب و برك سباحة للعمال ضمن سكنهم و توفير السوبر ماركت لاحتيجاتهم مثل ماتعمل الشركات المحترمة في مدينة امسيعيد الصناعية حيث توفر كل هذا لعمالها دون ان ترسلهم للدوحة كل اسبوع مثل ماتفعل شركات المنطقة الصناعية و الدوحة.

بطران

26-08-2007, 09:04 AM

الشيخ العزاب ماتقدر تقولهم شي ...هالوقت كل واحد حر بالنفسه وكل واحد عقله براسه وكلن يعرف خلاصه من الجنسين ... يعني اذا قصدك على الستي يوم الجمعه ترى شباب الدوريات مايقصرون والامن ... هاذي العماله ماتدخل الستي واكثريتهم بالسكه ... اما بالنسبه للشركات ترى هاذيلا لهم تصريح معين او اجراء يخولهم يدخلون وين مايبون ...مثل الشركات الصناعيه الي خارج حدود الدوحه ...

الله يعينك تقدر تروح هالاماكن الخميس والسبت..بس خل الجمعه بعيد عنك ... لان بصريح العباره يوم مب ملكك ولا ملكي ولا ملك اي مواطن ... روح صوب سوق النجاده بتحصل الاجرام بعينه واعلمه!!

ابن الوكره

26-08-2007, 09:11 AM

اخوي اشكر لك مداخلتك لكن بصراحه ما شفت رجال امن داخل المجمعات كلها دوريه او دوريتين خارج المجمع فقط لرصد مخالفات الوقوف و في الغالب تكون هذه الدوريات من النساء يعني انسى انهم يدخلون في المجمع او يقدرون يمسكون عامل مثلا تحرش بخادمتك !

على فكره هذه الظاهره جديده على البلد مكانت موجوده و اذا على التطور و الانفتاح ياخوي دبي و البحرين سبقونا بسنوات طويله لكن ماهو كفوا عامل او اجنبي يتحرش بخادمه او حتى يكلمها او تشوف تكدس العماله في المجمعات التجارية لان في كل مكان موجود رجال امن.

امل الحب

26-08-2007, 09:12 AM

ماعندي اي فكرة عن الي يصير هناك..

لاني قاطعة من زمان :)

ان شاء الله تلاقي حل

قمرهم كلهم.

26-08-2007, 09:16 AM

يعني وين يروحون
واحد يقولك ما نعرف نروح الكورنيش بسبتهم وثاني يقولك امنعوهم من دخول المجمعات
يعني إجازتهم يوم الجمعة وين تبيهم يروحون ياخوي ترى هم بشر حالنا حالهم ولهم حقوق نفس ما عليهم واجبات ومن حقهم التنزه والخروج في يوم اجازتهم
نعم هناك سلبيات واضرار كثيرة ولكن اولا واخيرا نحن لا نريد ان نظلمهم او نسلبهم حق من حقوقهم بمنعهم من دخول المجمعات او الذهاب للكورنيش
نعم نبحث عن حل للمشكلة ولكن لا يكون على حسابهم
اقبل تحياتي اخوي ابن الوكره
وسامحني عالإطالة

بطران

26-08-2007, 09:16 AM

الشيخ في مكتب امن بالطابق الارضي للداخليه كان رحت اشتكيت ... الي اعرفه ان هالاجانب ممنوعين من الدخول ..

PoBox

26-08-2007, 09:20 AM

السلام عليكم

حقيقة انا اكتب عن ظاهره بدات تزيد في المجمعات التجارية القطرية و يجب ان يتم ايجاد حل لها فوراً قبل ان تصبح عاده سيئه تسيء للبلاد و اهلها و زوارها من الخارج هذه الظاهره هي زيادة العمالة ( الاجانب العزاب ) في المجمعات التجارية مثل السيتي سنتر و فيلاجو دون قصد الشراء و انما التسلية و التمشية خصوصا ايام الخميس و الجمعة و السبت من نهاية كل اسبوع مما يجعل دخول هذه المجعات التجارية امر في غاية الصعوبه على العوائل بسبب الزحام الشديد ( الكتف في الكتف ) و كذلك امر مقزز لغيرهم لما يحدث داخل هذه المجمعات فهولاء العماله ( العزاب ) بملابسهم الرياضية القصيرة الغير لائقة و كذلك تحرشهم بخدم العوائل الخليجية و انا شخصيا تعرضت خادمتي لتحرش احدهم و هرب في زحمة المجمع قبل ان امسكه غير امور الترصد للسرقة و غيرها من الافعال المشينه , الامر الذي جعلني اتجنب نهائيا دخول مجمعتنا في ايام نهاية الاسبوع ( طبعاً هذا مش حل للمشكلة !! ) لاننا بصراحة ننتظر حل من الجهات المسؤولة في الدولة و كذلك ملاك هذه المجمعات لان من مصلحتهم ان تكون مجمعاتهم اماكن محترمه فكما للعمالة مناطق سكن خاصة بهم يجب ان يكون المجمعات الكبرى لها ظوابط و قوانين مثل منع دخول العمالة في نهاية الاسبوع خصوصا ( باصات الشركات ) التي تجلبهم بالمئات الى المجمعات في كل نهاية اسبوع وفرض غرامات مالية على الشركات التي تاخذ عمالها الى المجمعات التجارية.

هناك اسواق اخرى لهذه العماله مثل ( اللولو ) و ( دسمان ) وغيرها تغتص بالعماله مما جعل القطرين و العوائل على وجه التحديد تتجنب دخول هذه الاسواق وتركتها بالكامل لهم ناهيك انه في الاساس المجمعات التجارية لا يجب ان تكون للتسلية فقط حيث ان مناطق التسلية والترفية حيث موجوده في كل مكان هناك حدائق و كورنيش لمثل هذه الامور.

اخوي دام الدولة ادخلتهم البلد للعمل
فمن حقهم كبشر يدخلون كل مكان

عندك يوم الجمعة مثلا
ممنوع عليهم دخول سوق واقف
ولو لاحظت المداخل والمخارج للسوق
كلها قوات للامن من سوق واقف
تمنعهم من عفسة السوق
وجد هالمنظر عنصري ،
صعب جدا منعهم من دخول المجمعات
كفاية ان هذا يوم راحتهم الوحيد
لازم يتمشون فيه في اي مكان

الحل
الدولة توفرلهم مجمعات خاصة فيهم
في اماكن سكنهم في الصناعية مثلا
(( بعد بناء مجمعاتهم المزمعة للعمالة ))
وغيرها من الطرق
اما المنع والوقوف على الباب

وانت يافلان تدخل وانت يافلان ماتدخل
على حسب ملابس الشخص
اعتقد مستحيل وصدق اشوفه استحقار للبشر

(( ملاحظة ))
ما ادافع عن تصرفاتهم المشينة
انا معاك وانا ضدها

لكن القطرييين العزاب وماكثرهم بعد يتحرشون في المعزبة:looking:
والدريول يتحرش في الخدامة :looking:
وكل يمد رجله بلحافه

وعليه لازم نطالب بمنع دخول الشباب القطري المستهتر ايضا
:looking:

ابن الوكره

26-08-2007, 09:23 AM

يعني وين يروحون
واحد يقولك ما نعرف نروح الكورنيش بسبتهم وثاني يقولك امنعوهم من دخول المجمعات
يعني إجازتهم يوم الجمعة وين تبيهم يروحون ياخوي ترى هم بشر حالنا حالهم ولهم حقوق نفس ما عليهم واجبات ومن حقهم التنزه والخروج في يوم اجازتهم
نعم هناك سلبيات واضرار كثيرة ولكن اولا واخيرا نحن لا نريد ان نظلمهم او نسلبهم حق من حقوقهم بمنعهم من دخول المجمعات او الذهاب للكورنيش
نعم نبحث عن حل للمشكلة ولكن لا يكون على حسابهم
اقبل تحياتي اخوي ابن الوكره
وسامحني عالإطالة

ياخوي مش على حسابهم بس بعد مش على حساب العوائل و المنظر العام للبلد ثم كفاية انه يكون هناك مجمعات معينه تسمح لهم بالدخول في نهاية الاسبوع و انا اعطيت امثله من مجمعات تجارية العوائل القطرية تتجنبها علشانهم لكن الامر يوصل الى كافة المجمعات القطرية فعلاً الامر اصبح في حاجه الى حل من الجهات المختصه.

a-razzaq

26-08-2007, 10:17 AM

اذا جهات معينه تمنع دخول هالعمال وخلو رجل الامن علي ابواب
هل بيمنعون اوروبيين(europeons) عن دخول؟؟؟؟
و اروبيين و لبنانيين رجال و نساء هم شبه عاري

الزاجل

26-08-2007, 10:31 AM

والله محد مسوي مشكلة في السوق الا هم ..

ايام الجمعة والسبت لهم
ينشحنون في الباصات وينحذفون في الأسواق
لأذية خلق الله
وياليتهم يشترون ..

يوم الجمعة يوم راحة وتقضية حوائج للعمال
مب يوم تسكع في الأسواق !!

المفروض الدولة اتخصص لهم
اماكن يجتمعون فيها بدل ما هم امأذين خلق الله..

حتى التجار يشتكون منهم
بسبة انتشارهم في الأسواق بداعي ومن غير داعي
والسبب انهم مثل البيف باف اللي يخاف من الزهيوية
الحريم ما يروحون السوق والحجة هذيلا ..

حتى المجمعات
ما عندهم شي غير الدوارة والتقزز ومضايقة خلق الله .

المفروض يفتحون لهم مجمع خاص لهم
فيه فعاليات خاصة لهم ..

و محلات خاصة بهم ..

لأنهم بجد
بجد
وعم وخال وولد اخت
مسوية قلقان من غير سبب ..

فإذا وجودهم عادي
ليش الشرطة تحرمهم من دخول سوق واقف ايام الجمعة ؟!!

حتى تجمعاتهم تقول نمل على شكر
من غير داعي ماله داعي اصلا انهم
ينشحنون في باصات وينحذفون في المجمعات
او الأسواق ..

M-OH-A-ME-D

26-08-2007, 10:48 AM

اخوي دام الدولة ادخلتهم البلد للعمل
فمن حقهم كبشر يدخلون كل مكان

عندك يوم الجمعة مثلا
ممنوع عليهم دخول سوق واقف
ولو لاحظت المداخل والمخارج للسوق
كلها قوات للامن من سوق واقف
تمنعهم من عفسة السوق
وجد هالمنظر عنصري ،
صعب جدا منعهم من دخول المجمعات
كفاية ان هذا يوم راحتهم الوحيد
لازم يتمشون فيه في اي مكان

الحل
الدولة توفرلهم مجمعات خاصة فيهم
في اماكن سكنهم في الصناعية مثلا
(( بعد بناء مجمعاتهم المزمعة للعمالة ))
وغيرها من الطرق
اما المنع والوقوف على الباب

وانت يافلان تدخل وانت يافلان ماتدخل
على حسب ملابس الشخص
اعتقد مستحيل وصدق اشوفه استحقار للبشر

(( ملاحظة ))
ما ادافع عن تصرفاتهم المشينة
انا معاك وانا ضدها

لكن القطرييين العزاب وماكثرهم بعد يتحرشون في المعزبة:looking:
والدريول يتحرش في الخدامة :looking:
وكل يمد رجله بلحافه

وعليه لازم نطالب بمنع دخول الشباب القطري المستهتر ايضا
:looking:

كلام سليم

القطوة

26-08-2007, 10:50 AM

فعلا لاحظت وجودهم بكثرة لا تصدق وخاصة في السيتي سنتر...وللاسف واسفة على الكلام شكلهم رث ملابسهم الله لايوريكم حتى النعال يادوب داخل في ريولهم يسحبونه سحاب وروائحهم...وفوق هذا قز في الحريم مايشيلون عيونهم...وانا بنفسي شفت تحرش ومعاكس فلبينيين لفلبينيات بس ماعرف ايش يقولون خخخ لكن باين انه معاكس وقط كلام ...مب مخلين حد في حاله ...طبعا ظرفي اضطرني اني اروح في اليوك اند لكن كلها ساعة وشردت من المجمع...وشكله بيجي الدور على المجمعات الثانية

ابن الوكره

26-08-2007, 10:52 AM

حتى تجمعاتهم تقول نمل على شكر
من غير داعي ماله داعي اصلا انهم
ينشحنون في باصات وينحذفون في المجمعات
او الأسواق ..

ايه ارخص و انا اخوك يشحنونهم دفعه و حده في الباصات و يهدونهم مثل قطيع الخرفان في المجمعات يفكرون ان هذا الشيء تسليه لهم ياخي بدل كل اسبوع موديهم المجمعات خل يجبرون الشركات هذي تبني لهم ملاعب و حدائق في سكنهم و سوبر مركات خل يسون لهم مثل الشركات المحترمة اللي في امسيعيد روح شوف ايش عاملين لهم مجمع تجاري ضخم مخصص للعمالة غير توفر الملاعب و برك السباحة و التنس الخ بس باقي عمال الصناعية و الدوحة و نرتاح كفاية علينا الخطوط القطرية ماهي مقصره فينا تشحنهم وترصهم رص بين خلق الله .......... حرام ياعالم لا في الجو مرتاحين و لا في الارض مرتاحين.

الزاجل

26-08-2007, 10:58 AM

ايه ارخص و انا اخوك يشحنونهم دفعه و حده في الباصات و يهدونهم مثل قطيع الخرفان في المجمعات يفكرون ان هذا الشيء تسليه لهم ياخي بدل كل اسبوع موديهم المجمعات خل يجبرون الشركات هذي تبني لهم ملاعب و حدائق في سكنهم و سوبر مركات خل يسون لهم مثل الشركات المحترمة اللي في امسيعيد روح شوف ايش عاملين لهم مجمع تجاري ضخم مخصص للعمالة غير توفر الملاعب و برك السباحة و التنس الخ بس باقي عمال الصناعية و الدوحة و نرتاح كفاية علينا الخطوط القطرية ماهي مقصره فينا تشحنهم وترصهم رص بين خلق الله .......... حرام ياعالم لا في الجو مرتاحين و لا في الارض مرتاحين.

بالفعل كلامك صحيح..

هذه الدولة امنعت دخولهم سوق واقف
المفروض يجبرون الشركات تبني لهم متنفس خاص بهم
لأيام العطل ..

حتى أيام العيد
ما تقدر تطلع مع هلك في قطر
والسبة هم ..

عكس دبي
لو رحت بتحس ان طلعتك بفايدة على الأقل ..

ابن الوكره

26-08-2007, 11:05 AM

بالفعل كلامك صحيح..

هذه الدولة امنعت دخولهم سوق واقف
المفروض يجبرون الشركات تبني لهم متنفس خاص بهم
لأيام العطل ..

حتى أيام العيد
ما تقدر تطلع مع هلك في قطر
والسبة هم ..

عكس دبي
لو رحت بتحس ان طلعتك بفايدة على الأقل ..

المشكلة ياخوي احنا نقلد دبي بس للاسف مانقلد صح شغلنا كله مقلد لازم نضع قوانين صارمه قبل اي تطوير عندك دبي الان تبني ( مترو الانفاق ) علشان تفتك من زحمتهم في الطرق تصدق صارت باصات دبي معاد تقدر تكفيهم حنقوا دبي زحمة .... و انا كتبت موضوع من سنه علشان ربعنا يعملون نفس الشيء قبل لا تقع الفاس في الراس و تصير الدوحة زحمة لا تطاق لكن ربعنا ينتظرون يشفون الطرق خلاص اختنقت بعدين يعملون المشروع

a-razzaq

26-08-2007, 11:11 AM

والله محد مسوي مشكلة في السوق الا هم ..

ايام الجمعة والسبت لهم
ينشحنون في الباصات وينحذفون في الأسواق
لأذية خلق الله
وياليتهم يشترون ..

يوم الجمعة يوم راحة وتقضية حوائج للعمال
مب يوم تسكع في الأسواق !!

المفروض الدولة اتخصص لهم
اماكن يجتمعون فيها بدل ما هم امأذين خلق الله..

حتى التجار يشتكون منهم
بسبة انتشارهم في الأسواق بداعي ومن غير داعي
والسبب انهم مثل البيف باف اللي يخاف من الزهيوية
الحريم ما يروحون السوق والحجة هذيلا ..

حتى المجمعات
ما عندهم شي غير الدوارة والتقزز ومضايقة خلق الله .

المفروض يفتحون لهم مجمع خاص لهم
فيه فعاليات خاصة لهم ..

و محلات خاصة بهم ..

لأنهم بجد
بجد
وعم وخال وولد اخت
مسوية قلقان من غير سبب ..

فإذا وجودهم عادي
ليش الشرطة تحرمهم من دخول سوق واقف ايام الجمعة ؟!!

حتى تجمعاتهم تقول نمل على شكر
من غير داعي ماله داعي اصلا انهم
ينشحنون في باصات وينحذفون في المجمعات
او الأسواق ..

اخوي ايش رايك عن اوروبيين ليلبسون لبا س قصير ويمر جدام عايلات
هالعمال بعد بني آدم و عندهم يوم واحد بس في لاسبوع
ليش انت ما تشتكي انقليز(english) و لبنانيين؟؟؟؟؟؟؟؟؟؟

الزاجل

26-08-2007, 11:22 AM

اخوي ايش رايك عن اوروبيين ليلبسون لبا س قصير ويمر جدام عايلات
هالعمال بعد بني آدم و عندهم يوم واحد بس في لاسبوع
ليش انت ما تشتكي انقليز(english) و لبنانيين؟؟؟؟؟؟؟؟؟؟

يا اخوي

الاعتراض مب على دخول 20 او 30 عامل

الاعتراض على شحنهم في باص تقول رايحين ملعب مب مجمع ..
الأوربيين او الأسيويين او اخواننا العرب
ما نقول ان تصرفهم وعريهم صحيح
ونتمنى من الجهات العليا تنبيههم للأمور هذه..

بس احنا نتكلم عن مشكلة نعاني منها في
الفرجان اللي فيها هالعزوب
والمجمعات
والاسواق يوم الجمعة ..

روح فيلاجيوا وشوف باصات كروة
وشوف باصات الشركات صوب وسط المدينة ..
من متى صار السوق متنزه للعزوب يوم الجمعة
وفي أي دول متقدمة غير دول الخليج ؟!!

يا اخي
المفروض يفكرون اشلون يخصصون اماكن
يتجمعون فيهم العزوب

يعني عاجبك منظرهم عند ناشيونال
وسوق النجادة ؟

طيب اذا تجمعهم حضاري وعادي

ليش يتم منعهم من دخول سوق واقف ؟

النظرية مب احنا ضد تواجدهم
ولكن مب بالكثرة هذه ؟!!

وطن

26-08-2007, 11:33 AM

يا جماعة
الأخ يذكر فئة العمال
مو أي موظف عادي

العمال لما يدشون المجمعات
مو كافي الروايح
نظراتهم لأي بنت تمر استغفر الله العظيم تخلي الواحد يكره يروح هالأماكن
ولا دخولهم العشوائي لأي محل "قروبات قروبات"
يعني ما يدشون واحد او ثنين لا يدشون بالخمسة وطالع !!!
صدف مره اني في المول في محل نسائي خاص للبنات،، شبابنا يستحون ما يدخلونه... ودشوا مجموعة من هالعمال !!
منو بيطردهم من المحل بالله البنات اللي يشتغلون
ولا البنات اللي يتسوقون !!!

شخصياً قمت أتحاشى اروح في الويك اند والسبة هالموضوع
زحمة ومافي مكان الواحد يقدر يمشي أو يتحرك فيه

اذكر مره في العيد
ما ادري اي عيد فيهم
السيتي منعوا العمال يدخلون المجمع في أول 3 أيام من العيد
كان المجمع يشرح القلب
رايق وهادي ولا فيه زحمة وروايح
صج كانت قمة المتعه ان الواحد يعيّد في البلاد ويطلع ويدخل على راحته

وبخصوص انهم بشر وما نبي نحرمهم من شي
ما اختلفنا
بس المفروض يكون في مكان مخصص لهم !! مو يدشون أفواج أفواج لهذي المجمعات ويبهدلون العالم
الله يرحم أيام اللي يتجمعون عند ناشونال وفي الأسواق كل ويك اند
حبكت يعني الا السيتي واللاند وفيلاجيو !!!

مدحوب_ قطر

26-08-2007, 11:39 AM

المشكلة الكبيرة هل الاغاني الي يشغلونها في المحلات وبصوووت عاالي يعور الراس واغاني خليعة رقص وبصراحة مادري هم محلات تسجيلات ولا ملابس !!!!!!! وكيف البلدية تسمح لهم ؟

PoBox

26-08-2007, 11:42 AM

والله محد مسوي مشكلة في السوق الا هم ..

ايام الجمعة والسبت لهم
ينشحنون في الباصات وينحذفون في الأسواق
لأذية خلق الله
وياليتهم يشترون ..

يوم الجمعة يوم راحة وتقضية حوائج للعمال
مب يوم تسكع في الأسواق !!

المفروض الدولة اتخصص لهم
اماكن يجتمعون فيها بدل ما هم امأذين خلق الله..

..

بغض النظر عن اللي المفروض الدولة تسوية
احنا الحين في وضع حاضر والدولة ماموفرة شي

مايصير اني آخذ موظف من هالفئة مدة اسبوع كامل دوام ليل ونهار
وفوقها اقوله يوم الجمعة ماتروح الا حديقة ناشيونال فقط

منعوهم من سوق واقف
والكل عارف ان سوق واقف وضعه غير
وتحت رعاية المكتب الهندسي لسمو الامير

في الوضع الحالي ومافي بدائل
شالمفروض نسويه بهالعمال ؟؟؟

نحرمهم من الدخول ؟؟ ونطردهم مثل الغنم من عند الباب
ما اعتقد ان هذا خيار سليم ولاخيار مملح :looking:

انا عن نفسي وهلي ( الطلعات العائلية) مانقرب السوق في الويكند
في الاحد والاثنين والثلاثاء والاربعاء كل واحد ياخذ راحته

وفترة بعد الدوام الحركة لنا اسهل من الحركة لفئة العمال اللي فترتهم تكون للراحة بعد يوم مضني
( اتكلم عن الفئة الكادحة مب اي اجنبي )
نقدر نمر السوق في الايام العادية ، بعكس هذه الفئة اللي مالها الا الجمعة والسبت وبعضهم بس الجمعة فقط

قطريه ماركه

26-08-2007, 11:42 AM

صحيح هالظاهره خطيييره ومنتشره في المجمعات لا وسرقات بعد بخفة يدهم ... في الهند ما يخلون الناس العاديين يدشون المجمعات اذا مب عليه بدله وكاشخ .. وهني بملابس عليها صبغ و وصخه.. مستانسين يقزوووون المانيكان والملابس النسائيه ومسسسسستحيل يشترون الا من كارفور عصير والا ماي ... يعني يشترونه من الدكان أفضل ...

a-razzaq

26-08-2007, 11:44 AM

اذا حكومة تجبر شركات و مؤسسات تبدل اجازة من يوم جمعة الي اي يوم ثاني
هذا هوالحل

قطري عصامي

26-08-2007, 11:49 AM

الخيار السليم إن الدولة تجبر الشركات الموجوده في الصناعيه(خاصه انهم يدفعون ايجار سنوي رمزي) ببناء سوق لهم+ حديقه ويمنعون بعد اكتمال البناء من دخول مجمعات قطر الاخرى.

PoBox

26-08-2007, 11:54 AM

الخيار السليم إن الدولة تجبر الشركات الموجوده في الصناعيه(خاصه انهم يدفعون ايجار سنوي رمزي) ببناء سوق لهم+ حديقه ويمنعون بعد اكتمال البناء من دخول مجمعات قطر الاخرى.

لازم هذا اللي يصير
وتبني مدينة كاملة متكاملة بكل مافيها من اسواق وترفيه وسينمات وكل لوازم المدينة
وعقبها لنا الحق في منعهم من دخول السوق بحالتهم الحالية

الزاجل

26-08-2007, 12:05 PM

بغض النظر عن اللي المفروض الدولة تسوية
احنا الحين في وضع حاضر والدولة ماموفرة شي

مايصير اني آخذ موظف من هالفئة مدة اسبوع كامل دوام ليل ونهار
وفوقها اقوله يوم الجمعة ماتروح الا حديقة ناشيونال فقط

منعوهم من سوق واقف
والكل عارف ان سوق واقف وضعه غير
وتحت رعاية المكتب الهندسي لسمو الامير

في الوضع الحالي ومافي بدائل
شالمفروض نسويه بهالعمال ؟؟؟

نحرمهم من الدخول ؟؟ ونطردهم مثل الغنم من عند الباب
ما اعتقد ان هذا خيار سليم ولاخيار مملح :looking:

انا عن نفسي وهلي ( الطلعات العائلية) مانقرب السوق في الويكند
في الاحد والاثنين والثلاثاء والاربعاء كل واحد ياخذ راحته

وفترة بعد الدوام الحركة لنا اسهل من الحركة لفئة العمال اللي فترتهم تكون للراحة بعد يوم مضني
( اتكلم عن الفئة الكادحة مب اي اجنبي )
نقدر نمر السوق في الايام العادية ، بعكس هذه الفئة اللي مالها الا الجمعة والسبت وبعضهم بس الجمعة فقط

يا بو البكاسينج

من زمان وفي اكثر من مناسبة طالبنا باماكن مخصصة لهم
يعني في العيد
البتان يخصصون لهم خيمة عودة ويحطون لهم الفن الباتشوني

السرلانكيين يحطون لهم شي من تراثهم

الهنود اييبون لهم اميتا بتشان و هيما ملي و دارمندر اول واحد بحضر معاهم:looking:

بس حتى بالوضع الحالي

تكدسهم بالشكل هذا مب حضاري كلش

السوق مب متنزه
السوق لقضاء حاجياتك الكمالية والضرورية ...........> الكمالية اولا :D

يا اخي خلهم ينزلونهم على الكورنيش
خلهم ينزلونهم صوب الحدايق
مب صوب النجادة وناشيونال
وفي الأخير
لما تسئله انت شتسوي اهنيه
يقول لك
يجي يسوي قرقر crazy

وطن

26-08-2007, 12:14 PM

PoBoxing

في سينما في الصناعية ؟
وام سيعيد ؟
وسينما الدوحة مادري سينما الخليج !!!
اكو عندهم سينمات
بس هم مايبون
هم يبون يتفرفرون في المجمعات ويقزون اللي رايح وراد

:anger2: <=== الويه المعصب لهم مو لك

أنا اقترح انهم يسوون لهم حديقة خاصة فيهم وبعض المحلات التجارية اللي تفيدهم في قضاء حاجاتهم الأساسية !!
ولا باقي السوالف من مجمعات وهالخرابيط تراهم ما يروحونها في بلادهم
يعني مو شي اساسي عندهم وضروري وما بيقدرون يعيشون من غيره !!!

يا بو البكاسينج

من زمان وفي اكثر من مناسبة طالبنا باماكن مخصصة لهم
يعني في العيد
البتان يخصصون لهم خيمة عودة ويحطون لهم الفن الباتشوني

السرلانكيين يحطون لهم شي من تراثهم

الهنود اييبون لهم اميتا بتشان و هيما ملي و دارمندر اول واحد بحضر معاهم:looking:

بس حتى بالوضع الحالي

تكدسهم بالشكل هذا مب حضاري كلش

السوق مب متنزه
السوق لقضاء حاجياتك الكمالية والضرورية ...........> الكمالية اولا :D

يا اخي خلهم ينزلونهم على الكورنيش
خلهم ينزلونهم صوب الحدايق
مب صوب النجادة وناشيونال
وفي الأخير
لما تسئله انت شتسوي اهنيه
يقول لك
يجي يسوي قرقر crazy

أما يجي يسوي قرقر
:funny::funny::funny:

PoBox

26-08-2007, 12:42 PM

انا ما اختلف معاكم يا الزاجل و وطن
اتفق اتفاق كلي
يمكن اختلافنا على انه
الحين وش نسوي فيهم :eek3:

بس السوق في هالوقت صار متنزه بحد ذاته
سواء قعدة كوفي شوبات او مطاعم
او غيره من وسائل سينمات او سكيت او او او

بخصوص سينمات مسيعيد وهالسوالف ياوطن
في مشروع متكامل لبناء مدينة كاملة
تسع مايزيد عن 200 ألف عامل في المنطقة الصناعية

بس كله كلام فاضي:mad:
ومانشوف كثر مانسمع :court:

اكيد تضايقني زحمتهم ، ولو في رجل مايتضايق
اكيد البنات يتضايقون

لكن الصراحة شفت الشرطة في سوق واقف
وهم يكشونهم مثل الغنم
جد جد منظر مقرف وغير حضاري:looking:

خصوصا لما انا امر:looking: وراعي العيون الزرقة يمر:looking:
والعامل مثلا ماشي جنبي فجاة اشوف خيزران ينزل عليه :looking:

او يقوله الشرطي هررررر هررررررر مناك
:confused::confused:

ذكرني بايام العبيد والجواري والله
فما اعتقد منع سوق واقف ينفع خارجه

الحل هو في توفير بديل
مثل مانقول مثلا في موضوع ازالة المباني
وفروا البديل بعدين ابداو الازالة

لازم يتوفر لهم البديل وبعدين يبدا المنع
:looking:

تشيييييييييز :D
( الحمد لله والشكر )

ابن الوكره

26-08-2007, 12:53 PM

توفير سوق خاص بهم و منطقة ترفيهية من غير قرار منع دخولهم في المجمعات لن يفيد لانهم سوف يتركون تلك المناطق و يدخلون مع الناس في المجمعات طالما مسموح لان فرصة التحرش متوفره لهم .... يا اخوان هولاء عزاب من مختلف الجنسيات و الملل ويلقى له فرصه في الانحشار بين العوائل ! و تبقيه يضيع الفرصه ! لا بد ان تمنعه و الا سوف يجلس من يفتح المجمع الى ان يقفل ابوابه.

تـاجر الـذهب

26-08-2007, 02:00 PM

ابن الوكرة بغض النظر عن اي ردود قد تشكك في رايك.. الشي هذا ملحوظ والسلطات تدري به وقاعدين لهم بالسر وبجميع الوسائل وفيه قصص كثيره صارت و وقفتها الامن الوقائي وغيرهم وهذا ثمن العمران الي صاير
وكثير من شباب وبنات الدوحة انتبه لهذا الشي وقام يحفظ نفسه واهله ومشكلتنا يالقطريين نضحك لهم وطيبين معاهم ومشكلتهم انهم مايشوفون الا من اهي تلبس قطري وهي ليست بقطرية ولا حتى مسلمه احيانا وهذي مصيبه ثانية صايره انه في تعمد واضح كثير من نساء المقاولين والمهندسين العرب منهم بالذات بالذات يلبسون لبس قطري فاصخ وتشوفها بت قطرية وتقول على الدنيا السلام وهذا كله واضح اخوي والجميع حزين من اجله ولا تنسى انه فيه ناس منا وفينا ولكن دينهم ثاني وهذيلا اكثر المصايب والفتن من وراهم

الزاجل

26-08-2007, 02:06 PM

بو البكاسينج ..

يعني سوق الجبر والديرة والرونك ؟

متنزه لهم ؟:court:

وطن

26-08-2007, 02:12 PM

توفير سوق خاص بهم و منطقة ترفيهية من غير قرار منع دخولهم في المجمعات لن يفيد لانهم سوف يتركون تلك المناطق و يدخلون مع الناس في المجمعات طالما مسموح لان فرصة التحرش متوفره لهم .... يا اخوان هولاء عزاب من مختلف الجنسيات و الملل ويلقى له فرصه في الانحشار بين العوائل ! و تبقيه يضيع الفرصه ! لا بد ان تمنعه و الا سوف يجلس من يفتح المجمع الى ان يقفل ابوابه.

احتمال كبير الصراحة يصير اللي انت تقوله
وما يبون مجمعاتهم والحل اللي سويناه لهم
ويجوننا في مجمعاتنا crazycrazycrazy

انا ما اختلف معاكم يا الزاجل و وطن
اتفق اتفاق كلي
يمكن اختلافنا على انه
الحين وش نسوي فيهم :eek3:

بس السوق في هالوقت صار متنزه بحد ذاته
سواء قعدة كوفي شوبات او مطاعم
او غيره من وسائل سينمات او سكيت او او او

بخصوص سينمات مسيعيد وهالسوالف ياوطن
في مشروع متكامل لبناء مدينة كاملة
تسع مايزيد عن 200 ألف عامل في المنطقة الصناعية

بس كله كلام فاضي:mad:
ومانشوف كثر مانسمع :court:

اكيد تضايقني زحمتهم ، ولو في رجل مايتضايق
اكيد البنات يتضايقون

لكن الصراحة شفت الشرطة في سوق واقف
وهم يكشونهم مثل الغنم
جد جد منظر مقرف وغير حضاري:looking:

خصوصا لما انا امر:looking: وراعي العيون الزرقة يمر:looking:
والعامل مثلا ماشي جنبي فجاة اشوف خيزران ينزل عليه :looking:

او يقوله الشرطي هررررر هررررررر مناك
:confused::confused:

ذكرني بايام العبيد والجواري والله
فما اعتقد منع سوق واقف ينفع خارجه

الحل هو في توفير بديل
مثل مانقول مثلا في موضوع ازالة المباني
وفروا البديل بعدين ابداو الازالة

لازم يتوفر لهم البديل وبعدين يبدا المنع
:looking:

تشيييييييييز :D
( الحمد لله والشكر )

الصراحة اخوي اسلوب الشرطة اللي في سوق واقف
اذا مثل ما انت تقول
فهو اسلوب غير حضاري وغير انساني بالمره
هذول بشر
يعني يمنعونهم بس بطريقة تحفظ كرامتهم كـ بشر

:mad:

حراااااااااام

و عندي ملاحظة بخصوص السوق بحد ذاته متنزه
الحين انا ولا انت ولا غيرنا بيروح هالمطاعم والقهاوي ولا السينمات
بس
العمال شبيسوون غير التسكع والتقزز في البنات ؟؟!! crazy

مافيهم واحد بيدش ستار بكس مثلا ولا فيهم واحد بيحضر فيلم في السيتي

PoBox

26-08-2007, 02:15 PM

بو البكاسينج ..

يعني سوق الجبر والديرة والرونك ؟

متنزه لهم ؟:court:

هالمنطقة تم تدميرها عن بكرة ابيها ( من الطرف الأيمين)
والله يستر على الايسر crazy

ودامك عرجت على الموضوع ( شرايك في عرجت :p )

الزحمة اللي كانت هناك ماعاد تشوفها الحين
وكانت تشيل كمية محترمة من العمالة في الاجازات وغيرها
بحكم ان البضايع ممكن ارخص او تناسب هذه الطبقة اكثر من بضائع المجمعات

اكيد التفويج ( بعد الازالة )
راح ينتقل لاماكن اخرى
هذا خلل من تخطيط الدولة في مستخدمين المرافق واماكن البدائل
صحيح المجمعات ماتصير بديل لهذي الاماكن لاختلاف البضائع
لكن فئة لاباس بها راح تنتقل للمجمعات بشكل دائم
والعمالة ماتنلام رايحة رايحة
لازم يشوفون متنفس حتى لو على حسابنا للاسف crazy

PoBox

26-08-2007, 02:31 PM

الصراحة اخوي اسلوب الشرطة اللي في سوق واقف
اذا مثل ما انت تقول
فهو اسلوب غير حضاري وغير انساني بالمره
هذول بشر
يعني يمنعونهم بس بطريقة تحفظ كرامتهم كـ بشر

:mad:

حراااااااااام

و عندي ملاحظة بخصوص السوق بحد ذاته متنزه
الحين انا ولا انت ولا غيرنا بيروح هالمطاعم والقهاوي ولا السينمات
بس
العمال شبيسوون غير التسكع والتقزز في البنات ؟؟!! crazy

مافيهم واحد بيدش ستار بكس مثلا ولا فيهم واحد بيحضر فيلم في السيتي

نقطة المتنزة صح اتفق معاج
يمكن متنزه لنا بس مب له من هالناحية

اللي راتبه 900 ريال اكيد انه فيه ذرة عقل
وماراح يشتري كوب كاباتشينو ب 18 ريال مثلا من ستاربكس ( يشكل 2% من راتبه )
وهو يقدر يسوي درام كابتشينو كامل :eek2::eek2::eek2::funny: بمبلغ لايذكر :app:

انا ما اقول انهم راح يشترون هالاشياء او يستخدمون المرافق
لكن كمتنزة بحد ذاته
مكان يتمشون فيه ويشوفون خلق الله
في مكان راقي
ويقولون دام مانقدر نشتري
خل نصير من اهل الغنى ونتمشى على الاقل في اماكن مشيهم :eek3: (عطوني فاين )

اكيد الفئة اللي همها ال( قز ) مب دودة القز ،، اقصد ( النظر بانشكاح بؤرة العين انفتاحا بنسبة 93 درجة سيليزية :looking: )

هذول يبيلهم ضرب الصراحة

اعترف ان هذي مشكلة موجودة ونعاني منها
وحلها بمنعهم من الدخول صعب اعتقد
ممكن حلها بنظرة من رجل ( او من يده )

لكن تجي مشكلة ثانية
لو كانت بنت بس مامعاها رجل شتسوي ؟؟:looking::con2:
( مشكلة )

لازم تروح يوم الزحمة يعني لو كان الامر تسوق بس:con2: :court:

مثل ما ادخالهم خطر
منعهم ايضا خطر ويسبب كبت خطير للعمالة لاحقا
( من باب الظلم وغيره وانتقامهم من المجتمع وارد باي لحظة )

alwahesh

26-08-2007, 02:39 PM

شا اقول ي اخوك خلها على الله

والله منظر غير مرغوب فيه واذا يبون يتجمهرون مب مشكله على عيني وراسي عندهم الحدايق العامه والمنتزهات او اي مكان بعيد عن الناس .

وسؤالي للاخوان الي يأيدون وجودهم ....لو لا قدر الله لا قدر الله حات مصيبه على الواحد وانجبر انه يسافر اي دوله غير الخليج ومحتاج يشتري بدل وقمصان والخ وخذ مرته وعياله وراح سوق واقف او اي سوق كله اجانب ...اش بيكون موقفه ...............والكثره تغلب الشجاعه .

اذكر ايام الدراسه في بريطانيا 85 -90
المهم تجمعنا عند تليفون عمومي وكنا 6 اشخاص وشوي الا الجيران طالبين الشرطه

والسالفه هذي قبل احداث 11 /9 لو بعد كان الحين تلقونا في قوانتمانو مدري قوانتامو

PoBox

26-08-2007, 02:42 PM

شا اقول ي اخوك خلها على الله

والله منظر غير مرغوب فيه واذا يبون يتجمهرون مب مشكله على عيني وراسي عندهم الحدايق العامه والمنتزهات او اي مكان بعيد عن الناس .

وسؤالي للاخوان الي يأيدون وجودهم ....لو لا قدر الله لا قدر الله حات مصيبه على الواحد وانجبر انه يسافر اي دوله غير الخليج ومحتاج يشتري بدل وقمصان والخ وخذ مرته وعياله وراح سوق واقف او اي سوق كله اجانب ...اش بيكون موقفه ...............والكثره تغلب الشجاعه .

اذكر ايام الدراسه في بريطانيا 85 -90
المهم تجمعنا عند تليفون عمومي وكنا 6 اشخاص وشوي الا الجيران طالبين الشرطه

والسالفه هذي قبل احداث 11 /9 لو بعد كان الحين تلقونا في قوانتمانو مدري قوانتامو

ملاحظة
انا مب مؤيد ،،
انا ابرر السبب فقط ، من منطلق اني لو كنت عامل
راح اسوي سواتهم وبروح المجمعات
ماراح اقز بس في خاطري اروح في يوم اجازتي الوحيد :looking:

وطن

26-08-2007, 03:26 PM

انت ماراح تقز يا بوكسينغ
بس العمال لازم بيقزووون

بنتكم

26-08-2007, 04:03 PM

الله يعينا بس

غزلان

26-08-2007, 04:10 PM

أفضل حل ماتروح يوم الأجازات واذا نويت السوق اضل الصبح بدري او الظهر

شكرا

المخفي

26-08-2007, 11:12 PM

لا دين ولا أخلاق وهذا العامل هاد هلا وجاي سار له سنة أو سنتين ما تبونه يقز بعد
الكورنيش ممنوع يمشون فيه حديقة البدع وممنوع وناشونال وشردوهم من هناك من كثر
الكبسات و التفتيش الهمجي (يقولون كانوا الشرطة يجيبون كشاف كبير و يشغلونه والهنود
يتجمعون من اللقافة ويقومون يمسكونهم ويحطونهم في الباصات )سوق واقف و ممنوع
وين تبونهم يروحون البر
صراحة مب منهم العمال من معزبهم قال حق راعي الباص ودهم السيتي دق سلف وقطهم
والعمال أيش يسون بيرفضون ما يقدرون يوم أجازة واحد في الأسبوع ومكان بارد ومكيف
وحريم من كل شكل ولون ولا عنده ودين ولا أخلاق بيقز لين ما يشبع بيروح يستانس و يوسع صدره

الخيميائي

26-08-2007, 11:57 PM

بوكسينج علامهم الشباب مب فاهمين وجهه نظرك :p

الرجال ماقال لكم انه موافق

لكن يقووول وفروا البديل قبل المنع

اما انك تمنعهم من كل مكان بالبلد فهذا راح يسبب لهم كبت فوق الكبت الى عندهم

وما تدري هالكبت شلون ووين ومتى بيطلع

والنقطة الثانية الاسواق كانت قديما للبيع والشراء

في وقتنا الحالي صارت الاسواق متنزه ومتمشى :p

فليش انت تميز انسان على حساب انسان من دخول المجمع

على اي اساس الراتب والا الشكل والا العرق والا اسباب اخرى

واذا على سالفة انا بمنعهم انهم مايشكلون قوة شرائية

عيل ربعنا الاولى ينمنعون من دخول المجمعات لانه الواحد يقضى 8 ساعات بالمجمع (حشى صار دوام )

وماسك التلفون ومن مكان لمكان بس علشان يبرر تواجده بالمجمع يقول امري لله بدش لي اي كوفي شوب على الاقل يبين قدام العالم اني راعي مزاج وقهوة وكرسوان :p وتبرد القهوة وهي للحين على الطاولة والحبيب للحين يلعب بتلفونه مابين بحث وارسال واستقبال :p

عموما نرجع لموضوعنا

ونفترض تم منعهم من الدخول وراحوا اشتكوا عند حقوق الانسان وطالبوا تعويض من المجمع :p من بيكسب القضية ؟؟!

هذا سؤال ذكاء :p

التيما

27-08-2007, 12:26 AM

اااااخ من هالموضوع .. انا رحت مره بالغلط مع بنت اختي الجمعه مره ولا بتنعاد ان شاء الله .. فعلا زحمه وحشره .. وهالعماله تغز الرايحه والراده افففففففف لا تذكروني .. وبعد يوم السبت اليوم اللي اروح السيتي فيه .. اشوف بعد بعض الخوات الله يهداهم يخلون الدريول يوقف بالسياره وينطرهم داخل بالساعتين والثلاث لين يخلصون ويتم يغزغز في هالعالم .. زين خلوه يروح البيت ولين قربتوا تخلصون دقو له ..

المخباط

27-08-2007, 12:41 AM

تفكير سليم من بعض الاعضاء ايجاد البدائل قبل اتخاذ اي اجراء :deal:
وانا ضد التمييز في معامله الايدي العامله( ومع قطع الايدي الخامله)اللي ما وراها فايدةcrazy يعني الجمعه شيله من الرزنامه لحد ما يتم افتتاح المدينه الفاضله ما دري متى :confused:
بس السوآآآآآآآآآآل ليش المسئوليين عنهم ما يودونهم البحر يتسبحون ويصيدون سمك :p
او يودونهم النقيان بس مش في النهار عشان ما يتحمصون :eek2:كحل مؤقت

اميره محمد

27-08-2007, 01:07 AM

هذا يوم اجازتهم يوم الترفيه وبعدين كل ناس فيها الحلو والوحش
مش شرط الموقف الى حصل يعنى كلهم وحشين
وبعدين العمال بيخدوا اقل الرواتب والخدمات كمان نحرم عليهم التنزه
طب شوف الاجانب واللبنانيات بيلبسوا ايه
وياما ناس مظهرهم غير باطنهم
اهم حاجه الواحده تحافظ على نفسها باحتشامها

حيهور

27-08-2007, 09:23 AM

ياخي بريحك يخصصون يومين في الاسبوع للعوايل وكذي حلينا المشكله

الخيميائي

27-08-2007, 11:22 PM

ياخي بريحك يخصصون يومين في الاسبوع للعوايل وكذي حلينا المشكله

كل مجمع يخصص له يوم عائلي

ويادار مادخلك شر :p

عجبني هالحل :strong