انت فداوي إنتي فداوية !! شرايكم بهالوظيفة؟

[N7eEeS]

صبحكم الله بالخير ومساكم الله بالخير :)
شحالكم ..
نجي لموضوعنا..
فداوي. خوي. مرافق.. بودي قارد:p :) تعددت المسميات
نقدر نقول عنها وظيفة يكتسب الاجر منها صاحبها .
في السابق كانت هذه الوظائف حكر على فئة معينة من فئات المجتمع ومع الوقت اصبحت مشاعه للكثير من افراد المجتمع.
في السابق كان أصحاب العمل او اربابه من الاسر الحاكمة وشيوخ القبائل .
حاليا اصبحت لدى من يرغب بها منهم بالاضافة إلى الاغنياء من افراد المجتمع ومن لديهم رغبه في الخوه والرفقه الطيبه في الحل والترحال .
انتم كافراد وش رايكم بالعرض لو جاكم تكونون مرافقين لحضرتي :eek2: اتغشمر معاكم شرايكم لو انعرض عليكم انكم تكونون مرافقين لاحد افراد المجتمع ومع مايصاحب هذه المرافقة من مزايا سواء ولد او بنت ؟؟
المميزات تعتمد على الشخص راتب شهري ، سفرات مجانا، سياره، بيت واحتمال راتبك من العمل:) الخخخخخ....
عن نفسي ارفض لان وضعي الاجتماعي الحالي مايسمح لي.. بس اذا دارات الايام كل شي جايز :)

[التيما]

عادي مافيها شي .. وظيفه حالها حيل غيرها .. لو يحصلي .. بوافق

[لجين]

الله لا يحدنا

[نــوت قــطـــــر]

هـيـهـاااااااات

[حيهور]

الشغل مو عيب

لكن اذا الشخص مجبور ليش لا

[قطري في لندن]

ما اتوقع اخوي نحيس انه ولد العرب والقبايل يرضاه لا اوافق لو اموت يوع

تقبل مروري اخوك قطري في لندن

[بوحمد1]

على حسب اللي بخاويه ولا يكون على حساب كرامتي .

يسلموووو على الموضوع الجوهري

[qatari1]

ما اتوقع اخوي نحيس انه ولد العرب والقبايل يرضاه لا اوافق لو اموت يوع

تقبل مروري اخوك قطري في لندن

أوافقك في عدم القبول بمثل هذه الوظيفة.
واختلف معاك فيمن يقبلونها..
وكثيرون ممن تقول عنهم أولاد عرب يقبلون بها.

[التيما]

أوافقك في عدم القبول بمثل هذه الوظيفة.
واختلف معاك فيمن يقبلونها..
وكثيرون ممن تقول عنهم أولاد عرب يقبلون بها.

وانت الصاج اولاد قبايل بعد ..

وبعدين لا تهينون اصحاب هالوظيفه .. في الاخير احسن من قعدة البيت خاصه للريال

[PoBox]

ما اوافق :court:

لان غالب من شفتهم في مثل هال ( خوة ) وحالتهم ،

اشوف فيها نوع من المذلة ان صح التعبير

مب مذلة بمعنى المذلة والخضوع

لكن الراس باختصار مب مرفوع

ويسلموا على الموضوع :)

[الخيميائي]

اممممممممممممممممممممممممممممممممممممممممممممممممم مم

احيانا الحاجة ام الاختراع

سؤال صعب على فكرة يعني مب بسهولة جواب كلمة هل

الي تحتمل كلمتين نعم او لا

في ظروف كثيرة بتكون مرتبطة بالموضوع وقتها

علشان كذااتحفظ على الاجابة

[التيما]

اممممممممممممممممممممممممممممممممممممممممممممممممم مم

احيانا الحاجة ام الاختراع

سؤال صعب على فكرة يعني مب بسهولة جواب كلمة هل

الي تحتمل كلمتين نعم او لا

في ظروف كثيرة بتكون مرتبطة بالموضوع وقتها

علشان كذااتحفظ على الاجابة


اسمه هروب من الاجابه :looking:

[الخيميائي]

اسمه هروب من الاجابه :looking:

بالله شوووو :p

انزين ياليمو

لما احط نفسي بالموقع الى الاخ افترضه وياكثر ما يفترضون الاعضاء :p راح تحضرني الكثير من العوامل الي تصعب علي اني اعطي اجابة على السؤال السهل والي المفروض اجاوبه بنعم او لا

يكفي اني بسئل نفسي

اصير خوي او فداوي بمميزات خمس نجوم واحتمال كبير راسي مايكون مرفوع ومب شرط يكون السبب راجع لاي تصرفات من الى بشتغل عنده افتراضا والا اشتغل راعي بس على الاقل اكون رافع راسي :)

هذا بس شيء من الاشياء الى خطرت في بالي ومنها ماقدرت اعطي اجابة على السؤال

فهل تسمين هذا هروب :p

[ذوق]

ممممممممممممممممم بصراحه لو جينا لكلام الناس..بنتعب..والوظيفه هذي لو جينا للواقع...كثير من الناس بينقدون علي لو وافقت عليها...فأنا اذا حالتي الحمدالله ميسوره..وشلي بهالوظيفه؟؟

لكن ان جدت على الحاجه..أحسن لي من أني اقعد عاله على غيري لكن قد ما أقدر ماراح اتكلم في وظيفتي لأي حد الا لأقرب الناس لي :)

لن فداوي = تحس كأن فيها ريحة اهانه..وفي النهايه يعتمد على الصاحب :)
وتسلميلي أخوي على هذه المواضيع الحلوه :)

[simsim1963]

هذي الوظيفه لا تعمم على عوائل معينه وانما بعض افراد هذي العائله او القبيله زاول هذي المهنه مثل مازاول الغيص الذله والخنوع مع النوخذة حتى اوشكت في بعض المراحل على رهن زوجاتهم ؟ الا تسمي هذي قمه الاهانه والمذله .... والفداوي او الخوي افضل من رهن زوجتي للغير

[السديم]

سؤال صعب بصراحه ..

بس الجواب سهل :D

اي وظيفة ومدى القبول بها يعتمد على مدى حاجة الفرد لهذي الوظيفة ؟؟؟؟

يعني انسان من عيلة وحالته ميسورة شاللي يحده يشتغل فداوي ؟؟؟؟

وعلى النقيض انسان حالته المادية صعبه ومب لاقي شغل غير .. عادي يشتغل هالشغله وبالعكس المفروض يشتغلها لان عمرها الدنيا ماكانو الناس فيها متساويين :)

لكم التحية :nice:

[aljaber1]

اذا محتاج ليه لا .. لكن الاختيار مسؤليتي فيه اشخاص تخوي عليهم تلقى معزه ورفقتهم تنشرى
وانا ماعتقد ان نية من يطلب مرافقة الناس له يقصد اذلال لهم ونحن في مجتمع له اعراف وقيم

[بطران]

شوف خذ الكلام على بلاطه ... ارافق مغني ومدري شو يخسي بدل ما احميه امردقه وانا ماشي

وبالنسبه لاحد كبار الشخصيات امرا او شيوخ ..سواء بالمؤتمرات ولا اشيا الي تحصل بس كحمايه امنيه ليش لا انت قاعد تمثل بلادك ... ولي الشرف اني اسوي هالشي .. لو خولوني احمي ...صدقني افدي بروحي

واشدخل اصلن ولد عيله ولا ولد قبايل خير يا طير ... هذا شغلك وانت متدرب عليه الي قلت بس ... هالشباب الي بالدوريات الحمر ..اتحداك تقابل واحد وتقوله انت فداوي ... بيعرف يرد عليك ويمكن يطبق عليك كل الي تعلمه بالحمايه ... مثل ما انت مهندس ولا دكتور ولا غيره ... هذا الشخص بوقت الشدايد انت اليب تنخش وراه وبيحميك.. مستعد ما ادي االتحيه اذا شفت واحد معلق فداوي على كتفه الا اعطيه سلام خذ .. راح زمن الصبيان والبلوش الي يمشون شنهم غنم وراك ... الحين وظيفه مثلها مثل اي وظيفه ثانيه تكون حياتك فيها على المحك !!!

والحاجه مالها لازمه بالموضوع الحمدالله شعبنا بخير و نعمه والله مكثر هالاسهم بجيب كل شخص ...

تحياتي للجميع

[امل الحب]

تعتمد على مدى الحاجة لها الوظيفة :)

[سهم المراقيب]

مافيها شي ,,
مصدر رزق وخصوصاُ اذا المعزب "احمر عين" ويستاهل المخوّه ,,

شخصياً ما أظن اوافق ,, عزة النفس غاليه ,,
الا اذا المعاش حلو P: :funny: ,,

[هداف]

هذي الوظيفه لا تعمم على عوائل معينه وانما بعض افراد هذي العائله او القبيله زاول هذي المهنه مثل مازاول الغيص الذله والخنوع مع النوخذة حتى اوشكت في بعض المراحل على رهن زوجاتهم ؟ الا تسمي هذي قمه الاهانه والمذله .... والفداوي او الخوي افضل من رهن زوجتي للغير


اخي العزيز من وين جايب ها لمعلومات المضحكه قبل ان تكون غريبه وليست صحيحه ؟ كانوا بعض الغااصه يكونون مديونين لبعض النواخذه وكان يعمل على خشب هذا النوخذه مقابل دينه وكانوا يرهنون بعض الذهب وخلافه اما يرهنون حريمهم وين صارت ياعزيزي لايكون زمان بولهب وبو جهل !!!!!!!!!!!!!

وشتان بين الوظيفيتن هذا يكسب من عرق جبينه وبعمل شريف اما الفداوي هو خادم يركض ورى امعزبه ويأمره وينهره ويوبخه مرات يربطه ويسجنه اي عايش على الفضله وما يتفضل به المعزب وهي مهنه وضيعه واكثر من كان يمتهنها الفقراء من ابناء القبائل والموالي المملوكين

مثال
===

لو واحد يسولف ويقول جدي كان غيص معا النوخذه فلان وتجي انت وتقول جدك كان فداوي عند الشيخ فلان ,,, !! هل في منظورك ان مسمى فداوي مصدر فخر واعتزاز ماظنتي :)

[الزاجل]

فداوي غير وبدي جارد غير

فداوي بشكل عام اتحصله مثل الصبي المطيع
لكن البادي جارد حارس شخصي
ما تقدر تجبره على شي مايبيه ..

فهناك خلط معلوماتي في ترتيب المهن

اللحين اتحصل عقيد وبونجوم يمشي ورا الحاكم مثل ظله
فهو يحرسه ولا بد ان يفديه بروحه ..
ويخاويه في تحركاته

فهل هذه مهنة اتفشل ؟

فخلونا ننظر للموضوع نظرة لطبيعة العمل
مب لطبيعة الأشخاص ..

البوديجاردات لابد ان تتوافر فيهم مواصفات
ما تتوافر في غيرهم .. وهالصفات تكون مطلوبة
لمثل هالوظايف ..

عكس الفداوي اللي ممكن اتحصله معصقل
وممكن يكون معضل ..

فالموضوع حسب نظرتنا العربية فيها عار
ولكن حضاريا هو عمل لا يستطيع كل من هب ودب
الانخراط به ..








ل.....> حرف فارط :D

[الـدانـه]

اخي العزيز من وين جايب ها لمعلومات المضحكه قبل ان تكون غريبه وليست صحيحه ؟ كانوا بعض الغااصه يكونون مديونين لبعض النواخذه وكان يعمل على خشب هذا النوخذه مقابل دينه وكانوا يرهنون بعض الذهب وخلافه اما يرهنون حريمهم وين صارت ياعزيزي لايكون زمان بولهب وبو جهل !!!!!!!!!!!!!

وشتان بين الوظيفيتن هذا يكسب من عرق جبينه وبعمل شريف اما الفداوي هو خادم يركض ورى امعزبه ويأمره وينهره ويوبخه مرات يربطه ويسجنه اي عايش على الفضله وما يتفضل به المعزب وهي مهنه وضيعه واكثر من كان يمتهنها الفقراء من ابناء القبائل والموالي المملوكين

مثال
===

لو واحد يسولف ويقول جدي كان غيص معا النوخذه فلان وتجي انت وتقول جدك كان فداوي عند الشيخ فلان ,,, !! هل في منظورك ان مسمى فداوي مصدر فخر واعتزاز ماظنتي :)



وربي انت كلامك درر :)


وفي الهدف :nice:

[PoBox]

اعتقد الموضوع فيه خلط

المقصود يمكن

مثلا
البوكسنغ شخص ذو مكانه مرموقة اجتماعيا وماليا و و و
له اصدقائه المقربين
وله اصدقاء مقربين ايضا لكن بدرجة اوطى

مثلا شخص مقرب ( من راسي) في مطعم ممكن انا ادفع الحساب
وممكن هو يدفع عني

لكن هالفئة المقصودة
مستحيل انه هو اللي يدفع الحساب وانا اقبل مثلا
لانه هو من طبقة اقل
ليس استحقارا فيه ولكن خلاص هو كداا زي مابياولو

يوم من الايام بغى يسافر اقوله خذ يافلان 15 ألف قزر عمرك فيهم
ويقول يسلم راسك (( طال عمرك ))
ركز على طال عمرك

انا ما اقول ان الشخص (( انا في هالحالة )) بيكون شخص سيئ
ممكن يكون واحد محترم وحبوب وكل شي
بس هالفئة ماتكون راس براس معاي
درجتها اقل وهي فئة تاخذ المادة وتعطي الخوة ان صح التعبير

يمكن نسميهم الحاشية اعتقد اضبط يكون اللقب
فهم ليسوا فداوية وليسوا اصدقاء (مساوين للقدر )
بين هذا وذاك

على العموم الموضوع اعتقد فيه اكثر من شي متداخل

بس وين راح راعي الموضوع
يمكن يدور له خوي من خلال الردود :funny: :D

[وحيد-الشوق]

البوكسنغ شخص ذو مكانه مرموقة اجتماعيا وماليا و و و
له اصدقائه المقربين
وله اصدقاء مقربين ايضا لكن بدرجة اوطى

مثلا شخص مقرب ( من راسي) في مطعم ممكن انا ادفع الحساب
وممكن هو يدفع عني

لكن هالفئة المقصودة
مستحيل انه هو اللي يدفع الحساب وانا اقبل مثلا
لانه هو من طبقة اقل
ليس استحقارا فيه ولكن خلاص هو كداا زي مابياولو

:eek2:

[PoBox]

:eek2:

اقول مثلا مثلا
لسا مافتحت باب المناقصات لطلبات الخوة :p

[الخيميائي]

يعني تقصدون الفداوي ممكن تقوله جيب لي قلاص ماي بيروح يجيب لك

اما البودي جارد تقوله جيب لي قلاص ماي بيلبسك القلاص :p

صح

[aljaber1]

لقيت قصيده البو دباس يحث فيها ابنه على العوده من هذه المهنه
القصيده طويله لكن اخترت هذا الجزء منها حتى لايفهم الموضوع
انه عند فئه معينه من المجتمع مقبول وهذا مافهمته من الردود

هي ديرة اللي باغي كيفة الراس = ولا له حـد همه من الناس غيره

هيـس ولد هيس للمواعين لحـاس = يفرح ليا نيدي لذبح النحيره

ما قفك ذا يادباس ما فيه نوماس = يصلح لقيّن مهنته طـق زيره

ترى الفداوي دون وانشـد الناس = راعيه ما يذكر بمدح وغيـره

ما له سوى طق الحنك منه وياس = واليا انقطع خرجه فلا له ذخيره

طلب المعيشه بالحراثه والأجناس = المشـترى والبيع يوصف وغيره

قم انهض العيرات مع كل فراس = يادباس دور خيّر تسـتشـيره

جدّك وعمانك هل العز والباس = هل الموجب مكملين القصيره

يادباس ما يصبر على البق والحاس = الا الذي ماله بنجـد عشـيره

واليوميا مروي شـبا كل عباس = انـت الرجى ياكعام وجه المغيـره

[BODYGUARD]

صبحكم الله بالخير ومساكم الله بالخير :)
شحالكم ..
نجي لموضوعنا..
فداوي. خوي. مرافق.. بودي قارد:p :) تعددت المسميات
نقدر نقول عنها وظيفة يكتسب الاجر منها صاحبها .
في السابق كانت هذه الوظائف حكر على فئة معينة من فئات المجتمع ومع الوقت اصبحت مشاعه للكثير من افراد المجتمع.
في السابق كان أصحاب العمل او اربابه من الاسر الحاكمة وشيوخ القبائل .
حاليا اصبحت لدى من يرغب بها منهم بالاضافة إلى الاغنياء من افراد المجتمع ومن لديهم رغبه في الخوه والرفقه الطيبه في الحل والترحال .
انتم كافراد وش رايكم بالعرض لو جاكم تكونون مرافقين لحضرتي :eek2: اتغشمر معاكم شرايكم لو انعرض عليكم انكم تكونون مرافقين لاحد افراد المجتمع ومع مايصاحب هذه المرافقة من مزايا سواء ولد او بنت ؟؟
المميزات تعتمد على الشخص راتب شهري ، سفرات مجانا، سياره، بيت واحتمال راتبك من العمل:) الخخخخخ....
عن نفسي ارفض لان وضعي الاجتماعي الحالي مايسمح لي.. بس اذا دارات الايام كل شي جايز :)

:eek2::eek2::eek2::eek2:

على حسب اخوي BODYGUARD مصطلح عصري يعني الحارس الشخصي مهمته حراسة الشخص ومرافقته كظله اما الخوي او الفداوي فيطلق على فئه معينه يستخدمها الشيوخ لعمل وحمل الحقائب والاهتمام بالاطفال وتمشيتهم ...

[BODYGUARD]

يعني تقصدون الفداوي ممكن تقوله جيب لي قلاص ماي بيروح يجيب لك

اما البودي جارد تقوله جيب لي قلاص ماي بيلبسك القلاص :p

صح

:app::app::app::app:

[العقيد]

في بعض الدول الاوروبيه من السهل تصير وزير بس من الصعب تنقبل في مهنة بودي جارد للشروط التعجيزيه مثل مواصفات الجسم والسيره الذاتيه تكون نظيفه من يوم انولدت واللغات المطلوبه ومعرفة فنون القتال وشروط صحيه وتدريب شاق .

[بيانو]

في بعض الدول الاوروبيه من السهل تصير وزير بس من الصعب تنقبل في مهنة بودي جارد للشروط التعجيزيه مثل مواصفات الجسم والسيره الذاتيه تكون نظيفه من يوم انولدت واللغات المطلوبه ومعرفة فنون القتال وشروط صحيه وتدريب شاق .

فين عمنا بودي:nice:

[BODYGUARD]

في بعض الدول الاوروبيه من السهل تصير وزير بس من الصعب تنقبل في مهنة بودي جارد للشروط التعجيزيه مثل مواصفات الجسم والسيره الذاتيه تكون نظيفه من يوم انولدت واللغات المطلوبه ومعرفة فنون القتال وشروط صحيه وتدريب شاق .

صحيح كلامك اخوي العقيد

اذكر كنا سبعه وصرنا اثنين .. بس الحين الحمدلله مرتاح ومستانس ومااذكر اني عصبت على واحد او هاوشت

[N7eEeS]

شكرا لمروركم جميعا :)
وحطيت كلمة بودي قارد بس لاني اشوف ناس يحطون لهم ناس معاهم على بالهم بودي قارديه ويسكرون الدرب وراهم :)
وزيادة للتوضيح مو شرط الخوي يكون شخص لخدمة الشخص المرافق له اوقات بس يكون ونيس لا اكثر ولا اقل :)
بوكسينج انا باصير مثل صاحب الكتاب الاخضر باحط لي صبايا :D

[قطري في لندن]

شكرا لمروركم جميعا :)
وحطيت كلمة بودي قارد بس لاني اشوف ناس يحطون لهم ناس معاهم على بالهم بودي قارديه ويسكرون الدرب وراهم :)
وزيادة للتوضيح مو شرط الخوي يكون شخص لخدمة الشخص المرافق له اوقات بس يكون ونيس لا اكثر ولا اقل :)
بوكسينج انا باصير مثل صاحب الكتاب الاخضر باحط لي صبايا :D

:D :D :D

[Qa6ar]

هالزمن فيه عجايب

كان فيه ناس مقهويين الحيين من اعيان البلد وله مكانتهم... مو المعنى انه مقهوى بالاصل

لا اصغر القوم خادمهم يعني مع الشيخ وهو خوي على الزين والشين.... اتمنى الناس اتعرف معنات فداوي

فداوي يعني يفدى اللى معه بروحه... وبمعنى اصح خوي على بياض الوجه

ولاهنت اخوي

[ســـهم]

فداوي

كلمه مستحدثه والقصد منها الخوي

ياجماعه من أصابه العوز سيعمل مثل هذه العمل

وجهة نظري ان هذه العمل او الخوه افضل مليون مره من أن أشحذ الناس الحافا

اذا كان هناك دليل ديني سواء من آيه او حديث ينهي عن هذا العمل فأنا أرفضه

ولكنني لم أسمع من قبل


أخواني

الرسول صلى الله عليه وسلم

كان له صحابه كرام وقد شهد الله لهم في وقت الدعوه وبعدها وقد خدموه وفدوه بالنفس والمال والولد

فهل خدمة الصحابه للرسول عيب او حرام

علما انني أرفض التشبيه فالرسول صلى الله عليه وسلم له منزلة عند جميع المسلمين

ولكنني اتحدث عن تغير هذه الكلمه في أزمان متفاوته وأستحداثها في كل زمن

في الأخير أرى ان كان هذا العمل في خير ولايخرج عن الدين فأنه أفضل من سؤال الناس

..

[مصرف]

اخي العزيز من وين جايب ها لمعلومات المضحكه قبل ان تكون غريبه وليست صحيحه ؟ كانوا بعض الغااصه يكونون مديونين لبعض النواخذه وكان يعمل على خشب هذا النوخذه مقابل دينه وكانوا يرهنون بعض الذهب وخلافه اما يرهنون حريمهم وين صارت ياعزيزي لايكون زمان بولهب وبو جهل !!!!!!!!!!!!!

وشتان بين الوظيفيتن هذا يكسب من عرق جبينه وبعمل شريف اما الفداوي هو خادم يركض ورى امعزبه ويأمره وينهره ويوبخه مرات يربطه ويسجنه اي عايش على الفضله وما يتفضل به المعزب وهي مهنه وضيعه واكثر من كان يمتهنها الفقراء من ابناء القبائل والموالي المملوكين

مثال
===

لو واحد يسولف ويقول جدي كان غيص معا النوخذه فلان وتجي انت وتقول جدك كان فداوي عند الشيخ فلان ,,, !! هل في منظورك ان مسمى فداوي مصدر فخر واعتزاز ماظنتي :)

صح لساااااااانك اشهد انك هداف

اي والله شتان الاخ يعني يتطنز على الغيص مايدري ان احيانا ولد او اخو النوخذه يكون غيص بكل فخر .