الأسعار في الحسا ؟

[المخفي]

السلام عليكم

كيف حالكم شباب

هل في فرق بين الأسعار في الحسا والدوحة

ولا الفرق ما يسوى التعب

صراحة اليوم تفاجأت يوم كنت أكلم الهندي في شركة أستيراد

أنه الرز مال الشركة بيرفعونه 30 ريال حق الخيشة بو 40 كيلو قبل رمضان

صراحة أستغلال

يعني أذا الرز رفعوه أشلون الأشياء الثانية

يا ريت تساعدوني وشكرا

[سهم جديد]

اخوي
نعم في فرق ولكن
للجمله اما الحبه الوحدة في فرق ولكنه مايسوى العنوه :)

ولو احتجت لأي خدمه او اسعار من هناك ومقارنتها بالدوحه فالك طيب

[سهم طايش]

ارخص بشوي بس ما تسوى الروحه للحسا علشان خيشة عيش الفرق 40 ريال و بشيك بترول ب100ريال

بالعكس خسرت

[المخفي]

مشكورين وما قصرتوا

أنا قصدي حق رمضان بيطلع مبلغ وقدره

الله يعين هذي السنة

[السني 73]

ارخص بشوي بس ما تسوى الروحه للحسا علشان خيشة عيش الفرق 40 ريال و بشيك بترول ب100ريال

بالعكس خسرت

ولا تنسى التامين 70 ر.س

[مطلع الشمس]

مشكورين وما قصرتوا

أنا قصدي حق رمضان بيطلع مبلغ وقدره

الله يعين هذي السنة

انا ايدك تروح الحسا ارخص في إجمالي الاغراض الي بتاخذها
كل شي عندنا غالي :(

[متسبب]

اذا اغراضك وايد
لا بالله روح الحسا ابرك
الا تسوى السالفه ونص
بصراحه فرق جدا كبير
وثاني شي فيه نوعيات مش متوفره عندنا في قطر
ومره وحده جراخيات حق العيد:funny::funny:

[ورقــة أمــل]

اذا اغراضك وايد
لا بالله روح الحسا ابرك
الا تسوى السالفه ونص
بصراحه فرق جدا كبير
وثاني شي فيه نوعيات مش متوفره عندنا في قطر
ومره وحده جراخيات حق العيد:funny::funny:

:app:

[koko33]

اشوف ان الحساء ارخص بواجد من عندنا وترى فيه تجار يستغلون القطريين بس روح لمحل الحفيز ارخص من باقي المحلات وفيه مونة رمضان كلها وباسعار رخيصه

[شيزكيك]

يقولون استوت الاسعار نار على القطرييين

[مستثمره جديده]

صاروا يستغلون القطريين اسوأ استغلال تلقاه يقول للحساوي سعر وللقطري سعر اضعاف اضعاف اللي قاله للحساوي وهالشي صار معاي شخصيا في محل لبيع الملابس .

[عذب الكلام 1]

روح وغير جو واشتر وعبي المونه حق اربع شهور

[ولد شرق]

اخوي نصيحتي لك... روح واشتر من الحسا علشان االتجار عندنا يحسون ولا يحصلون مشتري لبضايعهم...