30 شهر مدة قروض البناء

[اوراق]

واحد من الربع باقيله 3 دفعات لبناء بيته ، وفجاءة قام بنك قطر بانزال كل الدفعات الباقية مرة وحدة ، ويوم راجعهم قالوا له صال لك 30 شهر من تاريخ الدفعة الاولى ولازم نخلص معاك وهذا مطبق للجميع مهما كنت في مراحل البناء :con2:


المسكين قاعد يبنى على راحته بسبب الغلا ، والمشكلة ان بنك قطر كتب للخدمة المدنية بان راعي المنزل انهى دفعاته وساكن في بيته الجديد وديوان الخدمة راح يوقفون دفع الاجار ، والصج ان بيته للحين يبيلة اكثر من سنه لين يخلص crazy


هل صحيح ان بنك قطر راح ينزل كل الدفعات الباقية من قرض البناء للي تعدوا فترة 30 شهر من تاريخ اول دفعة حتى لو باقيلك 5 دفعات او اكثر ما استلمتهم ؟!!




ياريت احد يفيدنا في هذا الموضوع

[عضو المنتدى]

واحد من الربع باقيله 3 دفعات لبناء بيته ، وفجاءة قام بنك قطر بانزال كل الدفعات الباقية مرة وحدة ، ويوم راجعهم قالوا له صال لك 30 شهر من تاريخ الدفعة الاولى ولازم نخلص معاك وهذا مطبق للجميع مهما كنت في مراحل البناء :con2:


المسكين قاعد يبنى على راحته بسبب الغلا ، والمشكلة ان بنك قطر كتب للخدمة المدنية بان راعي المنزل انهى دفعاته وساكن في بيته الجديد وديوان الخدمة راح يوقفون دفع الاجار ، والصج ان بيته للحين يبيلة اكثر من سنه لين يخلص crazy


هل صحيح ان بنك قطر راح ينزل كل الدفعات الباقية من قرض البناء للي تعدوا فترة 30 شهر من تاريخ اول دفعة حتى لو باقيلك 5 دفعات او اكثر ما استلمتهم ؟!!




ياريت احد يفيدنا في هذا الموضوع


أعتقد والله العالم ..أن ديوان الخدمة المدنية

يحاول أن يتخلص من نظام R.A بأسرع وقت .

وذلك عن طريق تسديد المبالغ المستحقه لتخليص البناء

بأسرع وقت . :deal:

[اوراق]

فعلا ، اللي يلاحظ ان ديوان الخدمة تحاول التخلص من RA وتخلي كل وزارة مسئولة عن موضفيها

مشكور اخوي ورحم الله والديك



ودي تفاعل اكثر من الاخوان ، هل صحيح تم تطبيق سياسة 30 شهر لفترة دفعات البناء ، لان الموضوع جدا مهم اذا المسألة فيها تحمل قيمة الاجار :(

[قطري عصامي]

هل معنى هذا ان نظام ال R.A تم الغائه؟؟

[قطري طموح]

والله انا نزلوا لي كل الدفعات بما فيها منحت الاثاث وقدرها 50000 الف ريال .

[اوراق]

بعد زيارة ادارة القروض العقارية لكبار الموظفين

قال الموظف

ان قانون 30 شهر لم يطبق بعد ولكن

اذا حصلت على معظم الدفعات وباقي لك 3 او اربع دفعات

راح ينزلون لك كل الدفعات الباقية

وراح يكتبون لديوان الخدمة انك استلمت كامل الدفعات

وانك ساكن في البيت

النتيجة

راح يقطعون عليك الاجار الحكومي

حتى لو كنت فعلا ما سكنت في بيتك وما انتهيت من اعمال البناء والتشطيب

واذا راجعتهم اكثر راح يعطونك تمديد لمدة 3 شهور فقط

النصيحة

لا تستلم دفعات القرض حتى تكون تقريبا خلصت بيتك

[اوراق]

اخر الاخبار


بدأ تطبيق قانون 30 شهر ( يعني اذا صار لك 30 شهر من تاريخ استلام اول دفعه من قرض البناء ، توقع انهم بيتصلون لك وينزلون لك باقي الدفعات بغض النظر عن دفعه باقيه)

ولكن

راح يعطونك مهلة 3 شهور قابله للتمديد بمدة مماثله حتى تنتهي من بناء بيتك

[سهم طايش]

باقي لي 3 دفعات من القرض ما استلمتهم و بدأوا يخصمون علي 2000 ريال من الراتب من الشهر الماضي مع العلم اني ما كملت سنتين من بداية استلام القرض 0

راجعتهم و قالوا لي اذا مضت 3 شهور على الدفعه السابقه و لم تتقدم لدفعة جديده يتم الخصم من الراتب 0

المهم عقب حنة و رنة و قفوا الخصم و عطوني مهلة 6 شهور 0

و هالبلد لازم كل شي بالحنه و المراجعة و الغثى

[بوهزاع]

الله المستعان