اخواني واخواتي اللي عنده كاميرا لمراقبه الخدم مع الاطفال

[لبتونه]

السلام عليكم

اخواني واخواتي اللي عنده كاميرا لمراقبه الخدم مع الاطفال لو تكون مستعمله ابغي اشتري كاميرا مراقبه الخدم وتكون من حجم الصغير واقدر اخشها باي مكان وتكون واضحه الصوت والصورة ملونه وتسجل على الاقل 6الى 8 ساعات مايهم تشتغل ببطاريه بكهرباء وتفضل تكون بدون واير (لاسلكيه) واذا اقدر اشوف عن طريق الانترنت بعد يكون افضل بليز اللي يعرف وين تنباع باي محلات الدوحه او حد عنده ويببي يبيعها يراسلني بالخاص

بلللللللللللللليز الجاادين

[" روح قطر "]

حبيبتي هذى تنباع في السوق
في محلات فيوتشر اللي في السد
وبشوف لج رقم محل كمبيوترات كانت معروضة عندة
اذا تبين الرقم .............ويقدر يركبها لج

والله يساعدج شكلج شايلة هم العيال مع الخدامات الله يكون بعونج يااااااااااااارب

[قطريه ماركه]

الله يوفقج وتحصلين .. وانا أبي بعد .. مشكوره ام الزين بنمر على فيوتشر ان شالله ...

[المشخص]

هم انا ابي بعد طرشولي رقم المحل
وبالتوفيق

[Mishaal]

انا بعد ابي الرقم ، ياليت تطرشونه لي ولا عليكم أمر ..

[ذوق]

شفت مره أعلان في الوسيط عن كيمرا مخفيه وتسجل بعد وتنعرض مباشره حتى وانتي بالشغل بحدود الف وشي = يعني سعرها زين..وتتعلق ورى الساعه في المنزل...

والله ونسيت أسم الشركه...بس أعتقد شئ للأمن..شوفي جربي 180 اتصلي عليهم وقوليلهم أبي كل شركات الأمن والسكيورتي..وجربي أسأليهم اذا يبيعون هالجهاز ولا يعرفون عالأقل شركات اخرى توفر هالجهاز

والله يبعد عنج الشك والضيقه

[الباسقه]

يابنت الحلال اذا على الكاميرا ماقعدت عندج ولا خدامة خليهم عند امج وفكي نفسج