وانا بعد بغيت النصيحه !

[BadQatariBoy]

للشباب اللي جربو وكالة سعد بوزوير ,, حبيت اسألهم عن سيارة الاودي Q7
شلون لقوا الموتر .. وشنهي عيوبه .. وشلون الوكاله من حيث الخدمات والصيانه ..
مع الشكر ..

[BadQatariBoy]

يعني لو قلت رنج ولا كروزر مليون واحد بيفتي ..

[RJ83]

والله يا اخوي يا ليتني اقدر اساعدك .. انا بروحي بحاجة للمعلومة الثانية عن الوكالة..

[انسان حساسي]

مادري اخوي بس اشوف يمكن الاكس فايف احلى !!!

والا لو تنطر الفكسار والا اللكزس الجديد ابرك لك بواااايد ....

في النهايه هاذي وجهه نظر .....

[راعى Sl]

اخوى انا اشوف لو تاخذلك بورش ابرك لك

موتر رزه وسيرفس ولا ولا ولا شى

واولا واخيرا اسمه راكب بورش

هذا رائى وانت وكيفك

[توم]

انا اشوف سعره زين مقارنة مع المواصفات ينباع ب 185000 الف
لكن ما اشوف عليه اقبال واييد
هل من الشركة ام ان الموتر مظلوم حقه ؟؟

[الـخـور]

شوف الاودي تشتريه غالي .. ولما تجي تبيعه يطيح من سعره وايد
هو حلو وعائلي وكبير .. بس مشكلته محد يعرف يصلحة غير الوكاله

يعني بعد 3 سنوات ماعندك حل غير الوكالة

وهاي الي يخلي الناس تخاف تشتريعه لما يكون مستعمل

سوق الاودي في قطر لك عليه شوي