بكره بروح الكويت

[توم]

اللي يعرف على وجه السرعة اماكن التسوق والترفيه
للكويت
ارجوكم
بسرعة

[توم]

اشدعوة محد يعرف

[almaneger]

اهلا فيك بالكويت توني اقرا الرساله
الترفيه حديقةالشعب. المدينه الترفيهيه. منتزه الخيران.
التسويق اسواق شعبيه سوق الفروانيه سوق الفحاحيل سوق السالميه
غير المجمعات كل سوق من اللي ذكرته فيه مجمعات :)

[simsim1963]

اولا الكويت لك عليها يعني مب مال سياحه أبد وبتندم قد شعر راسك ثانيا اذا كنت رايح رايح مالك الا المجمعات مثل المارينا مول والافينيو اكبر مول عندهم واذا تبي تروح روح للمدينه الترفيهيه العصر وعندك النادي العلمي صج قديم ومش مجدد ومافيه الا حوض سمك كبير بس ويش تسوي العوض ولا الحريمه .... يعني بالعربي حدها 3 ايام

[قطريه ماركه]

اللي سأل عطوه بااااند من سنة جدي خخخخخخخخخخ

[ANONYMOUS]

انا كنت بروح الكويت..

بس عقب هـ الباند

مب رايح

بروح الرياض

:p

[Index Signal]

اولا الكويت لك عليها يعني مب مال سياحه أبد وبتندم قد شعر راسك ثانيا اذا كنت رايح رايح مالك الا المجمعات مثل المارينا مول والافينيو اكبر مول عندهم واذا تبي تروح روح للمدينه الترفيهيه العصر وعندك النادي العلمي صج قديم ومش مجدد ومافيه الا حوض سمك كبير بس ويش تسوي العوض ولا الحريمه .... يعني بالعربي حدها 3 ايام

قبل ما تقول ان الكويت مب مالت سياحه لازم تحدد شتقصد بالسياحه؟

إذا كان معناها بارات و مراقص و غيره فأنا معاك إنها مب مالت سياحه لأنها غير متوفره فيها مثل البحرين و دبي و غيرهم..

سياحة الكويت سياحه عائليه و بالنسبه للتسوق لا يعلا عليها خصوصاً الأسواق الشعبيه و الصناعات الكويتيه و الحريم عارفين هالشي..

المجمعات التجاريه كثيره منها ذا آفينيوز و المرينا و سوق شرق و الفنار و الكوت و غيرها الكثير..

و بالنسبه للاسواق الشعبيه أولها سوق المباركيه و سوق الفحيحيل و سوق الفروانيه وهي تمتاز بالبضائع الكويتيه الغير متوفره عندنا و غير متوفره بالمجمعات التجاريه وتعتبر مقصد للتجار و للمتسوقين عموماً..

بالنسبه للأماكن الترفيهيه عندك المدينه الترفيهيه و حديقة الشعب و بعض المنتجعات اللي تحتوي شاليهات على البحر للإيجار مثل منتزه الخيران و منتجع هيلتون و غيرها..

بالنسبه للنادي العلمي هذا محد يروح له حتى الكويتيين ما يروحون له .. يمكن كان قصدك تروح المركز العلمي الجديد إللي عالبحر و هذا يعتبر مركز فريد من نوعه على مستوى الشرق الأوسط..

أنصح الباحثين عن السياحه العائليه و التسوق بزيارة الكويت.