المساعد الشخصي الرقمي

مشاهدة النسخة كاملة : انهيار السوق القطري!!!!!


صراف
10-03-2005, 03:20 PM
السلام عليكم ورحمة الله وبركاته...

اخواني مايحدث للسوق خاصه بعد ارتفاعات كبيره مستمره خلال الاسابيع القليله الماضيه هو ليس انهيار للسوق او تصحيح قوي للسوق لان الكثير من الشركات يتوقع لها مزيدا من الارتفاعات في ضل نتائجها الايجابيه والمحفزات الكبيره المقبله على السوق بل هو عباره عن جني ارباح لفتره طويله ارتفعت بها معظم الشركات بشكل مستمر وعالي وهو بالنسبه للسوق صحي جدا ... وكذلك تخويف صناع السوق لصغار المستثمرين للحصول على اسهمهم بأرخص الاسعار لبداية ارتفاعات جديده .
انا استغرب من تدافع الكثير للبيع خوفا من انهيار السوق ..
ابيكم تعطوني عن سبب واحد لانهيار السوق ؟؟؟؟
1-هل رجوع الفائض من نقل الغاز
2-او دخول الاجانب في 3/4ودخول سيوله كبيره تقدر بالمليارات
3- او التنميه الاقتصاديه التي تشهدها دولة قطر
4- او ارتفاع الاسعار التي اذا قارنتها ببعض دول الخليج تعتبر مناسبه لهم.
مشكلتنا دائما نقارن بأسعار الماضي.. يااخواني اسعار الماضي رخيصه جدا لان حجم السيوله بالسوق كانت منخفظه جدا وعدد المستثمرين قليل اما الان فالسيوله مظاعفه بعشرات المرات والمحفزات للارتفاع اكثر وعدد المستثمريين يتزايد يوما عن يوم بشكل كبير فمن الطبيعي ارتفاع الاسعار لهذا المستوى واكثر منها فلاتستغربون اذا تظاعفت هذه الاسعار في الاشهر القليله القادمه

_ اعطوني سبب واحد للخوف من السوق او حصول انهيار لاسمح الله؟؟
هي عباره عن جني ارباح لصناع السوق والاستفاده من بيع صغار المستثمرين للحصول عليها بأسعار اقل لبداية ارتفاعات جديده مقبله من خلال دخول فائض نقل الغاز ودخول الاجانب للسوق وتشجيع سيولة نقل الغاز والاجانب للدخول للسوق .

والله اعلم
The Edge
10-03-2005, 03:26 PM
تسلم أخوي. كلامك صحيح 100% بس يا ريتهم يفهمون
LiquidMoney
10-03-2005, 03:36 PM
صح السانك ... ويعطيك العافيه اخوي صراف ...
ياليت الكل يسمع لك ....

وبعدين يا جماعه لا تنسون نقطتين مهمتين ..:
1- معظم الشركات نزلت ارباحها ... وهذي العاده انه بعد الارباح تنزل الأسهم ..
2- الشغله الثانيه و المهمه جدا ... انه النزول ذي في صالحنا ... قول لي ليش؟؟ ..
انا اقولك ..
اولا: لأن اللي يبي يشتري جاته فرصه يشتري و السهم شوي منخفض ...
وثانيا: لأن مثل ما قلت من قبل ... و وايد من الأخوان جزاهم الله خير قالوا .. انه وراء كل طلوع نزول .. و العكس صحيح
يعني اذا مانزلت الاسهم الحين ... ماراح ترتفع لما يدخلون الأجانب ...
يعني للما يكون السهم نازل ... الأجنبي بتكون عنده فرصه يشتري اكثر ... و هذي هو اللي بيرفع السهم ...


وبــــــــــــــــــــــس ...
جمال النعيمي
10-03-2005, 03:39 PM
شكراً للاخ الصراف على هذة المشاركة المفيدة

تحليل منطقي ونريد المزيد من هذه النظره المتفائلة
للسوق

ســـلام
prettywoman
10-03-2005, 04:09 PM
كل هدا الكلام لاغبار عليه...تحليل منطقي مئه في المئه.الله يعطيكم العافيه
الوهم
10-03-2005, 04:30 PM
كلام موزون ... وانا من اايدك اخووي
المخلب
10-03-2005, 06:28 PM
انشاء الله كلامك مضمون و100% صحيح

لان الخوف ربكني :(
Le7dan-Qatar
10-03-2005, 06:43 PM
مرحبووووو اخوي الصراف


كلامك عدل

وهذا الي صاااير

لكن ربعنا الله يهديهم فيهم خووف ومافيهم صصصصصصبر

وبالتوفيق للجميع
سلطان
10-03-2005, 07:43 PM
السلام عليكم ,,

الاخ صراف انا اتفق معك في ما ذكرت ما عدا النقطه الرابعه ,, ومن وجهة نظري ان العكس هو الصحيح

فالاسعار الحاليه في السوق عندنا تعتبر الاعلى على مستوى الخليج في الوقت الحالي والدليل

المؤشر الذي تخطا 10600 هذا الاسبوع , واذا نظرت الى القيمه السوقيه لمعظم الشركات تجدها مبالغ

فيها ,, ربما هذا الكلام لا يروق للكثيرين ولكن هذه الحقيقه ان اردنا ان نكون موضوعيين في تحليلنا

فعلى سبيل المثال سهم صناعات كان قبل 3 اشهر في حدود ال60 ريال , وكان اقل من قيمته السوقيه

واذكر ان شركة غلوبال للاستثمار اشارت اليه في احد تقاريرها واشارت الى ان سعره المفروض يكون

في حدود 95 في ظل الربح المتوقع للسهم وهو 3.5 ريال .

وبما ان الشركه تعتبر واعده وهناك مشاريع طموحه فالسعر ممكن ان يصل الى 130 واعتقد انه اكبر

من قيمته السوقيه في هذه الحاله , فلو اخذنا طريقة العائد على السهم بالنسبه للارباح الموزعه

نجد ان السعر المفروض يكون 105 ريال 30 ×3.5 =105 وكما ذكرت لاعتبارات شركة صناعات من

الممكن ان نقبل ان تكون قيمته السوقيه العادله اكثر في حدود ال130 , ولو قارنا شركه صناعات وهي

تعتبر شركة عملاقه بالنسبه للسوق عندنا بشركة سابك نجد ان سعر شركة سابك في حدود 1000-

1200 ريال , وربح السهم الموزع تقريبا في حدود 48 ريال , اي ان مكرر الارباح بالنسبه للقيمه السوقيه

في حدود 21 وليس 65 كما في صناعات .

ولو اخذت اي شركه ثانيه ستجد ان الموضوع لا يختلف كثيرا , واستغرب من البعض الذي يراهن على

سهم صناعات في انه سيتخطى ال350 ريال وربما يصل الى ال 500 دون اي اعتبار فقط مع الخيل

ياشقرا ,,,

خلاصة القول انا كتبت هذا التعليق لانني لاحظت ان الجميع مقتنع ان الاسعار الحاليه تعتبر اقل من
المفروض, وانا اوافق هذا القول فقط في الايام الحاليه لان السوق يمر بظرف استثنائي وانصح الجميع
بان يحتفظ باسهمه لان من المنطقي ان ترتفع الاسعار بنهاية الاسبوع القادم وستصل الاسعار الى مستويات قياسيه ان شاء الله مع دخول الاجانب ولكن في نفس الوقت من المفروض ان اي شخص يدخل
السوق يعرف كيف يقيم البضاعه التي ينوي شرائها,,,
alnader2004
10-03-2005, 08:28 PM
اخوي سلطان مع كامل احترامي لوجهة نظرك انا اختلف معك فيما قلت فالأسعار لدينا لاتزال بخسه بالنظر الى المستثمر فياعزيزي هل تقارن شركة الصناعات بشركة الراجحي المصرفية انا شخصيا لا ارى مجال للمقارنه اذا اردت الاستثمار الآمن فاذا اردت أنا الاستثمار الآمن لن اتردد في شراء سهم الصناعات ومع ذلك انظر للقيمة السوقيه لكل من سهم الراجحي التي تبلغ 93مليار ريال سعودي والقيمه السوقيه لسهم الصناعات التي تبلغ 108 مليار ريال قطري على سعر اليوم وهناك ميزه تميز سهم الصناعات الا وهي ان 70% من أسهم الشركة مملوكة للدولة
سلطان
10-03-2005, 08:40 PM
الاخ النادر ,
بالنسبه للراجحي فسعره اعتقد تجاوز ال2000 ريال , وذلك لسبب بسيط وهو الارباح المحققه

بالاضافه الى توزيعه 35 ريال لكل سهم وهو ما يمثل 70 بالمئه من القيمه الاسميه للسهم + سهم مجاني لكل حامل سهم

وان شاء الله سعر صناعات سيصل الة هذا المستوى عندما يقوم بتوزيع ارباح مشابهه , اما الان فصدقني فربما يرتفع السهم قليلا في الايام القادمه ولكن سعره السوقي المنطقي هو الذي ذكرته لك

في المقال, وحياك الله,,
qatar_moon
10-03-2005, 10:01 PM
كلام وتحليل منطقي اخوي

وانا اشوف الاسعار الحين مناسبه جدا وبالعكس هذا المفروض الي تكون عليه
شرقاوي
10-03-2005, 10:59 PM
مش كله هزه للسوق معناها نهاية المطاف

ترى بعض الهزات صحية وتجدد النشاط
بو صالح
11-03-2005, 01:15 AM
ممكن لان الخليجين الي ارفعوا البورصه عندنا ( قرروا الرحيل )

ولا انتوا عبالكم ناطرين 3\4

روحوا شوفوهم بالبورصه
الجوري
11-03-2005, 01:29 AM
على الله التوفيق انشالله
الجوري
11-03-2005, 01:40 AM
الله يجيب الخير انشالله
سعادة الوزير
11-03-2005, 01:46 AM
الله يهديكم بس .. الحين اذا كم شركة في السوق نزلت اسعار اسهمها حبتين خلال ايام سميتوه انهيار السوق القطري؟؟؟ .. يا جماعة اي متابع للسوق وفاهم لتحركاته راح يطلق علي الي صار جني ارباح و من ثم تصحيح للسوق .. ارجو منكم يا اخوان التروي قليلا وعدم بث الخوف في قلوب المستثمرين.
بوناصر-قطر
11-03-2005, 11:23 AM
الله يجيب الخير انشالله
موادع قطر
12-03-2005, 02:03 AM
ياجماعه
والله الاسعار الموجوده بتشرد الاجانب من السوق
السهم يقارن بالعائد ماله مش باسمه او مملوك لدوله او لناس
الاجاره سهم مجاني لكل 20 سهم اخرتها سعر السهم في السوق 70 شدعوه
الله عرفناه بالعقل
اصناعات 230 وين !!!!!! كيوتل تعطي ارباح 8 ريال سعر السهم 280و250 ةالاجانب يتداولون فيه بعد
الي عنده صناعات ايبيعها اذا هو شاريها ب 200 او 180 راح يبين سعرها الحقيقي وهو 120 ريال
خليفة22
12-03-2005, 03:00 AM
السوق صعد لاسابيع وحقق المعجزات تلو المعجزات ...

وما أن هبط السوق يومين ... حتى بدأ الناس بالبكاء وقالوا أنهار السوق

قالوا أن السوق إنهار مع أن هناك أسهم أرتفعت كالسلام والمتحدة والإسلامية والعقارية ....

ما أدري وش كنا بنسوي لو كان عندنا برجين وقصفهم الشيخ بن لادن ....

سوق أمريكا هبط 2000 نقطة يوم غزوة 11 سبتمبر ... وعاد للصعود

وأنتم على نزول يومين قلتم إنهيار

الصراحة, إحنا بحاجة إلى تثقيف في مجال الإستثمار والبورصة ..... وياليت الحكومة لو تمنع دخول اي شخص البورصة إلا ومعاه ليسن (رخصة) مثل رخصة السياقة في مجال البورصة والصدمات ...

والله حاله

:cool:
موادع قطر
12-03-2005, 05:47 AM
اخ سلطان

كلامك واقعي وصحيح
الغشمري
12-03-2005, 07:18 AM
صراحه صدقت يا خلفية يومين بس والمشكلة انه كااااااااااان السوق
:d

تدري ليش لانه الناس تعودت على على ( آب ) خلال الاسابيع الي طافت يعني

والمشكلة هم بعد في الناس مجرد ما تشوف المؤشر على النزول تهرول على البيع
وبعد المضاربين هنا يوقف طلبهم عشان عارفين راح يكون فيه عرض اكثر من الطلب


ياريت بس الناس تتعلم شلون تمسك وقت النزول مااااااااااا تبيع يعني تحتفظ بس
azgert
12-03-2005, 09:23 AM
هذا النزول يقولون وقت لم الاسهم وبعدها بيطلع بس عطوهم فرصه حق لم للهوامير
عزيز
12-03-2005, 01:04 PM
والله مادري شقولكم ياخوان كل واحد وبين وجهه نظره

والاثبات الوحيد هو فاصل الايام بينا وكل شي راح يبين

يعطيكم العافيه جميعا

اخوكم العزيز :)
الأستشاري
12-03-2005, 02:06 PM
للأسف الشديد أن أغلب الناس لا يعرف أستخدام المصطلحات الأقتصادية مثل أنتعاش و وركود وإنهيار و نزول وأرتفاع . فيغير وصف النزول الى إنهيار والأرتفاع الى إنتعاش ...........................ز
بوحظين
12-03-2005, 05:30 PM
كلام موزووووون والحذر واجب
سعادة الوزير
12-03-2005, 06:00 PM
الاستشاري : انت حطيت يدك على الجرح :)
سراب الامل
12-03-2005, 09:59 PM
الاستشاري كلامك حلو لكن ياريت تفهمني واعذرني لاني مبتدئه بالاسهم
ولحد اللحين احسن اني صامده مع بعض الخوف من اللي جاي بالاخص اني اشتريت اسهم
الصناعات بخساره لحد اللحين

سؤالي لك هل اللي احنا فيه هالوقت هو بيكون نزول سريع للانهيار او
نزول لفتره قصيره ويلحقه الصعود والانتعاش

ويعطيك الف عافيه
THE END
12-03-2005, 10:22 PM
الاستشاري كلامك حلو لكن ياريت تفهمني واعذرني لاني مبتدئه بالاسهم
ولحد اللحين احسن اني صامده مع بعض الخوف من اللي جاي بالاخص اني اشتريت اسهم
الصناعات بخساره لحد اللحين

سؤالي لك هل اللي احنا فيه هالوقت هو بيكون نزول سريع للانهيار او
نزول لفتره قصيره ويلحقه الصعود والانتعاش

ويعطيك الف عافيه




اي والله انا نفس الشي
إنتعاش
12-03-2005, 10:25 PM
يا اخوان

لو الواحد ينظر للاسعار في شهر 6 او 7

او خلال سنة 2004 كلها

ويقارن الحين ( بعد النزول اللي صاير )


هل يعتبر هبوط ؟ او انهيار ؟


مجرد نزول طبيعي . .

ودائما نحط في بالنا

انه كل شي يرتفع بسرعه راح ينزل بسرعه

ينزل ( غير ينهار )

:)