المساعد الشخصي الرقمي

مشاهدة النسخة كاملة : --> مسجات <---



سموالأخلاق
10-03-2005, 05:42 PM
السلام عليكم ورحمة الله

بعض الرسائل.. أتمنى تعجبكم..... وتحيـــاتي

http://www.w6w.com/w6w.php?pic=402760



لو طحت من عيني
أنا أقول ( لو ) طحت !!

تنزل بقلبي والخساره لعيني

و ان رحت مني
أنا أقول ( ان ) رحت !!

ماهي خساره لو بكت لك عيوني

و ان ضعت في بعدك
أنا أقول ( ان ) ضعت !!

هي ضايعه من دون وصلك سنيني...



وفاي من طبع أبوي
((أكتسبته))
وطبع السماحه من
خوالي ((خذيته))
طبعي كذا ماهو بدور
((لعبته))
الطيب شيد داخل الروح
((بيته))
والكره من دفتر حياتي
((شطبته))
وحكمة زماني من شراني
شريته



لغير ربي ما استلذ بركوعـــــــــــي
ما أذل أنا عيني لأجل بعض الآمال
وان سال دمعي يوم أوبان طوعي
باقولها للكل .. ماني برجاااااااال



من قال فيني عيب والله ظلمني

فيني ثمان عيوب والتاسع الطيب

والعاشر اليا من رفيقي زهمني

اسوق له عمري واسوق المواجيب

والصاحب اللي بالمراجل ( هزمني )

هذا الذي هالحين يقرأ المكاتيب .



ياصاحبي

يمكن في هجرك لنا خيره..
مادام ماعاد في قلبك لنا طاري..
حكم القدر "يارفيقي" صعب تغيره..
مادام بعت الرفيق اللي لكم شاري..
يازين حالي على الله سهل تدبيره..

"ولاني من بعدكم جايع ولا عاري"




ما اعتدت أجادل شخص ميت ضميره..

إنسان ماتت به مفاهيم الإنسان..

أنا مع أهل الطيب لي ألف سيره..

ولا انت مالك عند أهل الطيب عنوان!!!!



أشكرك
قلبك كبير
مرهف احساسك كثير
اشكرك من كل قلبي
بعتني والله بضمير




والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك




عادي معاك ابقى
وعادي اخليك
مثلك مثل غيرك
مجرد صداقه




والله اني من فراقك
مابكيت
من زينها دنياك
عشان ابكي عليها



عطني قلم بأكتب على
القلب ناسيك
حتى اليا منه تذكرك ينساك
خلاص عقب اللي حصل منك
مابيك
ومادمت أنا( اهنيه)ـ
فارقني
(اهناك)
غلطة حياتي يوم تقفي
واناديك
لكن بترجع يوم واقوووول
منااااااااااااااااااااك




لاتنصدم لاقلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
ورميتني يازين باعمق بحورك
يالله توكل لاتجيني ولاجيك
يالله حبيبي قوم رتب امورك



آخر رساله
خلها اليوم تذكار
لاعاد تذكرني
تراني نسيتك



لاتكثر بحكيك ترى دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لايفلت إلسانك على شخص رباك
انا بنيتك وماني عاجز اهد بنياك
http://www.w6w.com/w6w.php?pic=402760

بوناصر-قطر
10-03-2005, 07:20 PM
تسلم اخوي / سموالأخلاق

كلمات روعه ... بس يا الحبيب مانقدر نطرش منها حق احد .

كل وحده اقوى من الثانيه .

تسلم

سموالأخلاق
10-03-2005, 11:45 PM
الله يسلمك ان شاءالله ....

.................................................. .....


أرجوك تأمل المشهد...





زحام حول باب الجنة
وأصوات الدتخلين تختلط
مع بعضها البعض
تأمل المشهد عندما يفتح الباب!

أي جـــــــــمال




أي روعــــه



أي سـعاده




يــــــــااااه ما أحقر الدنيا في
تلك اللحـــــظه

.................................................. .....

غلاك عندي بالسما مرتفع فوق ،.،
دايم مكانه ثابتن عن حدة ،.،

ماهو بسهم تحكمه حالة السوق ،.،
ولاهو بسلعه تنتهي عقب مده ،.،

قلبي يضخه في شرايين وعروق ،.،
غلاك سماوي ماخلق من يرده ،.،

.................................................. .....

تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"

.................................................. .....

كل شي له حكمه وتصريف وحساب
سبحان من توجب علينا حقوقه

والوقت لو مابه مناديم واحباب
ضاقت به الدنيا وضاقت خلوقه

والقمر لولا طلعة الشمس ما غاب
والورد لو ما يفوح حولك طاح سوقه

.................................................. .....

أديسون
إخترع المصباح.
~~~~~~~~~~~~~~
جراهام بل
إخترع الهاتف.
~~~~~~~~~~~~~~



أنا....



~~~~~~~~~~~~~~

إخترعت من شكلك

.................................................. .....


الناس تبكي من غلا الحي لا مات,,!
~~~~~~~~~~
وانا تذرف دمعتي من غلا حي,,,
~~~~~~~~~~
موجود


.................................................. .....

لا تحسب إني دونكم مااااا أقدر أعيش
~~~~~~~~~~~~~~
من لا يجيه النووووم يغيـر* فراشه*

.................................................. .....

أنا وانت وش اوصفلك
عجز عن وصفنا تعبير
مثل وشو؟ ترا مدري
ولكن صعب تصويره
أنا وانت
بلاش انت (انا) لوبفقدك
شيصير
مجرد طاري الفرقا علي
ياصعب تأثيره
أحبك
ايه احبك ذي
مايبغى لها تفكير
يخلف الله على عقلي
ملكت كل تفكيره

.................................................. .....


انا رساله جيت من عند غالي****شخص موصيني اوصل سلامه
جيتك اشيل الشوق باول وتالي***في شاشه الجوال هذا كلامه
وشهي علومك يا بعد كل غالي***هذا سؤالي جاك مع السلامه

.................................................. .....


بخيل ربح مليون دينار سألوه إشراح تسوي قال مايبيلها كلام بعدهم


شباب راكبين هليكبتر قالوا للسايق طف المروحه تونا متسبحين


.................................................. .....

أنا
ماكنت
أبي
أكثر





من
اللي
فيك
لاقيته



أخلاق
وطيبه
ورقه
وقلب من جدحبيته.

.................................................. .....


شفتوا دموع الغبن فعيون صدام ..
خانت به الدنيا عقب شاب راسه ،،
عزي لحاله لو صدر حكمه اعدام ..
من مجلس الأمه وحلف السياسه ،،
يضحك به السدحان في طاش عزام
.. في مسرح الخسه وكثر الدناسه ،،

.................................................. .....

أجمل شي في الحياة حينما تكتشف
وجود أناس قلوبهم مثل اللؤلؤ المكنون
في الرقه واللمعان والصفاء والنقاء
قلوبهم لا تحمل الكره بل الحب
اللهم احفظهم وأكرمهم واجمعني بهم
تحت ظل عرشك فإني أحبهم فيك

.................................................. .....


من السهل أن تطرد جيش استعمر وطنك
ولكن من الصعب أن تطرد جحش
يعرف رقمك


.................................................. .....

اذا طلع لك قلب وعرف يشتاق
يجي يدورني ويلقى مكاني
وان كان باقي في منامه ولا فاق
خله لين يفوق مع جرح ثاني
أبشرك ما عاد يوجعني فراق..
وأقسى وجع فيني
يزول بثواني

.................................................. .....

زمان وانا صغير
ودي أصير أستاذ كبير
مهندس خطير..أو طيار يطير
وأحيان اتمنى أبقى
طفل
مرت الايام
وأصبحت (خبل) أنتظر
صوتك
أتمنى أشوفك
همي الاول
أحبك
وهمي الثاني
أحبك
ونسيت حلم الصغر
ويا للأسف
ضـاع العمر

.................................................. .....

خلك معي لا تاخذك
بعض الافكار
دنيا مضت لك لا تحسف
عليها
لا تشتكي لي من عنا الوقت لا جار
أنا بعد دنياي بلشان فيها
أرسم لك البسمه وانا داخلي نار..
حتى السعاده بالخداع أشتريها


.................................................. .....

صدمه
عندما تمد يديك للناس بالخير
وترد خائباً
صدمه
عندما تتهم بماليس فيك
صدمه
عندما تأتي الطعنه من اعز صديق
ولكن الصدمه الحقيقيه
هي
عندما تموت وتقف بين يدي الله
بدون عمل صالح

.................................................. .....


ودي أقولك شي بس ..
بدون زعل ..!!
إنفعالاتك قويه ..
وشرارت تجرحني ..
بدون إحـسـاس منك
ولا حتى كلمة إعتذار
وأنا مالي الا الصبر
لكن لي مته ؟؟
كل مااقرب منك ..
ألقى صدمة تنتظرني ...!!


(( محشش يكلم واير
كهـرباء )) !!


.................................................. .....

واحد غبي شاف لافته
مكتوب عليها مزرعة
أبقار سأل راعي المزرعه
شلون تزرعون البقر ؟؟!!!
رد الراعي باستعباط نرش السكر
على الأرض ويطلع بقر
أخذ سكر ورشه على
الارض وثاني يوم شاف
النمل متجمع وقال
ياحليل البقر وهو صغير ..!!

qatar_moon
11-03-2005, 03:13 AM
هههههههههههههههه عجبتني هذي صج حلوه

من السهل أن تطرد جيش استعمر وطنك
ولكن من الصعب أن تطرد جحش
يعرف رقمك

وكراوي
11-03-2005, 01:05 PM
السلام عليكم


هههههههههههههههههههههههههههههههههههههه

وانا بعد اعجبتني.......من السهل أن تطرد جيش استعمر وطنك
ولكن من الصعب أن تطرد جحش
يعرف رقمك


تسلم اخوي


تحياتي

classic2004
11-03-2005, 09:48 PM
واحد غبي شاف لافته
مكتوب عليها مزرعة
أبقار سأل راعي المزرعه
شلون تزرعون البقر ؟؟!!!
رد الراعي باستعباط نرش السكر
على الأرض ويطلع بقر
أخذ سكر ورشه على
الارض وثاني يوم شاف
النمل متجمع وقال
ياحليل البقر وهو صغير ..!!





حلوة


:)