Credt Card

[qqqtttoooppp]

سم الله الرحمن الريحم
شخبار شباب
كان عندي سؤال شنو هي أحسن بطاقة أئتمانية في قطر وليش ؟؟؟أميكن اكسبيس احسن أو بطاقة الفيوا من البنوك وعن طريقة الدفع اشلون في كل وحد واشلون يحسبون السقف اللي يعرف ممكن يقولي صج بيفيدني
وتسلمون

[qqqtttoooppp]

شدعوه ولا حد يعرف ؟؟؟؟

[امل الحب]

ماعرف ان شاء الله يفيدونك

وان كنت مانصح بالبطاقات لانها ديون عالفاضي

[بوكر]

شوف حبيبي احسن فيزا في قطر هي فيزا الاتش اس بي سي على الاطلاق وذلك للاسباب التالية:

1- تعتبر من أأمن البطاقات على الانترنت
2- خدمة عملاءولا اروع تتصل عليهم يردون بسرعة وينفذونلك طلباتك في الحال
3 اذا كنت منتظم في الدفع بيفلونك فل بيرتفع اللمت الى الحد الل تحبه
4-نسبة فوائد معقولة وفترات سماح ممتازة
5-منظمين جداً

افضل من الكل بصراحة

اما بالنسبة لاميركان ففوائدها مرتفعة جداً

[qqqtttoooppp]

أوكي عن الاتش اس بي سي لازم يكون عندي حساب عندهم وله عادي يكون حسابي مكان ثاني وكم السقف ؟؟؟؟

[العـوا]

اعذنا الله من الربااا

[الخيميائي]

اعذنا الله من الربااا


بما انك فتحت الموضوع

هل كل بطاقات الائتمان يدخل فيها الربا :)

[IPOD]

شوف اخوي عندك نوعين من البطاقات ....

الدفع كل اول شهر بدون فوائد
وتقدر تاخذها من البنوك الأسلامية لو عندك حساب فيهم وطبعا ماعليك غير تدفع اشتراك الفيزا 300 ريال كل اول سنة وتحدد اللمت

تجارية
عندك مثلا بطاقة البنك التجاري يعطونك بطاقة Diner Club +Visa وهذا مايشترط ان يكون عندك حساب فيهم بس شهادة راتب من بنكك الأصلي وانصح بأن تحدد اللمت بنفسك ان يكون السقف 15 الف او 20 الف او اكثر وتدفعهم متى مابغيت طبعا كل ماتأخرت بالدفع تزيد الفوائد وحساب الفيزا والداينر مرتبطين ببعض غير ان مزايا الداينر كثيرة منها تأمين على الحياة ودخول لصلات الدرجة الأولى في بعض لمطارات وتقدر تتابع التفاصيل معاهم + ان هالبطاقات تحسبلك على كل عملية شراء اميال من القطرية تقدر تجمعها على بطاقة الأميال لو عندك

[مطرقه]

شوف حبيبي احسن فيزا في قطر هي فيزا الاتش اس بي سي على الاطلاق وذلك للاسباب التالية:

1- تعتبر من أأمن البطاقات على الانترنت
2- خدمة عملاءولا اروع تتصل عليهم يردون بسرعة وينفذونلك طلباتك في الحال
3 اذا كنت منتظم في الدفع بيفلونك فل بيرتفع اللمت الى الحد الل تحبه
4-نسبة فوائد معقولة وفترات سماح ممتازة
5-منظمين جداً

افضل من الكل بصراحة

اما بالنسبة لاميركان ففوائدها مرتفعة جداً

نسيت تذكر له انهم حراميه اذا ما استخدمتها ياخذون تشارج وفوايد
:court:

[الخيميائي]

نسيت تذكر له انهم حراميه اذا ما استخدمتها ياخذون تشارج وفوايد
:court:

شلون ياخذون فوائد وشارج وهو ماستخدمها :p

[PoBox]

اخوي تبي نصيحة اخ

لاتفتح بطاقة فيزا من بنك ربوي
حتى لو كنت ضامن السداد 100% في الوقت المحدد

لان مامر علي شخص الا وطاح في الربا مرة من المرات
سواء بالصح او بالخطأ
منه هو او خطا من البنك او او او
المهم راح يطيح في الربا عاجلا ام آجلا

عندك المصرف وعندك الدولي وعندك الريان
انا عندي فيزا المصرف وعندي حساب في الدولي ايضا وعندي تعامل مع الريان

المصرف احسنهم حاليا
رسوم البطاقة 200 ريال فقط سنويا
واللمت يكون 80% من الراتب
والسداد تاريخ 20 من كل شهر
ولا فوايد ولا خرابيط
(( الا لو سحبت كاش ))
وهذي لاتسويها من الفيزا
اسحب بكرت الصراف العادي

[عاصم السوري]

عندك بطاقة الدريم في بنك الدوحة وهي بدون مجانية واذا ما استعملتها ما يتشرج عليك اي شي وعليها نقاط وعليها مايل على جميع خطوط الطيران وعليها تامين وفيها ميزات كتير اذا تحب او اي حد يحب ياخدها او يستفسر انا حاضر يبعت رسالة على الخاص وانا شغال في بنك الدوحة

[عيون قطر]

بما انك فتحت الموضوع

هل كل بطاقات الائتمان يدخل فيها الربا :)

من قالك !؟
بطاقات الدولي الإسلامي - المصرف الإسلامي - بنك قطر الوطني الإسلامي .. كلهم ماتدخل في الربا إلا إذا سحبت كاااااااش من الماكينه
لكن إذا استخدمتها استخدام عادي ماراح تدخل في متاهة الدين والاقساط