المساعد الشخصي الرقمي

مشاهدة النسخة كاملة : لماذا يهرب المواطنون إلي الإحساء بحثاً عن الأسعار الأفضل؟


ANONYMOUS
10-09-2007, 01:15 PM
لماذا يهرب المواطنون إلي الإحساء بحثاً عن الأسعار الأفضل؟

الإحساء - راضي العنزي :

ازدحم منفذ أبو سمرة البري بالمواطنين الذين توجهوا إلي منطقة الإحساء بالمنطقة الشرقية بالمملكة العربية السعودية لشراء السلع الرمضانية بعد اشتعال أسعارها في الأسواق القطرية. وخاصة التمر والقهوة والهيل والزعفران والدهن والسكر والأرز والملابس.. أكد عدد كبير من المواطنين الذين التقتهم الراية في رحلة العودة من الإحساء أن أسعار السلع تباع هناك بنصف قيمتها في الدوحة كما التقت الراية عدداً من التجار في الإحساء الذين أكدوا أنه كلما اقترب شهر رمضان المبارك كلما زاد توافد القطريين علي شراء البضائع والمواد الغذائية خاصة تلك التي لا توجد مثيلاتها في قطر فيما يقول تاجر آخر إن طمع بعض التجار وقلة الرقابة وراء ارتفاع الأسعار بشكل مبالغ فيه في أسواق قطر.



المصدر جريدة الرايه اليوم
مالك أمل
10-09-2007, 01:25 PM
السلام عليكم ورحمة الله وبركاته
كل عام وأنتم بخير
وتقبل الله منا ومنكم صالح الأعمال
أخوي / شنو يعني سعر الدعم كيف حالك
بخصوص التسوق من الأحساء فأنا أشوف والله أعلم أنه مايسوى على الواحد يروح للأحساء لأسباب عديدة منها :
1- طول الطريق وتعبه ومن المعلوم بأنه سفر والسفر محفوف بالمخاطر .
2- كم سأصرف في الطريق من المال ( بترول ، تأمين ...... أسباب مجهولة ) .
3-إفتقاد بعض الأصناف للجودة وعدم التقيد بالضمان .
4- حدثني أحد الإخوان من الأحساء بأن بعض تجار الأحساء يرفعون الأسعار بسبب أهل قطر حتى أن أهل الأحساء أنفسهم تضرروا من هذا الشي .
وأنا أفضل التسوق من قطر لأمور كثيرة تكون عكس ماذكرته أعلاه .
ودمتم بووووووووود
ANONYMOUS
10-09-2007, 01:42 PM
هلا اخوي

اولا انا ناقل للموضوع.. ماشجعت ولا استنكرت..

وبالنسبه لنقاطك المذكوره..

نقطه واحد.. انا اعرف ناس تروح تتغدى في الحسا وتشيش وترد.. ف شالمشكله لو تشروا من هناك :)

نقطه 2.. اصرف مافي الجيب.. ياتيك مافي الغيب خخخخ

نقطه 3.. سوق السعوديه يغذي فوق ال 20 مليومن نسمه.. فألاصناف موجوده وبشكل كبير

نقطه 4.. مهما ارتفعت الاسعار عندهم ماعتقد تلامس اسعارنا اهنيه


وشكرا اخي الفاضل
حمد911
10-09-2007, 01:57 PM
في ناس يروحون للحسا تمشيه وتغير جو ومنها يتسوقون
BoFahed
10-09-2007, 02:02 PM
والله شي محزن ان العديد من العايلات القطرية تشتري من الحسا هاي يعطي صورة سيئة عن البلد كنه ما في عندنا قهوة او عيش بس الواحد شيسوي خصوصا اللي عنده عيال وايد وراتبه على قده الالف والالفين تفرق معاه وهالتجار اللي ما يخافون الله ماصين في دمه الله يلوم اللي يلومه .
ولو السعودية فتحت الفيزة للاجانب بتحصل نص قطر مطبرين في سلوى السالفة امسخت وايد احنا دولة قانون الله يعز سمو الامير .
ولازم يشوفون حد لهذيلا التجار اللي كل يوم يعطونا عذر اقبح من ذنب لرفع الاسعار اضعاف مضاعفة مرة يقولون احنا بلد صغير نشتري كمية قليلة ومرة ما عندنا مخازن مثل السعودية الخخخخخخخ زسبحان الله توه تاجر راعي ذمة و ضمير تكلم بالاذاعة امس وقال احنا نقدر ننزل الاسعار بس يا ليت الحكومة تفتح المنافسة علشان ماحد يتحكم بالسعر اللي يبيه واذا حد رخص بيغرقون السوق ويخسرونه .

الحل الوحيد هو كسر الاحتكار ومراقبة شديدة بالاسعار وهاي شي سهل شوف اللي صار في دبي لما الحكومة حذرت وهددت من يقوم بالتلاعب باسعار السلع الاستهلاكية وفعلا ما حد تجرأ.
ANONYMOUS
10-09-2007, 03:49 PM
في ناس يروحون للحسا تمشيه وتغير جو ومنها يتسوقون



صحيح :shy:
Thamer_Qat
10-09-2007, 03:56 PM
في ناس يروحون للحسا تمشيه وتغير جو ومنها يتسوقون


الله يحفظهم من هالطريج التعبان
وترى فعلا وناسه وخاصه اذا كانت صحبه حلوه وخاصه اذا فيها حريم كبار وعييز"اعجيز" الله يطول في أعمارهم وعاد تعال خذ السوالف والغشمره الحلوه
أم نوره
10-09-2007, 03:58 PM
فعلاً الاحساء اسعار رخيصه وفوق هذا كله موديلات جديده واشياء غير موجوده بقطر
وأنا وحده احب التسوق من الاحساء والخبر
ومعظم الي يبعون بالنت وغيره بضاعتهم من الاحساء والخبر ويبيعونه هني بأغلى
Thamer_Qat
10-09-2007, 03:59 PM
والله شي محزن ان العديد من العايلات القطرية تشتري من الحسا هاي يعطي صورة سيئة عن البلد كنه ما في عندنا قهوة او عيش بس الواحد شيسوي خصوصا اللي عنده عيال وايد وراتبه على قده الالف والالفين تفرق معاه وهالتجار اللي ما يخافون الله ماصين في دمه الله يلوم اللي يلومه .
ولو السعودية فتحت الفيزة للاجانب بتحصل نص قطر مطبرين في سلوى السالفة امسخت وايد احنا دولة قانون الله يعز سمو الامير .
ولازم يشوفون حد لهذيلا التجار اللي كل يوم يعطونا عذر اقبح من ذنب لرفع الاسعار اضعاف مضاعفة مرة يقولون احنا بلد صغير نشتري كمية قليلة ومرة ما عندنا مخازن مثل السعودية الخخخخخخخ زسبحان الله توه تاجر راعي ذمة و ضمير تكلم بالاذاعة امس وقال احنا نقدر ننزل الاسعار بس يا ليت الحكومة تفتح المنافسة علشان ماحد يتحكم بالسعر اللي يبيه واذا حد رخص بيغرقون السوق ويخسرونه .

الحل الوحيد هو كسر الاحتكار ومراقبة شديدة بالاسعار وهاي شي سهل شوف اللي صار في دبي لما الحكومة حذرت وهددت من يقوم بالتلاعب باسعار السلع الاستهلاكية وفعلا ما حد تجرأ.

افتحوها للمنافسه وفكونا مثل دبي والسعوديه
ترى الناس تعبت وملت من الغلا الغير مبرر
بوخالد2
10-09-2007, 04:03 PM
والله شي محزن ان العديد من العايلات القطرية تشتري من الحسا هاي يعطي صورة سيئة عن البلد كنه ما في عندنا قهوة او عيش بس الواحد شيسوي خصوصا اللي عنده عيال وايد وراتبه على قده الالف والالفين تفرق معاه وهالتجار اللي ما يخافون الله ماصين في دمه الله يلوم اللي يلومه .
ولو السعودية فتحت الفيزة للاجانب بتحصل نص قطر مطبرين في سلوى السالفة امسخت وايد احنا دولة قانون الله يعز سمو الامير .
ولازم يشوفون حد لهذيلا التجار اللي كل يوم يعطونا عذر اقبح من ذنب لرفع الاسعار اضعاف مضاعفة مرة يقولون احنا بلد صغير نشتري كمية قليلة ومرة ما عندنا مخازن مثل السعودية الخخخخخخخ زسبحان الله توه تاجر راعي ذمة و ضمير تكلم بالاذاعة امس وقال احنا نقدر ننزل الاسعار بس يا ليت الحكومة تفتح المنافسة علشان ماحد يتحكم بالسعر اللي يبيه واذا حد رخص بيغرقون السوق ويخسرونه .

الحل الوحيد هو كسر الاحتكار ومراقبة شديدة بالاسعار وهاي شي سهل شوف اللي صار في دبي لما الحكومة حذرت وهددت من يقوم بالتلاعب باسعار السلع الاستهلاكية وفعلا ما حد تجرأ.



معاك انا يابوفهد بس انت شوف الاسعار وقارن الله يسلمك الاول البيت يطلع من الجمعيه 1500 قول الحين البيت مايلحق يوصل التموين الى 3000 ريال اشدعوه الراتب في الشارع ولا شسالفه

خلهم يروحون على الاقل يفودون ناس حالهم تعبان من الدخل الى عندهم

يسلمو على نقل الخبر
أم حمد
10-09-2007, 04:13 PM
السلام عليكم ورحمة الله وبركاته

اسمحلي اخوي على المداخله

/

انا هلي هالناس اللي شرت من الاحساء

ليش مايسوى علينا !!

الا يسوى

اجل نشتري مكينة الدونت من قطر ب 380

ولا اخذها من الاحساء ب 80 ريال ؟!

شوف الفرق بالذمه مو حرام ؟

:court:

هذا من غير السلع الغذائيه والمواعين

العيش اهنا ب 390 ريال وصل

وهو من كم شهر ب 250

/

والمصيبه المواطنين كل يوم يشتكون بالجرايد

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

الاسعار نااااااااااااااااار

وحماية المستهلك

ووزارة التجاره

لاحياااااااااااة لمن تنادي

:anger2:

والله حرام اللي صاير في قطر

هذا من غير ارتفاع الايجارات

اصحاب الدخل المحدود اللي رواتبهم 8000 واقل

بالذمه وين يروحون ؟!

:con2:

حسبي الله ونعم الوكيل كان هذا حال هل قطر

بدل لا تزيد الرواتب ويرتاح المواطن

اضن زادت الرواتب وافتقر المواطن

اذا استمر الحال هذا كم سنه

انا اقولها على القطري السلاااااام

crazy

/

أم حمد
المخباط
10-09-2007, 04:24 PM
تمشيه ووناسه حق الاسره من كبير وصغير:nice:
رخص الاسعار مع انهم يدبلونها لما يشوفون الرقم القطري بعد ارخص( ايش اللي حادك يالمسمار قال المطرقه)
وكلام يجيكم ويتعداكم يا تجار قطر ارحموا من في الأرض يرحمكم من في السماء( اما تنزلون الاسعار ولا حتى الكرك بنأخذة من الحسا ودبي والبحرين)
وتطيح البضاعه في كبودكم:court:
سوق واقف
10-09-2007, 04:31 PM
والله شي محزن ان العديد من العايلات القطرية تشتري من الحسا هاي يعطي صورة سيئة عن البلد كنه ما في عندنا قهوة او عيش بس الواحد شيسوي خصوصا اللي عنده عيال وايد وراتبه على قده الالف والالفين تفرق معاه وهالتجار اللي ما يخافون الله ماصين في دمه الله يلوم اللي يلومه .
ولو السعودية فتحت الفيزة للاجانب بتحصل نص قطر مطبرين في سلوى السالفة امسخت وايد احنا دولة قانون الله يعز سمو الامير .
ولازم يشوفون حد لهذيلا التجار اللي كل يوم يعطونا عذر اقبح من ذنب لرفع الاسعار اضعاف مضاعفة مرة يقولون احنا بلد صغير نشتري كمية قليلة ومرة ما عندنا مخازن مثل السعودية الخخخخخخخ زسبحان الله توه تاجر راعي ذمة و ضمير تكلم بالاذاعة امس وقال احنا نقدر ننزل الاسعار بس يا ليت الحكومة تفتح المنافسة علشان ماحد يتحكم بالسعر اللي يبيه واذا حد رخص بيغرقون السوق ويخسرونه .

الحل الوحيد هو كسر الاحتكار ومراقبة شديدة بالاسعار وهاي شي سهل شوف اللي صار في دبي لما الحكومة حذرت وهددت من يقوم بالتلاعب باسعار السلع الاستهلاكية وفعلا ما حد تجرأ.

اخي العزيز اولا أشكرك على وجهة نظرك أنا رحت شريت من الحسا يا خوك فرق ةايد بين الدوحة والإحساء شوف غرشة الفيمتو عندنا 7.50
الاحساء 4 ريال شوف الفرق
يعني لو بتروح تجيب حق كم عايلة بتوفر وايد والشوربات ارخص وارخص بعد
كيس الشوربة الماجي الحبة 1في الحسا في الدوحة 3.75
التمور صارت بالمئات في الدوحة في الاحساء ارخص
العيش أرخص بوايد
القهو تعال وشيل برخيص
يا أخي روح الميرة
كلينكس المدينة من شهر 11.25 توني الظهر كنت في الجمعية 15 ريال على شنو ما أدري
وغير وغير من الأشياء والله توفر وايد يا أخوك أنت الحين تدخل الجمعية تترس كيس صغير يقولك 200 تستغرب ما شريت شيء
روح الحسا أشتر سيارة كاملة أغراض لك وحق أهلك 1000 --- 1500
والله أنا متضايق أكثر منك بس شوف الغلاء الفاحش عندنا والكل ساكت
الخيميائي
10-09-2007, 04:40 PM
علشان

http://www5.0zz0.com/2007/09/10/10/15157087.jpg

وشكرا
خشوف
10-09-2007, 05:34 PM
عن حالنا اغراضنا كلها من الاحساء لو ارفعوا الحسا اسعارهم الي الضعف بتكون ارخص من قطر وخاصه هناك محلات يابلاش الملابس /التموينات الغذائيه/ السكن عندهم كم 200 او 150 ريال رخيص اروح اتمشى اغير جو خميس جمعه واشتري كل اغراضي ...
بوناصر-قطر
10-09-2007, 06:57 PM
السلام عليكم

أخوكم توه ياي من هناك والمخازن الكبرى هذاك اليوم اللهم بارك فيهم كأنك في حدى المحلات الكبيرة في الدوحة من كثر القطريين

بس يا جماعة ترى المسئلة موب محرزه خصوصا" في الأغراض الغذائية والتموينية لأن الفرق لا يذكر وانما الفرق في باقي الأشياء مثل الملابس وقطع غيار وخلافه


غرشة الفيمتو عندنا 7.50 الاحساء 4 ريال شوف الفرق
الأخ سوق واقف مع الأسف كلامك مش صحيح لأن الفيمتو جدام عيني أتذكره في الاحساء بـ 7.50
وآزيدك من الشعر بيت .. انا شاري لي كارتونين الواحد بـ 87ريال
يعني 87 تقسيم 12 = 7.25 هذا سعر جمله
اللي بـ 4 ريال عصير ثاني اسمه جنتو وهو في الدوحة بنفس السعر أو قريب منه
يعني الفروقات وايد وايد بسيطة في المواد التموينية
هسلان
10-09-2007, 07:43 PM
الذهاب للأحساء ليس لأن الأسعار أرخص فلو حسبنا المشوار لوجدناه مايسوى
الموضوع وما فيه حب للتسوق فقط لا غير وحب للتغيير
بمعنى نشوف بعض الأخوات تحب تشتري الأواني المنزلية ليس لوجود نقص في الأوني لديها لكن لحب التسوق وكذلك الرجل يشتري بعض المعدات لحب التسوق
فلا نستغرب إذا الواحد ضرب مشوار لدبي أو الأحساء للتسوق فقط بغض النظر عن السعر

هذا اللي طلع معاي تقبل تحياتي
سهم عربي
10-09-2007, 07:47 PM
المفروض قطر توجد فيها أرخص البضائع بحكم موقعها القريب من

مصانع الغذاء والزراعة (الهند وباكستان وإيران والسعويه ) .

ولكن المشكلة أن الأفلوس توضع في غير موضعها عندنا .



نحن بحاجه إلي ميناء ممتاز ومخازن واسعة لتخزين البضائع وتجارة مفتوحة

وألغاء الجسر بين البحرين وقطر

وتحويله بدلا منه قطار بين المنطقه الصناعيه في الدوحة وبين الحسا

أبرك وأحسن بألف مرة من الجسر وبنفس التكلفة .
koko33
10-09-2007, 09:14 PM
يا اخوان انا توني شاري دروج مطبخ يعني مطبخ المنيوم من الاحساء بالفين وقبل ما اروح سألت عن سعر المواصفات في نجمه وقالولي بسبعة الاف وخمسمائة ريال وجايبه في سيارتي مجانا وتقولون ما فيه فرق
حالي الذوق
10-09-2007, 09:22 PM
كمثال

شريت كرتون شوفان كويكر من الاحساء 145 ريال ولقيته بالدوحه 136 ريال:o

وشريت كرتون كاسترد رويال من الاحساء 90 ريال ولقيته بالدوحه 116 ريال;)



يعني في وفي بس كافرج تطلع انت الكسبان وخاصه اذا كانت بالجمله
ANONYMOUS
10-09-2007, 10:07 PM
كمثال

شريت كرتون شوفان كويكر من الاحساء 145 ريال ولقيته بالدوحه 136 ريال:o

وشريت كرتون كاسترد رويال من الاحساء 90 ريال ولقيته بالدوحه 116 ريال;)



يعني في وفي بس كافرج تطلع انت الكسبان وخاصه اذا كانت بالجمله


هاي الزبده..

يعني مب معقوله بروح الحسا وبشتري لي غرشة فيمتو وبرد..

بروح الحسا..


وباخذ مقاضي رمضان..


ومقاضي العيد..


واغراض البيت مواعين ودلال السيف الزينه كل سنه ديكور احلى ..


وملابس يهال ورجال وحريم..


ومجالس عربيه


وكبتات مطابخ


وقطع غيار حق الكابريسين اللي عندنا بالبيت..



بسعر 8000 ريال..


وانا مستانس ومغير جو..


وساكن في الحسا انتركونتيننتل



لو من الدوحه بتكلفني فقط 28000ريال فقط لاغير.. ودمعه وسنسون


وشكرا
سهم الخيانة
10-09-2007, 11:15 PM
الموضوع مش غلاء في المواد الغذائية وبس حتى الملابس تفصيل الاثياب صارت 40 - 45 ريال فنايل الاطفال من بيبي شب كانت 10 ريال صارت 20 - 22 ريال حسب النوع ولو عملوا تخفيض مثلاً وقالوا 50% يعني راح يرجع على ربحه السابق يعني ربحان التاجر ربحان :D احنا مش معترضين على ربح التجار ولكن عدم الاستغلال المناسبات (( اعياد، شهر رمضان ، مدارس)) ومسئلة المواد الرخيصه مش بس في المنطقة الشرقية وبس حتى في مملكة البحرين التخفيضات توصل عندهم لغاية 75% من سعر البضاعة يعني كم باقي من سعرها الاصلي.

سؤال بريء هل فعلاً يوجد قسم في وزارة التجارة يعرف بقسم حماية المستهلك ؟؟؟ :con2:
ارجو لو في أي شخص من اعضاء المنتدى انه يعرف نفسه وعليه الأمان لانه يوجد لدى بعض الاعضاء استفسار لا لا إستفسارات حول بعض الامور لأستغلال التجار؟
ودمتم سالمين وكل عام وانتم بخير :nice:
السهم الذهبي 2007
11-09-2007, 12:19 AM
الحساء بصراحه تتقدم يوم بعد يوم زادت المولات فيها واصبحت البضاعه مقبوله لكل الزبائن
انا شاهدت ان
التمر ارخص وخاصه اخلاص القصيم والخرج ارخص من سوق قطر بالضعف
على سبيل المثال
انا شريت كرتون تمر من التميمي اخلاص الخرج درجه اولى في اي بي 200 ريال الكرتون فيه 8حبات الكيلو تقريبا 25 ريال بالدوحه 50ريال
قهوه القطان الجاهزه بالجمعيه الميره بــ 22 ريال هناك بــ14.5 اعني الكرتون 175 ريال لــ12 علبه
والملابس ارخص لانهم عارفين اذا غلوا لا احد يشتري عندهم الا اهل قطر
الله يدوم علينا الاحساء
وان شاء الله يتعلمون التجار البشعين عندنا
يعطيكم العافيه
مطلع الشمس
11-09-2007, 12:26 AM
فعلاً الاحساء اسعار رخيصه وفوق هذا كله موديلات جديده واشياء غير موجوده بقطر
وأنا وحده احب التسوق من الاحساء والخبر
ومعظم الي يبعون بالنت وغيره بضاعتهم من الاحساء والخبر ويبيعونه هني بأغلى

وانا مثلج واكبر مثال ( شريت فستان من الحسا 1200 ريال وبعدة بسبوعين نزلوا نفس الفستان في فيلاجيو بسعر 4000 ريال هاشي انا لمستة والله يعين على الاشياء الباقية )
ســـهم
11-09-2007, 01:45 AM
يمكن يبون يشوفون الطريق خلص أنشائه ولا لا ...


















السبب عاده أكثر منه أقتناع فالاسعــــــار جدا متقاربه في دول الخليج .
البانوش
11-09-2007, 05:33 AM
الي تهاجمون الي يروحون يشترون من الحساء
اعطيكم نموذج بسيط وبعدها قررو
1... الطحين الدوحة 90 ريال الاحساء 42 ريال
2...الصابون الدوحة 60 ريال 35الاحساء ريال
3... البيض الدوحة 15 ريال الاحساء 3 ثلاثة ريال فقط
لو احط لستة بالاسعار شاب راسكم
المشكلة انها ماتفرق عند ناس ويقولون مايسوى عليكم تروحون الحساء
لا والله تفرق
البانوش
11-09-2007, 05:39 AM
السلام عليكم

أخوكم توه ياي من هناك والمخازن الكبرى هذاك اليوم اللهم بارك فيهم كأنك في حدى المحلات الكبيرة في الدوحة من كثر القطريين

بس يا جماعة ترى المسئلة موب محرزه خصوصا" في الأغراض الغذائية والتموينية لأن الفرق لا يذكر وانما الفرق في باقي الأشياء مثل الملابس وقطع غيار وخلافه


الأخ سوق واقف مع الأسف كلامك مش صحيح لأن الفيمتو جدام عيني أتذكره في الاحساء بـ 7.50
وآزيدك من الشعر بيت .. انا شاري لي كارتونين الواحد بـ 87ريال
يعني 87 تقسيم 12 = 7.25 هذا سعر جمله
اللي بـ 4 ريال عصير ثاني اسمه جنتو وهو في الدوحة بنفس السعر أو قريب منه
يعني الفروقات وايد وايد بسيطة في المواد التموينية

رايح تتشرى من المخازن الكبرى الى في الحساء
انا ماانصحك تروح المخازن

روح اسواق حفيز الي في الاحساء
وقارن بين اسعار قطر والاحساء
ANONYMOUS
11-09-2007, 09:51 AM
سؤال بريء هل فعلاً يوجد قسم في وزارة التجارة يعرف بقسم حماية المستهلك ؟؟؟ :con2:
ارجو لو في أي شخص من اعضاء المنتدى انه يعرف نفسه وعليه الأمان لانه يوجد لدى بعض الاعضاء استفسار لا لا إستفسارات حول بعض الامور لأستغلال التجار؟
ودمتم سالمين وكل عام وانتم بخير :nice:



يقولون فيه

بس مب كفو يتدخل في اي شي..

اختصاصه الرز والطحين.. ويمكن الحليب..

بس الاغراض الثاني " يخسي" يطلع له صوت

هاي على كلام واحد في الماليه.

المفروض يسمون الاداره.. ادارة حماية الرز والطحين
مطرقه
11-09-2007, 10:00 AM
يهربون لان الاسعار هنا نار والجميع يعرف ان الناس يخافون من النار لانها تلهب وتحرق :court:
al_lord
11-09-2007, 10:34 AM
يقولون فيه

بس مب كفو يتدخل في اي شي..

اختصاصه الرز والطحين.. ويمكن الحليب..

بس الاغراض الثاني " يخسي" يطلع له صوت

هاي على كلام واحد في الماليه.

المفروض يسمون الاداره.. ادارة حماية الرز والطحين

هههههههههههه

جزاك الله خير الي ضحكتني خصوصا عقب ما قريت المقال عن الخبز الظاهر مفكرين الناس ما يأكلون الا خبز وطحين
ANONYMOUS
12-09-2007, 02:49 AM
وانا مثلج واكبر مثال ( شريت فستان من الحسا 1200 ريال وبعدة بسبوعين نزلوا نفس الفستان في فيلاجيو بسعر 4000 ريال هاشي انا لمستة والله يعين على الاشياء الباقية )



صحيح كلامج.. اعرف عوايل كثيره قبل المناسبات يروحون الشرقيه ياخذون الملابس..