هل من حق الزوج التفتيش في جوال الزوجه [الأرشيف]

قطري في لندن

11-09-2007, 02:31 PM

السلام عليكم ورحمة الله وبركاته.........

اطرح بين أيديكم هذا الموضوع وأريد مشاركاتكم الهادفه

أحيانا يساور الرجل بعض الشكوك أوحتى الفضول للاطلاع على هاتف زوجته..
او الاخ لاخته...
وسؤالى هنا...

هل من حق الزوج التفتيش والاطلاع على أرقام زوجته ومكالماتها ووقتها!!!!!!!!!

وكذلك هل من حق الزوجه تفتيش والاطلاع على ارقام زوجها ومكالمته؟؟؟؟؟؟؟

ترى !! ماذا ستفعل ؟ !! هل سيسألها ؟ !! أم سيراقب هاتفها ومكالماتها؟!!

فهل من حق الرجل تفتيش جوال الزوجة ام العكس ؟؟؟؟

اخوكم قطري في لندن

ورقــة أمــل

11-09-2007, 02:39 PM

>>>>لا<<<<

miss-qatr

11-09-2007, 02:41 PM

السلام عليكم ورحمة الله وبركاته.........

اطرح بين أيديكم هذا الموضوع وأريد مشاركاتكم الهادفه

أحيانا يساور الرجل بعض الشكوك أوحتى الفضول للاطلاع على هاتف زوجته..
او الاخ لاخته...
وسؤالى هنا...

هل من حق الزوج التفتيش والاطلاع على أرقام زوجته ومكالماتها ووقتها!!!!!!!!!

وكذلك هل من حق الزوجه تفتيش والاطلاع على ارقام زوجها ومكالمته؟؟؟؟؟؟؟

ترى !! ماذا ستفعل ؟ !! هل سيسألها ؟ !! أم سيراقب هاتفها ومكالماتها؟!!

فهل من حق الرجل تفتيش جوال الزوجة ام العكس ؟؟؟؟

اخوكم قطري في لندن

وعليكم السلام والرحمه

والله شدني موضوعك اخوي وفعلا سؤال مهم وحابه اسمع ردود الشباب اكثر من البنات!!!!

انا من رايي لا الزوجه لها حق ان اتفتش جوال زوجها ولا اهو له حق

في شي اسمه خصوصيه وانا من رايي ترى مايفتش الا الانسان اللي شاك في نفسه مثل ماقالو كلن يرى الناس بعين طبعه))

اما انسان متصالح مع نفسه ماراح ايشك الا اذا صج بدر من الزوجه مثلا شي جعلها بموضع شك؟؟؟؟ والعكس صحيح

بس الانسان كل ما بين حق الشريك ثقته فيه صدقني ان بيحاول ان ما يجي يوم يزعزع هالثقه

اسفه على الاطاله وتقبل تحياااااااااااتي

جلمود

11-09-2007, 02:45 PM

مومن حق الزوج التفتيش في الموبايل

بس صدقني لو كان الزوج مغازلجي أو بالمعني الاصح أزقرتي

راح يفعل هذا الشي

desert hunter

11-09-2007, 02:46 PM

خل افتش في جوالها

وبعد هي تفتش في جوالي

دام انك واثق من نفسك مافي خوف من حد

وهي لو واثقه ليش الخوف وعدم التفتيش

انتهى .. .!

مليونيره

11-09-2007, 02:46 PM

انا اشوفه عادي يفتش في جوال زوجته ومن حقه
بس يكون بأسلوب حلو ودوبلوماسي:con2:
مثلاُ
فلانه عطيني جوالج ابي اشوف فيديو حركات جديده:nice:
شوي
الا دش على المسجات
ههههههههههههههههههه شهالنكته:funny:
من اسمها الـ...
بهالطريقه يقدر يوصل للي يبيه بدون تجريح اوزعل:nice:
اما يقول لها عطيني جوالج ويقدر يدور بالقائمه ويسأل من هذا وهذا ومن رقمه ومن داز لج هذا
بتزعل وبدش مواضيع الشك والغيره والخ والخ :anger2:
وفي حريم يفتشون في جوالات ازواجهم :strong

أم حمد

11-09-2007, 02:48 PM

وعليكم السلام ورحمة الله وبركاته

/

لاهنت على الموضوع

بصراحه مميز

،،

اخوي الكريم

اهم شي بين الزوجين الثقه وتبادل الاحترام

لان من دون هالشين انا اقولك

نهايتها الانفصال

/

الزوج والزوجه من ياخذون بعض مابينهم اسرار

يعني من حقه يشوف جوالها بدون مايحسسها انه شاك فيها

لان الشك يحرم الزوج على الزوجه

فما بالك باللي مطين حياة مرته

ليش حاطه جوالك صامت

ليش ولع الجوال ؟ رساله ولا اتصال

من منه هالرساله !!

من هذا رقمه المميز !!

هالرساله شفتها عند رفيجي ليكون تكلمينه !! <=== والله صارت مع وحده من رفيجاتي بالذمه هذا وش تسوي معه !!

وين الجوال ليش مسكرته !!

ليش مشغول ومع من تتكلمين !!

هالانسان اقولها لك زييييييير نسوان وقاعد يطبق هالشي مع مرته !!

وياااكثرهم !!

انا اقولك زوجي عمره مافكر يدور بجوالي ودايم قدامه وعليه رقم سري ولا قد قالي ليش حاطه قفل !

ومرات افتحه له برضاي اذا بغى يشوف صوره ولا رنه ولا اي شي ،،

يعني لا اطول عليك ولا شي ياخوي

زبدة كلامي الثقه بين الرجال ومرته مهمه جدا ً

ومو من حقه اذا عنده نية الشك مسبقه انه يفتش بجوالها والامر كذالك بالنسبه للمره

/

مثال بيني وبين زوجي /

يبي صوره مني وطرشتها له بلوتوث

النك نيم حقه رقم تيلفونه :court:

قلت ليش تحط رقم تيلفونك عشان البنات ضحك وانا بمزحه وقلبي محترق crazy

قلت له حط بو حمد قال لا بحط بو حمود :D

لقيته عقب بفتره حاط

999

كخخخخخخخخخخخخخ

والله اني ضحكت

/

ادري طولت بالهذره والسموحه منك

:)

الطرف الأغر

11-09-2007, 02:49 PM

لا يفتش ولا أفتش

ولو طايح جدامي التلفون ولا افكر امسكه

لأن

حبل الكذب قصير

و اذا في شي الله بيكشف الي فيه البلا

فليش نستعجل ونتصرف تصرفات خبث و وقلة ذوق

شكرا عالموضوع

ناصر العمادي

11-09-2007, 02:51 PM

اعتقد اخوي هذا التصرف ممكن يحدث في حالة الشك فقط لبعض الناس ..
اما الوضع الطبيعي فانا اشوف ان لاداعي لأن افتش على شي بالتلفون لأن الثقه موجوده والتلفون امامي طول اليوم وممكن استخدمه وقت مااحب والزوجه كذلك ممكن تستخدم تلفون زوجها في اي وقت وهذا اكبر دليل على الثقه وعدم الحاجه الى التفتيش من وراء الزوجه..
لكن لما انشوف الزوج او الزوجه او مايدخلون البيت يحطون التلفون على الصامت او يغلقون الهاتف او التلفون مايطلع من يدهم ومعاهم في كل مكان حتى اعزكم الله في الحمام فهذا وضع غير طبيعي ويؤدي الى الشك طبعا وفي هذه الحاله من حق الطرف المتضرر ان يفتش عن السبب لهذا الحرص وهذا حق للزوج او الزوجه للمحافظه على حياتهم الزوجيه وعدم دخول الشيطان بينهم عن طريق الشك والصمت والوسواس..
عموما مافي احلى من الصراحه وزرع الثقه بين الزوجين
وشكرا اخي العزيز على الموضوع الجميل

مليونيره

11-09-2007, 02:57 PM

:looking: انا الوحيده رايي المتناقض

هسلان

11-09-2007, 03:59 PM

تفتيش الجوال لا يسما فضول بل شك صريح واللي يسويها الله يعينه فهو أما مريض بداء الشك أو شايف على شريكه شي خلاه يشك
طبعاً الكلام للجنسين

تقبل تحياتي

خشوف

11-09-2007, 04:03 PM

عن حالي من ايام الملكه وانا اشبك الجوال واساله عن كل رقم بجواله من هاي وامسح عداد الرسايل وعدد المالكمات الدقايق عشان اعرف كم رساله طرش وكم مكالمه واصيده هههههه

عادي مافيها شي اذا هو اثق بخيلني افتش .. وانا عادي عندي لو ياخذ جوالي ويتصل رقم رقم عادي واثقه

الطرف الأغر

11-09-2007, 04:07 PM

عن حالي من ايام الملكه وانا اشبك الجوال واساله عن كل رقم بجواله من هاي وامسح عداد الرسايل وعدد المالكمات الدقايق عشان اعرف كم رساله طرش وكم مكالمه واصيده هههههه

عادي مافيها شي اذا هو اثق بخيلني افتش .. وانا عادي عندي لو ياخذ جوالي ويتصل رقم رقم عادي واثقه

:funny::funny::funny:

مب هينه ،، من وين اتيبون هالأفكار :D

امل الحب

11-09-2007, 05:40 PM

امممم انا اشوف انها موحلوة

صح ماعندي شي بس مهما كان في شي اسمه خصوصية يعني انا ماحب ادور من ورا حد ولاحب حد يدور من وراي :)

اهم شي الثقة اذا مافي ثقة تصير الحياة صعبة

قطريه ماركه

11-09-2007, 08:31 PM

عااااادي الجوال قاطته فوق التواليت ( التسريحه ) أي حد يبي يشووووف المسجاااات حلاله

بس لا يطرش له ما بي تزيد الفاتوره ...:p

وجواله بعد نفس المكاااان .. أهم شي (( الثقه )):D

قطري في لندن .. مشكووووووور ع المواضيع المميزه .. وتسلم ..

ذربة ألكلام

11-09-2007, 08:46 PM

خلوة يفتش أيش المشكلة فالموضوع؟؟؟؟

وأنا بعد بفتش بجواله!!!http://www.ansaralhusain.net/mysmiles/3dsmiles/36_2_62.gif

100$

11-09-2007, 09:51 PM

عادي شفيها

اذا حياتهم وحده

ومصيرهم واحد
وبيت واحد

وفراش واحد

وعلى قولتهم شريك في الحياه

ليش يعني بذات الجوال يعتبر خصوصيه

عادي مافيها شي

الي يقول لا ومو من حقه وحده من الثنتين

اما انه يكون جواله فيه شي وخايف حد يشوفه

او انه في حواجز بين الزوجين وحياه زوجيه غير سليمه

خشوف

11-09-2007, 10:44 PM

:funny::funny::funny:

مب هينه ،، من وين اتيبون هالأفكار :D

ههه عن بخصوص العداد من اكتشفته في جوالي وانا مستانسه قمت ادور على جوال جوال في البيت قبل لا اتزوج اقولهم كم عدد الرسائل والدقايق كانوا يقولون ماشايفه خير بس الحمدلله فادني omen والحمدلله انا واثقه من بو الشباب ماعنده لف ودوران الله يخليه لي

OTOsan

12-09-2007, 09:59 AM

خل افتش في جوالها

وبعد هي تفتش في جوالي

دام انك واثق من نفسك مافي خوف من حد

وهي لو واثقه ليش الخوف وعدم التفتيش

انتهى .. .!

ونا معاك !! اللي واثق من نفسه مايخاف من شي ،،

قطر501

12-09-2007, 10:20 AM

امر عادي لكن مب تفتيش بمعنى التفتيش يعني من وراها لا عادي اخذ الجوال جدامها وهي بعد تاخذ جوالي وكل واحد يقلب في جوال الثاني اهم شي الثقه

قطري في لندن

12-09-2007, 01:26 PM

وعليكم السلام والرحمه

والله شدني موضوعك اخوي وفعلا سؤال مهم وحابه اسمع ردود الشباب اكثر من البنات!!!!

انا من رايي لا الزوجه لها حق ان اتفتش جوال زوجها ولا اهو له حق

في شي اسمه خصوصيه وانا من رايي ترى مايفتش الا الانسان اللي شاك في نفسه مثل ماقالو كلن يرى الناس بعين طبعه))

اما انسان متصالح مع نفسه ماراح ايشك الا اذا صج بدر من الزوجه مثلا شي جعلها بموضع شك؟؟؟؟ والعكس صحيح

بس الانسان كل ما بين حق الشريك ثقته فيه صدقني ان بيحاول ان ما يجي يوم يزعزع هالثقه

اسفه على الاطاله وتقبل تحياااااااااااتي[/COLOR]

صدقتي اختي وانا بعد ايدج في كل كلمه قلتيه وشرفني مرورج لي اسعدني ولا تحرمينه من هاي الطله الحلوه

قطري في لندن

12-09-2007, 01:29 PM

انا اشوفه عادي يفتش في جوال زوجته ومن حقه
بس يكون بأسلوب حلو ودوبلوماسي:con2:
مثلاُ
فلانه عطيني جوالج ابي اشوف فيديو حركات جديده:nice:
شوي
الا دش على المسجات
ههههههههههههههههههه شهالنكته:funny:
من اسمها الـ...
بهالطريقه يقدر يوصل للي يبيه بدون تجريح اوزعل:nice:
اما يقول لها عطيني جوالج ويقدر يدور بالقائمه ويسأل من هذا وهذا ومن رقمه ومن داز لج هذا
بتزعل وبدش مواضيع الشك والغيره والخ والخ :anger2:
وفي حريم يفتشون في جوالات ازواجهم :strong

والله حركه زين قلتي عشان انطبقه اول مانتزوج هههههههههههههههههه
وشرفني مرورج لي اسعدني ولا تحرمينه من هاي الطله الحلوه

قطري في لندن

12-09-2007, 01:33 PM

وعليكم السلام ورحمة الله وبركاته

/

لاهنت على الموضوع

بصراحه مميز

،،

اخوي الكريم

اهم شي بين الزوجين الثقه وتبادل الاحترام

لان من دون هالشين انا اقولك

نهايتها الانفصال

/

الزوج والزوجه من ياخذون بعض مابينهم اسرار

يعني من حقه يشوف جوالها بدون مايحسسها انه شاك فيها

لان الشك يحرم الزوج على الزوجه

فما بالك باللي مطين حياة مرته

ليش حاطه جوالك صامت

ليش ولع الجوال ؟ رساله ولا اتصال

من منه هالرساله !!

من هذا رقمه المميز !!

هالرساله شفتها عند رفيجي ليكون تكلمينه !! <=== والله صارت مع وحده من رفيجاتي بالذمه هذا وش تسوي معه !!

وين الجوال ليش مسكرته !!

ليش مشغول ومع من تتكلمين !!

هالانسان اقولها لك زييييييير نسوان وقاعد يطبق هالشي مع مرته !!

وياااكثرهم !!

انا اقولك زوجي عمره مافكر يدور بجوالي ودايم قدامه وعليه رقم سري ولا قد قالي ليش حاطه قفل !

ومرات افتحه له برضاي اذا بغى يشوف صوره ولا رنه ولا اي شي ،،

يعني لا اطول عليك ولا شي ياخوي

زبدة كلامي الثقه بين الرجال ومرته مهمه جدا ً

ومو من حقه اذا عنده نية الشك مسبقه انه يفتش بجوالها والامر كذالك بالنسبه للمره

/

مثال بيني وبين زوجي /

يبي صوره مني وطرشتها له بلوتوث

النك نيم حقه رقم تيلفونه :court:

قلت ليش تحط رقم تيلفونك عشان البنات ضحك وانا بمزحه وقلبي محترق crazy

قلت له حط بو حمد قال لا بحط بو حمود :D

لقيته عقب بفتره حاط

999

كخخخخخخخخخخخخخ

والله اني ضحكت

/

ادري طولت بالهذره والسموحه منك

:)

لااختي لاطولتي ولاشي بالعكس اشكرج على هاي لاضافه الحلوه منج

بس صج حلوه 999 ههههههه شكله خاف منج وحط رقم الطواري:D

شرفني مرورج اختي لي اسعدني ولا تحرمينه من هاي الطله الحلوه

قطري في لندن

12-09-2007, 01:36 PM

اعتقد اخوي هذا التصرف ممكن يحدث في حالة الشك فقط لبعض الناس ..
اما الوضع الطبيعي فانا اشوف ان لاداعي لأن افتش على شي بالتلفون لأن الثقه موجوده والتلفون امامي طول اليوم وممكن استخدمه وقت مااحب والزوجه كذلك ممكن تستخدم تلفون زوجها في اي وقت وهذا اكبر دليل على الثقه وعدم الحاجه الى التفتيش من وراء الزوجه..
لكن لما انشوف الزوج او الزوجه او مايدخلون البيت يحطون التلفون على الصامت او يغلقون الهاتف او التلفون مايطلع من يدهم ومعاهم في كل مكان حتى اعزكم الله في الحمام فهذا وضع غير طبيعي ويؤدي الى الشك طبعا وفي هذه الحاله من حق الطرف المتضرر ان يفتش عن السبب لهذا الحرص وهذا حق للزوج او الزوجه للمحافظه على حياتهم الزوجيه وعدم دخول الشيطان بينهم عن طريق الشك والصمت والوسواس..
عموما مافي احلى من الصراحه وزرع الثقه بين الزوجين
وشكرا اخي العزيز على الموضوع الجميل

صراحه ابدعت في ردك وانا اميدك في كل كلمه قلته

وشرفني مرورك اخوي لي اسعدني ولا تحرمنه من هاي الطله الحلوه

قطري في لندن

12-09-2007, 01:39 PM

عااااادي الجوال قاطته فوق التواليت ( التسريحه ) أي حد يبي يشووووف المسجاااات حلاله

بس لا يطرش له ما بي تزيد الفاتوره ...:p

وجواله بعد نفس المكاااان .. أهم شي (( الثقه )):D

قطري في لندن .. مشكووووووور ع المواضيع المميزه .. وتسلم ..

العفوا اختي وشرفني مرورج لي اسعدني ولا تحرمينه من هاي الطله الحلوه:)

قطري في لندن

12-09-2007, 01:40 PM

مشكورين على المرور لي اسعدني ولا تحرمونه من الطله الحلوه

نورا

12-09-2007, 02:09 PM

بصراحه ما يحتاج هذا الموضوع للمناقشه

الشيء واضح مثل الشمس

الازواج شيء واحد كل واحد مكمل للأخر

وما اظن في حاجه تخفى على الاثنين

بس اسرار العمل ممكن لو عندي سر في عملي

ولا يجب الاطلاع عليه

من الواجب والإمانه المحافظة على هذا الشيء

وانا ضد ان الزوجه او الزوج يخفون على بعض مهما كان

يمكن اكون مخطأه ما ادري

deepbluesea

12-09-2007, 02:31 PM

انا اشوف ان الزوج وزوجته بينهم روابط اكبر من هالاكلام

يعني عادي ياخذ تلفونها يشوف فيه ، والعكس بالعكس ، تاخذ تلفونه تطالع وتشوف

ولكن بكل تأكيد ان ما يكون في باله الشك وسوء النيه

بل قد يكون من باب الفضول لا اكثر

ويسمحون لي الاخوان والاخوات اللي يقولون الخصوصيه وماخصوصيه ، شنو خصوصيه الله يهداكم

خصوصيه بين الزوج وزوجته!

واعتقد انه اي زوج او زوجه في الوضع الطبيعي ما يكون فيه شي في جواله يشعره بالحرج او بأنه لا يجوز لشريك حياته ان يراه او يطلع عليه ،او يعتبر خاص له فقط

الا اذا....................

كان هناك ما لا يسر الطرف الاخر ، مثلا لاقدر الله ، صور لا ترضي الله او مقاطع محرمه ، او علاقه غير شرعيه ، وهنا يصبح الشك واقعا

ان وجدت الثقه والحب بين الزوج ضاع الشك والوسواس ، ولا مكان لادعاءات مثل هذي اشياء خاصه بلا بلا بلا

يالربع الخصوصيه تكون بين الشخص وناس اخرين غير زوجته ، مثلا صديق ، او قريب ، او حتى اخ واخت وام ، هني صح قد يكون له بعض الخصوصيات مع زوجته

لكن مع الزوجه لا توجد خصوصيه وبالذات في مسألة جوال وامور الحياه اليوميه
قد نلتمس لزوج ان يجد بعض الخصوصيه في اعماله الماليه مثلا ، شركه او شي من هالقبيل
اما غيره فلا

هذا رأي

وسلامتكم

الراقية

12-09-2007, 03:26 PM

لايحق لاي منهم التفتيش اذا كان بقصد التفتيش ولا.... وين الثقة
أما اذا كان بقصد قراءة مسج او رؤية صورة او فلم او بطاقة اعتقد عادي

المتأمل خيرا

12-09-2007, 04:04 PM

كلا.. لايحق لأحدهما أن يفعل ذلك تجاه الآخر..

بوعبدالله - قطر

12-09-2007, 06:58 PM

مرحبا اخوي قطري في لندن...

اشوف عادي خلها تشوف تلفوني واشوف تلفونها
مافي أي مشكله...

بس في طريقي حلوه مب بالقوة والعصبيه
يعني بالسياسه والفن...

الحياه الزوجيه مرتبطه على الصدق والمحبه...

تحياتي لك وللجميع...

دلة الرسلان

12-09-2007, 09:37 PM

مش حلوةةةةةةةة بس يمكن عنده سبب مقنع !!!!!!!!!

Mr Brox

12-09-2007, 09:39 PM

إلا من حقه ونص ..

مناحي السادس عشر

12-09-2007, 11:22 PM

أمشي عدل يحتار عدوك فيك

قطري في لندن

13-09-2007, 05:10 AM

بصراحه ما يحتاج هذا الموضوع للمناقشه

الشيء واضح مثل الشمس

الازواج شيء واحد كل واحد مكمل للأخر

وما اظن في حاجه تخفى على الاثنين

بس اسرار العمل ممكن لو عندي سر في عملي

ولا يجب الاطلاع عليه

من الواجب والإمانه المحافظة على هذا الشيء

وانا ضد ان الزوجه او الزوج يخفون على بعض مهما كان

يمكن اكون مخطأه ما ادري

في اشياء ماتنقال مثال الماضي الزوج يمكن يكون له ماضي مثل المغازل يروح يقول حق مرته انا كنت امغازلجي :d اتوقعين شنو بيكون ردت فعله يابتطلب الطلاق ولا بتصير شكاكه على الطالعه ونازله في اشياء ماتنقال اختي

واحترم وجه نظرج ولا تحرمينه من هاي الطله الحلوه

قطري في لندن

13-09-2007, 05:16 AM

انا اشوف ان الزوج وزوجته بينهم روابط اكبر من هالاكلام

يعني عادي ياخذ تلفونها يشوف فيه ، والعكس بالعكس ، تاخذ تلفونه تطالع وتشوف

ولكن بكل تأكيد ان ما يكون في باله الشك وسوء النيه

بل قد يكون من باب الفضول لا اكثر

ويسمحون لي الاخوان والاخوات اللي يقولون الخصوصيه وماخصوصيه ، شنو خصوصيه الله يهداكم

خصوصيه بين الزوج وزوجته!

واعتقد انه اي زوج او زوجه في الوضع الطبيعي ما يكون فيه شي في جواله يشعره بالحرج او بأنه لا يجوز لشريك حياته ان يراه او يطلع عليه ،او يعتبر خاص له فقط

الا اذا....................

كان هناك ما لا يسر الطرف الاخر ، مثلا لاقدر الله ، صور لا ترضي الله او مقاطع محرمه ، او علاقه غير شرعيه ، وهنا يصبح الشك واقعا

ان وجدت الثقه والحب بين الزوج ضاع الشك والوسواس ، ولا مكان لادعاءات مثل هذي اشياء خاصه بلا بلا بلا

يالربع الخصوصيه تكون بين الشخص وناس اخرين غير زوجته ، مثلا صديق ، او قريب ، او حتى اخ واخت وام ، هني صح قد يكون له بعض الخصوصيات مع زوجته

لكن مع الزوجه لا توجد خصوصيه وبالذات في مسألة جوال وامور الحياه اليوميه
قد نلتمس لزوج ان يجد بعض الخصوصيه في اعماله الماليه مثلا ، شركه او شي من هالقبيل
اما غيره فلا

هذا رأي

وسلامتكم

اوافقك اخوي وصراحه ابدعت

وشرفني مرورك لي اسعدني

قطري في لندن

13-09-2007, 05:19 AM

لايحق لاي منهم التفتيش اذا كان بقصد التفتيش ولا.... وين الثقة
أما اذا كان بقصد قراءة مسج او رؤية صورة او فلم او بطاقة اعتقد عادي

فتش وخلص اختي اشبقاء ماشافه :D :D

شرفني مرورج لي اسعدني

قطري في لندن

13-09-2007, 05:21 AM

مرحبا اخوي قطري في لندن...

اشوف عادي خلها تشوف تلفوني واشوف تلفونها
مافي أي مشكله...

بس في طريقي حلوه مب بالقوة والعصبيه
يعني بالسياسه والفن...

الحياه الزوجيه مرتبطه على الصدق والمحبه...

تحياتي لك وللجميع...

مرحبتين اخوي

صح كلام اخوي وشرفني مرورك لي اسعدني ولا هنت

قطري في لندن

13-09-2007, 05:23 AM

مش حلوةةةةةةةة بس يمكن عنده سبب مقنع !!!!!!!!!

إلا من حقه ونص ..

أمشي عدل يحتار عدوك فيك

مشكورين على المرور لي اسعدني

miss-qatr

13-09-2007, 05:47 AM

[COLOR="Sienna"]لكن مع الزوجه لا توجد خصوصيه وبالذات في مسألة جوال وامور الحياه اليوميه
قد نلتمس لزوج ان يجد بعض الخصوصيه في اعماله الماليه مثلا ، شركه او شي من هالقبيل
اما غيره فلا]

اسمح لي اخوي على التعليق بس انت تعذر الزوج ان اتكون له خصوصيه في العمل انا معاك

بس تفضلت وقلت لاتوجد خصوصيه عند الزوجه؟؟؟

ليش مايكون لها خصوصيه ؟؟؟؟ خصوصيه مع اهلها؟؟ خواتها؟؟ صديقاتها؟؟؟

لو احط نفسي مكانهم واتأكد ان هالزوجه مافي شي يخفى على زوجها ولا راح افكر اقولها شي

لان مافي داعي يكون شي خاص بيني وبينها مثل ماتقول مافي خصوصيه بين الزوجه وزوجها!!!!

واسمح لي