المساعد الشخصي الرقمي

مشاهدة النسخة كاملة : احنا ناقصين ياحكومتنا الرشيدة! قانون إعدام السيارات


Breakaway
15-09-2007, 12:48 PM
تفاجأت بقانون المرور الجديد الذي ينص على عدم تسجيل السيارات التي تجازت 15 عاما من سنة صنعها!

طيب ليش؟ إذا كانت سيارتي زي الوردة وشاريها بالقيمة الفلانية تصبح بلا قيمة! يعني حتى الدول المتقدمة لا يوجد فيها هذا القانون الجائر.

وخذي ياسيارات نصيبك من إرتفاع في الأسعار وزيدي الناس ألم على الآلام التي هم فيها وراح نشوف ظاهرة ترحيل السيارات للدول المجاورة لبيعها والتخلص منها.
شسالفة...؟
15-09-2007, 01:12 PM
لا حول ولا قوةإلا بالله

يا عالم أنتم ياللي تحطون القوانيين أتقوا الله في الناس

يعني لأن كل واحد منكم سيارته آخر موديل ومنصب يسلمه آخر الشهر راتب خيالي

لااااااااااااااااااااااااازم تذبحون العالم

يا ناس في قطرين مو بس أجانب فقراااااااااااااااااااااااااااء وسياراتهم موديل السبعينات ومو قادرين يشترون غيرها
شيسون ؟؟؟!!!!!

يا أخي أطلبوا أنها ما تتجدد إلا بإجتياز الفحص أما إنها نهائياً ما تجدد

هذا قرااااااااااااااااااااااااااااااااااااار جائر
المتأمل خيرا
15-09-2007, 01:13 PM
تفاجأت بقانون المرور الجديد الذي ينص على عدم تسجيل السيارات التي تجازت 15 عاما من سنة صنعها!

طيب ليش؟ إذا كانت سيارتي زي الوردة وشاريها بالقيمة الفلانية تصبح بلا قيمة! يعني حتى الدول المتقدمة لا يوجد فيها هذا القانون الجائر.

وخذي ياسيارات نصيبك من إرتفاع في الأسعار وزيدي الناس ألم على الآلام التي هم فيها وراح نشوف ظاهرة ترحيل السيارات للدول المجاورة لبيعها والتخلص منها.

أخي "Breakaway".. هل هناك نص بهذا الوضوح في القانون؟.

الذي اتذكره عند مناقشة الموضوع - في المنتدى قبل فترة - أن الأمر "مرجـّح" أنه يتعلـّق بالشروط الفنيـّة.. أما إذا تم فعلاً تطبيق القانون بهذا الفهم فهي مشكلة حقاً إن لم تكن مصيبة.. لأن هناك بعض السيارات والتي هي في حالة جيدة بل قد تكون جيدة جداً والمسافة الإجمالية المقطوعة بها قليلة نسبياً.

فهل صدر تأكيد رسمي حول الأمر؟

مع خالص التقدير..
المجروح81
15-09-2007, 01:14 PM
مدري هالقانون الحين موجود ولا مجرد كلام
Breakaway
15-09-2007, 01:19 PM
الخبر موجود في جريدة الشرق عدد اليوم ولا أعلم إذا ما تم تطبيق هذا القانون فعلاً..
ناصر العمادي
15-09-2007, 01:29 PM
تحياتي لك اخي العزيز

كلامك صحيح القانون الجديد ينص على ان لايتجاوز عمر المركبه عن 15 سنه من تاريخ الصنع

ولكن كان هناك قرارمن سمو ولي العهد بتأجيل تنفيذ هذه الفقره الى 3 او 5 سنوات اذا ماخاب ظني

وهذا يعني بأنه لن يطبق الأن مع القانون الجديد

وتقبل تحياتي والله يسهل على الجميع ان شاء الله
المجروح81
15-09-2007, 01:36 PM
والله القانون كلش ماله داعي وياليت يعيدون النظر فيه لان حنا قاعدين في قطر مش اليابان لان اعتقد هي الدوله الوحيده الي تنفذ هالقانون لان حتى امريكا واروبا مافيها هالقانون

يعني في بعض قطريين ع قد حالهم مو مثل اليابان رواتب خياليه

والله جد جد اتمنى يعيدون النظر فيه
او يسووون حل يحطون في الراتب بدل جديد يسمونه
(بدل قسط سياره) مايقل عن 4000 الاف ريال
rashid-1
15-09-2007, 02:05 PM
أنا أشوف القانون له داعي ونص لكن بشرط يستثنون السيارات الفور ويل لأنها مازالت تعطي مثل الجيات والنياسين وأغلب الناس تفضلهم للبر والبحر

أما الصوالين ياليت يجمعونهم ويخلون الأطفال يشعلون فيهم النار لأنهم عديمي الفائده وضررهم اكثر من نفعهم وكذلك يشوهون المنظر العام
المجروح81
15-09-2007, 02:23 PM
أنا أشوف القانون له داعي ونص لكن بشرط يستثنون السيارات الفور ويل لأنها مازالت تعطي مثل الجيات والنياسين وأغلب الناس تفضلهم للبر والبحر

أما الصوالين ياليت يجمعونهم ويخلون الأطفال يشعلون فيهم النار لأنهم عديمي الفائده وضررهم اكثر من نفعهم وكذلك يشوهون المنظر العام


والله اخوي يوم نزل القانون ماستثنى الفورويل من الصالون

انا عن نفسي منقهر لان مواتر ربعي اكثر شي نيساسين ابو94 ورايح
والله منقهر ان هاالمواتر بتروح وبتروح ايامها
Abu Omar
15-09-2007, 03:03 PM
القانون هذا في اليابان فقط
ولكن اليابان بلد تصنيع السيارات !
القانون جيد لو كانت المدة 25 سنة يكون مقبول
ولكن 15 عاما فترة قصيرة جدا لعمر سيارة
rashid-1
15-09-2007, 03:08 PM
والله اخوي يوم نزل القانون ماستثنى الفورويل من الصالون

انا عن نفسي منقهر لان مواتر ربعي اكثر شي نيساسين ابو94 ورايح
والله منقهر ان هاالمواتر بتروح وبتروح ايامها


المفروض تنشئون جمعية وتسمونها جمعية الفورويل وتطالبون بإستثناء النياسين والجيات لأن فيها حاجة مثل البحر والبر وانا أجزم انكم لو طالبتوا بهذا الشىء أن صوتكم بيكون مسموع وخصوصا وان الفور ويل مايبين عليه العمر وخصوصا النيسان كل ماقدم كل ماصار احلى
الغفير
15-09-2007, 03:17 PM
وراح نشوف ظاهرة ترحيل السيارات للدول المجاورة لبيعها والتخلص منها.


بصراحة بصراحة يالربع ,,,, انا مع القرار
ياخي بعد 15 سنه صارت السيارة كشرة ( بصراحه يعني لحد يزعل )
و اذا في ظاهرة ترحيل على قولت اخونا بالله الي فوقي:con2: : ترحيل السيارات
للدول المجاورة ... معليه ياخي خلنا نصدر لهم سيارات كشرة
اهم شي الي يبقى عندنا ( داخل البلاد ) سيارات نظيفه :eek2:
وهم قطر
15-09-2007, 03:21 PM
انا مع القانون الجديد

نفتك من السيارات القرمبه

الي تفشل

اتمنى يطبقونه باقرب وقت
شسالفة...؟
15-09-2007, 03:46 PM
سؤال للأخوان اللي يأيدون القرار

والفقير اللي ما عنده فلوس يشتري سيارة شيسوي ؟؟؟

الظاهر بعد هالقرار راح تشوفون قطريييين واجد راكبين باص كروة
هسلان
15-09-2007, 03:54 PM
السيارة قديمة جديدة هذا مالهم خص مش منحق المرور يظهر قرار بعدم ترخيصها
هناك شروط فنيه يطبقها إذا ما أجتازت هذه الشروط له الحق ما يرخصها
بعدين المواصفات والمقاييس أتخذة قرار بعدم السماح بتوريد السيارات أكثر من خمس سنوات من تاريخ الصنع
وأعتقد هذا حل جيد اما تقول15 سنه ياخي في شياب سياراتهم مديل87 وزي الوردة تحرمه منها ليش هذا يعتبر إجحاف
القرار موأجل حتى 2010م
أم أبراهيم
15-09-2007, 05:21 PM
طيب البديل شنوة للمساكين....

يكنسلون سيارتهم وينتظرون باصات الكروة في الشمس

وسيارات الأجرة الكروة إلي ما توقف لهم ...الله يعينهم :eek3:
السعدي999
15-09-2007, 06:15 PM
الله يعين
ANONYMOUS
15-09-2007, 08:54 PM
باقي حق موتري 5 سنين

من حي من ميت

يالله حسن الخاتمه
هسلان
15-09-2007, 08:57 PM
قطر على وشك أن تصبح اغنى دولة على وجه الأرض

لازم ندفع الفاتورة

:anger1::anger1::anger1:

http://qatarshares.com/vb/showthread.php?t=133962
دلة الرسلان
15-09-2007, 08:57 PM
طيب ايش الغرض من ها القرار لا يكون المحافظة ع جمال شوارعنا :D زين بس لايلزمونا

نلبس سياراتنا دانتيل وشرق برق !!!

ياجماعة وين قاعدين لايكون صدقوا ان احنا اغنى دولة في العالم في امريكا اشوف السيارة

ما فيها نفس اشوي وينزل راعيها يدفها وما حد كنسلها احنا ايش سالفتنا لا مع الشرق ولا مع

الغرب :confused:
التيما
15-09-2007, 08:59 PM
قانون صراحه مب صاحي طلعوه ناس مب صاحيه ..
الطرف الأغر
15-09-2007, 09:01 PM
15 سنة ويذبحون السيارة ليشششش والفقاره الي ماعندهم شيسون ،،

في سيارات صار لها 15 سنه بس نظيفه


لازم يستفيدووون ويفيدون الشركات والمواطن هو الي ياكلها
N7eEeS
15-09-2007, 11:38 PM
اخواني عيب هالكلام :anger2:

ماكنت ادري ان في اعضاء في المنتدى رافعين خشمهم ويفكرون بهالطريقة

في ناس الله عالم بحالها المشكلة احنا نشوف نفسنا بس :court:

بصراحة قانون المرور الجديد اغبى قانون شفته في العالم :anger2:

قطع اشارة 6000 ريال وين قاعدين اتحدى دولة في العالم فيها مثل قيمة هالغرامة :court:


:) مبارك عليك الشهر
وليش يقطع الاشاره من الاساس حضرته مستعجل على ايش ؟؟؟
ارواح الناس مش لعبه .
الاشاره ترمق من بعيد يوقف حاله حال اللي واقفين قبل لاتصير حمره .
ولو انا اللي حاط القانون احجزه اسبوع مع الغرامه .
اما بخصوص ال 15 سنه اعتقد انه راح يتم تجميد تنفيذه حتى اشعار أخر
الخيميائي
16-09-2007, 12:10 AM
سبق ان طرحت موضوع بهذا الشأن

والفقرة موجودة كانت في القانون :)

بس مثل ماقالوا الاخوان

في كثير راح يتضررون من القانون

وراح يحمل الكثير اعباء جديدة تضاف الى مالديه من اعباء

ولا اجد سبب منطقي لهذه الفقرة حتى الان

وشكرا على طرح الموضوع
AL_MUTAEM
16-09-2007, 05:15 AM
اتوقع ان هالقانون لن يتم تفعيله لانه قانون مجحف بحق طبقه ذوي الدخل المحدود ..

لماذا اسس الفحص الفني ؟؟

لكي يفحص ماهو قديم ويتم تصليح الاعطال التي موجوده ...!

بعد هالقانون شنو فايدة الفحص الفني؟؟


يعني الله عرفناه ماشفناه

معقوله اذا السياره مثلا موديل 1992 سوف يتم اعدامها ..؟؟

فيه دول نادر ماتشوف سياره حديثه عندهم والامثله كثيره

اذا كانوا خايفين على الشوارع خلهم يمنعون الشاحنات اول شي ... واذا الخوف من تاثر البيئه يصلحون السيارات ولا يقلبونها عالغاز ..
:)
مستثمر 999
16-09-2007, 10:48 AM
حكم القوي ...........على الضعيف المسكين

لا حول ولا قوة الا بالله


لان خبراء المرور حدهم الاعداديه ..... والله حرام .

المفروض ان ادرة المرور تعوض اصحاب السيارات القديمه مهما كان نوعها او موديلها على الاقل 10000 ريال .
قمرهم كلهم.
16-09-2007, 10:49 AM
والله حرام
والله ان فيه جيات ونياسين قديمة نفس الوردة وعندها استعداد تعطي لمدة 20 سنة بعد

اما اللي تضحكه السيارات القديمة واللي راكبينها
هذا ادعوله لأن علته عله
المجروح81
16-09-2007, 01:47 PM
والله ياشباب انا سمعت ان هالقرار مجمد للحين ماتطبق
يعني يبيله فتره لين يطبقونه او اان اتوقع يلغونه انشالله انشالله
ساحر قطر
16-09-2007, 05:30 PM
انا ماقول الا سترك ورضاك يارب العالمين والله يستر على الجاي ولا حول ولا قوة الا بالله.
عندليب قطر
16-09-2007, 09:51 PM
يا جماعة

يمكن القرار في صالحنا ويغيرون هذي الدناكر والقلابات وسيارات المطافي الحكومية

الي الي صار لها في الخدمة اكثر من عشرين سنة

وهي تتجول في شوارع الدوحة وشكلها يجيب المرض

واحنا اغنى دولة في العالم
M-OH-A-ME-D
16-09-2007, 10:28 PM
واحد يقولك ( فقير ) ويضحك عليه , وأنا أقول الغنا لله.

و واحد يقولك فرويل والصوالين ( كشره ) , وأنا أقول الله يرحم إلي كانو يركبو على ( الدواب ) كوسيلة نقل.

و واحد يقولك أنا نع هيك قوانين , وأنا أقول الله كبير.


يعني إلي عنده سياره 93 صالون 4 سلندر مدفوع كامل أقساتها وتسبق كروزرات 2007 8 سلندر وفوق تستاهل تكون ( كشره ) ولا سيارات وكاله عليها أقساط ومكنسله أحسن



الله كبير

الله كبير

الله كبير
M-OH-A-ME-D
17-09-2007, 09:44 AM
سبحان الله

الحمدلله على النعمه والخير

والله يذكر الوالد انه مرت على جدودنا ايااام

ما يلقون غير التمر واللبن والكل ياكل منه

اليوم يوم الله انعم علينا نسينا كل هذا

ونقول شكلها تموت من الضحك

لالالالا تعليق



ليش لا تعليق

أختي أذا عندك شي في خاطرك قوليه ولا تخافي من أي حد , دام غيرك ما أحترم الصراحه ورأي الغير أنت بعد قولي إلي في خاطرك
نورا
17-09-2007, 09:56 AM
ما علقت على الموضوع لأنه يمكن صاحب التعليق

يعرف خطأه ويعتذر عن الكلام الذي بدر منه

لان الناس نست ايام الفقر وايام الغوص يدورن الرزق

وبيوتهم من الحصى والطين وما زالت بويتنا بعضها شاهد موجود على الساحل

نست كل هذا علشان الحين سكنا الفلل والقصور

وركبنا افخم السيارات

لالالالالالالالالالالالا

كل هذا ما ينسينا من حنا وش كانوا وشلون عانوااا جدودنا

كل هذي مظاهر لا يتغير من النفس شيء ويبقى الاصيل اصيل

يعني هذا نقص في التفكير والثقة بالنفس

يعني صار الانسان يقدر ويوزن بقيمة ونوع السياره اللي يسوقها

عجبي والله
قمرهم كلهم.
17-09-2007, 10:06 AM
كل هذا ما ينسينا من حنا وش كانوا وشلون عانوااا جدودنا

كل هذي مظاهر لا يتغير من النفس شيء ويبقى الاصيل اصيل

يعني هذا نقص في التفكير والثقة بالنفس

يعني صار الانسان يقدر ويوزن بقيمة ونوع السياره اللي يسوقها

عجبي والله

كفيتي ووفيتي
انا اشهد انج بنت اصول ولا ازيد على كلامج
بس شتقولين باللي مايسمعون ولا يفهمون وتوهم ما مر عليهم خير

تحياتي لج
M-OH-A-ME-D
17-09-2007, 10:37 AM
ما علقت على الموضوع لأنه يمكن صاحب التعليق

يعرف خطأه ويعتذر عن الكلام الذي بدر منه

لان الناس نست ايام الفقر وايام الغوص يدورن الرزق

وبيوتهم من الحصى والطين وما زالت بويتنا بعضها شاهد موجود على الساحل

نست كل هذا علشان الحين سكنا الفلل والقصور

وركبنا افخم السيارات

لالالالالالالالالالالالا

كل هذا ما ينسينا من حنا وش كانوا وشلون عانوااا جدودنا

كل هذي مظاهر لا يتغير من النفس شيء ويبقى الاصيل اصيل

يعني هذا نقص في التفكير والثقة بالنفس

يعني صار الانسان يقدر ويوزن بقيمة ونوع السياره اللي يسوقها

عجبي والله

أه

هذه الردود .. مو مثل ؟؟؟؟؟؟ , أمكن هذا الرد على القليل يغير شي فيه بدل التعصب إلي هو فيه

تصفيق لنورا

:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
:app::app::app::app::app::app::app::app::app:
ابوجراح
17-09-2007, 11:26 AM
اعتقد 25سنة فترة مناسبة
Breakaway
17-09-2007, 02:13 PM
الكتابة في كثير من الأحيان لا تعكس الصورة الحقيقية للكاتب وإذا كان هناك لبس في الكلام فعلى الكاتب بأن يوضح معنى كلامه وأنه لا يقصد مافهمه الغير من كتابته..ولا شرايك ياوهم قطر؟
وهم قطر
18-09-2007, 03:47 AM
الكتابة في كثير من الأحيان لا تعكس الصورة الحقيقية للكاتب وإذا كان هناك لبس في الكلام فعلى الكاتب بأن يوضح معنى كلامه وأنه لا يقصد مافهمه الغير من كتابته..ولا شرايك ياوهم قطر؟


رايي : السانك يقطر عسل
الكاسر007
18-09-2007, 04:17 AM
يعني بذمتكم بودي العزبة موتر مو 2006 عشان اشيل فيه الغنم
وش نسوي
اذا الفحص الفني مايقصر
ينفض جيبك نفاض لما تصلح السيارة صح
هلكنا
ياجماعة الخير الفحص الفني هو اللي يعطي صلاحية للسيارة
واذا طلعت يا اوكي ما تتجدد بالمرور
لكن الواحد يصلح ويصبغ سيارته ويظبطها اكثر من سعرها وتطلع من المرور زي الحلاوة
ويبون يكنسلونها
شدعوه
معناها الفحص الفني ماله اي داعي دامهم يعتمدو على السيارات الجديده ماله داعي للفحص الفني
هاذي سيارات يالعالم مش تلفون باناسونك
الله المستعان
والسوزوكي مالي وين اوديه
اكنسله ما في امل
بطربله تحت الطبيله ولا يتكسل
وهم قطر
18-09-2007, 06:44 AM
متى بيتطبق القانون ؟؟؟
FG
18-09-2007, 09:31 AM
ياخي تدري ليش عشان الناس يشترون سيارات جديده ويربحون التجار الفقراء
لانهم مساكين التجار مو محصلين فلووووس عايشيين على خط الاستواء قصدي خط الفقر...
وأنا أتوقع فيه تغير كبير بيصير في بعض وكلاء السيارات في القريب...
بيانو
18-09-2007, 09:31 AM
سؤال يطرح نفسه

الدوحه بعد 5 سنوات كيف المعيشه فيها ؟
هسلان
18-09-2007, 10:03 PM
وين المراقب الموضوع بداء يخرج عن هدفه

:anger2::anger2::anger2::anger2:
ابوعلي اليافعي
19-09-2007, 12:06 AM
اعتقد ان النقاش اخذ حقه وتحول الموضوع الى اهانات متبادله ..نتمنى الارتقاء في المناقشه عند طرح مواضيع مماثله والابتعاد عن التجريح ..كل عام وانتم بخير