الجمعيات العموميه للشركات... ابي افهم

[qatar_moon]

اولا لاتضحكون من سؤالي لاني مبتدئه بالاسهم :o

ابغي اعرف شنو معنى الجمعيات العموميه للشركات؟ :confused:

لاني دوم اسمعها ولااعرف معنها بس اعرف ان بيصير توزيع للارباح صح ولا انا غلطانه

المهم شنو توجه الناس قبل وبعد ماتصير ؟ :confused:

وكيف يؤثر هذا على السهم؟

[ابوعلي اليافعي]

اجتماع الجمعيه العموميه يكون بعد اجتماع مجلس ادارة الشركه ويعلن عنه قبل اسبوعين على الاقل وفيه يتجمع اعضاء مجلس الاداره مع المساهمين لاقرار توصيات مجلس الاداره في توزيعات الارباح ومناقشة المقترحات المختلفه وبنود وحسابات الشركه خلال العام..مالك الاسهم في هذا اليوم يستحق الارباح المقرره..فهمتي ولا اعيد..تصبحين على خير

[qatar_moon]

لامافهمت :mad:

زين يعني قبلها بيوم اذا شريت اسهم اخذ ارباح

وبعد الانعقاد بيوم اذا بعت الاسهم بعد اخذ ارباح ولا لا

وهل السعر ينزل بعد الانعقاد ولا لا

واذا كان في اكتتاب كيف الوضع يعني اقد ابيع اسهمي بعد الانعقاد واقدر اكتتب ولا مايصير

شوفوا اسأله وايد في بالي ابي لها اجوبه ياتجاوبوني وتفهموني وحده وحده ولا انا الي بتعقد :mad:


فهموووووووووووووووووني :mad:

[Bahrainigirl]

Qatar Moon Whats up.... if you had the stocks before AJM meeting yes you will get the dividends, and if you sold it after the meeting you will also get it. The price of the stock should come down after the meeting. Is it clear... or still

[ابوعلي اليافعي]

مون قطر..اذا خذتي الاسهم قبل الاجتماع نعم تاخذين الارباح..واذا بعتي بعد الاجتماع خلاص الارباح راح تكون من حقج يعني اذا كانت فلوس راح ينزل الشيك باسمج واذا كانت اسهم راح تنزل في حسابج في البورصه..السعر بالعاده ينزل بعد الاجتماع خاصه اذا كان التوزيع اسهم مجانيه مثل ماحصل مع الاسلاميه الي وزعت اسهم مجانيه والنزول هذا اجباري للسهم بعد ذالك ممكن يعاود الصعود وممكن يهبط اكثر..اما عن اسهم الاكتتاب فهذا يعتمد على قرار يتخذ في اجتماع الجمعيه العموميه فاذا قرروا ان مالك الاسهم نفس يوم الاجتماع هو الي له الحق فالاكتتاب فهذا معناه ان الاسهم المقرره للاكتتاب تكون من حق المالك فقط في ذالك اليوم وهذا حصل العام مع الاكتتاب في شركة الملاحه..ولكن اغلب الشركات تعطي مهله من اسبوع الى اسبوعين للاكتتاب ويكون مالك السهم خلال هذه الفتره هو الي يحق له بالاكتتاب في الاسهم الجديده..هاه بشري فهمتي ولا لا..تصبحين على خير

[qatar_moon]

مشكور اخوي ابو علي اليافعي

تعبتك معاي الحمدلله الحين فهمت

[الرمز]

ابو علي اليافعي

هنا الكثير من الاخوان في هذا المنتدى احترمهم واحترم كتاباتهم وتحليلاتهم ولكن احترامي لك اكثر .

الله يعطيك العافيه .
شكلك من الجماعة لي جالسين من 8.30 حتى الساعه 11.30 في صاله البورصة .

[ابوعلي اليافعي]

ههههههههههههههههههههههههههههههههههههههههههههه الشرياص كلامك 100% ..ومب من قريب من خمس سنين

[عزيز]

السلام عليكم ورحمه الله وبركاته

من البدايه احب اشكر اختي قطر مون علي طرحها هالموضوع لانه اسألتها كانت نفس اسألتي ووفرتي علي تعب الكتابه:P

وأحب اشكر جميع الاعضاء الي ردو عليها وافادوها (وافادوني انا بعد :d

بس لو سمحت اخوي بوعلي اليافعي دامك خبير ما شاء الله عليك ممكن تفيدنا بكذا معلومه؟

دام للحين احنا في شهر مارس والمعروف انه هالشهر لجني ارباح الشركات اي شركات للحين ماعقدو جمعياتهم العموميه ؟ وشنو نسبه الارباح المتوقعه فيها سواء كانت مال او اسهم مجانيه ؟ وتنصحني اشتري اسهمها بثلاث او اربع ايام مثلا وارد ابيعها في اليوم الثاني من بعد اعلان تقرير الجمعيه العموميه ؟ لانه عندي سيوله حوالي 70 ألف من اسهم الغاز واحب استمثرها بالبورصه واجني ارباح الشركات وياكم :D بس مب عارف بالضبط احط فلوسي في اي شركه

ياريت تفيدوني
ومشكورين مقدما سواء رديتو ولا لا :)

اخوكم العزيز :)

[ابوعلي اليافعي]

اخوي العزيز معظم الشركات لم تعقد اجتماع الجمعيه العموميه حتى الان عدا الاسلاميه وقطر للتامين والملاحه والاسمنت ..اما افضل استثمار الان فاضنه للبنوك الاسلاميه والتي ستوزع اسهم مجانيه المصرف50% الدولي30% خلاف النقدي..وهناك شركات قررت رفع راس المال عن طريق الاكتتاب على اسهم جديده مثل السلام العقاريه ..النقل البحري بالاضافه الى اسهم مجانيه..اما عن شراء الاسهم واخذ الارباح وبيعها بعد انتها التوزيعات فهذا يعتمد على قوة الشركه ومدى الاقبال عليها بعد التوزيعات..وقد حدث هذا مع الملاحه والاسلاميه التي ارتفعة اسهمها بعد التوزيعات بشكل كبير..اما ماذا انصحك ..المبلغ بسيط ..لذالك عليك بالسلام او العقاريه..

[الرمز]

ابو على
اشوفك ماجبت سيره للمتحده مع انك شاري 16000 سهم منها ليش بعتهم ؟

مع انها مرشحه لزيادة راس المال .

[الرمز]

ابو علي

هل انت مضارب ولا مستثمر .

[ابوعلي اليافعي]

اخوي شرياص انا مضارب في بعض الاسهم ومستثمر في اسهم اخرى خاصه البنوك..وبعدين من وين جبت معلومة ال16000سهم...اعترف

[عزيز]

السلام عليكم ورحمه الله وبركاته

ألف شكر لك أخوي بوعلي اليافعي من جد جوابك يبرد القلب وبأذن الله اول شي بسويه بروح المجموعه يوم الاحد وبحط اوردر شراء بالعقاريه والسلام وشرايك بنفس الوقت أخذ لي اسهم في البنك الاهلي؟هل تظن انه له مستقبل بالقريب ؟ خصوصا بعد مادخله الشريك البحريني ووايد انصحوني فيه كأستثمار طويل الأجل
فمارأيك يأخوي بوعلي؟
وأنتظر جوابك بفارغ الصبر واكرر لك شكري اخي الفاضل :)

اخوكم العزيز :)

[ابوعلي اليافعي]

اخوي العزيز حياك الله..اما بالنسبه لسهم الاهلي فانا لا استطيع افادتك للاسف لاني لا اتعامل فيه ..ليش ماتاخذ في المصرف او الدولي والله بيبارك فيهم انشالله..

[عزيز]

الله يحيك أخوي بوعلي :)دام المصرف بيوزوعون أسهم مجانيه 50 % بصراحه شي مب بسيط يعني مقابل كل سهمين مملوكين سهم مجانا بس هالسهم بيكون قيمته نفس قيمه السعر السوقي؟او قيمته بتكون دفتريه ؟ الي هي 10 ريال نفس قيمه السهم حزه الاكتتاب واسمحلي علي سؤالي الغبي بس ماعندي خبره يالغالي وياريت تفيدنا وان شاء الله أفيدك قد ماقدر

وكم وصل سعر سهم المصرف يوم الخميس؟وتوقعاتك ليوم الاحد يرتفع ولا ينزل؟ أفكر اخذ 100 سهم ومابي اكثر اعتبرهم تجربه:d

وألف شكر لك أخوي من جد ماقصرت والله تعبناك معانا السموحه الغالي:)

اخوك العزيز :)

[عزيز]

اسمحلي ازيدك بالأساله شوي :d بس متي تنعقد الجمعيه العموميه للمصرف؟ ومتي اخر موعد اقدر اشتري فيه اسهم المصرف علشان انعد في حسبه الاسهم المجانيه ؟
ويعطيك ألف عافيه اخوي بوعلي علي المجهود الرائع في الرد علي اجوبه الاعضاء وماننسي تعب اخوانا واخواتنا الاعضاء ودمتم جميعا

اخوكم العزيز :)

[ابوعلي اليافعي]

اخوي العزيز السهم المجاني الي راح تحصل عليه قيمته الاسميه عشر لكن قيمته السوقيه ستكون نفس قيمة الاسهم الباقيه ..اما عن الاجتماع فالى الان لم يعلن بعد عنه..اتوقع ان يبداء السهم بالصعود التدريجي من يوم الاحد او الاثنين بالكثير..ولا تنسى ان المستثمرين الخليجيين عينهم على هالسهم بالذات لاسباب انه بنك اسلامي ولا يتعامل بالربا..تستطيع شراء الاسهم قبل يوم من الاجتماع وستصبح مالك للسهم..سعر السهم يوم الخميس كان بين ال438وال444ريال..

[قطر]

السلام عليكم
يشكر ابوعلي اليافعي على التجاوب السريع مع المشاركين
جزاه الله الف خير

بالنسبه للاخ العزيز
في موضوع للاخ انتعاش عن الجمعيات العمومية اللي انعقدت واللي بتنعقد قريب

وطبعا هناك اكثر من شركة ومنها التجاري والدوحة جمعياتهم في 22 و 23/3
وتوزيعاتهم 70% اسهم مجانيه للدوحة
40% اسهم و 40% نقدي للتجاري

ولكن هم ربويين اعتقد الى الان لان التجاري يستعد لافتتاح مبنى اسلامي كامل
والدوحة كذلك

جمعية المصرف مثل ماسمعت لكن ليس باكيد 28/3 يبون ايقدمونها السنه

:)

وهلا بك

[عزيز]

أخوي بوعلي وقطر برد الله قلوبكم مثل مابردتو قلبي بالاجوبه سهلتو طريجي الله يسهل طريجكم وجزاكم الله ألف خير واخوي بوعلي والله تستاهل يحطونك مراقب يالغالي ورحم الله والديك :)

أخوي قطر ألف شكر ورحم الله والدينك بس تهقي يالغالي استثمر في بنك الدوحه ؟ بصراحه الاسهم المجانيه مغريه اكثر من المصرف 70 % مب بسيطه كم كان سعر السهم في اغلاق يوم الخميس؟وهل تتوقع الارتفاع يوم الاحد؟
انتظر جوابك الغالي :)

اخوكم العزيز :)

[قطر]

السهم لحد الان ايقولون انه ربوي

فااعتقد ان المصرف او الدولي اصرف لك

الاغلاق 350.90


وان شالله يرتفع .. الله اعلم اصلا هو المفروض ماينزل ماادري ايش اللي خلاه ايطب بذي الطريقة


:)

استخير وتوكل وماخاب من استخار.

هلا بك

[qatar_moon]

زين في حالة الاسهم المجانيه وبعت بعد الانعقاد بيوم

متى تنزل الاسهم باسمي

[ابوعلي اليافعي]

مون قطر الاسهم تنزل في نفس اليوم في حسابج ..وبعدين اليوم السبت مافي دوام..شمقعدج بدري..لايكون التفكير بالاسهم واسعارها..

[qatar_moon]

زين اخر سؤال ابو علي اليافعي الله يجازيك خير ويوفقك بس افهمني بدون عصبيه وابي شرح مفصل :D

الحين بناخذ مثال اوكي

مثلا شركه سعرها اليوم 400 ريال اوكي

وجمعيتها العموميه بعد 3 ايام مثلا وانا شريت فيها الف سهم

وهالشركه بتوزع ارباح عباره عن اسهم مجانيه 30 % اوكي

الي ابي اعرفه الحين لو جيت ابيع الاسهم بعد الانعقاد بيومين او ثلاثه مثلا

كيف يكون سعر السهم

المشكله مش قادره اوصلك الي في بالي

زين احسب لي الالف سهم لو جيت ابيعها مع 300 سهم الي هي الاسهم المجانيه

كم يجيبون لي

انا اسألك كم يجيبون لي علشان لما تجاوبني بعلمك النقطه الي مش فهامتها ولا بقادره اوصلها لك :confused:

[ابوعلي اليافعي]

هههههههههههههههههههههههههههههه سعر السهم بعد الاجتماع والتوزيع كالاتي اذا كان بيوزع 30% قسمي سعر اغلاق السهم اخر يوم تداول في 1.30يطلع لج قيمته اول يوم بعد الاجتماع وتوزيع الاسهم المجانيه..مثااال اذاكان قيمة السهم قبل يوم من الاجتماع400 فسعره بعد الاجتماع وتوزيع الارباح بيكون400/1.30=307 هذا هو السعر الي بيبدا فيه التداول اليوم الي بعد التوزيع ممكن يطلع وممكن ينزل عن هالسعر..الالف سهم زايد ال300 اضربيهم في 307...رحمتك ياااااااارب

[qatar_moon]

مشكور توني فهمت :D

ادري اني جبت لك عقده نفسيه بس استحمل دامك خبير علشان تكسب اجر من وراي

اول مره اعرف هالنقطه وسالفة التقسيم هذي

سلااااااااااااااااام