المساعد الشخصي الرقمي

مشاهدة النسخة كاملة : صاديني ارق وقلق والسبب!!!!


ضوى
19-09-2007, 03:16 AM
الساعة الحين ثلاث واربع دقايق ومب عارفة انام من كثر التفكير والحيرة

الموضوع وما فيه ولدي الله يحفظه يدرس بعمر بن الخطاب الثانية برابع ابتدائي وهو معاهم من روضة ، والكل يعرف وين مدرسة عمر بن الخطاب الثانية في الدفنة ، والأولى كانت بمريخ يعني فرق المسافات واضح وانا اصلا بيتي في مسيمير ، وما في باصات لهالمنطقة وعندي بنتي في المعمورة لازم اوصلها وولدي في بن عمران وولدي في الدفنة وانا شغلي بالسد ، بالله عليكم قولوا لي ابدي من على من ؟؟ بنتي وانحلت مشكلتها وسجلتها بباص باقي انا وولدي العود والصغير كيف انظم وقتي متى اطلع من البيت الساعة 5 بهالزحمة الغير طبيعية ؟؟

كلمت المديرة عن اباص للاسف ما كانت متعاونة وقالت لي بالحرف مو مشكلة طلعيه من المدرسة الحين المستقلات كلهم مثل بعض !! تروح وترد طلعوه دخلوه اي مستقلة قريبة من بيتكم ، نتاخر عليه بالطلعة شوي هددونا بالانذار ، تاخرنا الصبح هددونا بالانذار ، وانا ما اقدر اقطع نفسي عشر قطع جذي وطالعة عيني واعصابي تلفت .والمديرة اسلوبها فظ معاي وانا اخاف اغلط عليها يتحبلون لولدي ، رفعت الامر للعلاقات العامة بالمجمع التربوي قالوا لي الارم بيد المديرة ، والمديرة تقول اييه نعم كل شئ بيدي وحتى محمد المراغي ما يقدر يسوي لج شئ بالنسبة للباص !!!

بشغلي يعطوني بدل تعليم في حدود عشرين الف سنويا ، مفكرة جدياً اطلعه وادخله في مدرسة اجنبية قريبة من البيت واريح راسي من عوار اقلب ، عندي خيارات مثل اكاديمية الجزيرة ، كامبريدج ، اكاديمية الكون ، الدوحة الحديثة بنفس طريق ولدي اللي في بن عمران

حبيت اخذ رايكم وانا ان شاء الله باستخير واشوف اطلعه والا اخليه في المدرسة بس بالفعل جدا صعب علي مشوااااااااااااااااااااااااااااااااااار طويل جدا لين الدفنة طريق سفر ممل

انتو ايش رايكم وبشنهو تشورون علي ، تراني تعبانة والتفكير هدني وتعب لي اعصابي ، شاسوي وشنهو الحل ؟؟
مليت
19-09-2007, 03:19 AM
دخليه الجزيره ولو قدرتي بنتج بعد اريح لج وعيشي حياتج بدال الضغط النفسي ما يسوى عليج ولا حطي سواق مالج حل غير وبعدين بعد كم يوم عندج راحه للاجازه الخاصه للعيد لازم ترتبين اوراقج ومن بكره اتصلي الجزيره شوفي فيه مكان ولا لا
الراقية
19-09-2007, 03:33 AM
والله يا ضوى يا حبيبة قلبي
مع الوضع الحالي من الزحمة crazyوتبعاتها والاماكن المتفرقة اعتقد انج بمشكلة بس

تعالي يا قلبي
والدهم الله يطول بعمره وينه؟؟؟؟؟:con2:هل يساعد في نقل الابناء معاج ولا كلهم على راسج
عموما
ما راح اقترح عليج مدارس اجنبية ؟؟؟لان مشاكلهم وعوار الراس عندهم اكثر ؟:(

وبعدين المدارس المستقلة مدعومة من الدولة بشكل كبير بالرغم من بعض العوائق ؟وولدج محظوظ ان حصل له مقعد في هذي المدارس وانتي من المتابعين لاخبار الوزارة وتشوفين ان الناس بتموت تدور على مقاعد لابنائها ؟

حبيبتي راح اقترح عليج:deal:
1- ان يقوم والدهم بحمل عبئ توصيل احد الابناء ؟
2- تسجيله في باص خاص من اللي نسمع عنهم التوصيل الخاص( ولازم يكون ذي ثقة )؟
3-واذا مالك بد سجلية بمدرسة قريبة اجنبية مثل ما تقولين لان ( مجبر اخاك لا بطل ).

او

أنج ....................crazycrazycrazy

اقترح عليك تقومين الساعة 3 الصبح يالله يالله تقدرين توصلينهم :looking:

او

نصب خيمة عند المدرسة :looking:


واقتراح الخيمة:looking: وهذا يدور براسي لاني صراحة اعاني من بعد مقر عملي عن البيت(ولو اقعد 4 الصبح بعد راح اوصلcrazy الشغل متاخرة ) فاعتقد ان نشتري انا وانتي خيمتين عشان يطلع لنا خصم وحدة لك ووحدة ليcrazy

تحياتي لج omen

وروحي صلي ونامي وعيني من الله خير omen

وماضاقت الا بتتسع omen
الهاوي28
19-09-2007, 03:37 AM
الله يعينج ان شاء الله

وتلقين حل لمشكلتج
قناص قطر
19-09-2007, 03:41 AM
السلام عليكم

اغلب المدارس مثل بعض حاليا المستقله

ابتعدي عن المدارس الاجنبية

المهم شوفي لك سايق مع سيارة بس للتوصل الصباح وبعد الدوام للطفل اعتقد بيكون شيء بسيط 800 او 1000 ريال
rashid-1
19-09-2007, 03:44 AM
لو عايشه عزوبية كان أبرك لج لاهم لاتوصيل لاأرق
ورقــة أمــل
19-09-2007, 03:58 AM
اختي ليش ما تقعدين مع ابوهم وتشوفين حل لعيالج بدال النت
كل واحد يشيل شوي من المسؤولية
ولا حطي لهم دريول وريحي عمرجج
او شوفي لهم مدارس قريبة من بيتج
ضوى
19-09-2007, 07:14 AM
دخليه الجزيره ولو قدرتي بنتج بعد اريح لج وعيشي حياتج بدال الضغط النفسي ما يسوى عليج ولا حطي سواق مالج حل غير وبعدين بعد كم يوم عندج راحه للاجازه الخاصه للعيد لازم ترتبين اوراقج ومن بكره اتصلي الجزيره شوفي فيه مكان ولا لا



اليوم دخلت على المدارس الاجنبية بقطر واخذت ارقامهم وان شاء الله بعد ساعة و بابتدي اتصالاتي ، وربك يقدم اللي فيه الخير ، اما ضغط نفسي الصراحة ، اخوي مليت عندي سواق وهو اللي يودينا وييبنا بس بعد المدارس عن بعضها سبب لنا هالازمة


شاكرة لك نصيحتك اخوي
مجروح ومسلسل
19-09-2007, 07:21 AM
اختي الحل بسيط
شوفي له سائق او لموزين وتعاقدي معاه
اعتقد بالشهر ياخذ 600 ريال او 700 ريال
ضوى
19-09-2007, 07:23 AM
والله يا ضوى يا حبيبة قلبي
مع الوضع الحالي من الزحمة crazyوتبعاتها والاماكن المتفرقة اعتقد انج بمشكلة بس

تعالي يا قلبي
والدهم الله يطول بعمره وينه؟؟؟؟؟:con2:هل يساعد في نقل الابناء معاج ولا كلهم على راسج
عموما
ما راح اقترح عليج مدارس اجنبية ؟؟؟لان مشاكلهم وعوار الراس عندهم اكثر ؟:(

وبعدين المدارس المستقلة مدعومة من الدولة بشكل كبير بالرغم من بعض العوائق ؟وولدج محظوظ ان حصل له مقعد في هذي المدارس وانتي من المتابعين لاخبار الوزارة وتشوفين ان الناس بتموت تدور على مقاعد لابنائها ؟

حبيبتي راح اقترح عليج:deal:
1- ان يقوم والدهم بحمل عبئ توصيل احد الابناء ؟
2- تسجيله في باص خاص من اللي نسمع عنهم التوصيل الخاص( ولازم يكون ذي ثقة )؟
3-واذا مالك بد سجلية بمدرسة قريبة اجنبية مثل ما تقولين لان ( مجبر اخاك لا بطل ).

او

أنج ....................crazycrazycrazy

اقترح عليك تقومين الساعة 3 الصبح يالله يالله تقدرين توصلينهم :looking:

او

نصب خيمة عند المدرسة :looking:


واقتراح الخيمة:looking: وهذا يدور براسي لاني صراحة اعاني من بعد مقر عملي عن البيت(ولو اقعد 4 الصبح بعد راح اوصلcrazy الشغل متاخرة ) فاعتقد ان نشتري انا وانتي خيمتين عشان يطلع لنا خصم وحدة لك ووحدة ليcrazy

تحياتي لج omen

وروحي صلي ونامي وعيني من الله خير omen

وماضاقت الا بتتسع omen



الراقية بعد قلبي انتي والله

ابو العيال الله يحفظه عسكري وخبرج مو سهالة زي الحكومي في الطلعات والاذونات ، وانا عندي سايق مهب انا اللي اسوق ، والله يا الراقية لو تدرين اشكثر عانيت يوم اسجله في الروضة في البداية هواش وملاغاة لين يبت العيد على قولتهم :looking: وهذا اللي يخليني مترددة اطلعه ، ومدارس عمر معروفة بقوة مناهجها بس للاسف التوزيع الجغرافي البايخ هو اللي خرب هذا النظام للاسف مردسة شرق وغرب وثلاث صفوف بس كل مدرسة شئ سخيف ولا له اي اساس ولا هدف واضح

خيارج الاول شبه مستحيل لانه زي ما قلت لج ابوهم صعبة يتاخر عن الدوام crazy

الخيار الثاني قاعدين ندور احد من نفس منطقتنا يقبل بهالحل حتى يكونون مجموعة ومن ضمن الخيارات المتاحة سيارة بسايق توديه وتجيبه يعني له هو بس

الخيار الثالث ومترددة فيه واااااااااااااااااااايد بسبب الاختلاط بين الجنسين ونوعية التعليم وضعف منهج التربية الاسلامية وتدريسها

بالنسبة للخيمة :con2::con2: بافكر في الموضوع وبارد لج خبر باقرب فرصة :D

الف شكر لج يالراقية صدقني ارتحت شوي لما حسيت فيه احد يشاركني الرأي والنقاش
ضوى
19-09-2007, 07:24 AM
الله يعينج ان شاء الله

وتلقين حل لمشكلتج


شكرا لك اخوي الفاضل


السلام عليكم

اغلب المدارس مثل بعض حاليا المستقله

ابتعدي عن المدارس الاجنبية

المهم شوفي لك سايق مع سيارة بس للتوصل الصباح وبعد الدوام للطفل اعتقد بيكون شيء بسيط 800 او 1000 ريال

ان شاء الله ربك يوفق وشاكرة لك مشاركتك


لو عايشه عزوبية كان أبرك لج لاهم لاتوصيل لاأرق

:looking::looking::looking::looking::looking:
ضوى
19-09-2007, 07:26 AM
اختي ليش ما تقعدين مع ابوهم وتشوفين حل لعيالج بدال النت
كل واحد يشيل شوي من المسؤولية
ولا حطي لهم دريول وريحي عمرجج
او شوفي لهم مدارس قريبة من بيتج



اختي بو عيالي نور عيوني واقعد وياه اكثر مما تتخيلن وانا اللي اقترحت عليه احط مشكلتنا في المنتدى لاني اعرف احبابي وايد بالمنتدى وما راح يبخلون علي برايهم او حتى بكلمة طيبة تبرد الخاطر ، وهو مو مقصر شايل المسؤولية فديت قلبه
ودريول وعندي بس يبدي من والا من ؟
الحل الاخير هو اخر خياراتي

شكرا لج
ضوى
19-09-2007, 07:28 AM
اختي الحل بسيط
شوفي له سائق او لموزين وتعاقدي معاه
اعتقد بالشهر ياخذ 600 ريال او 700 ريال



اخوي تدري اختي صار لها اسبوعين تدور سايق لعيالها بسيارته ولا حصلت ؟؟ ويوم حصلت لقت لها وحدة ب2500 بالشهر وليموزينات ما في كلهم عندهم عقود مدارس crazy

ويا ليت لو تعرف سايق بسيارة بالقيمة اللي قلتها تدلني عليه وباكون شاكرة لك :deal:
الزاجل
19-09-2007, 07:50 AM
ضوى .. اذا ظروفج المادية تسمح انج اتدخلينه مدارس اجنبية
ركزي ( اجنبية ) دخليه لأن الأساس في كل شي اللحين تعليم اللغة
الانجليزية ..

اما اذا كنت حابة اتخلينه في مدارس مستقلة
عمر احسن من اي مدرسة ثانية
معايير التعليم عندهم اعلى ..

واذا عن صعوبة المواصلات

ممكن تتعاقدين مع شركة توصيل
هذا اللي سويته علشان اقدر أأمن وصول عيالي ..

واذا على توفير لموزين ممكن اشوف لج الموضوع :d
ضوى
19-09-2007, 07:57 AM
ضوى .. اذا ظروفج المادية تسمح انج اتدخلينه مدارس اجنبية
ركزي ( اجنبية ) دخليه لأن الأساس في كل شي اللحين تعليم اللغة
الانجليزية ..

اما اذا كنت حابة اتخلينه في مدارس مستقلة
عمر احسن من اي مدرسة ثانية
معايير التعليم عندهم اعلى ..

واذا عن صعوبة المواصلات

ممكن تتعاقدين مع شركة توصيل
هذا اللي سويته علشان اقدر أأمن وصول عيالي ..

واذا على توفير لموزين ممكن اشوف لج الموضوع :d


ما عندي مشاكل مالية مقر عملي يتحملون نفقات الدراسة وعندي خيارين

ابي رايك فيهم

الجزيرة ، كامبريدج وابيك تشور علي هالمدرستين والا عمر ؟

والسيارة او الليموزين مضمون ويجي عالوقت ؟؟ وكم تقريبا ياخذ بالشهر ؟:o

الف شكر لاستجابتك اخوي الزاجل
وطن
19-09-2007, 08:56 AM
ضوى اول شي تشتكين على هالمديرة واسلوبها الفظ مع الأهالي
بعض المديرات مادري على شنو شايفين نفسهم لا اسلوب ولا شي
وعبالهم اللي يتكلم معاهم مغفل وغبي وغير متعلم !!!


وبعدها الحل لهذي المشكله
وهي نقل ولدج الله يحفظه لمدرسة قريبة

الجزيرة الحين تغيرت ادارتها وما اظن تظل على نفس المستوى السابق خصوصاً انهم العام وقبل تغيير الادارة وايد تدهوروا على مستوى نظافة المكان والطلاب !!!!
الحين مادري شلون لان نقلوا عيالنا منها


شوفي كامبيريدج سمعتهم يمدحونها بس ما جربتها

والله ييسر لج امورج ان شاء الله وتنحل هالأزمة
دلة الرسلان
19-09-2007, 09:05 AM
مرحبا ضوى دخلت بس اسلم لان مشكلتك هي مشكلة معظم اهالي قطر المهم بالنسبة للمدارس

الاجنبية ودام عندك بدل سجليه في المدرسة اللي بتحصليين فيها قبول لان الجزيرة صارت ما

تقبل وانتي وحظك .
ضوى
19-09-2007, 09:24 AM
ضوى اول شي تشتكين على هالمديرة واسلوبها الفظ مع الأهالي
بعض المديرات مادري على شنو شايفين نفسهم لا اسلوب ولا شي
وعبالهم اللي يتكلم معاهم مغفل وغبي وغير متعلم !!!


وبعدها الحل لهذي المشكله
وهي نقل ولدج الله يحفظه لمدرسة قريبة

الجزيرة الحين تغيرت ادارتها وما اظن تظل على نفس المستوى السابق خصوصاً انهم العام وقبل تغيير الادارة وايد تدهوروا على مستوى نظافة المكان والطلاب !!!!
الحين مادري شلون لان نقلوا عيالنا منها


شوفي كامبيريدج سمعتهم يمدحونها بس ما جربتها

والله ييسر لج امورج ان شاء الله وتنحل هالأزمة



هلا وطن

صدقني يا وطن اشتكيت عليها ولا في فايدة منهو بيعطيج وجه في المجلس اللاعلى ؟؟ والا في المجمع التربوي ؟؟ بنفسهم يقولون لي كل شئ بيد المديرة ، يعني لو شطبت ولدي من المدرسة ولا احد بيقدر يكلمها ، واللي قهرني اليوم وهالساعة بالذات ولدي يقول انه في ولد بمنطقتنا يجي بالباص الخاص بالهلال ويدفعون للسايق :con2: قلت له جيب رقمه خلينا شنوف شسالفة ناس تحب تلف وتدور وتلعب على الناس .

من ضمن خياراتي كامبريدج ان شاء الله احصل سايق بسيارة ولا اضطر انقله حرام ربعه تعود عليهم ونظام ومنهج تعود عليه

وتسلمين لي وطن على دعوتج الطيبة
ونه الم
19-09-2007, 10:00 AM
أختي ضوى ماقول غير عسى ربي يقويج و يحفظج

والله يوقفلج عيال الحلال وين ماكنتي

ويعطيج العافيــه
ضوى
19-09-2007, 10:37 AM
مرحبا ضوى دخلت بس اسلم لان مشكلتك هي مشكلة معظم اهالي قطر المهم بالنسبة للمدارس

الاجنبية ودام عندك بدل سجليه في المدرسة اللي بتحصليين فيها قبول لان الجزيرة صارت ما

تقبل وانتي وحظك .



اليوم يوم حاسم بالنسبة لي ان شاء الله اذا مشى مثل ما احب ويسره لي ربي على خير راح ينفك العوق بإذن الله ولا احتاج انقله بس ما احتاج الا دعاءكم لي الله يوفق ولدي ويفتحها بويهي ان شاء الله

شكرا دلولة :shy:
ضوى
19-09-2007, 10:39 AM
أختي ضوى ماقول غير عسى ربي يقويج و يحفظج

والله يوقفلج عيال الحلال وين ماكنتي

ويعطيج العافيــه

الله يعافيك اخوي ونة والله يجزيك الف خير على دعائكم الطيب ويارب يجزيك بمثله واحسن منه وشكلك دعوتك مستجابة لانه في بوادر لانفراج الازمة بإذن الله وبحيل الله والله يجعلك مستجاب الدعوة يارب omen
قطر501
19-09-2007, 11:02 AM
مافيه اختي الا تعاقدين مع شركة لموزين ويمر وياخذ الاولاد وانتي مري وخذي البنت الله يحافظهم ويخليهم لج لين نشوف حل في زحمة الشوارع التي سببها اشغال وانا واحد منهم اتحمل المسؤليه مع اني ليس مسؤل بل موظف عادي بس كل واحد يعرف اني في اشغال يشن الحرب علي !!!!!!!!!!!!!!!!!!
بيانو
19-09-2007, 11:10 AM
ان شاء الله محلوله وتلاقى حل والله يقدرك
التيما
19-09-2007, 02:21 PM
والله يا ضوى يا حبيبة قلبي
مع الوضع الحالي من الزحمة crazyوتبعاتها والاماكن المتفرقة اعتقد انج بمشكلة بس

تعالي يا قلبي
والدهم الله يطول بعمره وينه؟؟؟؟؟:con2:هل يساعد في نقل الابناء معاج ولا كلهم على راسج
عموما
ما راح اقترح عليج مدارس اجنبية ؟؟؟لان مشاكلهم وعوار الراس عندهم اكثر ؟:(

وبعدين المدارس المستقلة مدعومة من الدولة بشكل كبير بالرغم من بعض العوائق ؟وولدج محظوظ ان حصل له مقعد في هذي المدارس وانتي من المتابعين لاخبار الوزارة وتشوفين ان الناس بتموت تدور على مقاعد لابنائها ؟

حبيبتي راح اقترح عليج:deal:
1- ان يقوم والدهم بحمل عبئ توصيل احد الابناء ؟
2- تسجيله في باص خاص من اللي نسمع عنهم التوصيل الخاص( ولازم يكون ذي ثقة )؟
3-واذا مالك بد سجلية بمدرسة قريبة اجنبية مثل ما تقولين لان ( مجبر اخاك لا بطل ).

او

أنج ....................crazycrazycrazy

اقترح عليك تقومين الساعة 3 الصبح يالله يالله تقدرين توصلينهم :looking:

او

نصب خيمة عند المدرسة :looking:


واقتراح الخيمة:looking: وهذا يدور براسي لاني صراحة اعاني من بعد مقر عملي عن البيت(ولو اقعد 4 الصبح بعد راح اوصلcrazy الشغل متاخرة ) فاعتقد ان نشتري انا وانتي خيمتين عشان يطلع لنا خصم وحدة لك ووحدة ليcrazy

تحياتي لج omen

وروحي صلي ونامي وعيني من الله خير omen

وماضاقت الا بتتسع omen


ما سوو فينا خير يوم يابونا توووم .. كل اللي ابي اقوله قلتيه crazycrazy فديتج توأمي بخليج متحدثه رسمية لي :funny: .. المهم طلعت عن الموضوع ..

:con2: اختي ضوى انا اتفق مع توأمي قلبا وقالبا .. واضيف على كلام اختي الراقيه انج تعلمين وحده من الخادمات السواقه وتودي الولد وتييبه ..
الخيميائي
19-09-2007, 02:38 PM
ما سوو فينا خير يوم يابونا توووم .. كل اللي ابي اقوله قلتيه crazycrazy فديتج توأمي بخليج متحدثه رسمية لي :funny: .. المهم طلعت عن الموضوع ..

:con2: اختي ضوى انا اتفق مع توأمي قلبا وقالبا .. واضيف على كلام اختي الراقيه انج تعلمين وحده من الخادمات السواقه وتودي الولد وتييبه ..

:nice:

اتفق مع هذا الحل
الخيميائي
19-09-2007, 03:39 PM
والله ياضوى موضوعك صعب

ومشكلة بصراحة يعاني منها الجميع الا الى عندهم سواق حق كل طفل :p

انا اليوم ضيعت ساعة ونص من عمري في مشوار واحد من البيت للدوام

طبعا كان عندي توصيلة على الطريق

وطالع من بيتنا الساعه 7:15

وصلت دوامي 8:45

بصراحة الزحمة صارت لا تطاق في البلد

والمفروض اشغال تعترف انه عندنا مشكلة زحمة في الشوارع

ادري طلعت عن الموضوع

بس والله من المعاناة الى نشوفها كل يوم بالطريق

عن نفسي كلمتهم بالدوام اني بتاخر كل يوم لين يشوفون لنا حل بالشوارع

وتقبلوا الوضع لانه 70% من الموظفين عندهم نفس المشكلة :)

واسف اني ماقدرت احط لك حلول موضوعية

بس يمكن يكون حل الاخوان في التعاقد مع شركة مواصلات تشيل شوي من الحمل

او حل التيما الى اشوفه بعد جيد انه الخادمة تتعلم السواقة :)

او اخر حل ولو اني ما افضل انه الولد يطلع من مدرسة عمر بس كامبردج الى اسمعه عنها انها جيدة :)

عموما شكرا فشيت خلئي :p

والله يعينج يارب ويوفقج وتحصلين لج حل مع هاي المشكلة العويصة
الزاجل
19-09-2007, 03:46 PM
ما عندي مشاكل مالية مقر عملي يتحملون نفقات الدراسة وعندي خيارين

ابي رايك فيهم

الجزيرة ، كامبريدج وابيك تشور علي هالمدرستين والا عمر ؟

والسيارة او الليموزين مضمون ويجي عالوقت ؟؟ وكم تقريبا ياخذ بالشهر ؟:o

الف شكر لاستجابتك اخوي الزاجل


بصراحة يا ضوى ما عندي خلفية عن المدارس الأجنبية
بس بما ان المدارس المستقلة صار همهما تعليم اللغة الانجليزية
فالطالب يكبر في بيئة انجليزية ولا يتم في مدارس مستقلة
اتدرس لغة انجليزية والبيئة عربية وفي الأخير الطالب مطالب
بالتوفل والسات والمعايير كل مالها تنزل علشان تتوافق مع
مستويات الطلاب الضعاف اللي مب راضيين يستوعبون
رياضيات وعلوم بالانجليزي ..

الجزيرة نفسيا ما ارتحت لها خير شر
بس ما اقدر احكم على مستواها ..

اما كامبردج سمعت انهم يسوون اختبار للطالب
فإذا مستواه كان نازل قياسا لمستوى المدرسة ينزلونه صف ..

اما اذا مثل ما قريت من خلال ردودج انج ما تبين اتفرقين ولدج عن ربعه
في الليموزين هو الحل الوحيد لج ..

وخاصة ان موضوع الانذارات اتأثر على نفسية الطفل
لما يصبحونه بانذار ويمسونه بانذار ..
ANONYMOUS
19-09-2007, 04:50 PM
في كل امورج ارجعي للأستخاره.. وهذا راي رب العباد.. مافي احسن منه..

بعدين اشفيها المدارس العاديه.. ترا مللتونا .. مدارس مستقله ومدارس خاصه.. يبه كله واحد.. اهم شي يدرس في الجامعه ويتخرج بس..


شفيها الريان الثانويه .. اكاني تخرجت ويازيني :)
الزاجل
19-09-2007, 04:53 PM
في كل امورج ارجعي للأستخاره.. وهذا راي رب العباد.. مافي احسن منه..

بعدين اشفيها المدارس العاديه.. ترا مللتونا .. مدارس مستقله ومدارس خاصه.. يبه كله واحد.. اهم شي يدرس في الجامعه ويتخرج بس..


شفيها الريان الثانويه .. اكاني تخرجت ويازيني :)

متى تخرجت ؟
يوم كان التوفل مطلوب حتى في التربية في الفنية حتى لو نسبتك كانت 99 % ؟
والا يوم كانت نسبتك هي المهمة ومافي شي غيره ؟

لا مب اي مدرسة نحذف عيالنا فيها

انحط عيالنا في مدارس اتأسسهم الأسس الصحيحة
في الرياضيات والانجليزي
لن هذي هي المطالب الاساسية للالتحاق بالجامعات ..
milan
19-09-2007, 04:59 PM
ما عندي مشاكل مالية مقر عملي يتحملون نفقات الدراسة وعندي خيارين

ابي رايك فيهم

الجزيرة ، كامبريدج وابيك تشور علي هالمدرستين والا عمر ؟

والسيارة او الليموزين مضمون ويجي عالوقت ؟؟ وكم تقريبا ياخذ بالشهر ؟:o

الف شكر لاستجابتك اخوي الزاجل

نصيحه لج لاتغيرين عمر لانها من المدارس المتطوره ومعايير التعليم عندهم مستواها ممتاز :strong

واذا كنتي مضطره للمدارس الخاصه عندج مدرسة المها اللي في المعموره

الحل مثل ماقال اخوي الزاجل سيارة ليموزين ايجار
milan
19-09-2007, 05:04 PM
متى تخرجت ؟
يوم كان التوفل مطلوب حتى في التربية في الفنية حتى لو نسبتك كانت 99 % ؟
والا يوم كانت نسبتك هي المهمة ومافي شي غيره ؟

لا مب اي مدرسة نحذف عيالنا فيها

انحط عيالنا في مدارس اتأسسهم الأسس الصحيحة
في الرياضيات والانجليزي
لن هذي هي المطالب الاساسية للالتحاق بالجامعات ..

سؤال شفايدة التوفل :court:
الزاجل
19-09-2007, 05:06 PM
سؤال شفايدة التوفل :court:

من غيرهم ما تتخصص وما يتم قبولك في الجامعة

واذا عطوك سنة تأسيسي وما يبتهم بعد مش بوزك اتكمل crazy
milan
19-09-2007, 05:09 PM
من غيرهم ما تتخصص وما يتم قبولك في الجامعة

واذا عطوك سنة تأسيسي وما يبتهم بعد مش بوزك اتكمل crazy

اخوي الزاجل التوفل قد يجتازه طالب حاصل على نسبة 75% ولايجتازه طالب حاصل على 90% ومافوق :con2:

يعني المسأله ان الواحد يحاول يجيب التوفل باي طريقه للابتعاد عن التأسيسي omen
الزاجل
19-09-2007, 05:11 PM
اخوي الزاجل التوفل قد يجتازه طالب حاصل على نسبة 75% ولايجتازه طالب حاصل على 90% ومافوق :con2:

يعني المسأله ان الواحد يحاول يجيب التوفل باي طريقه للابتعاد عن التأسيسي omen

طيب
اذا مناهجنا مب قد انك اتييب التوفل

يعني طلاب عمر والبيان مجاميعهم فوق 90%
الا انهم اتحصلهم في الجسر او تأسيسي في جامعة قطر crazy

واللي فيهم ياب التوفل
عجز عن السات crazy
ANONYMOUS
19-09-2007, 05:15 PM
متى تخرجت ؟
يوم كان التوفل مطلوب حتى في التربية في الفنية حتى لو نسبتك كانت 99 % ؟
والا يوم كانت نسبتك هي المهمة ومافي شي غيره ؟

لا مب اي مدرسة نحذف عيالنا فيها

انحط عيالنا في مدارس اتأسسهم الأسس الصحيحة
في الرياضيات والانجليزي
لن هذي هي المطالب الاساسية للالتحاق بالجامعات ..

تخرجت 93

كانت ايامها النسبه المهمه..

بس شدخل

الجامعات الغربيه تدخلك اي تخصص

مافي عقد نفس هنا..

ترى الناس هنا متعقده بس

كورس انقليزي وتدش احسن تخصص

وخلوا عنكم لمهايط ..
الزاجل
19-09-2007, 05:26 PM
تخرجت 93

كانت ايامها النسبه المهمه..

بس شدخل

الجامعات الغربيه تدخلك اي تخصص

مافي عقد نفس هنا..

ترى الناس هنا متعقده بس

كورس انقليزي وتدش احسن تخصص

وخلوا عنكم لمهايط ..

اللحين المجلس الأعلى المكوش على الصلاحيات

ما يطرشونك برع الا بتوفل
الشركات ما تقدر اتطرشك برع الا بتوفل crazy

والجامعات اللي اهنيه
توفل + سات

واتسكر بيبانها في السنة اللي الطالب يدرس فيها ثانوية عامة
يعني اللي يبي يدخل الجامعات التعليمية في قطر
لازم يكون عنده توفل وسات قبل ما يدرس ثالث ثانوي
اول على اكبر تقدير قبل 15 /4 من نفس السنة
اللي يدرس فيها الطالب ثالث ثانوي

فقول لي انت
هل التوفل مهم والا لا crazy
ANONYMOUS
19-09-2007, 06:13 PM
يا اخي مب شرط جامعات قطر

عسى ماشر..

يعني عندنا جامعات في قطر لازم ندرس فيها؟؟

واحد من لعيال.. خلص الجسر.. وراح بريطانيا يكمل..

مب مجبور ب قطر
al_lord
19-09-2007, 06:46 PM
انا واحد للحين مما لقيت تسجيل لعيالي وكله على الانتظار واخرها امس مريت كل المدارس وللحين على الانتظار سواء مدارس خاصه او انكليزيه او مستقله ويالله الرحمه شكلي بدرسهم منازل من بداية مشوارهم الدراسي
ضوى
19-09-2007, 08:03 PM
مافيه اختي الا تعاقدين مع شركة لموزين ويمر وياخذ الاولاد وانتي مري وخذي البنت الله يحافظهم ويخليهم لج لين نشوف حل في زحمة الشوارع التي سببها اشغال وانا واحد منهم اتحمل المسؤليه مع اني ليس مسؤل بل موظف عادي بس كل واحد يعرف اني في اشغال يشن الحرب علي !!!!!!!!!!!!!!!!!!


اذا على الزحمة تهون ، بس التوزيع الجغرافي لمدارس المجمع التربووي سخيفة وتدل على عشوائية وتخبط ، وربك كريم ان شاء الله


ان شاء الله محلوله وتلاقى حل والله يقدرك

الله يجزيك كل الخير اخوي بيانو
ضوى
19-09-2007, 08:05 PM
ما سوو فينا خير يوم يابونا توووم .. كل اللي ابي اقوله قلتيه crazycrazy فديتج توأمي بخليج متحدثه رسمية لي :funny: .. المهم طلعت عن الموضوع ..

:con2: اختي ضوى انا اتفق مع توأمي قلبا وقالبا .. واضيف على كلام اختي الراقيه انج تعلمين وحده من الخادمات السواقه وتودي الولد وتييبه ..


وانا اتفق معاكم بس انا عندي سايق بس ما عندي شغالة :( ، والسايق يودينيا كل ابونا :shy: الا بنتي بباص وارتحت من مشوار واحد :shy:
ضوى
19-09-2007, 08:08 PM
والله ياضوى موضوعك صعب

ومشكلة بصراحة يعاني منها الجميع الا الى عندهم سواق حق كل طفل :p

انا اليوم ضيعت ساعة ونص من عمري في مشوار واحد من البيت للدوام

طبعا كان عندي توصيلة على الطريق

وطالع من بيتنا الساعه 7:15

وصلت دوامي 8:45

بصراحة الزحمة صارت لا تطاق في البلد

والمفروض اشغال تعترف انه عندنا مشكلة زحمة في الشوارع

ادري طلعت عن الموضوع

بس والله من المعاناة الى نشوفها كل يوم بالطريق

عن نفسي كلمتهم بالدوام اني بتاخر كل يوم لين يشوفون لنا حل بالشوارع

وتقبلوا الوضع لانه 70% من الموظفين عندهم نفس المشكلة :)

واسف اني ماقدرت احط لك حلول موضوعية

بس يمكن يكون حل الاخوان في التعاقد مع شركة مواصلات تشيل شوي من الحمل

او حل التيما الى اشوفه بعد جيد انه الخادمة تتعلم السواقة :)

او اخر حل ولو اني ما افضل انه الولد يطلع من مدرسة عمر بس كامبردج الى اسمعه عنها انها جيدة :)

عموما شكرا فشيت خلئي :p

والله يعينج يارب ويوفقج وتحصلين لج حل مع هاي المشكلة العويصة

والله يا خيمو افندي اني اطلع من البيت سبع الا ربع واحيانا 6.35 يعني ما يميدني ارتاح والله وبعد اتاخر في توصيلهم لانه المسافة بعيدة مدري كم كيلو بس احسبوها انا جنب النادي العلمي الجديد ومدرسة عيالي قريب الجامعة كم كيلو تقريبا ؟؟ وولدي العود في بن عمران وانا بالسد اشلون اقدر اوفق اطلع 5 الفجر يعني ؟؟؟

وللمرة الثانية اقول ما عندي خادمة بس عندي سايق :shy:


بصراحة يا ضوى ما عندي خلفية عن المدارس الأجنبية
بس بما ان المدارس المستقلة صار همهما تعليم اللغة الانجليزية
فالطالب يكبر في بيئة انجليزية ولا يتم في مدارس مستقلة
اتدرس لغة انجليزية والبيئة عربية وفي الأخير الطالب مطالب
بالتوفل والسات والمعايير كل مالها تنزل علشان تتوافق مع
مستويات الطلاب الضعاف اللي مب راضيين يستوعبون
رياضيات وعلوم بالانجليزي ..

الجزيرة نفسيا ما ارتحت لها خير شر
بس ما اقدر احكم على مستواها ..

اما كامبردج سمعت انهم يسوون اختبار للطالب
فإذا مستواه كان نازل قياسا لمستوى المدرسة ينزلونه صف ..

اما اذا مثل ما قريت من خلال ردودج انج ما تبين اتفرقين ولدج عن ربعه
في الليموزين هو الحل الوحيد لج ..

وخاصة ان موضوع الانذارات اتأثر على نفسية الطفل
لما يصبحونه بانذار ويمسونه بانذار ..


والله يا الزاجل اليوم سألت اكثر من شخص معانا بالدوام ، الجزيرة وايد مساواها نزل كامبرديج كذلك منتسوري بعد يعني خياراتي نقصت وما بقى لي الا حل الليموزين وان شاء الله ربك يسهل :o
ضوى
19-09-2007, 08:10 PM
في كل امورج ارجعي للأستخاره.. وهذا راي رب العباد.. مافي احسن منه..

بعدين اشفيها المدارس العاديه.. ترا مللتونا .. مدارس مستقله ومدارس خاصه.. يبه كله واحد.. اهم شي يدرس في الجامعه ويتخرج بس..


شفيها الريان الثانويه .. اكاني تخرجت ويازيني :)

كلنا تخرجنا من مدارس حكومية وفينا الطبيب والمهندس والصيدلي والمحامي وغيره وغيره بس الحين كل شئ اختلف التعليم الحكومي مهو زي اول للاسف :mad:

عالعموم شاكرة لك مداخلتك
ضوى
19-09-2007, 08:12 PM
نصيحه لج لاتغيرين عمر لانها من المدارس المتطوره ومعايير التعليم عندهم مستواها ممتاز :strong

واذا كنتي مضطره للمدارس الخاصه عندج مدرسة المها اللي في المعموره

الحل مثل ماقال اخوي الزاجل سيارة ليموزين ايجار

والله يا خوي ما ودي اطلعه وان شاء الله القى حل قريب وربك يسهل الامور ، وفعلا مستوى عمر جدا ممتاز والشهادة لله الولد عبقري ما شاء الله عليه وما ابي اجني عليه واغير مدرسته وان شاء الله ان شاء الله يصير خير

شاكرة لك اخوي
ضوى
19-09-2007, 08:13 PM
انا واحد للحين مما لقيت تسجيل لعيالي وكله على الانتظار واخرها امس مريت كل المدارس وللحين على الانتظار سواء مدارس خاصه او انكليزيه او مستقله ويالله الرحمه شكلي بدرسهم منازل من بداية مشوارهم الدراسي



الله يعينك اخوي

جربت مدرسة اقرأ اللي في المعمورة ؟؟ اختي اخر صبرها سجلتهم هناك وان شاء الله يكون مستواها زين

شاكرة لك اخوي الكريم
ضوى
19-09-2007, 08:20 PM
اخواني واخواتي الاعضاء

اشكر كل من تفاعل مع موضوعي وحس فيني وبالمشكلة العويصة اللي اعيشها بس مثل ما قلت الظهر كان في بوادر انفراج ازمة والحمد لله اتمنى انها تكون انحلت وياربي لا يغير علينا اللهم امين

اللي صار انه في واحد مع ولدي في المدرسة وجارنا قريب من البيت في نفس المنطقة يعني ، طلع ذكي وركب الباص وغصب عنهم جابوه منطقته وتسجل عادي بالباص واليوم راح ولدي معاه وسجل بنفس الباص وكلمتني مسؤولة الباصات وقالت لي تبين نسجله بالباص قلت لها اييه وسجلته ويابه الباص اليوم الظهر وقال لي بكرة الساعة 5.30 يكون جاهز واليوم رد البيت الساعة 2.15 وهو يخلص 12.30 ومب مشكلة عندي المهم انحلت المشكلة صج يجييه الصبح بدري وينزله اخر واحد بس مو مشكلة اذا تاخر الصبح هم اللي يتحملون ولا يحصل انذارات من بداية السنة

وبهالشكل ان شاء الله انشاء الله ان شاء الله تكون الازمة انحلت ، واشكر كل اللي تقدم لي بحل وشاركني مشكلتي برأي او مشورة وما اقول الا عسى الله لا يخليني منكم يا اخواني وخواتي اعضاء شبكة الاسهم القطرية

شكر خاص للزاجل لانه نبهني لشئ كنت غافلة عنه وربي يجعله في ميزان حسناته
الزاجل
19-09-2007, 08:47 PM
يا اخي مب شرط جامعات قطر

عسى ماشر..

يعني عندنا جامعات في قطر لازم ندرس فيها؟؟

واحد من لعيال.. خلص الجسر.. وراح بريطانيا يكمل..

مب مجبور ب قطر

طيب انت تدري شنهو يعني جسر ؟

الجسر يعني اتضييع سنة من عمرك علشان اتحصل التوفل او السات

فإذا بتدرس في بريطانيا ما بيعادلون لك الساعات في الرياضيات
اما اذا بتدرس في امريكا راح يعادلون لك الساعات وتنحسب
في قطر وفي امريكا ..

فالبعثة اللي حصلها رفيجك كان يقدر يحصلها من اول ما خلص
الثانوية من غير ما يدخل الجسر اذا عنده التوفل ..

فالتوفل اهم من المجموع صاير crazy




انا واحد للحين مما لقيت تسجيل لعيالي وكله على الانتظار واخرها امس مريت كل المدارس وللحين على الانتظار سواء مدارس خاصه او انكليزيه او مستقله ويالله الرحمه شكلي بدرسهم منازل من بداية مشوارهم الدراسي


مدرسة نيوتن صوب الدائري الرابع عند محطة التضامن
صوب مدرسة نور الخليج عندهم تسجيل من الروضة اعتقد
لين 3 اعدادي
روح شوف لهم هناك
امل الحب
19-09-2007, 09:11 PM
موفقة اختي ضوى..

والله يعينا عالزحمة :(
ضوى
19-09-2007, 09:43 PM
موفقة اختي ضوى..

والله يعينا عالزحمة :(


شكرا امولة والله يعيينا عالزحمة صج :eek3:crazy
al_lord
20-09-2007, 12:59 AM
مدرسة نيوتن صوب الدائري الرابع عند محطة التضامن
صوب مدرسة نور الخليج عندهم تسجيل من الروضة اعتقد
لين 3 اعدادي
روح شوف لهم هناك


يعطيك العافيه اخوي الزاجل على نصيحتك وبيض الله وجهك

بخصوص المدرسه هل هي جديده ام صار لها مده تدرس بقطر وما هو مستواها مقارنه بالمدارس الاخرى ؟
الزاجل
20-09-2007, 01:02 AM
يعطيك العافيه اخوي الزاجل على نصيحتك وبيض الله وجهك

بخصوص المدرسه هل هي جديده ام صار لها مده تدرس بقطر وما هو مستواها مقارنه بالمدارس الاخرى ؟

هي لها فرع في الدفنة

وتوها فاتحة فرع الهلال ..

تعتمد المنهج البريطاني في التدريس

الابتدائية مختلط
الاعداداية فصل ..

ما اعرف مستواها

بس اشوف كذا واحد لكنته ولغته قوية في الانجليزي
سألتهم قالوا لي نيوطن ..

بس اسأل احسن لك

فإذا مالقيت شوفهم او شوف اقرأ بعد يمدحونها