بسبب اسلوب كل اغلب المسؤولين القطريين في الوزارات والهيئات سأقرر

[فهد الخاطر]

وهذا السبب الذي يجعلني وبالتحديد من تاريخ 22 /8/2007 مقاطع الدوام وهو اسلوب المسؤولين الذين يريدون ان يجعلون البعض منا جواسيس على اخواننا الموظفين
واشترطت عليهم مثل ما اشترطوا علي وجعلوني اعمل في خارج نطاق عملي
قلت لهم بالحرف الواحد تبوني استمر معاكم عينوني مراقب عام مثل ما خليتوني مراقب على ربعي
والي باط كبدي وحده مسؤوله اتقول انتوا الي محتاجين الوظيفه
وياتي مدير مكتب الرئيس ويقول فهد الخاطر وبكل قلت حيه يقول قممممممممممممم وقف انت مسؤووووووووول على الي يصير واذا ما عرفت من الاشخاص المهملين انت الي راح تتحاسب
اريد ان اعرف هل الوزراء ورؤساء الهيئات يعلمون بهذه الحركات وانا شخصيا قبل لا اتغيب لعنة اصلهم في التليفون وقلت عندي اربع او خمس اماكن غيركم وهي
1-هيئة الشباب
2-بنك قطر للتنمية الصناعية
3-اللجنة الاولمبية
4-وزارة البلدية
5- الثقافة والفنون والتراث
الي نبي نعرفه متى هذه الاساليب القذرة راح يتركونها هؤلاء المسؤولين لا وماسكين على عيال قطر اتركوا عنكم الدلع اي دلع بالله عليكم احنا نبي مسؤولين يتعاملون معانا بكل احترام وتقدير وبشوشين مب مخيسين النفس على وشو مخيسين انفوسهم على وظيفة
هو نسى انه حاله وحال غرشة الماء واحد اذا خلصت انرمت في سلة المهملات

[مساهمة بسFresh]

؟؟؟

اخوي هذا تظلم تبي ترفعه للوزير ولا شنو؟؟؟

[سلامي للكل]

مرحباااااااااااااااا اخوي فهد الخاطر:o

الله يعينك وربك موجود واذا لك حق بتاخذه سواء في الدنيا ولا في الاخره ان شاء الله

وانا انصحك بهالاماكن:

2-بنك قطر للتنمية الصناعية:nice:
3-اللجنة الاولمبية:nice:

وربي يوفقك اخوي

وفاااااااااااااالك طيب:app:

[المتأمل خيرا]

أخوي "فهد الخاطر" .. مسـّاك الله بالخير..

لو سمحت لي سأتكلـّم في إطار عام بعض الشيء.

المعروف - وهو أمر مفهوم - ان يكون المسؤول على قطاع ما "سواء إدارة أو قسم أو وحدة" أن يكون مسؤولاً عن التزام الموظفين بأداء العمل المناط بهم والذي يقع ضمن اختصاص القطاع المسؤول عنه ذلك الشخص.. شاملاً الغياب.

أما الغير مقبول فهو أن يكلّف إنسان ما "بالتبليغ ورصد حركات" موظفين لا يتبعون القطاع المسؤول هو عنه.. وهذا ما فهمت أنه سبب انزعاجك.. وفي هذه الحالة طبعاً الحق معك.

[المتأمل خيرا]

حبـيت آضيف.. أحد الأصدقاء يعمل في جهة "شبه حكوميـّة".. ذكر لي أنه بعد تعيين رئيس جديد للجهاز الذي يعمل به.. جمعهم رئيس الجهاز وقال لهم "محذراً" :

"لقد وضعت عليكم جواسيس.. - يعني للمراقبة طبعاً - " ..

حقيقة استغرب من "مسوّغات :funny:" تعيين مثل هؤلاء الأشخاص..

حيث قطر لا تخلو من الأكفاء..

[rashid-1]

السلام عليكم

زين صير عليهم مراقب واكتب فيهم تقارير ايجابية وبنفس الوقت تخلي الموظفين المتسيبين يداومون ويلتزمون بالدوام بطريقة ماتجرحهم ولاتكرهم فيك وبهاذي الحالة انت ضربت عصفورين بحجر كسبت الموظفين زياده وكسبت الإداره

لكن طريقتك ماعجبتني وادل على انك انسان لاتمتلك الحكمه وعصبي وماتعرف تفكر

[فهد الخاطر]

السلام عليكم

زين صير عليهم مراقب واكتب فيهم تقارير ايجابية وبنفس الوقت تخلي الموظفين المتسيبين يداومون ويلتزمون بالدوام بطريقة ماتجرحهم ولاتكرهم فيك وبهاذي الحالة انت ضربت عصفورين بحجر كسبت الموظفين زياده وكسبت الإداره

لكن طريقتك ماعجبتني وادل على انك انسان لاتمتلك الحكمه وعصبي وماتعرف تفكر

اشكرك ولكن كيف ما اعرف افكر يعني تبيني اظلم نفسي والاخرين واكتب عنهم تقارير ايجابيه وانا ما اعرف عن خطواتهم لا والف لا لن اقبل بهذه التصرفات والحكمه موجوده وبالنسبة للعصبية فلم اتمالك نفسي ويكون في علمك يا عزيزي راشد انه العصبية الي جاتني بعد صبر يعني معروف كثر الدق يفك للحام
والساكت عن حقه شيطان اخرس
واكرر شكري وتقديري لك يا الغالي
:dance:dance:dance

[M O 7 A M M E D]

الله يكون بعونك ..

[أمير الأسهم]

الله يكون بعونك

[الهاوي28]

الله يعينك

[بـ فيصل ـو]

أخوي فهد .. بارك الله فيك وفي امثالك .. أحييك على طرحك وصراحتك ..
ومثل ما آنه شفت من مشاركات الأخ راشد (الله يهديه ويصلحه) فهو يريدك تعلب على الحبلين = يعني تصير منافق من الدرجة الاولى ..

وطلب المسؤولين إللي تتكلم عنهم دليل ضعف قي شخصيتهم وإنهم من النوع إللي يترقون بالواسطه والنفاق (أكلمك عن تجربه وبصفتي إداري بحت وحاصل على شهادات علمية عليا في مجالي) .. وتعاملهم بفضاضه وقلة ادب وكانك تشتغل عنده مش عند الدوله (غرور) والأجانب عندنا يسمونه (غرور الجاهلية القبليه-مدري ليه) .. وهذا الغرور منتشر بشكل كبير للاسف الشديد حتى في الاوساط حاملي الشهادة الجامعيه .. لقلة الخبرة في الإدارة ويظن إن كل شي ممكن يصير بالقوة والعنف (إسلوب رجعي قديم بعيد عن الحضارة بآلاف السنين)

ويكون في علمك إذا إنت ماوافقت على طلبهم فإن المسؤولين راح يحطون غيرك جاسوس .. وهذا المسلسل بيستمر في إدارتك وإدارات الغير طالما يوجد ناس تطلع على كتاف ناس .. وهذا الأسلوب يدل على إستخدام مسؤلك للواسطه في الكثير من أعماله .. مما يؤكد ضعف شخصيته وشخصية إللي قام بتعينه .. يعني لاتتفاجئ إن شفت أحد حديثي التخرج يصير مسؤل عليك وإنت تحمل نفس شهادته وزيادة..

وبأختصار .. لا تغير وظيفتك .. وتحملهم .. لأن مافي شي يدوم .. والدوام لله وحده..

[BoFahed]

أخوي فهد .. بارك الله فيك وفي امثالك .. أحييك على طرحك وصراحتك ..
ومثل ما آنه شفت من مشاركات الأخ راشد (الله يهديه ويصلحه) فهو يريدك تعلب على الحبلين = يعني تصير منافق من الدرجة الاولى ..

وطلب المسؤولين إللي تتكلم عنهم دليل ضعف قي شخصيتهم وإنهم من النوع إللي يترقون بالواسطه والنفاق (أكلمك عن تجربه وبصفتي إداري بحت وحاصل على شهادات علمية عليا في مجالي) .. وتعاملهم بفضاضه وقلة ادب وكانك تشتغل عنده مش عند الدوله (غرور) والأجانب عندنا يسمونه (غرور الجاهلية القبليه-مدري ليه) .. وهذا الغرور منتشر بشكل كبير للاسف الشديد حتى في الاوساط حاملي الشهادة الجامعيه .. لقلة الخبرة في الإدارة ويظن إن كل شي ممكن يصير بالقوة والعنف (إسلوب رجعي قديم بعيد عن الحضارة بآلاف السنين)

ويكون في علمك إذا إنت ماوافقت على طلبهم فإن المسؤولين راح يحطون غيرك جاسوس .. وهذا المسلسل بيستمر في إدارتك وإدارات الغير طالما يوجد ناس تطلع على كتاف ناس .. وهذا الأسلوب يدل على إستخدام مسؤلك للواسطه في الكثير من أعماله .. مما يؤكد ضعف شخصيته وشخصية إللي قام بتعينه .. يعني لاتتفاجئ إن شفت أحد حديثي التخرج يصير مسؤل عليك وإنت تحمل نفس شهادته وزيادة..

وبأختصار .. لا تغير وظيفتك .. وتحملهم .. لأن مافي شي يدوم .. والدوام لله وحده..

لا فض فوك اخوي الكريم فعلا ما يسوي هالحركات الا انسان ناقص سواء كان مدير او موظف وانا حضرت بالصدفة في مرة من المرات واحد من هالاشكال الوسخة وهو يبلغ لمدير القسم عن ربعه اللي توهم عازمينه ويعزونه ( خاين العيش والملح ) و يبلغه يش يقولون وساعات يخرط علشان ينتقم من اي واحدهم.
و باقي المدراء الفاشلين في مختلف الادارات يعينون فراشين (خصوصا الهنود) ولاقسام جواسيس على موظفينهم يحسبون عليهم كل صغير ةو وكبيرة وساعات يجيبون اخبار الاقسام الثانية .
يعني مثل ماقلت اخوي اسلوب يدل على تخلف وسخافة عقلياتهم لان المدير الناجح يفرض الاحترام والالتزام بالعمل بدون هالاساليب الغير سوية .

[Bin Hood]

الصراحة انا ما عرف شلي يصير عندكم

بس الله يسرلك امورك وان شاء الله اي يوم تلقاهم تحتك

[miss-qatr]

الله يعينك ياخوي

باب يجي لك منه الريح سده واستريح

قدم لك على مكان ثاني ابرك لك لانهم حطوك في بالهم الحين حتى لو رجعت مافي فايده


وربي يوفقك

[بدور]

شلون يعني جاسوس تنقل اخبار الموظفين شيقولون وين يروحون

اوتسيبهم عن العمل ؟؟؟؟

اول مره اعرف هالشيء يصير عندنا في الوزارات والهيئات

[ولد الشمال]

يا فهد يا خووووووووووووووي هاي الشي موجود من زمان والمسول لازم يكونون عنده جواسيس ونقالين حجي وسوالف علشان يعرف كل كبيره وصغيره ولكن بعضهم يكبرون الحجي والسوالف او عندهم انتقام من اشخاص
وعلى فكره الي ينقلون الحجي هم الي واصلين عدل
عندك انا صارلي 18 سنه عمل ما عندي هاي السوالف ولين الحين مستلم الركن الجنووووووووبي وباطلع تقاعد على الركن الجنوبي والسبب اني ما انافق ما انقل حجي واتجسس على ربعي
اشكرك يافهد الخاطر واتمنى التوفيق لك والرزق مش عندهم

[امل الحب]

ياخوي الارزاق بيد الله وبيئة عمل مثل هذي ماتنفع كلش

اذا كان المسؤول يبي الشغل ينجح لازم يحب بيئة العمل مو ان يحط جواسيس ونقل اخبار..

موفق

[بـ فيصل ـو]

ياخوي الارزاق بيد الله وبيئة عمل مثل هذي ماتنفع كلش

اذا كان المسؤول يبي الشغل ينجح لازم يحب بيئة العمل مو ان يحط جواسيس ونقل اخبار..

موفق

10 على 10
كلام راااائع = درر ..
تدرين إنك قلتي حكمة يطبقونها اليابانيين ..
حب الوطن = حب العمل
وإحترام العمل هو سر تقدم اليابانيين..

وعندنا الكل يحترم البورصه وهامل الشغل :looking:

[امـ حمد]

الله يعينك