شقق تمليك

[السهم الازرق]

السلام عليكم ..

تحياتي لجميع الاخوه و الاخوات الاعضاء في هذا المنتدى الطيب ..

و اتمنى تقبلوني عضو مستجد معاكم و ان شاء الله افيد و استفيد ..

عندي استفسار عن الشقق التمليك .. هل لها وجود عندنا ؟؟

طبعا غير مشروع لؤلؤة قطر ..

اتمنى من اي احد عنده معلومه بهالخصوص لا يبخل فيها ..

و الشكر موصول لكم مقدما .

[سهم عتيج]

أعتقد ان مشروع الدار الجديد من المشاريع التي تستطيع فيها التملك للشقق الجاهزة.. ولا زال العرض ساريا حتى الآن اذا أردت الاستفسار

[ibrahem]

هل الدار الجديد هذا جاهز حاليا ؟؟


وهل يوجد رقم نستفسر منه؟؟

[قناص قطر]

السلام عليكم

اطول برج متعرج بالعالم هذا مشروع الدار

عبارة عن برجين بجوار الريتز كارلتون مع مجمع تجاري ممتاز

كان هناك شقق نظام استوديو بسعر مغري 400 الف ريال ولكن للاسف ماقدرنا نصيدها

وهناك شقق عبارة عن غرفيتن وصاله وتكرم حمام بسعر 780 الف ريال باقي واحده بالدور 30

اما الباقي فاسعارها مليون وعبارة عن غرفيتن وصاله وتكرم حمام

وهذا بالبرج الثاني لان البرج الاول تم البيع فيه بالكامل

وانصحك بشراء بالبرج لان وراها ناااااااااااااااس كبار

لاتخلي الفرصه تفوتك

انا والحمدلله خذت بالمرسى في دبي بسعر 188 الف ريال والحين والحمدلله سعرها عااااااااالي وممتاز

عليك بالبرج المتعرج لان خلال فترة بسيطه بتشوف اسعارها كم بتوصل

وان شاء الله سوف يجهز البرج في عام 2008م باذن الله

وبالله التوفيق

[السهم الازرق]

شكرا للجميع على التجاوب و اثراء الموضوع ..

بالنسبه لمشروع الدار .. هل يوجد رقم هاتف للاستفسار ؟؟
هل يوجد للمشروع موقع على الانترنت ؟؟
هل هناك مشاريع اخرى لشقق التمليك غير مشروع الدار و مشروع اللؤلؤه ؟؟

ننتظر الاجابات منكم يا احلى اعضاء ;)

[roadrunner]

السلام عليكم ... ياجماعة .. في شقق حق عيال الفقارة ..... دام ان في شقق تنباع اكيد بتكون ارخص من البيوت بوااايد .. يعني ... قلنا نستفيد من اجارها.

[عزيز]

صدقت ياroadrunner ههههههههههههههههههههه

اخوي قناص قطر انا ودي استمثر في دبي في مرسي او برج ممكن نصايحك الغالي؟

مالي بهالسوالف خير شر
بس فيدنا من معرفتك الله يفيدك علي قد حسن نياتك يالغالي :)

وتسلمون ودمتم جميعا

اخوكم العزيز :)

[السهم الازرق]

والله يا roadrunner ما فهمت قصدك :confused:

و بخصوص اللي قلته ان الشقق ارخص من البيوت مب شرط ..

مشروع اللؤلؤه ارخص شقه فيه بمليون و اغلى شقه ب 8 ملايين !!

يعني البيوت هي اللي صارت حق عيال الفقاره مب العكس ;)

الله يرزقنا معاك

[roadrunner]

حبيبي السهم الأزرق ... والله ادري ان الشقق الموجوده بالمشاريع الكبيرة واااايد غالية ... انا قصدي شقق بالعمارات الي طايح حظها .. يعني لو تنباع زين .... يعني قصدي ان الواحد يشتري منها وتكون رخيييصه .... وانا اقصد الشقق بشكل عام وما احدد موقع معين او مشروع معين ... عشان الواحد يشتري منها ويأجرها ويستفيد من اجارها.

[السهم الازرق]

حبيب قلبي roadrunner شكرا على التوضيح ..

و انا هذا اللي اقصده من سؤالي السابق لما قلت :

هل هناك مشاريع اخرى لشقق التمليك غير مشروع الدار و مشروع اللؤلؤه ؟؟

كنت اقصد شقق بأسعار معقوله مب مثل اللؤلؤه و الدار اللي اسعارهم اغلى من البيوت

نتمنى نلاقي ردود من الاخوه و الاخوات نستفيد منها انا معاك و الجميع

[السهم الازرق]

للرفع و اتمنى مزيد من تجاوب من لديه اي فكره عن الموضوع

[هداف]

الحمدالله والشكر شقه في قطر بمليون ومليونين !!!!!!!!!!!!!! وين احنا في باريس ولا في لبنان

يا جماعه في قطر احنا وش ها الاسعار ؟؟ الشرهه على الشراي اصلا والله ما خذتها ولا من وراها فود اصلا

على اي اساس الشقه تكون با لملبلغ هذا من زين جونا ولا السياحه !!!!!!!!!!!!!! لو دبي قلت معليه تنبلع


الاسعار مبالغ فيها اكثر من اللازم على لا شيء !!!!!!!!!!!!!!!!!!!! استغرب والله

[مغروور قطر]

والله حلوه الشقق وعالم شاريين فيها

[قناص قطر]

السلام عليكم


ليش هذا التشائم يا هداف

انت انتظر على قطر سنه او سنتين بالكثير

وشوف اسعارها

ثرة قطر بتوصل الى العااااااااااااااااااااااالي

عندك مدينه تعليمية وعندك السياحه انواع

السياحه الثقافيه والسياحه الرياضيه و و

والجو الحين مب شيء سلبي

والجو في قطر افضل من دبي

وعن الشقق ثره اسعارها معقوله

والدليل اطول برج متعرج واحد منهم انتهاء بالكامل

اما الثاني باقي فيه شيء بسيط

وبالله التوفيق

[عزيز]

للترفيع فقط

حد ينصحني يالربع استثمر في دبي؟ في شقه او مرسي؟

بسعر معقول طبعا :)

اخوكم العزيز :)

[السهم الازرق]

الحمدالله والشكر شقه في قطر بمليون ومليونين !!!!!!!!!!!!!! وين احنا في باريس ولا في لبنان

يا جماعه في قطر احنا وش ها الاسعار ؟؟ الشرهه على الشراي اصلا والله ما خذتها ولا من وراها فود اصلا

على اي اساس الشقه تكون با لملبلغ هذا من زين جونا ولا السياحه !!!!!!!!!!!!!! لو دبي قلت معليه تنبلع


الاسعار مبالغ فيها اكثر من اللازم على لا شيء !!!!!!!!!!!!!!!!!!!! استغرب والله

اخوي الهداف يعطيك العافيه ..

كلامك هذا يذكرني بكلام اخواننا الاماراتيين في الثمانينات و بداية التسعينات من القرن الماضي ..

و الحين شوف وضع الشقق عندهم و انت احكم ..

الدنيا تغيرت يا هداف والشي اللي طايح من عينك الحين بعد كم سنه بتتحسف عليه

[منصور علي]

السلام عليكم
ارجو التكرم بافادتي بجهة الانصال لشراء في مشروع مرسى دبي
وشكرا
اخوكم منصور علي