أستفسار عن دانه غاز!!

[عزيز]

السلام عليكم ورحمه الله وبركاته

بالنسبه لدانه غاز والأكتتاب الي بدأ من اليوم في البنك البريطاني فرع الدوحه

لما أتصلت عليهم قالو لي ماتقدر تكتتب الأ ولازم يكون عندك حساب مسبق قبل اليوم

يعني حتي لو فتحت حساب ألحين ماقدر أكتتب

هل يحق لهم هالشي!!

هالشي عرفته عن طريق محادثه بالتلفون ردت علي بنت شغاله بالبنك وكل ماسألتها عن شي معين تقولي ماعندي خلفيه

هل تعتقدون فيه أحتمال أنه كلامها غلط!!

بصراحه هذا الحل مايشجع الناس يتعاملون مع البنك حتي بالمستقبل

وأنا بشيك علي الوضع باجر ولا ألي عقبه بحاول أطلع من الدوام وبشوف شسالفه وبرد عليكم بنفس الموضوع أن شاء الله :)

وياريت ألي عنده أي حل للوضع أو أي فكره يكتبهها ولا يبخلها علينا

وياهلااا فيكم :) ..

[عزيز]

وبالنسبه حق بنك المشرق فيه أحتمال أكتتب عن طريقه ولا لا!!

وشاكر لكم أهتمامكم :)

[الحزينه]

مرحباااا اخوي ..

بخصوص الاكتتاب بشركة دانة غاز عن طريق البنك البريطاني بالدوحه مانصحك لانه اجراءاتهم جدا تعسفيه لذلك انصحك اخوي تكتتب عن طريق دبي ابرك لك او انك توكل حد عنك بالانابه يكتتب لك هناك بس لازم تعمل بعض الاجراءات القانونيه مثل توكيل حق اللى بيشتري لك .وصور شخصيه وصورة الجواز وتصدق التوكيل من وزارة الخارجيه .

والله الموفق

اختك الحزيـــــــــــنــــــــــــه :(

[فارس نجد]

الاخ الكريم عزيز
يمكن هالرابط ينفعك
http://www.qatarshares.com/vb/showthread.php?t=13511

[عزيز]

ياهلا وغلا بالشيخ فارس نجد

تسلم والله وماقصرت أخي الكريم :)

والله لك وحشه فارس أنت وكل ألي اعرفهم والمنتدي بكبره

أن شاء الله مابقطع هالمنتدي ولازم بتواصل معاكم

علي فكره توني راد من رحله علاج من ألمانيا وأبشرك الصحه أحسن والحمدلله وعدت الوكعه علي خير

وتسلم مره ثانيه أخي الكريم فارس نجد رحم الله والدينك يالغالي وماقصرت :) ..

[الشراكة]

البنك البريطاني يسمح لعملائه فقط ... ولازم الراتب محول من قبل .... والباقي لايسمح لهم حتى لوا افتحوا احساب جديد ........

[فارس نجد]

ياهلا وغلا بالشيخ فارس نجد

تسلم والله وماقصرت أخي الكريم :)

والله لك وحشه فارس أنت وكل ألي اعرفهم والمنتدي بكبره

أن شاء الله مابقطع هالمنتدي ولازم بتواصل معاكم

علي فكره توني راد من رحله علاج من ألمانيا وأبشرك الصحه أحسن والحمدلله وعدت الوكعه علي خير

وتسلم مره ثانيه أخي الكريم فارس نجد رحم الله والدينك يالغالي وماقصرت :) ..
تسلم والله يالغالي وانت والله لك وحشة وسرني سماع اخبارك الطيبة والحمد لله على سلامتك وما تشوف شر ان شاء الله

[المترجم]

السلام عليكم ورحمة الله وبركاته: اولا اخ عزيز اجر وعافية وبالطهور ان شاءالله اخوي من الوعكة الصحية , اما

بخصوص اللاكتتاب في دانة غاز انا رحت اليوم البنك البريطاني وقالو لي لازم يتم تحويل راتبك عندنا قلت

والله الامر قريب من قبل البنك اني احول راتبي علشان اكتتب عندكم قالو هاي سياسة البنك في اللاكتتاب

قلت ابرك من بنك يتعامل بالربا قلت ابرك لي اروح دبي وافتح حساب في بنك دبي الاسلامي او ابوظبي

الاسلامي اخير من البنوك االى تتعامل بالربا نسأل الله السلامة, بس على علم من احد الاشخاص عملية

فتح حساب في احدى البنوك هناك يتتطلب اولا كشف حساب 3 شهور من البنك الى انت فيه الدوحة

وجواز السفر وصورة عنه والبطاقة الشخصية وصورة عنها بعدبن يحتاج الامر موافقة من البنك الى فتحت عنده

حساب من يومين الى ثلاث حتى يوافق على فتح للعميل لديه ,واني انصح الذهاب من الان وفتح حساب

حتى تلحق على اللاكتتاب في دانة غاز وبعدين تفتح لك حساب مستثمر جديد في بورصة ابوظبي فرع

الشارقة في برج النور.وسلامتكم وبالتوفيق للجميع ولكن امر غفل عنه الكثير ماهو ماشروعية للاكتتاب

في هذه الشركة هل يجوز ام لا لاننا نعلم البنك المحصل لاموال هذه الشركة هو البنك البريطاني وتعلمو

ان البنك البريطاني بنك يتعامل بالربا ؟؟؟.

[Al@kuwari]

اخوي المترجم ...ممكن بعض الملااحظات...

اخوي مافي داعي كشف حساب ومن قال لك ثلااث ايام ومن قالك موافقه....؟؟؟؟

اخوي احنا متصلين البنك البريطاني الي في دبي وقال لنا تعالو وجيبو معاكم صوره من الجواز وصوره من البطاقه الشخصيه والمبلغ للاكتتاب وكان الله غفورا رحيما....

هذا الكلاام انا متاكد منه مليون بلميه...وبعدين انت بتفتح حساب توفير مهب جاري...وبخصوص رقم المساهم اطلع لك رقم يوم بتبيع مب لاازم الحين....

واسمح لي اخوي على التعقيب....:)

[غاوي مشاكل]

على حسب علمي ... غير مسموح بفتح حساب جديد في البنك البريطاني بغرض الأكتتاب...!!!

انا شخصيا غير مقتنع بشركة عليها مشاكل وفوق هذا ان بعض المؤسسين بدأوا بالبيع من تحت الطاولة...

[الوهم]

اخــوي قطري الرجال يتكلم عن البنك البريطاني فرع الدوحه .. مب الامارات للتوضيح فقط

[الموج]

على حسب علمي ... غير مسموح بفتح حساب جديد في البنك البريطاني بغرض الأكتتاب...!!!
انا شخصيا غير مقتنع بشركة عليها مشاكل وفوق هذا ان بعض المؤسسين بدأوا بالبيع من تحت الطاولة...
السلام عليكم
هل أنت نتأكد من هذا الشئ اخوي؟
أنا ملاحظ حاجة غريبة ومثيرة للشك وهي أني كل يوم ادخل على صحف الإمارات واقراءها ولم أجد فيها خبر عن هذة الشركة ولا عن الاكتتاب فيها

[بويعقـــه]

الله يعطيكم العافية ،،

بالنسبة للاكتتاب في دانة غاز ، اتصلت في بنك الامارات وقالو انه مب لازم نفتح حساب -بالنسبة للاكتتاب- لكن لابد من احضار جواز السفر والبطاقة الشخصية-لاتنسى ان تنسخ منهما احتياطاً- واذا تبي تكتتب حق احد من هلك فما في داعي لتوكيل وتصديقه من المحكمة والسفارة بس أهم شي انك تحضر جواز الموكل وبطاقته الشخصية -لاتنسى النسخ- ، والاهم انك تاخذ شيك مصدق باسم دانة غاز حق كل مكتتب ، يعني نفترض اذا بكتتب باسم اخوي واختي لازم آخذ شيكين -حق كل مكتتب شيك مصدق باسمه هو-

هذا بس المطلوب ،، ونصيحة اذا أحد بيكتتب باسم الوالدة -الله يخليها له- لاينسى شهادة الميلاد احتياطاً للاثبات فقط،،

وفي اعتقادي ان مبلغ 5000 ريال مب عالي خاصة اذا نسينا السهم لفترة طويلة ،، وفيما يتعلق بالحظر الدولي على ايران فهذا من زمااااااان وليس بالشيء الجديد،،

الاكتتاب لايكون الا في الامارات فقط -على حد قول الموظفة-

وان شالله اكون قد وضحت لكم بعض الاشيا وبالتوفيق ،،

[الرابح]

الله يعطيكم العافية ،،

بالنسبة للاكتتاب في دانة غاز ، اتصلت في بنك الامارات وقالو انه مب لازم نفتح حساب -بالنسبة للاكتتاب- لكن لابد من احضار جواز السفر والبطاقة الشخصية-لاتنسى ان تنسخ منهما احتياطاً- واذا تبي تكتتب حق احد من هلك فما في داعي لتوكيل وتصديقه من المحكمة والسفارة بس أهم شي انك تحضر جواز الموكل وبطاقته الشخصية -لاتنسى النسخ- ، والاهم انك تاخذ شيك مصدق باسم دانة غاز حق كل مكتتب ، يعني نفترض اذا بكتتب باسم اخوي واختي لازم آخذ شيكين -حق كل مكتتب شيك مصدق باسمه هو-

هذا بس المطلوب ،، ونصيحة اذا أحد بيكتتب باسم الوالدة -الله يخليها له- لاينسى شهادة الميلاد احتياطاً للاثبات فقط،،

وفي اعتقادي ان مبلغ 5000 ريال مب عالي خاصة اذا نسينا السهم لفترة طويلة ،، وفيما يتعلق بالحظر الدولي على ايران فهذا من زمااااااان وليس بالشيء الجديد،،

الاكتتاب لايكون الا في الامارات فقط -على حد قول الموظفة-

وان شالله اكون قد وضحت لكم بعض الاشيا وبالتوفيق ،،

كلامك مظبووووط 100% وهذا اللي كنت بكتبه

تحياتي لك