تسجيل الدخول

مشاهدة النسخة كاملة : قرنقعوه قرقاعوه ولا اتمصخونها يا عالم يا هو


الزاجل
24-09-2007, 08:28 AM
http://www.qatarpictures.com/qatargallery/up3/files/1/12211.jpg


بعد يومين راح يحتفلون اطفال قطر بمناسبة القرنقعوه
بغض النظر عن الحكم الشرعي في الاحتفال هذا ..

الا ان غالبية الناس يعتبرونه عادة شعبية لابد من الاستمرار عليها ..


شوفوا البنت الحلوة وشوفة الجفير اللي معاها
هكذا كان الاحتفال بالقرنقعوه .
شوية مكسرات تندحب بكف اليد وفي اكياس الخيش
او اكياس ثانية يحملها الاطفال ..

لكن

للأسف الشديد تحولت مناسبة القرنقعوه الى مناسبة
للتباهي والفشخرة والمصخرة crazy

فصاروا الحريم والبنات .............> وما ادراكم ما الحريم والبنات وحبهم للاسراف

يتباهون ويتنافسون في كيفية الاحتفال بهذا اليوم

فتستغل محلات الحلاويات الفرصة
وتعمل على جذبهم وعرض اشكال وانواع عديدة
من الدمى او المجسمات التراثية علق بها
بعض الشوكولا :looking: الكافي المستورد
مع كم حبات من بيض الصعو ..

موزعين على استاند متعوب عليه
وتباع باسعار مبالغ فيها ..

والغريب في الأمر ان هالأشياء تختفي على طووول
وما تبقى كلش .. فلو بحثت عن السبب ستجد المرأة هي السبب ..

فالطفل اول ما يرد من دوارته ( هذا اذا دار )
تبدأ العيون تراقب ما حصل عليه من بيت

سبجو ام العيون الكبيرة
او زعفورة ام الزعانف
او من بيت مرزوق الاشول

وياليت الموضوع يكون متعلق بدوارة البيوت وبس ..

الا ان
صار لازم كل طفل يحصل له على الاشكال هذه حتى وان كان في بييته

فسوسن المديرة اتطرش حق عيال اخوانها وخواتها واللي يعزون عليها
فردا فردا ورأسا رأسا من هالاشكال لأنها حابة اتفرحهم ..

اما ام البسايل زينة الحسن والدلال الأنسة الموظفة شخبوطة
ما اتحب المناسبة اتمر من غير ما توزع بصمتها فيها
فتستغل فلوسها في منافسة سوسن وغير سوسن ..

والأمهات وعلية عليهم
يطيرون يشترون حق عيالهم علشان يوزعونها على ربعهم في المدرسة
لان ما يصير ولدهم يكون غير عن عيال الناس ..

فلو ردينا اشوي ورا خلونا نقول رمضان العام السابق

من من الأطفال احتفظ بمثل هذه المجسمات ؟

شنهو مصير كل الاشياء من مكسرات وغيره ؟

هل الهدف من القرنقعوه اسعاد الطفل ؟
ام تعويده على الاخذ دون حساب ومن ثم مساعدته على الاهمال
وعدم تقدير النعمة والاكتفاء ؟:con2:
لوردغاليري
24-09-2007, 08:41 AM
موضوع حلو
بس لاتنسى انا الدنيا تمشي واحنا نمشي معاها
خشوف
24-09-2007, 08:54 AM
عن حالي اشوف القرقاعوه عاده شعبيه هدفها سعادة وبهجة الطفل مدري ليش سمهو بدعه !! هم يحتفلون به عشان يستانسون الاطفال ماقاوا ان مكتوبه بالقران او ذكرها الرسول عليه الصلاة والسلام مجرد عاده ياناس خل الاطفال يستانسون
الخيميائي
24-09-2007, 10:55 AM
برجع لك بعد شوي يالزاجل

بس عندي سؤال

سوسن مرتبطة :p
خاربه خاربه
24-09-2007, 10:57 AM
شفت بدله للقرنقاعوه crazycrazycrazy

بـــ 1500 ليش ولماذا وكيف crazy:court::anger2::anger1:
السديم
24-09-2007, 11:30 AM
برجع لك بعد شوي يالزاجل

بس عندي سؤال

سوسن مرتبطة :p



crazycrazycrazy

:dance:dance
الخيميائي
24-09-2007, 11:44 AM
رجعنا نتكلم في الجد

يالزاجل ياخوي بصراحة كل الي قاعد يصير هو تطوير للتراث علشان التراث يقدر يجاري التطور الحاصل في المجتمع

يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p

اليهال هاليوم مايبون مكسرات وسبال وجوز ومدري شنو

اليهال تحسنت حالتهم عن زمان

ممكن تعطيهم باتشي والا لاريسا والا حتى قطعة جاتوه ولا تسئلني اشلون بيحطونها في الخرايط الحين الله يسلمك في خريطة مصنوعة من التيتانيوم والبلاتنيوم وفيها فصوص الماس :p وفيها جيوب سرية حق هالاكلات :p

وبعدين حتى الملابس ما اذكر كنا نلبس جديد ونمشط شعورنا ونزين القذلة لانه كانت هالتكنولوجيا غايبة عنا

بس يهال اليوم ياخوي عندهم سشوار وجوال وخادمة ودريول

ولازم يتكشخون علشان لما تشوفهم ام فلان وعلان تعرف انه عند امهم وابوهم خير :p

وكذلك لا ننسى الاحتفالات الى لمت اليهال من التشرد في الشوارع من بيت الى بيت علشان يدورن قرنقاعوة رخيصة من سوق واقف فكل مدرسة بقطر عندها احتقال والدفاع المدني عنده احتفال ومجلس الاسرة عنده احتفال ومستشفى حمد عنده احتفال بكل فروعه والهلال الاحمر عنده احتفال وفي كل مكان وهيئة بتحصل احتفال :)

يعني حتى الدوارة وزيارة الجيران ماقامت تصير مثل الاول :)

عموما مابي اطيل لاني احس القرنقعاون فقدت رونقها الى كانت تتميز فيه قديما

بس زين على الاقل مايغيرون اسمها وتصير GARANGO DAY :p
الخيميائي
24-09-2007, 11:45 AM
crazycrazycrazy

:dance:dance

:looking::looking:


omenomenomen
السديم
24-09-2007, 12:13 PM
رجعنا نتكلم في الجد

يالزاجل ياخوي بصراحة كل الي قاعد يصير هو تطوير للتراث علشان التراث يقدر يجاري التطور الحاصل في المجتمع

يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p

اليهال هاليوم مايبون مكسرات وسبال وجوز ومدري شنو

اليهال تحسنت حالتهم عن زمان

ممكن تعطيهم باتشي والا لاريسا والا حتى قطعة جاتوه ولا تسئلني اشلون بيحطونها في الخرايط الحين الله يسلمك في خريطة مصنوعة من التيتانيوم والبلاتنيوم وفيها فصوص الماس :p وفيها جيوب سرية حق هالاكلات :p

وبعدين حتى الملابس ما اذكر كنا نلبس جديد ونمشط شعورنا ونزين القذلة لانه كانت هالتكنولوجيا غايبة عنا

بس يهال اليوم ياخوي عندهم سشوار وجوال وخادمة ودريول

ولازم يتكشخون علشان لما تشوفهم ام فلان وعلان تعرف انه عند امهم وابوهم خير :p

وكذلك لا ننسى الاحتفالات الى لمت اليهال من التشرد في الشوارع من بيت الى بيت علشان يدورن قرنقاعوة رخيصة من سوق واقف فكل مدرسة بقطر عندها احتقال والدفاع المدني عنده احتفال ومجلس الاسرة عنده احتفال ومستشفى حمد عنده احتفال بكل فروعه والهلال الاحمر عنده احتفال وفي كل مكان وهيئة بتحصل احتفال :)

يعني حتى الدوارة وزيارة الجيران ماقامت تصير مثل الاول :)

عموما مابي اطيل لاني احس القرنقعاون فقدت رونقها الى كانت تتميز فيه قديما

بس زين على الاقل مايغيرون اسمها وتصير GARANGO DAY :p


:looking::looking::looking:crazycrazycrazy
مذهلــة
24-09-2007, 12:18 PM
رجعنا نتكلم في الجد

يالزاجل ياخوي بصراحة كل الي قاعد يصير هو تطوير للتراث علشان التراث يقدر يجاري التطور الحاصل في المجتمع

يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p

اليهال هاليوم مايبون مكسرات وسبال وجوز ومدري شنو

اليهال تحسنت حالتهم عن زمان

ممكن تعطيهم باتشي والا لاريسا والا حتى قطعة جاتوه ولا تسئلني اشلون بيحطونها في الخرايط الحين الله يسلمك في خريطة مصنوعة من التيتانيوم والبلاتنيوم وفيها فصوص الماس :p وفيها جيوب سرية حق هالاكلات :p

وبعدين حتى الملابس ما اذكر كنا نلبس جديد ونمشط شعورنا ونزين القذلة لانه كانت هالتكنولوجيا غايبة عنا

بس يهال اليوم ياخوي عندهم سشوار وجوال وخادمة ودريول

ولازم يتكشخون علشان لما تشوفهم ام فلان وعلان تعرف انه عند امهم وابوهم خير :p

وكذلك لا ننسى الاحتفالات الى لمت اليهال من التشرد في الشوارع من بيت الى بيت علشان يدورن قرنقاعوة رخيصة من سوق واقف فكل مدرسة بقطر عندها احتقال والدفاع المدني عنده احتفال ومجلس الاسرة عنده احتفال ومستشفى حمد عنده احتفال بكل فروعه والهلال الاحمر عنده احتفال وفي كل مكان وهيئة بتحصل احتفال :)

يعني حتى الدوارة وزيارة الجيران ماقامت تصير مثل الاول :)

عموما مابي اطيل لاني احس القرنقعاون فقدت رونقها الى كانت تتميز فيه قديما

بس زين على الاقل مايغيرون اسمها وتصير GARANGO DAY :p



هههههههههههه
ورقــة أمــل
24-09-2007, 12:27 PM
قرنقعوه قرقاعوه عطونا الله يعطيكم :shy:
ضوى
24-09-2007, 12:38 PM
شخصياً

القرنقعوة عادة شعبية جميلة جدا ، وانا احبها ومتمسكة فيها لاخر رمق ولكن بالشكل القديم والشكل الجديد والستايل المتطور ما احبه ، للحين اجيب المكسرات من سوق واقف واحطها بالجفير واوزع بايدي هذا هو اللي اعرفه واحبه
السديم
24-09-2007, 12:45 PM
شخصياً

القرنقعوة عادة شعبية جميلة جدا ، وانا احبها ومتمسكة فيها لاخر رمق ولكن بالشكل القديم والشكل الجديد والستايل المتطور ما احبه ، للحين اجيب المكسرات من سوق واقف واحطها بالجفير واوزع بايدي هذا هو اللي اعرفه واحبه


:app::app::app::app:
خاربه خاربه
24-09-2007, 02:01 PM
شخصياً

القرنقعوة عادة شعبية جميلة جدا ، وانا احبها ومتمسكة فيها لاخر رمق ولكن بالشكل القديم والشكل الجديد والستايل المتطور ما احبه ، للحين اجيب المكسرات من سوق واقف واحطها بالجفير واوزع بايدي هذا هو اللي اعرفه واحبه


نفسنا بس اسوي تغاليف لعيال بيتنا وكبار شخصياتنا من العايله يعني

وللحين ماخذت لي ثياب القرنقعوه:eek3:crazy
الزاجل
24-09-2007, 02:04 PM
موضوع حلو
بس لاتنسى انا الدنيا تمشي واحنا نمشي معاها

ما اختلفنا الدنيا تمشي من يومها وهي تمشي ..
بس
اللي حابين انوصله شوف رد خروبة



شفت بدله للقرنقاعوه crazycrazycrazy

بـــ 1500 ليش ولماذا وكيف crazy:court::anger2::anger1:

هذا اللي نبي انحط له حد
هي مناسبة حلوة ومقبولة وكله في السليم
لكن ليش الفشخرة الزايدة والزبو اللي ما يتعلم منه الطفل غير
عدم تقدير النعمة واللعب فيها في اشوية لحظات بس ..

محلات التصوير تستغل الموضوع لطبع الصور على الاكياس
اكياس خاصة باسعار خرافية ..

فهل المناسبة هذه تستحق بالفعل كل هالصرف ؟

وهل الطفل يعي شنهو يعني اشوية مكسرات محطوطة في مجسم
قيمته اغلى من المكسرات نفسها ؟



عن حالي اشوف القرقاعوه عاده شعبيه هدفها سعادة وبهجة الطفل مدري ليش سمهو بدعه !! هم يحتفلون به عشان يستانسون الاطفال ماقاوا ان مكتوبه بالقران او ذكرها الرسول عليه الصلاة والسلام مجرد عاده ياناس خل الاطفال يستانسون

خشوف .....> شنهو يعني خشوف ؟
هل تقصدين خسوف واسنانج طايحة فتنطقينها خشوف :D ...> نتغشمر
احنا ما نتكلم عن احقية يوم القرنقعوه
احنا نقول ليش المبالغة في الاحتفال هذا بحيث ا
تحول الى احتفال بالتفاخر والزبو بالاشياء اللي توزع
اكثر مما هو مناسبة شعبية تقليدية ..


برجع لك بعد شوي يالزاجل

بس عندي سؤال

سوسن مرتبطة :p

انت شوف ردة فعل السديم وبتحصل جواب على سؤالك :D


crazycrazycrazy

:dance:dance
الزاجل
24-09-2007, 02:05 PM
نفسنا بس اسوي تغاليف لعيال بيتنا وكبار شخصياتنا من العايله يعني

وللحين ماخذت لي ثياب القرنقعوه:eek3:crazy

اشلون يعني اسوي تغاليف لكبار شخصياتنا من العايلة ؟:looking:
AL_MUTAEM
24-09-2007, 02:09 PM
للحين هالعاده ما اندثرت ..
السديم
24-09-2007, 02:16 PM
للحين هالعاده ما اندثرت ..



:con2::con2::con2: انت وين عايش :D

الزاجل لاحظ ردودي كلها المختصر المفيد عشان لاتقول عني هذاره :dance:dance
خاربه خاربه
24-09-2007, 02:22 PM
اشلون يعني اسوي تغاليف لكبار شخصياتنا من العايلة ؟:looking:



الكبار اللي في العايله يعني :D

تبي تغليف انت مو اقل من كبار الشخصيات:D:strong:dance
خاربه خاربه
24-09-2007, 02:27 PM
صج والله ليش الغلا والمشكله التجار يعرفون ان الأهالي مايقصرون على عيالهم

والكل لفرحة عياله بيشتري الغالي والرخيص والمشكله الغالي حلو ومو كله بعد واكثر اليهال يعجبهم العادي بس بعض الأمهات يصرون على الغالي للفشخره والزبو نفس
ما قلت يا زج زج نا الرائع ولقيت تغاليف لكبار العايله العلبه بـ 60 ريال فيها ملقط ومهفه ومادري شنو المهم 3 قطع من النحاس ومزينه بالكريستال ليش عاد :court:crazycrazy

والمشكله ترا اللي مسويتهم وحده من قطر وشغل خاص للمناسبه :anger2:
سلامي للكل
24-09-2007, 02:30 PM
رجعنا نتكلم في الجد

يالزاجل ياخوي بصراحة كل الي قاعد يصير هو تطوير للتراث علشان التراث يقدر يجاري التطور الحاصل في المجتمع

يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p

اليهال هاليوم مايبون مكسرات وسبال وجوز ومدري شنو

اليهال تحسنت حالتهم عن زمان

ممكن تعطيهم باتشي والا لاريسا والا حتى قطعة جاتوه ولا تسئلني اشلون بيحطونها في الخرايط الحين الله يسلمك في خريطة مصنوعة من التيتانيوم والبلاتنيوم وفيها فصوص الماس :p وفيها جيوب سرية حق هالاكلات :p

وبعدين حتى الملابس ما اذكر كنا نلبس جديد ونمشط شعورنا ونزين القذلة لانه كانت هالتكنولوجيا غايبة عنا

بس يهال اليوم ياخوي عندهم سشوار وجوال وخادمة ودريول

ولازم يتكشخون علشان لما تشوفهم ام فلان وعلان تعرف انه عند امهم وابوهم خير :p

وكذلك لا ننسى الاحتفالات الى لمت اليهال من التشرد في الشوارع من بيت الى بيت علشان يدورن قرنقاعوة رخيصة من سوق واقف فكل مدرسة بقطر عندها احتقال والدفاع المدني عنده احتفال ومجلس الاسرة عنده احتفال ومستشفى حمد عنده احتفال بكل فروعه والهلال الاحمر عنده احتفال وفي كل مكان وهيئة بتحصل احتفال :)

يعني حتى الدوارة وزيارة الجيران ماقامت تصير مثل الاول :)

عموما مابي اطيل لاني احس القرنقعاون فقدت رونقها الى كانت تتميز فيه قديما

بس زين على الاقل مايغيرون اسمها وتصير GARANGO DAY :p


:nice::nice::nice::nice::nice::nice::nice::nice::n ice:
PoBox
24-09-2007, 02:50 PM
مجاراة التطور اعتقد مطلوبة نوعا ما
يعني البيت اللي هالايام يوزع مكسرات
جميع أطفال الفريج يحطونه عليه بالبنط العريض حرف X بالكبير
وكل من يبي يقرب
يقولونله من باب حب لاخيك ماتحب لنفسك ،،، لاتروح
ترا بس مكسرات :looking: :funny:


فعلا الشي لازاد عن حده انقلب ضده
مشكلة المجتمع متعود
يشتري سيارة ويزابي فيها
ويشتري قلم ويزابي فيه
ويشتري بيت ويزابي فيه
وتلفون ويزابي فيه

لازم هالعادة الجميلة الراااااائعة (( الزبو ))
تنتقل أيضا لأكياس ومستلزمات الكرنقعوه

اعتقد الخلل في فيروس الزبو
اللي صايد المجتمع القطري


crazycrazy
PoBox
24-09-2007, 02:52 PM
يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p
:p


لا ياشييييييييييخ :o:o:D
" روح قطر "
24-09-2007, 02:55 PM
فعلا أخوى

أفتقدنا القرقعان وأيامة

بس لاتنسي بارك الله فيك لكل زمان حدث

ويوم كنا يهال كان العيد والقرقعان شي خيالي وأحتفال لة طعمه الخاص

وكنا نستمتع بتحويشة القرنقعوة ذاك الوقت

أما الحين تغير الوقت وتغيرت حتي العادات والتقاليد

أحنا كنا نجتمع في النافلة ونسويها ونزور أهلنا وحبايبنا ونهنيهم فيها

سارلنا كم سنة النافلة تجي وتروح محد درى فيها


كنا قبل رمضان نجتمع عند مساحة الخبز ونتعاون على مسح الخبز الرقاق

ونبدع في الخبز ونوزع على الفريج المقسوم ونتبادل الخبز الرقاق وكل وحدة تذوق الثانية خبزها

وسار لنا كم سنة ....نجيب هندى من برى ويخبز لنا ولا نشترية من المصانع


أخوى العادات اللي كنا نمارسها ونفرح فيها ......راحت مع أهلها

الحين حتي التهنيئة بالشهر سارت بمسج .....الأخو مايشوف أخوة الا ثالث أو رابع يوم من الشهر

والله أنك خليتني أحزن على ذيك الأيام وذكراها الجميل

بس زين منهم هالأجيال تتذكر أن فية قرنقعوة وزيارات

والله سرنا نفتقد أشياء كثيرة .......حتي زيارات الأهل في رمضان أنقطعت مو مثل قبل

كنا كل ليلة الغبقة في بيت لدرجة أن الغبقة تمر علينا في بيتنا مرة وحدة طول الشهر من كثر الزيارات العائلية

الحين للأسف ...........كل شي بداء ينقرض

والناس شانت أنفسها وكل واحد يقول أنا ما اروح لبيت فلان الا بدعوة خاصة

والسوالف كثيرة لا تخليني أتضايق أكثر يكفي اللي فضفضتة والي في خاطرى قلتة

اى على ذيك الأيام ومتعتها صج أيام ولا أروع منها

المهم تمسكو بالعادات والتقاليد الطيبة وعلموها عيالكم

والله المستعان في كل شي
خاربه خاربه
24-09-2007, 02:55 PM
مجاراة التطور اعتقد مطلوبة نوعا ما
يعني البيت اللي هالايام يوزع مكسرات
جميع أطفال الفريج يحطونه عليه بالبنط العريض حرف X بالكبير
وكل من يبي يقرب
يقولونله من باب حب لاخيك ماتحب لنفسك ،،، لاتروح
ترا بس مكسرات :looking: :funny:


فعلا الشي لازاد عن حده انقلب ضده
مشكلة المجتمع متعود
يشتري سيارة ويزابي فيها
ويشتري قلم ويزابي فيه
ويشتري بيت ويزابي فيه
وتلفون ويزابي فيه

لازم هالعادة الجميلة الراااااائعة (( الزبو ))
تنتقل أيضا لأكياس ومستلزمات الكرنقعوه

اعتقد الخلل في فيروس الزبو
اللي صايد المجتمع القطري


crazycrazy

:strong:dance:strong:dance



اي والله جبتها صوووووووووووح

كل وحده تبي تتفشخر وبس

والمهم انا للحين ماشريت لي ثياب القرنقعوه:eek3:
خاربه خاربه
24-09-2007, 03:02 PM
فعلا أخوى

أفتقدنا القرقعان وأيامة

بس لاتنسي بارك الله فيك لكل زمان حدث

ويوم كنا يهال كان العيد والقرقعان شي خيالي وأحتفال لة طعمه الخاص

وكنا نستمتع بتحويشة القرنقعوة ذاك الوقت

عمري ماقرقعت ليش ماعرف بس في البيت:eek3:

أما الحين تغير الوقت وتغيرت حتي العادات والتقاليد

أحنا كنا نجتمع في النافلة ونسويها ونزور أهلنا وحبايبنا ونهنيهم فيها

سارلنا كم سنة النافلة تجي وتروح محد درى فيها


كنا قبل رمضان نجتمع عند مساحة الخبز ونتعاون على مسح الخبز الرقاق

الله صج شي حلو ليش الحين مايسون جي

ونبدع في الخبز ونوزع على الفريج المقسوم ونتبادل الخبز الرقاق وكل وحدة تذوق الثانية خبزها

وسار لنا كم سنة ....نجيب هندى من برى ويخبز لنا ولا نشترية من المصانع


أخوى العادات اللي كنا نمارسها ونفرح فيها ......راحت مع أهلها

الحين حتي التهنيئة بالشهر سارت بمسج .....الأخو مايشوف أخوة الا ثالث أو رابع يوم من الشهر

والله أنك خليتني أحزن على ذيك الأيام وذكراها الجميل

بس زين منهم هالأجيال تتذكر أن فية قرنقعوة وزيارات

والله سرنا نفتقد أشياء كثيرة .......حتي زيارات الأهل في رمضان أنقطعت مو مثل قبل

كنا كل ليلة الغبقة في بيت لدرجة أن الغبقة تمر علينا في بيتنا مرة وحدة طول الشهر من كثر الزيارات العائلية

الحين في بس كله بوفيه بوفيه قبقه :court::anger2:
الحين للأسف ...........كل شي بداء ينقرض

والناس شانت أنفسها وكل واحد يقول أنا ما اروح لبيت فلان الا بدعوة خاصة

:confused::court::anger2:

والسوالف كثيرة لا تخليني أتضايق أكثر يكفي اللي فضفضتة والي في خاطرى قلتة

اى على ذيك الأيام ومتعتها صج أيام ولا أروع منها

المهم تمسكو بالعادات والتقاليد الطيبة وعلموها عيالكم

والله المستعان في كل شي


الله المستعان ياريت نعيش الأيام اللي انتي تقولين عنها

:eek3::shy::eek3:
jajassim
24-09-2007, 03:15 PM
طرح رائع
الوهج
24-09-2007, 03:24 PM
http://www.qatarshares.com/vb/showthread.php?t=135695
الزاجل
24-09-2007, 03:29 PM
http://www.qatarshares.com/vb/showthread.php?t=135695

اخونا الكريم ..

كل بدعة في امر متصل بالعبادة فهي ضلالة ..

والقرقعان احتفال شعبي ماله خص بعبادة ..

فإذا بنقيس كل شي على انه بدعة لأن ما كان موجود في زمن رسولنا
الكريم عليه افضل الصلاة والتسليم راح نكشتف كل شي احنا انسويه بدعة
من دخولنا المدارس لأن ما كان في شي اسمه مدارس
الى استخدامنا للكمبيوتر ..

مع احترامنا وتقديرنا الكبير للفتوى ..
الزاجل
24-09-2007, 03:30 PM
طرح رائع

:o
وين تقعيبك؟ :o

:strong:dance:strong:dance



اي والله جبتها صوووووووووووح

كل وحده تبي تتفشخر وبس

والمهم انا للحين ماشريت لي ثياب القرنقعوه:eek3:


اشتري لج الملابس ؟ :o
الوهج
24-09-2007, 03:37 PM
اخونا الكريم ..

كل بدعة في امر متصل بالعبادة فهي ضلالة ..

والقرقعان احتفال شعبي ماله خص بعبادة ..

فإذا بنقيس كل شي على انه بدعة لأن ما كان موجود في زمن رسولنا
الكريم عليه افضل الصلاة والتسليم راح نكشتف كل شي احنا انسويه بدعة
من دخولنا المدارس لأن ما كان في شي اسمه مدارس
الى استخدامنا للكمبيوتر ..

مع احترامنا وتقديرنا الكبير للفتوى ..


يعني اكذب العلماء المتعلمين واللي افنو حياتهم في الدراسه
واصدقك انت
يليت ماتخوض وتجادل في امور انت تجهلها

الفتوى لكبار هيئة العلماء
مش من عندي
الزاجل
24-09-2007, 03:44 PM
مجاراة التطور اعتقد مطلوبة نوعا ما
يعني البيت اللي هالايام يوزع مكسرات
جميع أطفال الفريج يحطونه عليه بالبنط العريض حرف X بالكبير
وكل من يبي يقرب
يقولونله من باب حب لاخيك ماتحب لنفسك ،،، لاتروح
ترا بس مكسرات :looking: :funny:


فعلا الشي لازاد عن حده انقلب ضده
مشكلة المجتمع متعود
يشتري سيارة ويزابي فيها
ويشتري قلم ويزابي فيه
ويشتري بيت ويزابي فيه
وتلفون ويزابي فيه

لازم هالعادة الجميلة الراااااائعة (( الزبو ))
تنتقل أيضا لأكياس ومستلزمات الكرنقعوه

اعتقد الخلل في فيروس الزبو
اللي صايد المجتمع القطري


crazycrazy

بو البكاسينج

تراها كلها مكسرات بس زايدين عليها بيض الصعو بس

يعني ما في شي مميز في التوزيعات غير المجسمات اللي
تنخذ منها المكسرات وتنحذف برع او تهمل ..
مشكلة الزبو والتنافس هو اللي يخلي الناس
تذبح عمرها علشان تطلع في احسن صورة .

ومشكلة الزبو مب متعلقة بشكل عام بمجتمعنا
لاحظ المجتمع الهوليوودي :D مجتمع يركز على الزبو
ويشجع على الزبو وبل يطالب بالزبو ....> اشدخلنا في المجتمع الهوليوودي؟:con2:

اها زين سألت :rolleyes:
لأنه مجتمع قايم على باطل فما قام على باطل فهو باطل
واحنا مسلمين المفروض نقوم على حق مب باطل
واللي يحصل من زبو فهو باطل يرفضه الشرع الاسلامي والعرف المنطقي ..
الزاجل
24-09-2007, 03:46 PM
يعني اكذب العلماء المتعلمين واللي افنو حياتهم في الدراسه
واصدقك انت
يليت ماتخوض وتجادل في امور انت تجهلها

الفتوى لكبار هيئة العلماء
مش من عندي

يا اخي محد قال لك كذبهم
ولا حد قال انها من عندك ..

من الأساس احنا نسأل ونقول
القرقيعان عبادة ام عادة ؟

وياليت علشان ما يكثر الجدال بينا وبينك
انسكر على الموضوع ..

لأن كلامنا جدال بينما كلامكم دستور نازل من السما ..
الزاجل
24-09-2007, 03:48 PM
فعلا أخوى

أفتقدنا القرقعان وأيامة

بس لاتنسي بارك الله فيك لكل زمان حدث

ويوم كنا يهال كان العيد والقرقعان شي خيالي وأحتفال لة طعمه الخاص

وكنا نستمتع بتحويشة القرنقعوة ذاك الوقت

أما الحين تغير الوقت وتغيرت حتي العادات والتقاليد

أحنا كنا نجتمع في النافلة ونسويها ونزور أهلنا وحبايبنا ونهنيهم فيها

سارلنا كم سنة النافلة تجي وتروح محد درى فيها


كنا قبل رمضان نجتمع عند مساحة الخبز ونتعاون على مسح الخبز الرقاق

ونبدع في الخبز ونوزع على الفريج المقسوم ونتبادل الخبز الرقاق وكل وحدة تذوق الثانية خبزها

وسار لنا كم سنة ....نجيب هندى من برى ويخبز لنا ولا نشترية من المصانع


أخوى العادات اللي كنا نمارسها ونفرح فيها ......راحت مع أهلها

الحين حتي التهنيئة بالشهر سارت بمسج .....الأخو مايشوف أخوة الا ثالث أو رابع يوم من الشهر

والله أنك خليتني أحزن على ذيك الأيام وذكراها الجميل

بس زين منهم هالأجيال تتذكر أن فية قرنقعوة وزيارات

والله سرنا نفتقد أشياء كثيرة .......حتي زيارات الأهل في رمضان أنقطعت مو مثل قبل

كنا كل ليلة الغبقة في بيت لدرجة أن الغبقة تمر علينا في بيتنا مرة وحدة طول الشهر من كثر الزيارات العائلية

الحين للأسف ...........كل شي بداء ينقرض

والناس شانت أنفسها وكل واحد يقول أنا ما اروح لبيت فلان الا بدعوة خاصة

والسوالف كثيرة لا تخليني أتضايق أكثر يكفي اللي فضفضتة والي في خاطرى قلتة

اى على ذيك الأيام ومتعتها صج أيام ولا أروع منها

المهم تمسكو بالعادات والتقاليد الطيبة وعلموها عيالكم

والله المستعان في كل شي


والنعم بالله

بالفعل كل شي تغير .. وياليته يتغيير للأفضل ولكن للأسوء
حتى عاداتنا التراثية لما نبي انعلمها اعيالنا لازم انعلمهم بالطريقة الصحيحة
مب تعال احتفل وروح ومب مشكلة اذا ما تعلمت شي من هالاحتفال ..

احزني وخلينا نحزن على الأقل ممكن نشعر ان حزنا على شي يستحق :eek3:
jajassim
24-09-2007, 03:50 PM
:o
وين تقعيبك؟ :o



:o

بعد الافطار ،، الحين انا مقفل :shy:
الزاجل
24-09-2007, 03:55 PM
رجعنا نتكلم في الجد

يالزاجل ياخوي بصراحة كل الي قاعد يصير هو تطوير للتراث علشان التراث يقدر يجاري التطور الحاصل في المجتمع

يعني الى كان يونسك انت في السبعينات
وبوكسينج في الثمانينات
يختلف عن الى يونسني انا هالايام :p

اليهال هاليوم مايبون مكسرات وسبال وجوز ومدري شنو

اليهال تحسنت حالتهم عن زمان

ممكن تعطيهم باتشي والا لاريسا والا حتى قطعة جاتوه ولا تسئلني اشلون بيحطونها في الخرايط الحين الله يسلمك في خريطة مصنوعة من التيتانيوم والبلاتنيوم وفيها فصوص الماس :p وفيها جيوب سرية حق هالاكلات :p

وبعدين حتى الملابس ما اذكر كنا نلبس جديد ونمشط شعورنا ونزين القذلة لانه كانت هالتكنولوجيا غايبة عنا

بس يهال اليوم ياخوي عندهم سشوار وجوال وخادمة ودريول

ولازم يتكشخون علشان لما تشوفهم ام فلان وعلان تعرف انه عند امهم وابوهم خير :p

وكذلك لا ننسى الاحتفالات الى لمت اليهال من التشرد في الشوارع من بيت الى بيت علشان يدورن قرنقاعوة رخيصة من سوق واقف فكل مدرسة بقطر عندها احتقال والدفاع المدني عنده احتفال ومجلس الاسرة عنده احتفال ومستشفى حمد عنده احتفال بكل فروعه والهلال الاحمر عنده احتفال وفي كل مكان وهيئة بتحصل احتفال :)

يعني حتى الدوارة وزيارة الجيران ماقامت تصير مثل الاول :)

عموما مابي اطيل لاني احس القرنقعاون فقدت رونقها الى كانت تتميز فيه قديما

بس زين على الاقل مايغيرون اسمها وتصير GARANGO DAY :p


:)
مب بعيدة اتصير GARANGO DAY

لكن

مثل ما قلنا تراها كلها مكسرات مضاف اليها بيض الصعو
او اتحصل بيض الصعو من غير المسكرات .

لكن والكمنجة :o

في المجسمات اللي ترافق هالمكسرات

اهنيه لب الموضوع


اتحصل لك اشكال والوان باسعار خرافية
تصنع وتوزع على الأطفال احتفالا بالمناسبة
وفي الأخير يكون مصير هالمجسمات التكسر والتقطع
وما يستفيدون منها غير ان

ولد فلان عنده ابي مثله
وبنت فلان وزعت لازم اوزع ..

فهل شفنا ناس سووا ركن خاص للتراث ؟

يعني هل في ناس خصصوا زاوية خاصة يجمعون فيها
مثل هالاشياء التراثية ؟

هل علمنا عيالنا انهم يستفيدون من الاشياء اللي ينتهون
من استخدامها ..

والا الموضوع بكبره اشتر واحذف
والمصيبة يتناولها جميع الشرائح في المجتمع :anger2:

تراها تمصخت واااااااااااايد

وكل هالأمور مثل ما قال الزعيم الروحي بو البكاسينج
ناتج عن الزبو المنتشر في المجتمع
الزاجل
24-09-2007, 03:56 PM
بعد الافطار ،، الحين انا مقفل :shy:

:rolleyes:
على الله ما اتضييع المفتاح عقب الفطور :o

بننتظرك
خشوف
24-09-2007, 06:47 PM
الزاجل ماتعرف معنى اسمي سو بحث بجوجل

خلاص بريحك

(( خشوف ومفردها خشف )) وهي تعني الغزال الصغير صغير المها او الريم
relaax
24-09-2007, 07:00 PM
ابغي بيض الصعو :shy:
الخيميائي
24-09-2007, 07:02 PM
ابغي بيض الصعو :shy:

تعال بيتنا

بس لازم يكون عندك خريطة :p

بس مب خريطة الكنز :p
المهاجر
24-09-2007, 10:54 PM
http://www.qatarpictures.com/qatargallery/up3/files/1/12211.jpg


بعد يومين راح يحتفلون اطفال قطر بمناسبة القرنقعوه
بغض النظر عن الحكم الشرعي في الاحتفال هذا ..

الا ان غالبية الناس يعتبرونه عادة شعبية لابد من الاستمرار عليها ..


شوفوا البنت الحلوة وشوفة الجفير اللي معاها
هكذا كان الاحتفال بالقرنقعوه .
شوية مكسرات تندحب بكف اليد وفي اكياس الخيش
او اكياس ثانية يحملها الاطفال ..

لكن

للأسف الشديد تحولت مناسبة القرنقعوه الى مناسبة
للتباهي والفشخرة والمصخرة crazy

فصاروا الحريم والبنات .............> وما ادراكم ما الحريم والبنات وحبهم للاسراف

يتباهون ويتنافسون في كيفية الاحتفال بهذا اليوم

فتستغل محلات الحلاويات الفرصة
وتعمل على جذبهم وعرض اشكال وانواع عديدة
من الدمى او المجسمات التراثية علق بها
بعض الشوكولا :looking: الكافي المستورد
مع كم حبات من بيض الصعو ..

موزعين على استاند متعوب عليه
وتباع باسعار مبالغ فيها ..

والغريب في الأمر ان هالأشياء تختفي على طووول
وما تبقى كلش .. فلو بحثت عن السبب ستجد المرأة هي السبب ..

فالطفل اول ما يرد من دوارته ( هذا اذا دار )
تبدأ العيون تراقب ما حصل عليه من بيت

سبجو ام العيون الكبيرة
او زعفورة ام الزعانف
او من بيت مرزوق الاشول

وياليت الموضوع يكون متعلق بدوارة البيوت وبس ..

الا ان
صار لازم كل طفل يحصل له على الاشكال هذه حتى وان كان في بييته

فسوسن المديرة اتطرش حق عيال اخوانها وخواتها واللي يعزون عليها
فردا فردا ورأسا رأسا من هالاشكال لأنها حابة اتفرحهم ..

اما ام البسايل زينة الحسن والدلال الأنسة الموظفة شخبوطة
ما اتحب المناسبة اتمر من غير ما توزع بصمتها فيها
فتستغل فلوسها في منافسة سوسن وغير سوسن ..

والأمهات وعلية عليهم
يطيرون يشترون حق عيالهم علشان يوزعونها على ربعهم في المدرسة
لان ما يصير ولدهم يكون غير عن عيال الناس ..

فلو ردينا اشوي ورا خلونا نقول رمضان العام السابق

من من الأطفال احتفظ بمثل هذه المجسمات ؟

شنهو مصير كل الاشياء من مكسرات وغيره ؟

هل الهدف من القرنقعوه اسعاد الطفل ؟
ام تعويده على الاخذ دون حساب ومن ثم مساعدته على الاهمال
وعدم تقدير النعمة والاكتفاء ؟:con2:

يعطيك العافيه اخوي الزاجل على طرح موضوع مهم ومميز
والله وانا اخوك اللي يصير الحين ليس له علاقه بالطفل نهائيا وانما كل الهم هو الفشخره والزبو اللي ما له حدود
صدقني اخوي ان هم الحريم الحين هو شبيقولون عنها وعن القرقيعان مالها
من هي الاحسن ومن اللي يابت اشكال احلى واكشخ ووووووو.... الخ
علشان هي تفرح وتستاني؟؟؟!!!!!!!:deal:
والطفل يجي في نهايع القائمه عندهاcrazycrazy
خلها على الله بس
وفي النهايه الرجل هو اللي بياخذ على راسهcrazycrazy:funny::funny:

وووووووتحياتي
الزاجل
25-09-2007, 08:27 AM
الزاجل ماتعرف معنى اسمي سو بحث بجوجل

خلاص بريحك

(( خشوف ومفردها خشف )) وهي تعني الغزال الصغير صغير المها او الريم

احب اخذ المعلومات من مصادرها :p

شكرا لج ..

يعني انت بروحج صغيرات الريم :looking:


ابغي بيض الصعو :shy:

شوفه شيقول لك
V
V
V
V
v
v
v

تعال بيتنا

بس لازم يكون عندك خريطة :p

بس مب خريطة الكنز :p




يعطيك العافيه اخوي الزاجل على طرح موضوع مهم ومميز
والله وانا اخوك اللي يصير الحين ليس له علاقه بالطفل نهائيا وانما كل الهم هو الفشخره والزبو اللي ما له حدود
صدقني اخوي ان هم الحريم الحين هو شبيقولون عنها وعن القرقيعان مالها
من هي الاحسن ومن اللي يابت اشكال احلى واكشخ ووووووو.... الخ
علشان هي تفرح وتستاني؟؟؟!!!!!!!:deal:
والطفل يجي في نهايع القائمه عندهاcrazycrazy
خلها على الله بس
وفي النهايه الرجل هو اللي بياخذ على راسهcrazycrazy:funny::funny:

وووووووتحياتي

بالفعل
بدوا يبالغون كثييييييييييييييير كثييييييييييييييير كثيييييييييييير
أد البحر وسماكته crazy
الزاجل
25-09-2007, 11:46 AM
شخصياً

القرنقعوة عادة شعبية جميلة جدا ، وانا احبها ومتمسكة فيها لاخر رمق ولكن بالشكل القديم والشكل الجديد والستايل المتطور ما احبه ، للحين اجيب المكسرات من سوق واقف واحطها بالجفير واوزع بايدي هذا هو اللي اعرفه واحبه

هذا اللي نبيه يستمر
من غير غلو واضافات مالها معنى ..






:con2::con2::con2: انت وين عايش :D

الزاجل لاحظ ردودي كلها المختصر المفيد عشان لاتقول عني هذاره :dance:dance


ملاحظ اصلا وقلت
خير اللهم اجعله خير :looking:



الكبار اللي في العايله يعني :D

تبي تغليف انت مو اقل من كبار الشخصيات:D:strong:dance

لا ما بي تغليف
بس اشدخل كبار الشخصيات بيوم القنقعوه ؟ :con2: وذيه بعد crazy



صج والله ليش الغلا والمشكله التجار يعرفون ان الأهالي مايقصرون على عيالهم

والكل لفرحة عياله بيشتري الغالي والرخيص والمشكله الغالي حلو ومو كله بعد واكثر اليهال يعجبهم العادي بس بعض الأمهات يصرون على الغالي للفشخره والزبو نفس
ما قلت يا زج زج نا الرائع ولقيت تغاليف لكبار العايله العلبه بـ 60 ريال فيها ملقط ومهفه ومادري شنو المهم 3 قطع من النحاس ومزينه بالكريستال ليش عاد :court:crazycrazy

والمشكله ترا اللي مسويتهم وحده من قطر وشغل خاص للمناسبه :anger2:

اللي يساعدهم اللي يشتري منهم :p