المساعد الشخصي الرقمي

مشاهدة النسخة كاملة : أفيدوني عن بنك الدوحه والمجموعه


ريال سعودي
11-03-2005, 10:16 AM
السلام عليكم

أخوكم سعودي ويشرفني تواجدي معكم وأبي أسأل وأستفيد من خبرتكم يا أهل قطر الخير :d

عندنا التداول بالنت وأقدر ادخل خمس اوامر في دقيقه بس عندكم إذا بتدخل امر أكيد امك داعية لك

ان شاء الله التداول بالنت يدخل عندكم قريب وترتاحون من هم الوسائط


انا فتحت محفظه وبأستلم رقمها يوم الأحد وطبعا شركات الوسائط حالياً ما يستلمون كاش

بأضطر أفتح لي حساب في بنك الدوحه يوم الأحد

يا ترى اقدر اشتري في نفس اليوم ؟أو اللي بعده ؟ البنك بيعطوني دفتر شيكات وإلا بيعطوني شيك

مصرفي وهي الشيك اكتبه بأسمي وإلا بأسم المجموعه للأوراق الماليه إذا بأختارها كوسيط

وهل المجموعه هي الوحيده اللي تعطيك رساله Sms لتأكيد تنفيذ الأمر وإلا في شركات وسائط

أفضل تقنيه منها . ؟؟

يا ليت أحد يشرح لي الخطوات اللي بأتبعها وجزاكم الله خير :)
قطر
12-03-2005, 01:37 AM
اولا هلا بك بين اخوانك

وعقبال عندنا بالنسبه للانترنت

الشيك تكتبه باسم المجموعه

بس ليش ماتحط المبلغ في المجموعه بدل الدوحة؟

واعتقد اذا تقدر تسألهم ان كان تقدر ادخل المبلغ لحساب المجموعه دايركت من بنك الدوحة افضل؟؟
لان لو اقبلت المجموعه
بيكون بامكانك اخذ بنك كي وتحويل المبالغ من حسابك لحسابهم بدل الشيك

اول ماتدخل الفلوس بالمجموعه طبعا الشيك حاليا تقدر تشتري

المجموعه والاهلي اللي اعرف انهم يرسلوا اس ام اس

اما الباقي ماادري

بس اتوقع بنك الدوحة عنده خدمات الوساطه

:)

هلا بك
الوهم
12-03-2005, 02:50 AM
بالفعل اخووي بنك الدوحه عندهم خدمة الوساطه

واذا تبي شي بخصوص بنك الدوحه .. حـــاضرين
بوناصر-قطر
12-03-2005, 05:08 PM
الله يسمع منك بالنسبه للانترنت

وحياك الله في بلدك قطر
سوبرمان
15-03-2005, 01:23 AM
الله يعطيكم العافيه استفدنا من ردودكم يالقطريين

ماشاء الله عليكم يالقطريين أهل كرم في كل حاجه
الوهم
15-03-2005, 05:16 AM
حاضرين للطيبين
((faisal))
15-03-2005, 10:00 AM
السلام عليكم

اود افيدك وبيكون احسن لك للاتصال وسرعه الاجراءات ان تفتح حساب في المجموعة وتحط مبلغ من المال وتكون انت بصفه عامه على النت واي شراء وابيع تتصل للمجموعة ومايخذ من وقتك شي وهذي نظرية انا متبعهاااا في الاسهم وتخفف عليك حاجات كثير وبالتوفيق ان شاء الله للجميع
مع الف سلامه
al_hlali
15-03-2005, 05:06 PM
مسا الخير يا خوي الريال السعودي :d

بما ان المسأله عن شركات الوساطه
عندي استفسار بسيط
هل هناك شركه اقدر اتعامل من خلالها على حسابي اللي عندهم كأن اسحب من الرصيد او اودع فيه وانا في المملكه (بس عشان العنوه يعني:)
وهل مقدار العموله في البيع والشرا ثابت ام انها على حجم العمليه
ريال سعودي
16-03-2005, 06:43 PM
مشكورين اخواني على ردودكم

والحمد لله الله وفقني في زيارتي لقطر

بصرااااااحه الدوحه صاااااااارت غيرررررررر وان شاء الله نشوفها أحلى وأحلى

بس سهمي ماهو براااكد عشان اشتريه كل يوم لمت أب :(

----------------------

اخوي الهلالي
سؤالك الأول ماعندي جواب بس اتصل على الوسيط وتأكد

المجموعه للاوراق المالية 009744444444

أما الثاني فالعمولة 0.004

من مبلغ أمر الشراء وما يآخذون منك عمولة بيع
قناص قطر
16-03-2005, 06:49 PM
السلام عليكم

رقم المجموعه 4444444

لكن بخصوص البيع والشراء 4442288

وبالله التوفيق
ريال سعودي
16-03-2005, 07:19 PM
بخصوص البيع والشراء 4442288

اليوم من الساعه 9 إلى 12 وانا اتصل وما حولك أحد ؟؟؟؟

ما يردون إلا العصر
قناص قطر
16-03-2005, 11:00 PM
السلام عليكم

المفروض تضبطلك واحد هناك وتاخذ رقم جواله

واذا تضبط !!!!!!!!!!!!!!!!

هو بنفسه يتصل فيك ويعرض عليك خدماته للبيع او الشراء


يعني لازم تدهن السير عشان !!!!!!!!!!!!!!

تدري السيكل (( الدراجه )) اذا طاح الصنقل ( الجنزير ) مشكله ؟

خلك اوكي بيكونون معاك اوكي

وهذي السالفه كلها

لاتنطر المجموعه ولا بنك الدوحه

كلهم عصابات ؟! الله يبعدك عنهم

لان بصراحه اليوم

حدثت مشكله حق واحد من الربع

بعنا النقل عن طريق المجموعه وتم ارسال رساله (( الاسهم غير متوفرة ))

رجعنا للمجموعه وقال : الاسهم انت شاريها عن طريق وسيط اخر

وذهبنا للوسيط الاخر : طلع الاخ حاجز على الاسهم ولا يمكن بيعها الا عن طريقهم

مع العلم تم تحريرها من الدور الخامس يعني اي وسيط ممكن ايبيعها

وطلع الاخ الوسيط الثاني حاجز بالغلط

المهم بالنهاية : كلمه وحده (( اسفين بالغلط ))

وهذا حدث حق واحد من الربع فما بالك اللي يحدث ولا ندريبه !؟

والله المستعان
بيل جيتس
17-03-2005, 12:06 AM
اليوم العصر اتصلت بالمجموعه لاعطاء امر بيع غدا بسعر السوق . رفض الموظف قبول الطلب وقال يجب تحديد السعر . واذا اردت بسعر السوق يجب الاتصال اثناء التداول غدا ..

هل يعقل هذا الكلام .. وعند الاتصال اثناء التداول لا تحصل خط بالمره
سعر الأغلاق
17-03-2005, 08:55 PM
مساكم عسل

هذي مشكله والله .. اذا الوسيط مايرد على المستثمر .. او يأخر التنفيذ

انا ودي استفسر من الأخوه القطريين .. شنهي احسن شركة او بنك وساطه؟

فعلا زي ماقال الأخ اهل قطر اهل كرم .. شي مجربينه ولنا معهم سنين ..



مسج: اخوي قناص قطر , توقيعك شي ;)
قطر
18-03-2005, 01:57 AM
سهم الاغلاق

جرب الخليجية للاستثمار

او الاسلامية

يمدحونهم


انا مع المجموعة زفت

كنت عند الخليجية وتحسفت اني نقلت من عندهم للمجموعة



وهلا بك وماعليك زود يالطيب
ريال سعودي
18-03-2005, 10:42 AM
دهن سيررررر

نسأل شيخ عن هالدهن

هل هو حرام وداخل في الرشوه او حلال ؟؟؟

بس ما قلت لي يا أخوي وش نوع دهل السير ؟؟؟

عداني . بلدي . وإلأ دهن سمن :d
مزيونه بس مفلسه
08-04-2005, 02:48 PM
ريال سعودي...ولايهونون الموجودين

حدثنا عن تجربتك...

هل لازم اسافر قطر لالشتراك؟ ولمين اروح؟ وكيف أودع الفلوس؟ وعند مين؟ وهل اقدر ابيع واشتري من السعوديه؟

اذا ممكن : الخطوات 1 ...2...3....

اختك المفلسه
البرنس
09-04-2005, 03:45 PM
نتمنى لك التوفيق و يا مرحبا ..