لااااااااااااا للقرنقعوه !!

[الزاجل]

:looking:






يا جماعة الخير

احنا في شهر فضيل ..

والواجب اي شي بنسويه يكون في حدود المعقول ..

لكن لما نسمع عن اعدادات ومهرجانات ويوم موسيقي
في مثل هذا الشهر .. ودعوة الاطفال للاحتفال باليوم هذا
عن طريق سماع الاغاني والجو المختلط ..

هذا اللي نرفضه وما نتمناه ..

قلنا فرحة للأطفال
ولكن مب تبعدهم عن قدسية الشهر هذا ..

قلنا اليوم هذا ما فيه شي

لكن مب الجماعة يمصخونها و يحولونه ليوم رمضاني طفولي
على نمط الخيم الرمضانية ..

اعيالكم فهموهم ان الشهر هذا شهر فضيل
والمصخرة اللي صايرة مالها خص في المناسبة هذي..

اللهم اني بلغت اللهم فاشهد

[الطرف الأغر]

أعصابك الزاجل :looking:

اول مره اسمع عن خيمه واحتفالات للقرنقعوه:con2:


حلاة القرنقعوه في الفريج وبين الأهل ،، ونروح انصورهم ونرجع بس :)

[الزاجل]

أعصابك الزاجل :looking:

اول مره اسمع عن خيمه واحتفالات للقرنقعوه:con2:


حلاة القرنقعوه في الفريج وبين الأهل ،، ونروح انصورهم ونرجع بس :)

اشدخل الاعصاب في الموضوع :looking:

ومن قال ان في خيم crazy
قلنا على نمط خيم رمضانية

يعني اغاني صوتها عالي :p

في احتفالات كل حسب مستواه :looking:

العام دريمة سوت حفلة كبييييييييييييييييييييييييييييييييييرة
وكان الجو ماله خص في القرنقعوه
الا في الأخير ..

المدارس اتسوي حفلات خاصة ..

[قلب الأسهم]

عندي سؤال غشيمي لو سمحت اخوي الزاجل: وشو أصل القرنقعوه ؟ من وين جت ومن أول ناس اخترعها؟

[الزاجل]

عندي سؤال غشيمي لو سمحت اخوي الزاجل: وشو أصل القرنقعوه ؟ من وين جت ومن أول ناس اخترعها؟

مع اني مب خليفة السادة :looking:

لكن بقول لك اللي اقريته عن اليوم هذا



هناك عدة روايات حول القرنقعوه

البعض يقول انها دخلت عن طريق الاستعمار
بحيث انهم يحتفلون بعيد الهلويين ما ادري عيد الهيروين
وعيالهم بهذه المناسبة يدورون على البيوت
ويعطونهم حلويات ..

البعض يقول لا
هي اصلا كانت تقام في عصر العباسيين
حيث ان فقراء المدينة يوقوفون عند باب الخليفة العباسي
ويقولون له اجر ما ادري شنهو مب متذكر

فتحورت الكلمة الى ان وصلت الى قرقيعان ..

والفتاوى كثيرة ..

فهناك من يقول انها حرام لأنه بدعة ..

وهناك من يقول انها حرام لأن لا عيد في الاسلام الا العيدين المعروفين

وهناك فتوى تقول
انها تقليد للغرب ..

واحنا مب عارفين وين انحط ريولنا ؟

هل انحطها على البساطة اللي نتعاملها معاها في مثل هالأمور
والا انحطها على الفتاوى المختلفة اللي مب راضية تقنعنا
بأن احتفال الأطفال بمثل هاليوم حرام .

[قلب الأسهم]

مع اني مب خليفة السادة :looking:

لكن بقول لك اللي اقريته عن اليوم هذا

مشكور أخوي ،،، الآن عرفت :strong

[أوراق]

في ناس تسوين بوفييييييييييه !!!!


الله المستعان

اللهم لا تؤاخذنا بما فعل السفهاء منا

[سلامي للكل]

السلام عليكم اخي الكريم

اخوي القرنقعوه ليلية ثراثية للاطفال واما تجهيزات الموسسات والشركات وبعض العوايل ترجع لهم

حتى في الاشياء المشروعة يوجد الاسراف والاعتدالomen

فمثال على ذلك العرس, طعبا العرس شي طبيعي ومطلوب, وتقريبا كل واحد يتزوج يسوي عرس بس عرس عن عرس يختلف في ناس تخلط الحابل بالنابل وفي ناس عرسهم متواضع


المهم اخوي اللي يبي يحتفل مع عياله يحتفل واللي مايبي يحتفل لايحتفل

الحلاااااااااااااااااااااااااااااال بين والحرام بين

وانا ما اقول الا:

قرنقعوه قرقاعوه... عطونا الله يعطيكم.... بيت مكه يوديكم... يامكه يامعمورة...

يا ام السلاسل والذهب يانورة... عطونا من مال الله... سلم لكم عبدالله (متأثر واااااايد)

يااااااااااااااااااااااااااااااااااااااااااااااعال م ويانااااااااااااااااااااااااااااااااااااااااس اتركوا عيالينا يفرحووووووووووووووون:anger2:

وفاااااااااااااااااااااااالكم طيب

[الزاجل]

سلامي للكل

وعليكم السلام ورحمة الله وبركاته
محد قال لا يفرحون خلهم يفرحون ويستانسون
ويحيون التراث ..

بس احنا نقول الكبار لا يمصخونها

لن الصغار ما يعرفون شي ..

[الزاجل]

في ناس تسوين بوفييييييييييه !!!!


الله المستعان

اللهم لا تؤاخذنا بما فعل السفهاء منا

:eek2:

شنهي سالفة البوفيهات

يعني اشلون بس ناطرين 15 شعبان علشان يسوون بوفيهات ؟ :looking:


مشكور أخوي ،،، الآن عرفت :strong


العفو

[صعب المنال]

صحيح كلامك اخوي واللي يقول مافيه احتفالات واغاني ولا عليه أمر بكره يمر على المجمعات والمولات اللي عندنا ويشوف اشلون الاحتفالات ؟! :)

الواضح في الموضوع ان هالإحتفال قام يتطور كل سنه غير عن السنه اللي قبلها ، يعني اتوقع عقب كم سنه يقلبون هالإحتفال ويبتكرون شخصية على غرار ( بابا نويل ) ويسمونه ( بابا قرقيعان ) وبدال ما الأطفال يلفون ع البيوت ، بابا قرقيعان اهو اللي يلف ع البيوت ويوزع عليهم المكسرات والحلويات :)

[jajassim]

شان زين نرجع ايام طير يلي ،، عشان نرجع وناستنا شوي :eek3:

اما اللحين كرهوتنا بالقرنقعوه ،، مع هالاسراف والمصرخة ،،crazy

الله يرحم ايامنا أخوى الزاجل ،، ;)

[ورد]

شكرا اخوي على الموضوع بس انت جايب الموضوع على انه الخيم تقام علشان القرنقعوه بس
لا احنا من بداية الشهر واحنا نشوف اعلانات الخيم الرمضانية اللي كلها اغاني ورقص وماتظهر هالخيم الا في رمضان
طيب وين حرمة الشهر الفضيل لما نحضر مطرب وراقصة مخصوص في هذا الشهر مع انه في الايام العادية يكون اخف من جذي
ليش ماسمعنا عن مقاطعة لمثل هذه الخيم ؟؟؟؟؟
يمكن صار في مبالغة عند البعض في الاحتفال بالقرنقعوه بس لازال الاغلبيه يسوونها على انها عاده من التراث ويفرحون فيها الاطفال ولا بوفيهات ولا عزايم مجرد اطفال يستانسون ويزورون اهلهم

وعذرا على الاطاله

[(الفيصل)]

بارك الله فيك اخوي الزاجل على طرح هذا الموضوع
وفي ميزان حسناتك ان شاء الله

وعلشان ماتحتار

الحلال بين والحرام بين وبينهما امور مشتبهات ... فاذا كانت القرنقعوه فيها شبهه قولي في ذمتك ايش يحدنا عليها ... نخليها ونتركها افضل .. الانسان في هذا الزمان مش ناقص ذنوب تكتب عليه.... ولا اشرايك ... تحياتي لك

[محمد بن حمد]

جزاك الله خير

[الزاجل]

جزاك الله خير

هلا والله بونورة
ومراحب مليون بصاحب الصورة الشخصية

أجمعين


بارك الله فيك اخوي الزاجل على طرح هذا الموضوع
وفي ميزان حسناتك ان شاء الله

وعلشان ماتحتار

الحلال بين والحرام بين وبينهما امور مشتبهات ... فاذا كانت القرنقعوه فيها شبهه قولي في ذمتك ايش يحدنا عليها ... نخليها ونتركها افضل .. الانسان في هذا الزمان مش ناقص ذنوب تكتب عليه.... ولا اشرايك ... تحياتي لك


العفو يالفيصل ..

بكل صراحة اختلاف فحوى الفتاوى لسبب التحريم
هي اللي اتخلي الواحد ما يقتنع القناعة التامة في تحريم يوم القرنقعوه ..

وبالفعل الواحد مش ناقص ذنوب
بس شخصيا مب مقتنع شنهو الذنب اللي بنرتكبه لما
عيالنا يحتفلون بالقرنقعوه ؟
هل لاها عادة سنوية ؟
والمسلم ما يصير يحتفل الا في السنة مرتين بس ؟


شكرا اخوي على الموضوع بس انت جايب الموضوع على انه الخيم تقام علشان القرنقعوه بس
لا احنا من بداية الشهر واحنا نشوف اعلانات الخيم الرمضانية اللي كلها اغاني ورقص وماتظهر هالخيم الا في رمضان
طيب وين حرمة الشهر الفضيل لما نحضر مطرب وراقصة مخصوص في هذا الشهر مع انه في الايام العادية يكون اخف من جذي
ليش ماسمعنا عن مقاطعة لمثل هذه الخيم ؟؟؟؟؟
يمكن صار في مبالغة عند البعض في الاحتفال بالقرنقعوه بس لازال الاغلبيه يسوونها على انها عاده من التراث ويفرحون فيها الاطفال ولا بوفيهات ولا عزايم مجرد اطفال يستانسون ويزورون اهلهم

وعذرا على الاطاله

يا ورد عفوا واهلا وسهلا :D
ما قلت ان الخيم الرمضانية تقام علشان القرنقعوه
قلت صار يحولون الاحتفال بالقرنقعوه الى جو الخيم الرمضانية
يعني
الخيم الرمضانية فيها اغاني ورقص ومسابقة
يوم القرنقعوه يتحول الى نفس الشي
لكن من غير رقاصات خبيرات :o
هذا اللي احنا انسويه
عيالنا من يوم ما استووا يكشخون بالملابس التراثية
حتى عندنا اصلا الاهتمام بمشاهدة الطفل بملاسبه التراثية
اكثر من اي شي ثاني ..

يعني لو رجعنا للموضوع
ما نفرح على كمية القرنقعوه اللي اجمعوها اليهال
تركيزنا كله يكون على البخنق والدراعة والهلالة والذهب
والصديري والدقلة والكحفية المطرزة..

اما اللي ما عندهم سالفة ويمصخونها هذيلا هم اللي موجه لهم الموضوع ..



شان زين نرجع ايام طير يلي ،، عشان نرجع وناستنا شوي :eek3:

اما اللحين كرهوتنا بالقرنقعوه ،، مع هالاسراف والمصرخة ،،crazy

الله يرحم ايامنا أخوى الزاجل ،، ;)

اي والله الله يرحم أيام زمان
أيام اتشوف فيها فرحة اليهال باشوية مكسرات
وكيس خيش وكان الله غفورا رحيما ..
اما اللحين مع الفعاليات هذي اللي اتصير الطفل
اتحصله متضايق لأن هله يبون يحطونه في قالب معين
ويقطونه في هالفعاليات ..





صحيح كلامك اخوي واللي يقول مافيه احتفالات واغاني ولا عليه أمر بكره يمر على المجمعات والمولات اللي عندنا ويشوف اشلون الاحتفالات ؟! :)

الواضح في الموضوع ان هالإحتفال قام يتطور كل سنه غير عن السنه اللي قبلها ، يعني اتوقع عقب كم سنه يقلبون هالإحتفال ويبتكرون شخصية على غرار ( بابا نويل ) ويسمونه ( بابا قرقيعان ) وبدال ما الأطفال يلفون ع البيوت ، بابا قرقيعان اهو اللي يلف ع البيوت ويوزع عليهم المكسرات والحلويات :)

الله يسامحك
اللحين طلاب المدينة التعليمية وخاصة البنات ما بيصدقون يحصلون
لهم على تقليعة وينقزوون فيها ..
في سنة من السنين محل مفروشات حاط هبان ما ادري عرضة مب متذكر
اسئلوه ليش ؟
قال احتفالا بليلة القرنقعوه :court:
اشدخلكم انتوا يالكبار ؟:o