قرقعت وانت صغير ؟؟ طيب قولنا عن ذكرياتك مع هذا اليوم التراثي .

[ضوى]

القرنقعوه تراث خليجي وبالاخص قطري جميل جدا ، اكاد اجزم ان كل من في المنتدى ( لا اقصد المعارضين بالطبع ) كانت لهم ذكريات جميلة مع هذه المناسبة التراثية الرائعة بأي شكل من الاشكال ، بصورة قديمة اوصورة حديثة ، بالشكل التقليدي أو بالشكل المتطور ، لا بد ان تمت معايشة هذا اليوم ولابد انها كانت لحظات مميزة وجميلة وعزيزة على تفس كل شخص :)

في موضوعي هذا اتمنى من الاعضاء مشاركتي ذكرياتهم الجميلة في هذه المناسبة واخص اعضاء اواخر الستينات والسبعينات واوائل الثمانينات ( لحد يزعل بس ):looking:

وراح ابدى بنفسي وسرد تفاصيل هذا اليوم اللي تكرر بعدد سنوات عمر الطفولة في حياتي :D حلوة هذي الطفولة اعجبتني :funny:

اتذكر من سنين طويلة يمكن 30 سنة او أقل شوي :shy: ما كان عندنا شئ اسمه زي خاص للقرنقعوه ، الموجود نلبسه بس اللي لازم يكون معاه البخنق الزري والهلال عالجبين هذا اتذكره وكأنه امس لانه كان ذهب وما يطلع الا بالمناسبات ، وكان يدتي الله يرحمها تحط بايدي مضعد عريض واااااايد من الذهب فيه نقشات خفيفة بس كان ثقيل ويتعبني ، وكانت الله يرحمها تخيط لنا اكياس القرنقعوه هي بنفسها وتسويهم كبار عشان نجمع اكبر كمية وذلك لغرض في نفس يعقوب راح يجيكم في التفاصيل لاحقاً ، ما يمدينا يطق المدفع الا واحنا بالشارع ما ننطر شئ نكون متفقين مع عيال الجيران كلهم صبيان وبنات بس هم بصوب واحنا بصوب ، واتذكر كان فيه ولد جارنا حسووووووون كله ياخذ من كيسي بالغصب واذا ما عطيته يطقني :eek3:

المهم وكنا نسوي منافسة بين الاولاد والبنات ومنهو يجمع اكبر كمية من القرنقعوه وطبعا وبكل تأكيد كانوا البنات :shy: واحدة واثقة :D، واحياناً كيسنا ما يكفي فناخذ اكياس من الدكان وندحبهم وهذا كله حسب توصيه امنا العودة :)

اتذكر كنا نمر بيت بيت ركن ركن ما نخلي فريج ولا داعوس الا دخلناه ، اتذكر والله من رميلة للبدع لين الجسرة لين وادي السيل والله كله على رجولنا بس صدق ما كنا نحس بأي تعب او ملل ، كان وناسة مع انه مب مستفدين شئ غير الحلاوة القديمة اللي الحين الصادق يبيعها مدري شيسمونها اللي تكون يابسة شوي وداخلها حشوة كافي هذا اللي كنت اكله بس

المهم بعد ما نمر على كل البيوت فيه بيوت تعطينا وفي بيوت ما تعطينا بس ما كنا نزعل منهم وكان في بيت بوادي السيل فيه واحدة عجوز الله اعلم يمكن كانت جنية لانها يوم ندخل عليها تضحك بويهنا وتقول انا فقيرة ما عندي اعطيكم عطوني انتوا وفعلا كنا نغرف بايدينا ونعطيها وبعد ما نطلع يقولون لنا الناس اللي حوالينا ليش تدخلون بيوت مهجورة قلنا لهم لا فيه مره عجوز هناك :eek3: وبعدين لما كبرنا عرفنا انها جنية :eek3:

وفيه بيوت ما كانوا يعطونا الا اذا غنينا لهم الاغنية

قرنقعوه قرقاعوه عطونا الله يعطيكم بيت مكة يوديكم ، يا مكة يالمعمورة ، ياام السلاسل والذهب يا نورة

واتذكر بعد كنا نرد البيت بعد صلاة العشا والفريج يصفر ما فيه الا احنا اليهال بالشارع ، لانه الناس متعودة بعد صلاة العشا والتراويح كل واحد ببيته نايم او يرتاح ، ونتم شوي نلعب مع بعض بعد ما نخلص القرنقعوه واللي يتهاوش واللي يسولف واللي واللي ..الخ ، وبعدها نرد البيت ، القى يدتي رحمة الله عليها منتظرتنا عند الباب قبل امي وابوي وحاطه جدامها الجفير العود مال القرنقعوه وهو فاضي بعد ما وزعت طبعا ، ونحط كل اللي حصلنا عليه ، وتقعد عاد وتقعدنا معاها وامي وياها بعد تخلينا نفرز كل نوع بروحه ، الجوز واللوز وبيض الصعو والنقل والحلاوة ، وتحطهم باكياس والله ليومكم هذا مدري ليش :confused: ، وبعدها ننام واحنا نحلم بهاليوم الحلو اللي عدى علينا ونحلك بكل التفاصيل الجميلة اللي كانت فيه

هذي ذكرياتي المتكررة في كل قرنقعوه وان تغيرت قليلا فيما بعد ولكنها هي هي بكل تفاصيلها الجميلة والممتعة .

والآن ما هي ذكرياتكم عن هذا اليوم ؟؟ واشلون قضيتوه ، وهل استانستوا والا لا ، اتمنى اشوف مشاركاتكم الجميلة حول هذا الموضوع

وتحياتي لكم :)

[الزاجل]

الله ايام حلوة يا ضوى .. انحفرت في الذاكرة ..

على فكرة بشكل عام قبل حتى المعارضين اليوم
للقرنقعوه واللي نحترم اعتراضهم ووجهة نظرهم
ورايهم وحبهم للطاعة .. كانوا قبل وهم صغار يقرقعون
يمكن مب كلهم لكن الغالبية العظمى قرقعوا ..

الأيام ذيك بالفعل ما كنا نهتم بالزي كثر ما كان نهتم
اشكثر بنيمع قرنقعوه ..

كنا انحوط الفرجان حواطة ومن بيت لبيت
والشاطر اللي يقدر يغافل رفيجه ويبوق منه ..
http://www.al-hdhd.net/vb/images/icons/alglb91.gif

اكياسنا امي الله يعطيها الصحة والعافية
كانت اتخيطها لنا من خياش العيش
كانت فيها ريحة عيش لكن بعد كانت فلة وكشخة:D
لانها اتسوي فيها حركات ..

والحركات هذه كانت في مسكات الاكياس
كانت اكياسنا من الخيش لكن مسكاتها كانت من قماش ملون ( خلق)..
هذه الاكياس كانت الاساسية
والمخابي فيها اكياس نيلون احتياط http://www.al-hdhd.net/vb/images/smilies/047.gif


نطلع من عقب صلاة المغرب مع الثياب المشققة
عاد كشخة ذيك الأيام هالثيابhttp://www.al-hdhd.net/vb/images/smilies/hdhd16.gif

وما انرد الا على الساعة 11
اشعرفه في الوقت وهو ماكانت عنده الساعة http://www.al-hdhd.net/vb/images/smilies/hdhd47.gif

طبعا منعا للاحراج
تراني قدرت لكم الوقت ..:p

كنا بنات مع صبيان مافي احزاب وعنصرية مثل ضوى:court:

ما انخلي بيت ما ندخله
واللي فيه الخير لا يعطينا قرنقعوه http://www.al-hdhd.net/vb/images/smilies/hdhd9.gif

نحذف بابهم واحنا طالعين منه بالحصى ونترس عتبة الباب رمل :p

وما انرد والا احنا امحملين معانا كيسين قرنقعوه
مع ان ما كون يغرفون لنا وايد بس
من كثر الدوارة على البيون كنا انيمع واااااااااااااااااايد:dance

كنت احب عين الجمل وما اصدق ارد البيت علشان تكسره امي لنا
واذا انشغلت امي .. كنا انحطه في ثيابنا ونرضخ فيه الطوف

وانحصل ضرب عقبها .. لأن الثياب المشقة صارت امبططة http://www.al-hdhd.net/vb/images/smilies/hdhd28.gif

ومثل ما قالت ضوى
يبدى يوم الفرز العالمي
كانت الوالدة اتنقي التين المجفف بروحه
والنقل بروحه
والحلويات الملونة اليابسة اللي فيها نخي بروحها
وهي عبارة عن سكر مع نشا اعتقد يتكور على شكل دائرة
والدائرة هذه ما تكون مستوية ..


وأحلى شي في القرنقعوه زمان اول
الحلاوة الصينية
اللي ما كل منها ما يعرف شنهو يعني حلاوة ..

كنا انسميها حلاوة بس هي شوكولاة
كافي هادي وناعم :looking:

المميز في الحلاوة الصينية
انها اتيي على شكل اسطواني
وتتغلف بطبقة شفافة تنكل الطبقة هذي وتلزق في الحلج
وفوق الطبقة هذه تتغلف بقرطاس مخطط بشكل عرضي ..

وعقب ما تعطينا امي اللي فيه النصيب من التحويشة
كل واحد فينا يلم كيسه وينام وياه :p

[السديم]

:app::app::app:

ذكريات رائعه رائعه ضوى ..

رجعتينا عشر سنين ورا :looking::looking::eek2::eek2:

كنا ننتظر يوم القرنقعوه بلهفة وكانت له فرحه عجيبة مثل ماقلتي كنا نلبس البخنق والهلال والجف والمراري لكن الكيس كانو يخيطونه في البيت مره من الخيش ومره من القماش الابيض ..

نطلع اولاد وبنات مع بعض كنا منفتحين ياضوى ومتنبأين بمستقبل الاختلاط :funny::funny:

بس الاولاد لهم الزعامه وحنا وراهم ولازم لين دشينا البيوت يسألونا انتو من عياله وانتي شسمج اي بنت فلانه اي اي اللي ابوج فلان crazy انتو اشعليكم عطونا قرقعانا وخلونا نمشي ;)

ونتم نلف وندور من بيت لبيت بس هالذكريات كانت في فريج الجسرة وبراحة الجفيري ومن طلعنا من هالفريج بأمر من جدي الله يرحمه قال البنات مايطلعون للقرنقعوه مع اني ماكنت كبيرة بس بعد خبرج عيب فصرت اقعد في البيت اكشخ واللبس واعلق الكيس افرح قلبي واشوف اليهال يجون واتحسر :eek3:

عاد واخر اليوم مثل ماقلتو نفصل النقل عن اليوز عن الحلاوة واهم شي اليوز كنه نلفه بالشيله او اي شي ونخبطه بالطوفه :p
والسنبل او الفول السوداني مادري شيسمونه كانت امي تجمعه وتحمسه مع الرمل على الضو مثل ماتحمس القهوة شالحكمه مادري :con2:

الله ذكريات صج صج صج حلوة وكانت للطفولة معنى :app:

ضوى مشكورة غاليتي وعساج على القوة

[jajassim]

كنا نتنافس من يجمع اكثر بكيسه ،، وكان على ايامنا اكياس عاديه ،، مب الحين قماش ونقشات وحركات ،، بالرغم بانها بسيطة بس الكل كان يعيش حلاوتها :eek3:

وانتي لازم تعورين قلبي crazy

[AL_MUTAEM]

بصراحه طول عمري يوم كنت صغير ان اقرقع ولكن لاحياة لمن تنادي ..

السبب اني ماقد كنت بالديره برمضان ..

بس يوم شيبت استقريت

لو يحطون قرنقعوه للكبار مش احسن بشرط البنات نقابات استرتش والشباب متلثمين ..

شكلنا بنقلبها حفله تنكريه

عالعموووووم

تسلمين اختي

[السديم]

بصراحه طول عمري يوم كنت صغير ان اقرقع ولكن لاحياة لمن تنادي ..

السبب اني ماقد كنت بالديره برمضان ..

بس يوم شيبت استقريت

لو يحطون قرنقعوه للكبار مش احسن بشرط البنات نقابات استرتش والشباب متلثمين ..

شكلنا بنقلبها حفله تنكريه

عالعموووووم

تسلمين اختي


:con2::con2::con2:


:nice:

[AL_MUTAEM]

:con2::con2::con2:


:nice:

وشفيك السديم ..

شتفكر فيه ؟؟:court:

[السديم]

وشفيك السديم ..

شتفكر فيه ؟؟:court:

:con2: افكر واتخيل الموقف ..

بيكون شكلنا واو وناسة ..

بس تعال بقولك اللحين هو احتفال لليهال وحاشرينا بانها بدعه وحرام ومنكر :eek3:

بعد تبينا احنا الكبار نقرقع عز الله قالو عنا ملحدين :D

[AL_MUTAEM]

:con2: افكر واتخيل الموقف ..

بيكون شكلنا واو وناسة ..

بس تعال بقولك اللحين هو احتفال لليهال وحاشرينا بانها بدعه وحرام ومنكر :eek3:

بعد تبينا احنا الكبار نقرقع عز الله قالو عنا ملحدين :D

السديم انت مالك باللي تسمعه كل شي قالوا عنه بدعه ولكل بدعة ضلاله ..

الدين معروف وكل واحد يعرف الصح من الغلط

منو اللي قال من المشايخ انه حرام .. وشنو اثباته ؟؟

يبه تعال وخلنا نقرقع وبذمتي لاتحاتي

[بنتكم]

اي والله ايام وايام وايام ماتنسي صج ذكرتينا على ايام ياسلام عليه من براء ومن لعب وضحك من قلب من غير مانحسب احساب لا اي شي

من فرحه من ضحكه من ركيض بالفرجان اي عالبخنق والله ايام

[السديم]

السديم انت مالك باللي تسمعه كل شي قالوا عنه بدعه ولكل بدعة ضلاله ..

الدين معروف وكل واحد يعرف الصح من الغلط

منو اللي قال من المشايخ انه حرام .. وشنو اثباته ؟؟

يبه تعال وخلنا نقرقع وبذمتي لاتحاتي

هههههههههههههههههههههه

خلاص عيل بجهز البخنق او ثوب النشل والوعد بعد الفطور ..

ذكرتني بالسنه اللي طافت شفت وحده لابسه ثوب نشل وملفع وبطولة وفاتحه الدرايش مالت السيارة وحاطه اغنية القرنقعوه :D:D

تهقى نسوي مثلها بنشتهر :dance:dance

[AL_MUTAEM]

هههههههههههههههههههههه

خلاص عيل بجهز البخنق او ثوب النشل والوعد بعد الفطور ..

ذكرتني بالسنه اللي طافت شفت وحده لابسه ثوب نشل وملفع وبطولة وفاتحه الدرايش مالت السيارة وحاطه اغنية القرنقعوه :D:D

تهقى نسوي مثلها بنشتهر :dance:dance

طلعتي وحده .. اهلا وسهلا

تبين تركبيني جريمه

القرنقعوه حرموه وبعد انا وانتي بنرجم ..:anger2:

لايبه روحي بروحج ..

اليوم بشوفج وانتي بلثمه ولا نقاب سترتش يازعم موضه ..

واذا عندج الاغنيه مالت قطر (قرنقعوه قرقاعوه) ياريت تعطيني الرابط مالها

وبعد تدورين الشهرررره

عفيه

[الخيميائي]

:rolleyes::rolleyes:

[السديم]

طلعتي وحده .. اهلا وسهلا

تبين تركبيني جريمه

القرنقعوه حرموه وبعد انا وانتي بنرجم ..:anger2:

لايبه روحي بروحج ..

اليوم بشوفج وانتي بلثمه ولا نقاب سترتش يازعم موضه ..

واذا عندج الاغنيه مالت قطر (قرنقعوه قرقاعوه) ياريت تعطيني الرابط مالها

وبعد تدورين الشهرررره

عفيه

crazycrazycrazy

[ضوى]

الله ايام حلوة يا ضوى .. انحفرت في الذاكرة ..

على فكرة بشكل عام قبل حتى المعارضين اليوم
للقرنقعوه واللي نحترم اعتراضهم ووجهة نظرهم
ورايهم وحبهم للطاعة .. كانوا قبل وهم صغار يقرقعون
يمكن مب كلهم لكن الغالبية العظمى قرقعوا ..

الأيام ذيك بالفعل ما كنا نهتم بالزي كثر ما كان نهتم
اشكثر بنيمع قرنقعوه ..

كنا انحوط الفرجان حواطة ومن بيت لبيت
والشاطر اللي يقدر يغافل رفيجه ويبوق منه ..
http://www.al-hdhd.net/vb/images/icons/alglb91.gif

اكياسنا امي الله يعطيها الصحة والعافية
كانت اتخيطها لنا من خياش العيش
كانت فيها ريحة عيش لكن بعد كانت فلة وكشخة:D
لانها اتسوي فيها حركات ..

والحركات هذه كانت في مسكات الاكياس
كانت اكياسنا من الخيش لكن مسكاتها كانت من قماش ملون ( خلق)..
هذه الاكياس كانت الاساسية
والمخابي فيها اكياس نيلون احتياط http://www.al-hdhd.net/vb/images/smilies/047.gif


نطلع من عقب صلاة المغرب مع الثياب المشققة
عاد كشخة ذيك الأيام هالثيابhttp://www.al-hdhd.net/vb/images/smilies/hdhd16.gif

وما انرد الا على الساعة 11
اشعرفه في الوقت وهو ماكانت عنده الساعة http://www.al-hdhd.net/vb/images/smilies/hdhd47.gif

طبعا منعا للاحراج
تراني قدرت لكم الوقت ..:p

كنا بنات مع صبيان مافي احزاب وعنصرية مثل ضوى:court:

ما انخلي بيت ما ندخله
واللي فيه الخير لا يعطينا قرنقعوه http://www.al-hdhd.net/vb/images/smilies/hdhd9.gif

نحذف بابهم واحنا طالعين منه بالحصى ونترس عتبة الباب رمل :p

وما انرد والا احنا امحملين معانا كيسين قرنقعوه
مع ان ما كون يغرفون لنا وايد بس
من كثر الدوارة على البيون كنا انيمع واااااااااااااااااايد:dance

كنت احب عين الجمل وما اصدق ارد البيت علشان تكسره امي لنا
واذا انشغلت امي .. كنا انحطه في ثيابنا ونرضخ فيه الطوف

وانحصل ضرب عقبها .. لأن الثياب المشقة صارت امبططة http://www.al-hdhd.net/vb/images/smilies/hdhd28.gif

ومثل ما قالت ضوى
يبدى يوم الفرز العالمي
كانت الوالدة اتنقي التين المجفف بروحه
والنقل بروحه
والحلويات الملونة اليابسة اللي فيها نخي بروحها
وهي عبارة عن سكر مع نشا اعتقد يتكور على شكل دائرة
والدائرة هذه ما تكون مستوية ..


وأحلى شي في القرنقعوه زمان اول
الحلاوة الصينية
اللي ما كل منها ما يعرف شنهو يعني حلاوة ..

كنا انسميها حلاوة بس هي شوكولاة
كافي هادي وناعم :looking:

المميز في الحلاوة الصينية
انها اتيي على شكل اسطواني
وتتغلف بطبقة شفافة تنكل الطبقة هذي وتلزق في الحلج
وفوق الطبقة هذه تتغلف بقرطاس مخطط بشكل عرضي ..وعقب ما تعطينا امي اللي فيه النصيب من التحويشة
كل واحد فينا يلم كيسه وينام وياه :p


اييه هذي الحلاوة اللي اقصده طلعت كافي هادي وناعم :shy:


ما كنت اتوقع انك شرير اللي ما يعطيك تكسر بابهم بالحصى وتجمع الرمل جنب باب البيت ؟؟ مجرم حرب :con2:

بس صدق ايام يا زاجل

[ضوى]

:app::app::app:

ذكريات رائعه رائعه ضوى ..

رجعتينا عشر سنين ورا :looking::looking::eek2::eek2:

كنا ننتظر يوم القرنقعوه بلهفة وكانت له فرحه عجيبة مثل ماقلتي كنا نلبس البخنق والهلال والجف والمراري لكن الكيس كانو يخيطونه في البيت مره من الخيش ومره من القماش الابيض ..

نطلع اولاد وبنات مع بعض كنا منفتحين ياضوى ومتنبأين بمستقبل الاختلاط :funny::funny:

بس الاولاد لهم الزعامه وحنا وراهم ولازم لين دشينا البيوت يسألونا انتو من عياله وانتي شسمج اي بنت فلانه اي اي اللي ابوج فلان crazy انتو اشعليكم عطونا قرقعانا وخلونا نمشي ;)

ونتم نلف وندور من بيت لبيت بس هالذكريات كانت في فريج الجسرة وبراحة الجفيري ومن طلعنا من هالفريج بأمر من جدي الله يرحمه قال البنات مايطلعون للقرنقعوه مع اني ماكنت كبيرة بس بعد خبرج عيب فصرت اقعد في البيت اكشخ واللبس واعلق الكيس افرح قلبي واشوف اليهال يجون واتحسر :eek3:

عاد واخر اليوم مثل ماقلتو نفصل النقل عن اليوز عن الحلاوة واهم شي اليوز كنه نلفه بالشيله او اي شي ونخبطه بالطوفه :p
والسنبل او الفول السوداني مادري شيسمونه كانت امي تجمعه وتحمسه مع الرمل على الضو مثل ماتحمس القهوة شالحكمه مادري :con2:

الله ذكريات صج صج صج حلوة وكانت للطفولة معنى :app:

ضوى مشكورة غاليتي وعساج على القوة



ايييه يالسديم ذكرتني بالمرية اييه عليها :o

وبعدين احنا كنا صبيان وبنات بس الحمد لله القلوب صافية ونظيفة ولا فيها خبث او لؤم وهذا راجع لطبيعتنا الهادية وتربيتنا الصالحة ولله الحمد

بس تصدقين ما كنت اكل شئ من المكسرات الا الحلاوة الصينية على قولة الزاجل
بس صج ذكريات حلوة ، وطلعنا ربع الجسرة نص اللي فيهم اهلنا :dance يعني اكيد شفتج يوم انتي صغيرة ويمكن كنا نعرف بعض .




تحياتي لج يا صديقة الطفولة :dance

[ضوى]

كنا نتنافس من يجمع اكثر بكيسه ،، وكان على ايامنا اكياس عاديه ،، مب الحين قماش ونقشات وحركات ،، بالرغم بانها بسيطة بس الكل كان يعيش حلاوتها :eek3:

وانتي لازم تعورين قلبي crazy



صدقت والله يا جاسم

انا بروحي قلبي يعورني قلت اعور قلوبكم انتوا بعد واردكم للماضي شوي crazy

[ضوى]

بصراحه طول عمري يوم كنت صغير ان اقرقع ولكن لاحياة لمن تنادي ..

السبب اني ماقد كنت بالديره برمضان ..

بس يوم شيبت استقريت

لو يحطون قرنقعوه للكبار مش احسن بشرط البنات نقابات استرتش والشباب متلثمين ..

شكلنا بنقلبها حفله تنكريه

عالعموووووم

تسلمين اختي



:deal::deal::deal::deal::deal:

بكرة بيقولون المتيم طلع لنا فتوى انه الكبار يصير يقرقعون بالطريقة اللي قلتها لثام ونقاب :eek2:

[ضوى]

:con2: افكر واتخيل الموقف ..

بيكون شكلنا واو وناسة ..

بس تعال بقولك اللحين هو احتفال لليهال وحاشرينا بانها بدعه وحرام ومنكر :eek3:

بعد تبينا احنا الكبار نقرقع عز الله قالو عنا ملحدين :D



:app::app::app::app::app::app:

[السديم]

ايييه يالسديم ذكرتني بالمرية اييه عليها :o

وبعدين احنا كنا صبيان وبنات بس الحمد لله القلوب صافية ونظيفة ولا فيها خبث او لؤم وهذا راجع لطبيعتنا الهادية وتربيتنا الصالحة ولله الحمد

بس تصدقين ما كنت اكل شئ من المكسرات الا الحلاوة الصينية على قولة الزاجل
بس صج ذكريات حلوة ، وطلعنا ربع الجسرة نص اللي فيهم اهلنا :dance يعني اكيد شفتج يوم انتي صغيرة ويمكن كنا نعرف بعض .




تحياتي لج يا صديقة الطفولة :dance


اتصدقين عاد للحين عندي المريه تبينها ماتغلى عليج :D

وبخصوص ان احنا ربع ضوى بطقج ها :mad:

اقولج ذكريات عشر سنين وانتي تقولين ذكريات عشرين سنة يعني مانتوالف خير شر لاتكبرينا للحين مادخلنا دنيا :D:p

اما بخصوص الاختلاط البريء فانا اشهد ;)

[ضوى]

اي والله ايام وايام وايام ماتنسي صج ذكرتينا على ايام ياسلام عليه من براء ومن لعب وضحك من قلب من غير مانحسب احساب لا اي شي

من فرحه من ضحكه من ركيض بالفرجان اي عالبخنق والله ايام



ايام حلوة والله

ليت عيالنا يعيشونها بنفس فرحتنا قبل


شكرا لج اختي :eek3:

[ضوى]

اتصدقين عاد للحين عندي المريه تبينها ماتغلى عليج :D

وبخصوص ان احنا ربع ضوى بطقج ها :mad:

اقولج ذكريات عشر سنين وانتي تقولين ذكريات عشرين سنة يعني مانتوالف خير شر لاتكبرينا للحين مادخلنا دنيا :D:p

اما بخصوص الاختلاط البريء فانا اشهد ;)



تسلمين لي يا قلبي

ليش مو شرط ربع بنفس السن يعني يصير اكبر منج بعشر سنين عادي وين المشكلة انا كنت 8 وانت 4 ما يصير ;)


ايييه والله اختلاط برئ omen

[AL_MUTAEM]

:deal::deal::deal::deal::deal:

بكرة بيقولون المتيم طلع لنا فتوى انه الكبار يصير يقرقعون بالطريقة اللي قلتها لثام ونقاب :eek2:

:app::app::app:

لايكون عبالج انا من الازهر مثلا (لكثرة الفتاوي لا اكثر ) :anger2:

تدرين عاد اختي توني لقيت الاغنيه مالت القرنقعوووه من الاخت سديم(تشكراتي):nice:

بس والله حلوووه :funny:

[ضوى]

:app::app::app:

لايكون عبالج انا من الازهر مثلا (لكثرة الفتاوي لا اكثر ) :anger2:

تدرين عاد اختي توني لقيت الاغنيه مالت القرنقعوووه من الاخت سديم(تشكراتي):nice:

بس والله حلوووه :funny:


:strong:strong:strong:strong:strong:strong

[السديم]

تسلمين لي يا قلبي

ليش مو شرط ربع بنفس السن يعني يصير اكبر منج بعشر سنين عادي وين المشكلة انا كنت 8 وانت 4 ما يصير ;)


ايييه والله اختلاط برئ omen

crazycrazy

اشبلاج مصرة ان اللي بينا فارق بسيط :D:D شوفي يا انج ماتقولين سنج الحقيقي او لاتفضحينا يه :court:

انزين ماقلت شي قلت لج صج والله ايام اول نلعب مع الصبيان حتى لين سن 12 وفوق شوي ماينخاف منهم ولا منا بس هالايام تخافين على البنت ..

البراءة كانت ايامها عند الكبار فما
بالج باليهال

[السديم]

:app::app::app:

لايكون عبالج انا من الازهر مثلا (لكثرة الفتاوي لا اكثر ) :anger2:

تدرين عاد اختي توني لقيت الاغنيه مالت القرنقعوووه من الاخت سديم(تشكراتي):nice:

بس والله حلوووه :funny:

لاتقول حق حد عن اغنية القرنقعوه عقب يقولون هذي محرضة وناشرة للفساد crazycrazy

[AL_MUTAEM]

لاتقول حق حد عن اغنية القرنقعوه عقب يقولون هذي محرضة وناشرة للفساد crazycrazy


وش عقبه ياحظي ..

انا قلت ما ادري النوعيه اللي ببالج رقووود الحين ..:nice:

قرنقعوووه وحرام
الحمدلله والشكر

[سراب الامل]

ايه ياضوى ذكرتينا بالذي مضى ايام حلوه راحت وانقضت :eek3:


على ايامي كنا انا وصديقاتي لما نقرقع ويعطونا فلوس بدال المكسرات كنا طيران على اول استديو نتصور عاد تطلع شنو صور عجيبه هههههههههههه :funny:

ووللحين من امر على هالاستديوا

اقول مشاءالله عليه للحين عايش مكانه ماهدوه :p

تسلمين يالغلا على الموضوع والذكريات الحلوه اللي رجعتيها لنا ;)

[PoBox]

ريحة الغبار والعطبة من هالموضوع واصلة لين منتدى اسهم الدوحة جيراننا :dance :p

انا اروح اقرقع مع الخدامة
وهي تشيل لي الكيس
انا بس انزل من السيارة ( واوقات ما انزل حسب البيت )
ويوم تجيب الخدامة الكيس من داخل
نفرز
لو كان مكسرات
اعطيها واحطها في كيس الخدامة :p

اما لو شي محرز او حلويات ( مودرن )
اخليها في كيسي
:p:o

[الهاوي28]

انا كنت اقرقع على السيكل

يعطيج العافية

[السديم]

ريحة الغبار والعطبة من هالموضوع واصلة لين منتدى اسهم الدوحة جيراننا :dance :p

انا اروح اقرقع مع الخدامة
وهي تشيل لي الكيس
انا بس انزل من السيارة ( واوقات ما انزل حسب البيت )
ويوم تجيب الخدامة الكيس من داخل
نفرز
لو كان مكسرات
اعطيها واحطها في كيس الخدامة :p

اما لو شي محرز او حلويات ( مودرن )
اخليها في كيسي
:p:o


crazycrazycrazy



:looking::looking::looking:

[الزاجل]

ريحة الغبار والعطبة من هالموضوع واصلة لين منتدى اسهم الدوحة جيراننا :dance :p

انا اروح اقرقع مع الخدامة
وهي تشيل لي الكيس
انا بس انزل من السيارة ( واوقات ما انزل حسب البيت )
ويوم تجيب الخدامة الكيس من داخل
نفرز
لو كان مكسرات
اعطيها واحطها في كيس الخدامة :p

اما لو شي محرز او حلويات ( مودرن )
اخليها في كيسي
:p:o
:cool:

اشعنده ولد عبدالغني شربت ؟

[السديم]

:cool:

اشعنده ولد عبدالغني شربت ؟



:funny::funny::funny::funny::funny:

[وطن]

ما اتذكر اني قرقعت في الفرجان :(

ممنوووووووووع
يخافون علينا :(


حدي البس الجلابيه والكيس الطقم اللي معاها
واروح بيت جدي وعمي ... الخ
يعني بيوت الأهل فقط لا غير وبالسيارة بعد

<==== قرنقعوه متطور

[وطن]

ريحة الغبار والعطبة من هالموضوع واصلة لين منتدى اسهم الدوحة جيراننا :dance :p

انا اروح اقرقع مع الخدامة
وهي تشيل لي الكيس
انا بس انزل من السيارة ( واوقات ما انزل حسب البيت )
ويوم تجيب الخدامة الكيس من داخل
نفرز
لو كان مكسرات
اعطيها واحطها في كيس الخدامة :p

اما لو شي محرز او حلويات ( مودرن )
اخليها في كيسي
:p:o



عاااااااااااااااش

:funny::funny::funny:


تصدق انا نفس الشي اقعد افرز
اخذ الحلويات اللي ابيها والباقي اقطه في الطشت اللي في بيتنا


وأهم شي من المكسرات
النغل

والباقي مابيه

[jajassim]

وأهم شي من المكسرات
النغل



ومنقع في الماى بعد ياسلام :dance:dance

[وطن]

ومنقع في الماى بعد ياسلام :dance:dance

يا خطيــــــر

:dance

[الزاجل]

ومنقع في الماى بعد ياسلام :dance:dance

:looking:
صج عيال نيدو

احنا ضروسنا كانت تكسر الصخر ..

والحبة اللي كانت اتعيي تنكسر
الله يخلي يد الهاون :nice:

[PoBox]

crazycrazycrazy



:looking::looking::looking:


:looking::looking::looking:









:cool:

اشعنده ولد عبدالغني شربت ؟



تذكرت أحمد يكيكي مادري ليش :D:D:D:D










:funny::funny::funny::funny::funny:


crazycrazycrazycrazy









عاااااااااااااااش

:funny::funny::funny:


تصدق انا نفس الشي اقعد افرز
اخذ الحلويات اللي ابيها والباقي اقطه في الطشت اللي في بيتنا


وأهم شي من المكسرات
النغل

والباقي مابيه


:strong:strong:strong:strong





:looking:
صج عيال نيدو

احنا ضروسنا كانت تكسر الصخر ..

والحبة اللي كانت اتعيي تنكسر
الله يخلي يد الهاون :nice:





وانا اقوووول ليش راسك عود crazy :funny::funny:


بس الصراحة كنت اقرقع مشيا على الأقدام
صج ماقرقعت وايد في مسيرة حياتي
لاني كبرت بسرعة (( كنت اشرب حليب اكثر من الآآفرج )):funny:

بس اذكر مرة من المرات رحنا القرنقعوه مع نادي الجسرة الله يذكره بالخير
وصورونا من جريدة الراية او العرب اظن
ولازلت احتفظ بالصورة وانا فاتح الفم بهالطريقة :eek2:
وآنا اغني جدام كاميرا مصور الجريدة مع عصابة مكونة من 10 أشخاص :app:
وثاني يوم ما اوصف الشعور وصورتي محطوطة في الجريدة بالبنط العريض
ومكتوب تحتها PoBoxing وأطفال الحي أثناء القرنقعوه :D:D



ولازال الطفل بوكسنغ الى اليوم هذا
ينتظر بفارغ الصبر رجوع الاطفال من القرنقعوه
لكي يسرق ماتجود به أكياسهم :dance:shy:

[jajassim]

:looking:
صج عيال نيدو

احنا ضروسنا كانت تكسر الصخر ..

والحبة اللي كانت اتعيي تنكسر
الله يخلي يد الهاون :nice:

لا وحياتك ،، حليب كيكوز بخط احمر :funny:

[relaax]

:cool:

اشعنده ولد عبدالغني شربت ؟


:funny::funny::funny:

[وطن]

ولازال الطفل بوكسنغ الى اليوم هذا
ينتظر بفارغ الصبر رجوع الاطفال من القرنقعوه
لكي يسرق ماتجود به أكياسهم :dance:shy:





يالشريــــــــــــــر

تبوق قرنقعوه اليهااال

:mad:

[المهاجر]

ذكرتينا باحلى ايام العمر
تسلمين على الموضوع الحلو
وانا اقولكم خلونا نفرح باطفالنا اليوووم

:deal:
نذكركم بمسابقتنا
واليوم لا تنسون تصورون عيالكم
الله يحفظهم لكم

وباب المشاركه مفتوح للجميع
تقبلوا تحيتنا

http://qatarshares.com/vb/showthread.php?t=136006

[الزاجل]

ذكرتينا باحلى ايام العمر
تسلمين على الموضوع الحلو
وانا اقولكم خلونا نفرح باطفالنا اليوووم

:deal:
نذكركم بمسابقتنا
واليوم لا تنسون تصورون عيالكم
الله يحفظهم لكم

وباب المشاركه مفتوح للجميع
تقبلوا تحيتنا

http://qatarshares.com/vb/showthread.php?t=136006
crazycrazycrazy

مستغل كل المواضيع crazy