المساعد الشخصي الرقمي

مشاهدة النسخة كاملة : وين احصل محل بيع المدواخ ( السبيل ) ؟؟


موعود
26-09-2007, 12:57 PM
السلام عليكم جميع


بغيت انشدكم يالربع


عن المدواخ

السبيل ..


وين ينباع في الدوحة


وافضل محل لبيعه و انواع التتن وش ازينها


سمعت ان فيه مدواخ او سبيل متصنع من ماركات عالمية وما صدقت


لكن حبيت اعرف تفاصيل اهل المدواخ والسبيل من وين يشترون ويدلوني على المحل


وتسلمون كلكم
بوراشد 66
26-09-2007, 02:08 PM
روح الله يسلمك السنتر بتلاقي كل الي بغيته
قطري عصامي
26-09-2007, 02:29 PM
انا اقول جزاك الله خير ابتعد عنه افضل لصحتك ولمالك
jassim_9
26-09-2007, 02:35 PM
انا اقول جزاك الله خير ابتعد عنه افضل لصحتك ولمالك

وانا اقول نفس الشي
ابـو مــحــــمـــــد
26-09-2007, 02:49 PM
شكلك جديد على الدوخه

مدامك كذا خلك ابعيد واشتر صحتك بدال الانتحار البطئي
ورمضان الحين يساعد الواحد بالابتعاد عن الدوخات
eXpert*
26-09-2007, 03:33 PM
سمعت ان فيه مدواخ او سبيل متصنع من ماركات عالمية وما صدقت



شكلك تبيه تكشخ فيه !!!

الله يهديك ويبعدك عنه ان شاء الله
theeb_qatar
26-09-2007, 03:41 PM
فيه على ماركات قووتشي .... لويس فانتون مادري شسمه ...
فيه التفصيل واغلب الشباب ياخذونه من العين بالامارات ...
وفيه الجاهز وتحصل في الستي سنتر بالطابق الاول عند كارفور ...

الدوخات اتجيك خفيفه وميـديم وقويـة ...
انا افضل المتوسطة
وفيه مخلط ومكس وع فراولة وبلاوي شكثر ...

بس شلك فيها مب زينه ...
محمد
دولـة قطـر
26-09-2007, 05:29 PM
ياطالب المدواخ كنا لها كار.....ليمن تردى حالنا بالمداويخ
بعد كل لقمة شبينا لها نار.....وياويل صدري من بعد هالنوافيخ

مانصحك
BURBERRY
26-09-2007, 05:50 PM
يا اخوك ابتعد عنها و عن الزقاير و الشيشه

لاتدمر صحتك
تايد
26-09-2007, 06:18 PM
تقدر تروح السوق العماني اللي بجانب سوق الخضره ..

وتشوف أنواع من المداويخ (السبيل)

وانواع من التتن (الخشق)

بس في العين راح تحصل انواع افضل للسبيل

مثل: العاجي وهو المصنوع من العاج

والكريستال والألمنيوم النحاسي والصندل و ... الخ

انواع كثيره وتقدر تفصل لك مدواخ حسب الرغبه

بالنسبه لـ (الخشق) في منه: البارد & المتوسط & الحار

وفي خلطات كثيره للـ (الخشق) منها: مخلط مع الزعفران

ومنها مع العنب ومنها على الفراوله و ... الخ
موعود
27-09-2007, 12:45 PM
بوراشد : هلا بك اخوي تقص السنتر القديم ما غيره او ستي سنتر ؟

اخواني :
قطري عصامي
جاسم 9
ابومحمد
eXpert*
BURBERRY

الله يجزيكم خير الجزاء على النصيحة الغالية والصادقة
جزاكم الله كل خير ..




الاخ theeb_qatar
تسلم لي على التوضيح هذا اللي اقصده
وشكلي بمر على اللي في الستي سنتر اشوف
لأني رحت امس اللاندمارك وخذت لي تجربه
لكن مدري احس في نوعيات افضل
من ناحية المدواخ نفسه او من ناحية الخشق او التتن ..
وخذت التتن اللي يسميه على قولة البائع ( الـ فتك )
ماااااااش ما جابت راسي احسها خفيفه واجد .
مع انه يقول انها تفر الراس و انها متوسطة ..
لكن ماش مادري العيب من المدواخ نفسه والا من التتن
..............


تايد : هلا فيك يالخطير انت
طيب دامك وضحت لي بقول لك الحين هل نوعية السبيل او المدواخ
فقط للكشخه او لها تأثير على جودة النكهة ؟

وبالنسبة للتتن شكلي بشوف السوق العماني
لأني زي ما قلت لك رحت اللاندمارك قبل لا اقرا ردودكم
و خذت لي خلطة فتك على قولة البياع ومادري احسها ماجابت الراس
مو الشيء اللي في بالي و ابيه

فلذلك بشوف كان حصلت خلطة معروفة و توصون عليها انتو يكون شي طيب
شهاب5
27-09-2007, 12:53 PM
السوق العماني
al_1000
27-09-2007, 12:54 PM
شوف اذا تبي مدواخ اخذ اي مدواخ الي بـ15 ريال العادي الاسود
والدوخة اهم شي اتكون نظيفه خضرا ( حطيها على ايدك وحاول اتشوف الدوخة انه مايكون فيها نفس الخشب الصغير ) <<<00000 بس حاسب ترى ماوراها غير الامراض نفسها نفس الزقاير نصيحة مني اكل علوج نسكافيه ترى يفر الراس :))


والله يبعد عنكم الزقاير وغيرة ..
الـقـاسـي
27-09-2007, 01:54 PM
والله أنا مااخذ دوخات من اهنا كله من بن خميري او يوسف رضا من الامارات لانهم اهما هل الدوخات مب العماني اللي هنا في الدوحه ماعنده الا فتك ولا تجيب المرض بعد ..
صليب الراي
29-09-2007, 03:12 PM
الله يعينك على التنظيف والترتيب حق المدواخ نفسه


تراه عباله

بس بعد جو ثاني
ANONYMOUS
29-09-2007, 07:59 PM
اعرف اكثر من واحد هدو الزقاير.. وراحوا للمدواخ.. بس عقب ردو للزقاير.. ارتب.. وسريع سريع..

لامقلمه تحطها بمخباك.. ولا تنظيف.. وتدخن بالسياره بالراحه.. الخ

عموما.. الله يفكنا من هالبلاوي.