موقفك من قانون المرور الجديد .. هل راح تلتزم والا عادي عندك ؟!

[صعب المنال]

http://al-sharq.com/UserFiles/image/local/localnews/September2007/1ptraffics23.gif



اليوم في الجريدة خبر عن بدء تطبيق قانون المرور الجديد بدءا من يوم الثلاثاء القادم الموافق 2 اكتوبر 2007م ، وطبعا جا في الخبر موجز وتوضيح لقيمة المخالفات لاكثر المخالفات شيوعا وهي كالتالي :

1- عدم ربط حزام الامان والتحدث بالجوال والتجاوز من اليمين : 500 ريال

2- قطع اشارة المرور الحمرا والسير عكس الاتجاه : حبس من شهر لين 3 سنوات أو من 10 الاف ريال لين 50 الف أو احدى العقوبتين .

3- غرامة انتهاء صلاحية المركبة 1500 ريال

4- غرامة استخدام التنبيه الصوتي ( الهرن ) بدون داعي 300 ريال

5- عدم تركيب اللوحات المعدنية ( نفس بعض الشباب اللي عندهم سيارات سبورت ) :) : 3000 ريال .

السؤال الآن :

هل راح تلتزم بالضوابط المذكورة أعلاه مثل ربط حزام الامان وعدم التجاوز من اليمين وعدم استخدام الجوال ؟؟ والا الموضوع بالنسبة لك عادي :)

شخصيا أنا من اليوم بديت اربط حزام الأمان وعقب التراويح باروح ادور لي تحويلة نوكيا عشان أركبها في السيارة :)

ملاحظة :

اليوم الصبح تميت أتامل في الناس في الزحمة واكتشفت واجد شباب رابطين حزام الأمان :)

[الداعي]

من ناحيتي بلتزم لمصلحتي ومصلحة غيري، ولكن ارى ان عقوبة الاشاره الحمرا والقياده عكس السير مبالغ فيها جدا.

وشكرا

[المجروح81]

انا من ناحيتي بخاف بخاق من هالمبالغ الخياليه والعقوبات

وبخصوص الاشاره الحمرا اشووفها وايد وااايد

[راعي النيسان]

هههههههههههههههه لا تعليق .. بس يقولون الحافظ هو الله :app::app:

[ابوعلي]

من ناحيتي بلتزم لمصلحتي ومصلحة غيري، ولكن ارى ان عقوبة الاشاره الحمرا والقياده عكس السير مبالغ فيها جدا.

وشكرا

والله يالغالي بالعكس اشوف العقوبة صارمه وممتازة

خاصة من بعد الحوداث الي صارت من قطع الاشارات عند مدينة خليفة الرياضيه والارواح الي راحت وللأسف للحين نشوف قطع الاشارات وان شاء الله تكون الصرامه في التنفيذ


والي ملتزم بالقوانيين ما بيحاتي شي

[ابن الوكره]

للاسف هذا ليس قانون .... هذه ضرائب اول مره في العالم نرى قانون كل بنوده ( غرامات مالية )
لو كان هدف المرور مصلحة المواطن لكان وضع ظوابط وعقوبات جزائية و قانونيه بدل من الضرائب
دول العالم تسجن من يقود سيارته بسرعة جنونيه او تسحب رخصته اما الغرامة لاتردع انما ضريبة لصالح المرور

[صعب المنال]

من ناحيتي بلتزم لمصلحتي ومصلحة غيري، ولكن ارى ان عقوبة الاشاره الحمرا والقياده عكس السير مبالغ فيها جدا.

وشكرا


هلا اخوي الداعي ، عقوبة الاشارة الحمرا لمستحقيها ولا اعتقد ان الملتزم بها يضره لو كانت الغرامة حتى بمئة ألف ريال ، يعطيك العافية .

[صعب المنال]

انا من ناحيتي بخاف بخاق من هالمبالغ الخياليه والعقوبات

وبخصوص الاشاره الحمرا اشووفها وايد وااايد


اخوي المجروح راجع ردي على الاخ الداعي يعطيك العافية

[صعب المنال]

هههههههههههههههه لا تعليق .. بس يقولون الحافظ هو الله :app::app:


والنعم بالله اخوي لكن شريعتنا امرتنا بان ناخذ بالأسباب :

ما يصير اسوق سيارتي بسرعه 180 واقول الحافظ الله ؟!

ما يصير ادخن واحرق صحتي وفلوسي واقول الحافظ الله ؟!


الله يستر علينا

[صعب المنال]

والله يالغالي بالعكس اشوف العقوبة صارمه وممتازة

خاصة من بعد الحوداث الي صارت من قطع الاشارات عند مدينة خليفة الرياضيه والارواح الي راحت وللأسف للحين نشوف قطع الاشارات وان شاء الله تكون الصرامه في التنفيذ


والي ملتزم بالقوانيين ما بيحاتي شي


فعلا اخوي الملتزم ما راح تفرق معاه ان شاء الله توصل الغرامة 100 الف :)

[الداعي]

شكرا للاخوان اللي علقو على ردي، وجهة نظري لم تكن بسبب خوفي من الاشاره او اني ممن يستهترون، وبصراحه انا خايف من موضوع عكس السير اكثر من موضوع الاشاره لان ما اخفيكم صارتلي اكثر من مره اني دخلت شارع "داخلي" بعكس السير بسبب الحفريات وبسبب عدم وجود علامه لتوضيح اتجاه السير..

لذلك ان كان الاخوان في ادارة المرور يبون يطبقون القانون بحذافيره فعلى الرحب والسعه ولكن يجب ان يوفرون لنا كل الامكانيات اللي تخلينا نتجنب الوقوع في الخطأ.

ومن الاسباب ايضا الاشارات اللي تنط من الاخضر للاحمر على عطول.. تخيلو ياجماعه انت لين اخر ثانيه امفكر الاشاره خضره وبالاخير اتصير حمره وتتصور؟ من الغلطان بهالحاله؟ واذا ضربت بريك راح تعرض نفسك وغيرك للحوادث..

[صعب المنال]

للاسف هذا ليس قانون .... هذه ضرائب اول مره في العالم نرى قانون كل بنوده ( غرامات مالية )
لو كان هدف المرور مصلحة المواطن لكان وضع ظوابط وعقوبات جزائية و قانونيه بدل من الضرائب
دول العالم تسجن من يقود سيارته بسرعة جنونيه او تسحب رخصته اما الغرامة لاتردع انما ضريبة لصالح المرور


اخوي ابن الوكره

ما ظن يخفى عليك بأن لكل مجتمع تركيبته السكانية وظروفه الاجتماعية والثقافية والإقتصادية ولكل مجتمع قوانينه وتشريعاته وطبيعته المعيشية ، لذا هذه القوانين والضوابط تصدر وفق هذه العوامل والتعامل معها ، ربما العقوبات الجزائية والقانونية لا تتماشى مع مجتمعنا وتركيبته ولكن الضرائب والغرامات تتماشى ، عندما يكون هناك شاب راتبه 9 الاف مثلا ولا يربط حزام الأمان مثلا وفجأة يجد مثلا ان المخالفة المترتبة على ذلك لأكثر من مره 2000 ريال فإنه بالضرورة سوف يحاول الإلتزام بذلك في المرات القادمة .

بعدين قانون المرور الجديد فيه عقوبات جزائية مثل الحبس وسحب السيارة وسحب الرخصة وأعتقد ان نظام النقاط هو اكبر دليل على وجود عقوبات جزائية على السائقين .

يعطيك العافيه اخوي

[ANONYMOUS]

من ناحيتي.. التزمت من فتره.. وعلى الله لا خورها

[سهم عربي]

للاسف هذا ليس قانون .... هذه ضرائب اول مره في العالم نرى قانون كل بنوده ( غرامات مالية )
لو كان هدف المرور مصلحة المواطن لكان وضع ظوابط وعقوبات جزائية و قانونيه بدل من الضرائب
دول العالم تسجن من يقود سيارته بسرعة جنونيه او تسحب رخصته اما الغرامة لاتردع انما ضريبة لصالح المرور

أتفق معاك أخوي ..

المفروض العقوبات تكون ... سجن أو حجز سيارة أو سحب رخصة ..الخ

أما هذه الغرمات نجدها لا يوجد لها مثيل في العالم !!

ويا إدارة المرور أي انتم من نظام شارع سالك في الأمارات قمه في التطور . :nice:

ونحن عندنا شوارع الضيقه والأزدحام الشديد ونظام الدوارات القديم ومع الضرائب الجديده

راح ترفع ضغظ الدم أونصاب بالسكري من القهر . :anger2:

حسبنا الله ونعم الوكيل

[بيانو]

اكيد بنلتزم

الالتزام لصالح الجميع

ولاكن
القانون فيه اشياء مبالغ فيه

[صعب المنال]

شكرا للاخوان اللي علقو على ردي، وجهة نظري لم تكن بسبب خوفي من الاشاره او اني ممن يستهترون، وبصراحه انا خايف من موضوع عكس السير اكثر من موضوع الاشاره لان ما اخفيكم صارتلي اكثر من مره اني دخلت شارع "داخلي" بعكس السير بسبب الحفريات وبسبب عدم وجود علامه لتوضيح اتجاه السير..

لذلك ان كان الاخوان في ادارة المرور يبون يطبقون القانون بحذافيره فعلى الرحب والسعه ولكن يجب ان يوفرون لنا كل الامكانيات اللي تخلينا نتجنب الوقوع في الخطأ.

ومن الاسباب ايضا الاشارات اللي تنط من الاخضر للاحمر على عطول.. تخيلو ياجماعه انت لين اخر ثانيه امفكر الاشاره خضره وبالاخير اتصير حمره وتتصور؟ من الغلطان بهالحاله؟ واذا ضربت بريك راح تعرض نفسك وغيرك للحوادث..


اخوي الداعي اتفق وياك ان لازم تتوفر العوامل اللي تساعد على عدم مخالفة الناس لهذه القوانين والتعليمات ومن ضمنها مثل ما ذكرت سالفة التحويلات والطرق الداخلية لكن اتوقع انها فترة وتعدي ضمن مشاريع الدولة وان شاء الله تخلص قريب ، سالفة الإشارات اللي تنط من الاخضر للاحمر اتفق وياك واعتقد فيه اشارات جديدة راح تنضاف وفيه اشارات راح يعدل توقيتها وآلية عملها .

تحياتي لك

[صعب المنال]

من ناحيتي.. التزمت من فتره.. وعلى الله لا خورها


يعطيك العافيه وان شاء الله الكل يلتزم

[ناصر العمادي]

والله ياخوي انا من فتره طويله ملتزم ...
واشوف ان الألتزام فيه خير لي ولغيري ..فأنا اذا لم احترم القانون والناس اللي يمشون بالقانون فما عتقد حد راح يحترمني ...
اما بخصوص الغرامات هي فعلا كبيره لكن من يخالف يستحق الغرامه وخصوصا قطع الأشاره لما لها من عواقب وخيمه جدا قد تؤدي الى وفاة اناس ابرياء والسبب استهتار المخالف .. فهل بسبب انسان متهور تفقد اسره عائلها ومن بيعوض الأسره عن فقدان الأب او الأم ..خلونا نكون واقعيين قطع الأشاره جريمه بحق المجتمع من انسان لايستحق الرحمه ...
اما ربط الحزام فأنا اشوف لو يكون على الخطوط السريعه فقط افضل ...
واما بخصوص انتهاء الأستماره فأراها مبالغ فيها لأن الأنسان ممكن ان ينسى بسبب مشاكل الحياه او يكون مريض او ان السياره خربانه ولايستطيع تصليحها والأسباب كثيره ومااعتقد انتهاء الأستماره فيه خطر على الشارع او اي شخص مجرد ضريبه وتأخرت في دفعها
اتمنى السلامه للجميع ونأمل ان نجد قطر خاليه من الحوادث المميته..
اللهم احفظ قطر واهل قطر والمقيمين على ارض قطر
ووفقكم الله جميعا لما يحب ويرضى
وشكرا اخي العزيز على الموضوع الهادف

[صعب المنال]

أتفق معاك أخوي ..

المفروض العقوبات تكون ... سجن أو حجز سيارة أو سحب رخصة ..الخ

أما هذه الغرمات نجدها لا يوجد لها مثيل في العالم !!

ويا إدارة المرور أي انتم من نظام شارع سالك في الأمارات قمه في التطور . :nice:

ونحن عندنا شوارع الضيقه والأزدحام الشديد ونظام الدوارات القديم ومع الضرائب الجديده

راح ترفع ضغظ الدم أونصاب بالسكري من القهر . :anger2:

حسبنا الله ونعم الوكيل



اخوي سهم عربي

ما ظن يخفى عليك بأن لكل مجتمع تركيبته السكانية وظروفه الاجتماعية والثقافية والإقتصادية ولكل مجتمع قوانينه وتشريعاته وطبيعته المعيشية ، لذا هذه القوانين والضوابط تصدر وفق هذه العوامل والتعامل معها ، ربما العقوبات الجزائية والقانونية لا تتماشى مع مجتمعنا وتركيبته ولكن الضرائب والغرامات تتماشى ، عندما يكون هناك شاب راتبه 9 الاف مثلا ولا يربط حزام الأمان مثلا وفجأة يجد مثلا ان المخالفة المترتبة على ذلك لأكثر من مره 2000 ريال فإنه بالضرورة سوف يحاول الإلتزام بذلك في المرات القادمة .

بعدين قانون المرور الجديد فيه عقوبات جزائية مثل الحبس وسحب السيارة وسحب الرخصة وأعتقد ان نظام النقاط هو اكبر دليل على وجود عقوبات جزائية على السائقين .

يعطيك العافيه اخوي

[milan]

نتمنى ان الشباب يتقيدون بنظم وقوانين المرور اثناء القياده حفاظا على ارواحهم وارواح الآخرين
كذلك نتمنى من بعض المستهترين عدم الاستهتار:)

اما بخصوص قطع الاشاره فهي مهمه لان في حالة عدم الالتزام بينضرون ناس مالهم ذنب :(

[السعدي999]

اولا : نتمنى ان الشباب يتقيدون بنظم وقوانين المرور اثناء القياده حفاظا على ارواحهم وارواح الآخرين

ثانيا : كل هذه القوانيين هي في مصلحة المواطن والمقيم في الحفاظ على الارواح والممتلكات

ثالثا : ماهو الظرر المترتب في تطبيق والعمل في هذا القانون اليس هو يصب في مصلحة الجميع وكذلك الذوق العام

نتمنى التوفيق للجميع والسداد لما فيه الخير

[مكنتوش]

!!

ويا إدارة المرور أي انتم من نظام شارع سالك في الأمارات قمه في التطور . :nice:



تبون شوارع بفلوس ؟

[المتألم]

يا خوك في القانون الجديد كان عليهم أول شي

يطلعوا قانون على هذولا اللي يمسكون أقصى اليمين ويسيرون على بيضه

لا ويملغون عليك لإنك ما تقدر تهرن لهم ولا تديم

والله حاله ..

بالنسبة لي للحين ما ألتزمت ما أقدر ما اسرع ..

بس على هالمخالفات الواحد بيحاول يمسك نفسه ويجهز حبوب للضغط

الله يستر علينا بس ويحفظنا ..

.

[الجمارك]

مرحبا اخوي

انا عن نفسي بلتزم وملتزم حالين من كل شي اما عن حزام الامان والله مقدر التزم وما اقدر اتئقلم معاه الا لين اسافر او امسك خط طويل مثل خط الخور او الشمال انا اول مره اشوف نا س تخالف على الاحزام داخل السوق و داخل المدينه يا خي دول متقدمه اكثر منه ما تخالف الا على الخطوط الخارجيه اذكر اول ما طبقو الاحزام عندنا طبقوه فقط على الخطوط الخارجيه جان حد فيكم يذكر وبعدين طبقوه داخل المدينه انه اشوف انهم يعيدون النظر في بعض بنود القانون وانا ما ائيد نظام النقاط واتمنى انهم يعيدون النظر

[ذوق]

انا أشوووف الحزااام المفروض يتطبق حتى عند دخلة البيت..المشكله المستهترين..والمفروض ماتكون الغرامه فقط على الحزام الأمامي للسائ...كلا يجب أيضآ أن يضعوا غرامه على الركاب أيضآ وعني انا راح أطبقه بأذن الله :anger1:

[الجمارك]

انا أشوووف الحزااام المفروض يتطبق حتى عند دخلة البيت..المشكله المستهترين..والمفروض ماتكون الغرامه فقط على الحزام الأمامي للسائ...كلا يجب أيضآ أن يضعوا غرامه على الركاب أيضآ وعني انا راح أطبقه بأذن الله :anger1:

:funny: :funny: :funny:

وبعدين اشدخل المستهترين

[بوخالد2]

بالعكس ان شاءالله بحاول اني التزم بالقوانيين

ولكن عندي مطلب بسيط بس لو يترجمون القوانيين

باللغه الهنديه والفلبينيه والباكستانيه -- يعني جميع الجاليات بالبلد

والله الحافظ ان شاءالله

[راعي النيسان]

والنعم بالله اخوي لكن شريعتنا امرتنا بان ناخذ بالأسباب :

ما يصير اسوق سيارتي بسرعه 180 واقول الحافظ الله ؟!

ما يصير ادخن واحرق صحتي وفلوسي واقول الحافظ الله ؟!


الله يستر علينا


شكلك فهمتني غلط ... الحافظ اهو الله .. أقصد يعني اللي ماشي في حال سبيله وملتزم بأداب الطريق ما يهمه شي ،، وحتى لو كنت ماشي وملتزم والله قدر انه يصير لي حادث فاهي بعد قدرة رب العباد ... بالنهاية الواحد يقول الحافظ اهو الله .. والله يحفظنا ويحفظ كل المسلمين من المساوي والشرور ..

[مضارب دوسري]

بالنسبه لي عادي
لان ولله الحمد من زمان وانا ملتزم بالقوانين لمصلحتي ومصلحة غيري:app:

وبصراحه انا واحد من المشايخ قالي ان اللي يموت لاقدر الله وهو مسرع بالسياره بدون داعي يكون مثله كمثل المنتحر

[صعب المنال]

اكيد بنلتزم

الالتزام لصالح الجميع

ولاكن
القانون فيه اشياء مبالغ فيه


يعطيك العافيه ، والمبالغة اللي فيه أعتقد مطلوبة لعل وعسى شبابنا يلتزمون اكثر

[خشوف]

:( خلاص خل يدفعون مخالفاتنا القديمه وبنلتزم من الشهر الي بعده :anger2:

[صعب المنال]

والله ياخوي انا من فتره طويله ملتزم ...
واشوف ان الألتزام فيه خير لي ولغيري ..فأنا اذا لم احترم القانون والناس اللي يمشون بالقانون فما عتقد حد راح يحترمني ...
اما بخصوص الغرامات هي فعلا كبيره لكن من يخالف يستحق الغرامه وخصوصا قطع الأشاره لما لها من عواقب وخيمه جدا قد تؤدي الى وفاة اناس ابرياء والسبب استهتار المخالف .. فهل بسبب انسان متهور تفقد اسره عائلها ومن بيعوض الأسره عن فقدان الأب او الأم ..خلونا نكون واقعيين قطع الأشاره جريمه بحق المجتمع من انسان لايستحق الرحمه ...
اما ربط الحزام فأنا اشوف لو يكون على الخطوط السريعه فقط افضل ...
واما بخصوص انتهاء الأستماره فأراها مبالغ فيها لأن الأنسان ممكن ان ينسى بسبب مشاكل الحياه او يكون مريض او ان السياره خربانه ولايستطيع تصليحها والأسباب كثيره ومااعتقد انتهاء الأستماره فيه خطر على الشارع او اي شخص مجرد ضريبه وتأخرت في دفعها
اتمنى السلامه للجميع ونأمل ان نجد قطر خاليه من الحوادث المميته..
اللهم احفظ قطر واهل قطر والمقيمين على ارض قطر
ووفقكم الله جميعا لما يحب ويرضى
وشكرا اخي العزيز على الموضوع الهادف


ياهلا فيك اخوي بوبدر

اشكر فنك لانك ملتزم بهالقوانين من زمان بيني وبينك انا نص ملتزم وساعات اقطع الاشارة اذا كنت متملل ومافيه حد يراقبني ، بس الحين ماعتقد اسويها خلاص توبه :)

كلامك ما عليه غبار ، اما بخصوص الاستمارة اخوي مابي اصدمك لكن اعرف ناس من سنة 98 ليما الحين ما جددوا الإستمارة :) ويسوقون ع البركة ، يقولك ليش اجددها كل سنه واعور راسي اصلا المخالفة اذا صادوني بس 500 ريال يعني ما تسوى :) لذلك ارفعوا قيمة المخالفة الحين لين 3000 ريال . وغير كذا في امور ثانيه الظاهر مرتبطة بسالفة الأمن وامكانية استخدام هالسيارات في اغراض اخرى مثل السرقات وغيره .

[صعب المنال]

نتمنى ان الشباب يتقيدون بنظم وقوانين المرور اثناء القياده حفاظا على ارواحهم وارواح الآخرين
كذلك نتمنى من بعض المستهترين عدم الاستهتار:)

اما بخصوص قطع الاشاره فهي مهمه لان في حالة عدم الالتزام بينضرون ناس مالهم ذنب :(


تسلم اخوي ميلان وماعلى كلامك خلاف

[الخيميائي]

كنت اتمنى يبدأ التطبيق الفعلي 1-1-2008

علشان نستعد ونجمع كم من فلس بالبورصة علشان ندفعه في اليوم الاسود :p

انا عن نفسي بلتزم علشان السلامة العامة

مب علشان خايف من المخالفات :eek2:

[الزاجل]

لا تبوق ولا تخاف ..

حياة الناس اغلى من مهاترات السائقين
اللي يستعرضون بقلة خبرتهم في الحفاظ على حياة
الآخرين في الشوارع العامة ..

المخالفات قليلة جدا في حق من يستهتر
وان شاءالله في العلالي

[الخيميائي]

لا تبوق ولا تخاف ..

حياة الناس اغلى من مهاترات السائقين
اللي يستعرضون بقلة خبرتهم في الحفاظ على حياة
الآخرين في الشوارع العامة ..

المخالفات قليلة جدا في حق من يستهتر
وان شاءالله في العلالي

انا افضل السجن على ال50 الف :d

[بويوسف]

انه خالفوني وطرشو لي مسج من مطراش
:( ولا ادري متى وليش وشحقه

[سهم المراقيب]

ان شاء الله التزم,,
ما عندي استعداد أدفع ,,

[jajassim]

انه خالفوني وطرشو لي مسج من مطراش
:( ولا ادري متى وليش وشحقه

دفع البلاء :rolleyes:

[jajassim]

لا تبوق ولا تخاف ..

حياة الناس اغلى من مهاترات السائقين
اللي يستعرضون بقلة خبرتهم في الحفاظ على حياة
الآخرين في الشوارع العامة ..

المخالفات قليلة جدا في حق من يستهتر
وان شاءالله في العلالي

:strong:strong

[jajassim]

انا افضل السجن على ال50 الف :d

:eek2::eek2:

[jajassim]

ان شاء الله التزم,,
ما عندي استعداد أدفع ,,

:p:p:p

[بويوسف]

دفع البلاء :rolleyes:

المشكلة اني اليوم بس دافع المخالفات اللي علي وقدرها 800 ريال قطري نوط ينطح نوط

اظن ان واحد من الشباب اللي على الدواوير شافني مالابس حزام وجك الرقم. مع اني كل ماشوفهم ادعلي لهم crazy

[jajassim]

المشكلة اني اليوم بس دافع المخالفات اللي علي وقدرها 800 ريال قطري نوط ينطح نوط

اظن ان واحد من الشباب اللي على الدواوير شافني مالابس حزام وجك الرقم. مع اني كل ماشوفهم ادعلي لهم crazy

:con2::con2:

[flan2222]

انا اشوف ان المخالفات مبالغ فيها ولا تجديد الاستماره 1500 ريال !!:: والله قويه الحزام 500 قويه بعد :::: لايكون مفكرررين رواتبنا مثل الاجانب !! لازم يصرفون لنا علاوة بدل غلاء المخالفات:

[وحيد-الشوق]

انا اشوف ان المخالفات مبالغ فيها ولا تجديد الاستماره 1500 ريال !!:: والله قويه الحزام 500 قويه بعد :::: لايكون مفكرررين رواتبنا مثل الاجانب !! لازم يصرفون لنا علاوة بدل غلاء المخالفات:

معقولة تجديد الاستمارة 1500 :anger2:

بس حلوة ذي علاوة بدل غلاء المخالفات :funny:

[صعب المنال]

اولا : نتمنى ان الشباب يتقيدون بنظم وقوانين المرور اثناء القياده حفاظا على ارواحهم وارواح الآخرين

ثانيا : كل هذه القوانيين هي في مصلحة المواطن والمقيم في الحفاظ على الارواح والممتلكات

ثالثا : ماهو الظرر المترتب في تطبيق والعمل في هذا القانون اليس هو يصب في مصلحة الجميع وكذلك الذوق العام

نتمنى التوفيق للجميع والسداد لما فيه الخير


صدقت اخوي السعدي يعطيك العافيه

[صعب المنال]

يا خوك في القانون الجديد كان عليهم أول شي

يطلعوا قانون على هذولا اللي يمسكون أقصى اليمين ويسيرون على بيضه

لا ويملغون عليك لإنك ما تقدر تهرن لهم ولا تديم

والله حاله ..

بالنسبة لي للحين ما ألتزمت ما أقدر ما اسرع ..

بس على هالمخالفات الواحد بيحاول يمسك نفسه ويجهز حبوب للضغط

الله يستر علينا بس ويحفظنا ..

.


اخوي المتألم ترى فيه عقوبة حق النوعية اللي تتكلم عنهم واللي يمشون بسرعة بطئية زيادة عن اللزوم :)

يعطيك العافية

[jajassim]

معقولة تجديد الاستمارة 1500 :anger2:

بس حلوة ذي علاوة بدل غلاء المخالفات :funny:


أخوى انت متؤكد من هذا الكلام ؟ :con2:

ناطر ردك :deal:

[% ام فهد %]

انزين ترى نسينا ان في ناس مستهترين

ما يهم عادي بيدفعون

انا ذاك اليوم شايفة واحد واقف عند الدوار ويتكلم في الجوال و الشرطي يسجل المخالفة وهو عاااادي

ولا كأنه يشوف الشرطي

ترى الالتزام يجي من نفس الواحد محد يلزمه

لكن المرور بعد ما يقصرون وما ينلامون يوم انهم يحطون هالقوانين

من اللي يشوفونه

واخيرا وليس اخرا

(( القياده فن و ذوق واخلاق ))

و اي واحد يخالف القوانين فيعتبر نفسه مجرد من هالصفات

و شكرا لكم

[صعب المنال]

مرحبا اخوي

انا عن نفسي بلتزم وملتزم حالين من كل شي اما عن حزام الامان والله مقدر التزم وما اقدر اتئقلم معاه الا لين اسافر او امسك خط طويل مثل خط الخور او الشمال انا اول مره اشوف نا س تخالف على الاحزام داخل السوق و داخل المدينه يا خي دول متقدمه اكثر منه ما تخالف الا على الخطوط الخارجيه اذكر اول ما طبقو الاحزام عندنا طبقوه فقط على الخطوط الخارجيه جان حد فيكم يذكر وبعدين طبقوه داخل المدينه انه اشوف انهم يعيدون النظر في بعض بنود القانون وانا ما ائيد نظام النقاط واتمنى انهم يعيدون النظر


هلا اخوي الجمارك

حاول تعود نفسك على حزام الامان ، لأن الظاهر راح يكون تشديد في تطبيق هالقانون ، غير كذا ترى نظام النقاط بيشتغل يعني مب مشكلة تقول بادفع المخالفات وخلاص ، لان كل مخالفة ولها نقاط تنضاف في رصيدك لين تنسحب منك الرخصة :)

[صعب المنال]

انا أشوووف الحزااام المفروض يتطبق حتى عند دخلة البيت..المشكله المستهترين..والمفروض ماتكون الغرامه فقط على الحزام الأمامي للسائ...كلا يجب أيضآ أن يضعوا غرامه على الركاب أيضآ وعني انا راح أطبقه بأذن الله :anger1:


من قالج انه ما راح يتطبق على الراكب اللي بجنب السايق ؟! الا بيتطبق والمخالفة اذا فيه مخالفة راح يدفعها السايق :eek2:

[صعب المنال]

بالعكس ان شاءالله بحاول اني التزم بالقوانيين

ولكن عندي مطلب بسيط بس لو يترجمون القوانيين

باللغه الهنديه والفلبينيه والباكستانيه -- يعني جميع الجاليات بالبلد

والله الحافظ ان شاءالله


يعطيك العافية واعتقد الاقتراح موجود وأظن بيشتغلون عليه الربع في المرور

[صعب المنال]

شكلك فهمتني غلط ... الحافظ اهو الله .. أقصد يعني اللي ماشي في حال سبيله وملتزم بأداب الطريق ما يهمه شي ،، وحتى لو كنت ماشي وملتزم والله قدر انه يصير لي حادث فاهي بعد قدرة رب العباد ... بالنهاية الواحد يقول الحافظ اهو الله .. والله يحفظنا ويحفظ كل المسلمين من المساوي والشرور ..


السموحه منك اخوي راعي النيسان وحقك علي ، ويعطيك العافيه على توضيحك والله يحفظ الجميع ان شاء الله


بالنسبه لي عادي
لان ولله الحمد من زمان وانا ملتزم بالقوانين لمصلحتي ومصلحة غيري:app:

وبصراحه انا واحد من المشايخ قالي ان اللي يموت لاقدر الله وهو مسرع بالسياره بدون داعي يكون مثله كمثل المنتحر



يعطيك العافية يالدوسري ، وفعلا فيه فتوى بهالموضوع ولا تلقوا بايديكم الى التهلكة .

[صعب المنال]

:( خلاص خل يدفعون مخالفاتنا القديمه وبنلتزم من الشهر الي بعده :anger2:


انا لو كنت مسؤول في المرور والدولة كان صفرت عداد مخالفات كل الناس لين تاريخ 01/10/2007م :) وشلت عنهم كل المخالفات ونبتدي صفحة جديدة :app:

[وحيد-الشوق]

من قالج انه ما راح يتطبق على الراكب اللي بجنب السايق ؟! الا بيتطبق والمخالفة اذا فيه مخالفة راح يدفعها السايق :eek2:

بل بل شدعوه بعد الراكب :anger2:

[صعب المنال]

كنت اتمنى يبدأ التطبيق الفعلي 1-1-2008

علشان نستعد ونجمع كم من فلس بالبورصة علشان ندفعه في اليوم الاسود :p

انا عن نفسي بلتزم علشان السلامة العامة

مب علشان خايف من المخالفات :eek2:


كفوووو :)


لا تبوق ولا تخاف ..

حياة الناس اغلى من مهاترات السائقين
اللي يستعرضون بقلة خبرتهم في الحفاظ على حياة
الآخرين في الشوارع العامة ..

المخالفات قليلة جدا في حق من يستهتر
وان شاءالله في العلالي


صدقت اخوي الزاجل :)
اصلا المخالفات ما حطوها الا عشان المستهترين واللي مب مفتكرين بحد


انه خالفوني وطرشو لي مسج من مطراش
:( ولا ادري متى وليش وشحقه


الظاهر مخالفة حزام الامان واللي صايدك واحد من التحريات :)


ان شاء الله التزم,,
ما عندي استعداد أدفع ,,


دفع البلاء :rolleyes:


صح لسانك :)

[وحيد-الشوق]

أخوى انت متؤكد من هذا الكلام ؟ :con2:

ناطر ردك :deal:

:confused: :confused:

مادري تقصدني بس انا سمعت ان تجديد الاستمارة 1500 ريال :confused:

[صعب المنال]

بل بل شدعوه بعد الراكب :anger2:


الشيخ هالقانون من زمان تقدر تقول من اول ما شددوا على موضوع حزام الامان :)
أخبر مره كنت ويا رفيجي وانا اللي اسوق صوب سوق الديرة لين وصلت صوب الشرطي الا يأشر لي يقولي حزام الأمان كان اساله واقوله اذا اللي احذاي مب رابط الحزام شبيصير قال بنخالفه وانت بحكم انك سايق ملزوم بدفع المخالفة لانها اتسجل عليك :nice:

[صعب المنال]

:confused: :confused:

مادري تقصدني بس انا سمعت ان تجديد الاستمارة 1500 ريال :confused:


اخوي مخالفة عدم تجديد الاستمارة 3000 ريال اما سالفة تجديد الاستمارة والتأمين فعلا انا قريت مثلك قبل كم يوم في الجريدة انه الجماعة في غرفة صناعة وتجارة قطر مجتمعين مع ادارة المرور والداخلية ومقدمين اقتراح تكون قيمة تجديد الاستمارة ورفع قيمة التامين الى 1500 ريال لكن للذمة ماقريت تفاصيل الخبر . يعطيك العافية

[وحيد-الشوق]

اخوي مخالفة عدم تجديد الاستمارة 3000 ريال اما سالفة تجديد الاستمارة والتأمين فعلا انا قريت مثلك قبل كم يوم في الجريدة انه الجماعة في غرفة صناعة وتجارة قطر مجتمعين مع ادارة المرور والداخلية ومقدمين اقتراح تكون قيمة تجديد الاستمارة ورفع قيمة التامين الى 1500 ريال لكن للذمة ماقريت تفاصيل الخبر . يعطيك العافية

اخوي مثلا لو انتهت الاستمارة وجددتها بعد شهر بدفع 3000 ريال ؟ :anger2:

بصراحة القانون مب واضح كلش :court:

[صعب المنال]

انزين ترى نسينا ان في ناس مستهترين

ما يهم عادي بيدفعون

انا ذاك اليوم شايفة واحد واقف عند الدوار ويتكلم في الجوال و الشرطي يسجل المخالفة وهو عاااادي

ولا كأنه يشوف الشرطي

ترى الالتزام يجي من نفس الواحد محد يلزمه

لكن المرور بعد ما يقصرون وما ينلامون يوم انهم يحطون هالقوانين

من اللي يشوفونه

واخيرا وليس اخرا

(( القياده فن و ذوق واخلاق ))

و اي واحد يخالف القوانين فيعتبر نفسه مجرد من هالصفات

و شكرا لكم


ملاحظتج في محلها لكن نظام النقاط الظاهر انوجد عشان هالنوعية من المستهترين اللي فلووووسهم واجد ومب مفتكرين ، لأن مع كل مخالفة راح اتسجل عليهم نقاط وفي النهاية تنسحب الرخصة وعقب في عقوبة الحبس وغيره من العقوبات الرادعه . عاد مب شي الواحد يسجنونه والسبه مخالفة سيارة :)

[صعب المنال]

اخوي مثلا لو انتهت الاستمارة وجددتها بعد شهر بدفع 3000 ريال ؟ :anger2:

بصراحة القانون مب واضح كلش :court:



لا الشيخ اذا استمارة سيارتك منتهية وانت تسوق السيارة وصادوك بيصكونك مخالفة 3000 ريال :) بس طبعا فيه فترة سماح لانتهاء الاستمارة اتوقع من شهر لين 3 اشهر مب اكثر ، طبعا اذا مشترك بخدمة مطراش راح يطرشون لك مسج على جوالك تنبيه بضرورة تجديد الاستمارة وطبعا قبل لا تنتهي بشهر يطرشون لك المسج ، جزاهم الله خير اكثر من كذا ما يقدرون يسووون لكم شي

[وحيد-الشوق]

لا الشيخ اذا استمارة سيارتك منتهية وانت تسوق السيارة وصادوك بيصكونك مخالفة 3000 ريال :) بس طبعا فيه فترة سماح لانتهاء الاستمارة اتوقع من شهر لين 3 اشهر مب اكثر ، طبعا اذا مشترك بخدمة مطراش راح يطرشون لك مسج على جوالك تنبيه بضرورة تجديد الاستمارة وطبعا قبل لا تنتهي بشهر يطرشون لك المسج ، جزاهم الله خير اكثر من كذا ما يقدرون يسووون لكم شي

جزاك الله خير اخوي عالرد :app:

crazy crazy crazy

:eek3: :eek3: :eek3:

[شقردي]

السلام عليكم انا انسان مع القانون بس اشوف ان غرامة قطع الاشاره 50000 ريال

وصلاحية المركبه 1500 مبالغ فيها

[jajassim]

:confused: :confused:

مادري تقصدني بس انا سمعت ان تجديد الاستمارة 1500 ريال :confused:

ايه نعم اخوى اقصدك ،، لو تتكرم علينا توضحلي وين النص لهذه الفقرة ؟

[jajassim]

السلام عليكم انا انسان مع القانون بس اشوف ان غرامة قطع الاشاره 50000 ريال

وصلاحية المركبه 1500 مبالغ فيها


لا أخوى مش مبالغ فيها ،، لان قطع الاشارة 6000 ريال ،،، الا اذا تحولت القضية للنيابة ،، وصلت لأقصى العقوية وهى ال 50000 ريال ،،،

ولا تنظر الى اقصى العقوبة الا اذا انت ناوى على شئ :funny:

[المهاجر]

انا اشوف ان المخالفات مبالغ فيها ولا تجديد الاستماره 1500 ريال !!:: والله قويه الحزام 500 قويه بعد :::: لايكون مفكرررين رواتبنا مثل الاجانب !! لازم يصرفون لنا علاوة بدل غلاء المخالفات:


معقولة تجديد الاستمارة 1500 :anger2:

بس حلوة ذي علاوة بدل غلاء المخالفات :funny:


أخوى انت متؤكد من هذا الكلام ؟ :con2:

ناطر ردك :deal:


:confused: :confused:

مادري تقصدني بس انا سمعت ان تجديد الاستمارة 1500 ريال :confused:



اخوي مخالفة عدم تجديد الاستمارة 3000 ريال اما سالفة تجديد الاستمارة والتأمين فعلا انا قريت مثلك قبل كم يوم في الجريدة انه الجماعة في غرفة صناعة وتجارة قطر مجتمعين مع ادارة المرور والداخلية ومقدمين اقتراح تكون قيمة تجديد الاستمارة ورفع قيمة التامين الى 1500 ريال لكن للذمة ماقريت تفاصيل الخبر . يعطيك العافية


اخوي مثلا لو انتهت الاستمارة وجددتها بعد شهر بدفع 3000 ريال ؟ :anger2:

بصراحة القانون مب واضح كلش :court:



لا الشيخ اذا استمارة سيارتك منتهية وانت تسوق السيارة وصادوك بيصكونك مخالفة 3000 ريال :) بس طبعا فيه فترة سماح لانتهاء الاستمارة اتوقع من شهر لين 3 اشهر مب اكثر ، طبعا اذا مشترك بخدمة مطراش راح يطرشون لك مسج على جوالك تنبيه بضرورة تجديد الاستمارة وطبعا قبل لا تنتهي بشهر يطرشون لك المسج ، جزاهم الله خير اكثر من كذا ما يقدرون يسووون لكم شي

احب اوضح لكم الامر
القانون نص على ان تكون مخالفة عدم تجديد ترخيص تسيير المركبه ( الاستماره) 1500 ريالاذا لم تجدد خلال ثلاثين يوما
اما الكلام اللي نذكر فهو غير صحيح
وبالنسبه للرسوم انا غير متاكد منها الحين بس ان شاء الله راح اتاكد وارد عليكم ولكن انا متاكد انها مش 1500 ريال
وهاي نص القانون
مادة (11)
يكون تجديد ترخيص تسيير المركبة الميكانيكية في موعد لا يجاوز ثلاثين يوماً من تاريخ انتهاء مدته الأصلية.
ولا يجوز تسيير المركبة الميكانيكية على الطريق دون تجديد ترخيص تسييرها، وفي هذه الحالة يسحب الترخيص واللوحات المعدنية.

التصالح حسب الجدول
مادة 11 فقره
1500 ريال

[صعب المنال]

كلامك صحيح اخوي المهاجر التبس علي الموضوع المخالفة ام 3 الاف ريال مخالفة السير بدون لوحات معدنية لأن ما كنت متذكر وانا اصلا كاتبها في اول صفحة في الموضوع :)

[وحيد-الشوق]

ايه نعم اخوى اقصدك ،، لو تتكرم علينا توضحلي وين النص لهذه الفقرة ؟

اخوي اعتقد قريت الفقره في الجريدة ;)



احب اوضح لكم الامر
القانون نص على ان تكون مخالفة عدم تجديد ترخيص تسيير المركبه ( الاستماره) 1500 ريالاذا لم تجدد خلال ثلاثين يوما
اما الكلام اللي نذكر فهو غير صحيح
وبالنسبه للرسوم انا غير متاكد منها الحين بس ان شاء الله راح اتاكد وارد عليكم ولكن انا متاكد انها مش 1500 ريال
وهاي نص القانون
مادة (11)
يكون تجديد ترخيص تسيير المركبة الميكانيكية في موعد لا يجاوز ثلاثين يوماً من تاريخ انتهاء مدته الأصلية.
ولا يجوز تسيير المركبة الميكانيكية على الطريق دون تجديد ترخيص تسييرها، وفي هذه الحالة يسحب الترخيص واللوحات المعدنية.

التصالح حسب الجدول
مادة 11 فقره
1500 ريال



بعد 1500 ريال مبالغ فيها كأنك يابو زيد ماغزيت crazy

:court: يمكن الواحد ينشغل فترة او كان مسافر crazy

[jajassim]

اخوي اعتقد قريت الفقره في الجريدة ;)



بعد 1500 ريال مبالغ فيها كأنك يابو زيد ماغزيت crazy

:court: يمكن الواحد ينشغل فترة او كان مسافر crazy

اذا كنت مسافر جيب اثبات سيتم اعفاءك :nice:

[المهاجر]

كلامك صحيح اخوي المهاجر التبس علي الموضوع المخالفة ام 3 الاف ريال مخالفة السير بدون لوحات معدنية لأن ما كنت متذكر وانا اصلا كاتبها في اول صفحة في الموضوع :)

:nice::nice::nice:

[وحيد-الشوق]

اذا كنت مسافر جيب اثبات سيتم اعفاءك :nice:

:D crazy

[شقردي]

لا أخوى مش مبالغ فيها ،، لان قطع الاشارة 6000 ريال ،،، الا اذا تحولت القضية للنيابة ،، وصلت لأقصى العقوية وهى ال 50000 ريال ،،،

ولا تنظر الى اقصى العقوبة الا اذا انت ناوى على شئ :funny:

يمكن بعد توضيحك مراح انظر الي اقصى العقوبه لكن انت الضاهر فاكرني متهور انضر الي اقصى العقوبه

[jajassim]

يمكن بعد توضيحك مراح انظر الي اقصى العقوبه لكن انت الضاهر فاكرني متهور انضر الي اقصى العقوبه

محشوم يالغالي والله لك الحشيمه وينقص لساني واصابعي ولا انت تزعل :nice:

[الجمارك]

وبعدين ما سكين علينه الاحزام ولاحزام والجوال انزين وينهم عن الى يدخنون وهم يسوقون انا اشوفها اخطر من الى يتكلم بالجوال لو كان يدخن وهو يسوق وطاحت الزقاره ما بيناقز بالسياره علشان ما تحرقه او تحرق فرش المرسدس الى هو راكبه او اي سياره ثانيه ويمكن هشي او 90 بالميه بيسوي حادث على الاقل لو اتكلم بالجوال عادي بتكون ريلكس او اذا طاح عادي ما بيخاف من شي انا مستغرب ليش ما حطوو مخالفه على الى يدخنون اثناء القياده وياليت اخوي جاسم توصل الكلام لمعارفك بالمرور وشاكرلك حسن التعاون
واسمحلولي على الاطاله

[jajassim]

وبعدين ما سكين علينه الاحزام ولاحزام والجوال انزين وينهم عن الى يدخنون وهم يسوقون انا اشوفها اخطر من الى يتكلم بالجوال لو كان يدخن وهو يسوق وطاحت الزقاره ما بيناقز بالسياره علشان ما تحرقه او تحرق فرش المرسدس الى هو راكبه او اي سياره ثانيه ويمكن هشي او 90 بالميه بيسوي حادث على الاقل لو اتكلم بالجوال عادي بتكون ريلكس او اذا طاح عادي ما بيخاف من شي انا مستغرب ليش ما حطوو مخالفه على الى يدخنون اثناء القياده وياليت اخوي جاسم توصل الكلام لمعارفك بالمرور وشاكرلك حسن التعاون
واسمحلولي على الاطاله

اليوم المؤتمر ،، ممكن ترسل على الايميل وزارة الداخلية قبل الساعة 8:30 مساءا

[شقردي]

محشوم يالغالي والله لك الحشيمه وينقص لساني واصابعي ولا انت تزعل :nice:


الله يسلمك سلامتك اصابعك ولسانك ومعاش اللي يزعل منك اخوي

[صليب الراي]

والله انا انسان على طبيعتي

لست فوضوي من الاساس ولست قليل ذوق حتى اتعدى على الناس باللف عليهم او تخطي دورهم

الحمدلله من قبل لا يجون هاذولي ويعملونا

الحمدلله عارفين ومتعلمين ومب هم اللي يردعوننا

لكن فقط ضايقني القانون في شغلتين

1- الوقوف مواقف المعاقين لانها ضرورية للي يبي يشوف فيلم في سينما الستي الصراحه
وكنت اعتبرها رسوم موقف قريب ههههههههههه 300 ريال
لكن الحين مادري كم صارت جنه صارت 1000 مدري


2- حزام الامان : يعني بسوي نفس السعوديه لما تقرب من نقطة الفتيش تجر الحزام عليك سريع سريع
وخلاص

[صعب المنال]

والله انا انسان على طبيعتي

لست فوضوي من الاساس ولست قليل ذوق حتى اتعدى على الناس باللف عليهم او تخطي دورهم

الحمدلله من قبل لا يجون هاذولي ويعملونا

الحمدلله عارفين ومتعلمين ومب هم اللي يردعوننا

لكن فقط ضايقني القانون في شغلتين

1- الوقوف مواقف المعاقين لانها ضرورية للي يبي يشوف فيلم في سينما الستي الصراحه
وكنت اعتبرها رسوم موقف قريب ههههههههههه 300 ريال
لكن الحين مادري كم صارت جنه صارت 1000 مدري


2- حزام الامان : يعني بسوي نفس السعوديه لما تقرب من نقطة الفتيش تجر الحزام عليك سريع سريع
وخلاص



شكلك مب سهل اخوي :)

يعطيك العافيه

[بورش كيان]

من ناحيتي بلتزم بقانون المرور لان في النهايه لمصلحتي ومصلحت غيري

وشكرا