اخواني استشار ة مقارنة مالافضل حبيت اشتري سيارة قبل العيد

[المغترب 123]

اخواني حبيت اشتري سيارة قبل العيد ان شاءالله
مقارنة مالافضل
من ناحية الاستخدام والاعطال وسعر القطع غيار في الشركة وطريقة تعامل الشركة مع الزبون وتوفر القطع غيار والاكشـــــخ
الرنج موديل 2004 الى 2005
ولا
الكيان اس 2004 الى 2005

[الـقـاسـي]

أخوي انصحك بالكيان أبرك ..

[المغترب 123]

أخوي انصحك بالكيان أبرك ..



جزاك الله الف خيـــــر اخوي بس كنت اتمنى تشرح لي لو الشيء البسيط لماذا الكيان اخوي :con2:

[أمير المحبه]

خذ الرنج والقلب داعيلك وانا اشهد انة موتر واسئل مجرب

[alwahesh]

انا مع اخوي القسا

خذ بورش كيان اس وعيش حياتك اما الرنج ابتعد عنه لان خرابه وايد ويوقف عليك في الشارع يعني تأجر لك سطحه وتخليها في البيت

اما البورش صج الصيانة تكلف لكنها ما شاء الله تستحمل وما توقف عليك بالشارع .


بالتوفيق

[ame32480]

مرحباا اخوي

انا انصحك بالرنج لانه الكيان شكله تغير .. فالقديم يعني صار عادي ومب رزه ..

والرنج شكله للحين نفس ماهو ... وبعدين كراجهم زين .. ويخلصون السياره بسرعه ..

واذا حصلت 2006 يكون احسن .. لانه فيه تغيرات في الشبك .. وارز من ال 2005

ونصيحه بعد خذ الاج اس اي احسنلك من الفوج .. وخراباته اقل بواايد ..

[رآعي موآجيب]

انصحك بالكيان , صحيح شكله تغير بس بتروح عليه كل مكان وانت مرتاح وفي نفس الوقت للحين ماسك رزته

اما الرنج بأنواعه صحيح انه رزه لكن وين ماتروح يدك على قلبك تنطر متى بيوقف عليك في الشارع كالعاده

ترى الكيان في السيارات الاروبيه مثل الكروزر في السيارات اليابانيه

يعني دق سلف وحرك

وادعيلك بالتوفيق اخوي

.. تحياتي ..

[بطران]

لا رنج ولا بورش ... تراني فكرت في ال 2008 في السيارتين ... تراهم مواتر عره ..يعني طربه ... شهرين ولا ثلاثه وتصفهم بالمعرض ... وبتشوف ... بيبرد خاطرك وبتزهق ... حتى تطعيس بتستحي تطعس فيهم ..حق طنازة خلق الله بس ... كفايه قطع غيارهم ...عسى مايصير شي بالموتر تحصل موظفين الاستقبال يقولون لك ممكن تعطينا البوك ... بتقولهم ليش ؟؟ بيقولون لك :لان اسعارنا ضو وبتشردك !!

عن نفسي ناطر الاتش تو 2008 شهر واحد بيوصلون ... ماكينته 6.2 ..من داخل كله متغير ..سته جير ... وخدمة المناعي خمس نجوم لو تاخذ بيك اب !!

[sahari]

خذ رنج وروح لهلك
احسن من جميع النواحي

[المجروح81]

لا رنج ولا بورش ... تراني فكرت في ال 2008 في السيارتين ... تراهم مواتر عره ..يعني طربه ... شهرين ولا ثلاثه وتصفهم بالمعرض ... وبتشوف ... بيبرد خاطرك وبتزهق ... حتى تطعيس بتستحي تطعس فيهم ..حق طنازة خلق الله بس ... كفايه قطع غيارهم ...عسى مايصير شي بالموتر تحصل موظفين الاستقبال يقولون لك ممكن تعطينا البوك ... بتقولهم ليش ؟؟ بيقولون لك :لان اسعارنا ضو وبتشردك !!

عن نفسي ناطر الاتش تو 2008 شهر واحد بيوصلون ... ماكينته 6.2 ..من داخل كله متغير ..سته جير ... وخدمة المناعي خمس نجوم لو تاخذ بيك اب !!



اخوووي مع احترامي للرايك

في فرق شاسع بين الهمر والرنج ولا الكيان

خلك ع الالماني احسن لك بوايد

وانا اشوف تاخذ لك كيان ولو 2004 وتقلبه الجديد

[المغترب 123]

جزاكم الله خيــــــر اخواني للامانة احترت بين السيارتين

[بطران]

اخوووي مع احترامي للرايك

في فرق شاسع بين الهمر والرنج ولا الكيان

خلك ع الالماني احسن لك بوايد

وانا اشوف تاخذ لك كيان ولو 2004 وتقلبه الجديد

شنو الفرق طويل العمر ...كلهم فورويل ... وكلهم مواتر لاكشري ... وكلهم مكاينهم جباره ...

يبقى على السيرفس وقطع الغيار بمتناول يدك يرجع للامريكي ...

وكل موتر فيه عيوب ..الرنج اصوات بالبريك من اول ماتطلعه من الوكاله .. البورش سيته حصه والمكيف ضو ... والهمر يطلع صوت هواا ع الخط ... بس يربشك على الرمل :app:

يبقى للريال الاختيار

[غرفاوي]

اقولك شي لا ذيه ولا ذاك خذ Vxr والله موتر ما عقبه طبعا 2007 غير التويوتا ما في

[وحيد-الشوق]

اقولك شي لا ذيه ولا ذاك خذ Vxr والله موتر ما عقبه طبعا 2007 غير التويوتا ما في

:dance :nice:

مالك غير التويوتا