المساعد الشخصي الرقمي

مشاهدة النسخة كاملة : والله حرااااااااااااااام ، وصج شي يقهررررر


بدوي
21-09-2005, 08:35 AM
السلام عليكم ورحمة الله وبركاته


اخواني الاعزاء


قريت في هالمنتدى المميز والراقي بجمييييع المشاركين .. وفي قسم ( جديد الأخبار ) وبالتحديد


في موضوع يحمل عنوان :


( 3 ملايين ريال حصيلة اليوم الأول .. لمزاد كيوتل للأرقام المميزه للجوال )


وعندي كم كلمه وحبيت إني أقولها للي شروا بمبالغ باهظه .. أو أذكّرهم إذا كانوا ناسيين


(( ذكّر فأن الذكرى تنفع المؤمنين )) وياليت وأتمنى إذا واحد من اللي شروا يكون من رواد المنتدى


وودي إني أوضح نقطه بسيطه ..


ترى والله عندنا ناس إشكثر في بلادنا محتاجين لأي ريال لسد جوعهم ورمقهم ويا كثر الأسر المتعففه عندنا ..


------------------------------000000000000000-------------------------------


ملاحظه : للي مايعرف معنى ( الأسره المتعففه ) = هي الأسره اللي تكون محتااااااجه لأي مبلغ أو إعانه سواءً كانت


500 أو 100 أيآ كان المبلغ .. بحيث إنها تعيش وتسد جوعها ، بس اللي يمنعها


( الحياء وعزة النفس ) إنها تطلب فلان وعلان ..


-----------------------------000000000000000-------------------------------


واللللللللللله العظيم .. روحوا واسئلوا مؤسسة عيد الخيريه ولا قطر الخيريه


إسئلوهم عن المحتاجين وعن الأسر المتعففه .. والله بيحترق قلبكم عليهم


وانا والله مستغرب إنه فيه ناس تروووووح وتتعنى وتحظر مزاد .. وتاخذ رقم بربع مليون أو أكثر


وإذا مرّ على صندوق خيري لإحدى الجمعيات الخيريه .. يستكثر الوقفه وانه يطلع بوكه


ويحط 10 ريال .. أي 10 ريال يستكثر يحط ريال واحد فيه ..


تدروووون لييييييه ؟؟ ماعنده وقت المسكين .. :(


نصييييييييييييييحه .. ترى فلوسنا .. صج بننسأل عنها يوم القيامه :


---------------------------------00000000000000000---------------------------------


قال صلى الله عليه وسلم : (لا تزول قدما عبد يوم القيامه حتى يسأل عن اربع خصال :


عن عمره فيما افناه ، وعن شبابه فيما ابلاه ، وعن ماله من اين اكتسبه وفيما انفقه


,وعن عمله ماذا عمل فيه) رواه الترمذي عن ابي هريره



-------------------------------0000000000000000------------------------------------


وبدال ما نحذف فلوسنا في هالسوالف وملذات الدنيا .. نعطيها للمساكين ، لأنهم واللللللللللللله العظيم أولى من غيرهم


ولاتنسون إن رمضااااااان على الابواب ويا كم أسره تبي تسد جوعها وجوع عيالها .. وياليت الواحد يكسب فيهم وفي نفسه أجر ..


آآآآآآآآآآآآآآآآآآآآآآسف للإطاله .. وانا والله ماكتبت هالكلام ألا إنه ودي لهم الاجر والثواب في الدنيا والآخره


وتمنياتي للجميع بالتوفيق
شرقاوي
21-09-2005, 11:58 AM
جزاك الله خير اخوي بدوي

ونسأل الله لنا ولهم الهداية
Northman
21-09-2005, 12:00 PM
جزاك الله خير على التذكير...... جعله في ميزان حسناتك
الريان
21-09-2005, 12:01 PM
مشكور اخوي وكلام في محله
عزيز
21-09-2005, 01:28 PM
بصراحه أنا من شفت الخبر فعلا والله قهرني

يعني لهدرجه ناس عقولهم فاضيه!!

ياخي شبتستفيد بهالرقم ؟

هالرقم ماتكسب منه أجر ولا بيدخلك الجنه

المظاهر عمت قلوب الهوامير والظاهر الربع مليون ونص مليون قيمه الرقم ماخذهم من أرباح أسبوع واحد من بورصتنا!!

الله يغفر لهم دنيا وأخره وبصراحه هذي مصاخه وبيتحاسب علي هالشي يوم القيامه

أشكرك أخوي بدوي علي موضوعك ويعطيك العافيه :)
الموهوب
21-09-2005, 01:34 PM
جزاك الله خير
السهم الازرق
21-09-2005, 06:49 PM
يعطيك العافيه و جزاك الله خير
abo rashid
21-09-2005, 06:59 PM
جزاك الله خير اخوي
البندري
22-09-2005, 09:42 AM
جزاك الله اخوي الف خير وبارك الله فيك وصج شي يقهر
بويعقـــه
22-09-2005, 10:04 AM
مشكور اخوي على طرح هالموضوع والله بالفعل شي يقهر ،، يعني بالله عليكم اشلون ماتبون الفقير يحقد على الغير وهو يقرا هالاخبار البايخة ،، انت تتكلم عن حصيلة يوم يعني في كذا رقم عيل بزيدك شوي عند واحد من الربع رقم سيارة يتكون من رقم واحد يعني X X X X X والله العظيم ياجماعة الخير انه وصل له اربع ملايين وشوي ومارضا يبيع يقول بيجيب اكثر !!!!!!!!!!!!!!!!!!!!! الله يستر علينا الخوف انه ينزل علينا سخط الرب عزوجل من هالفسق الي صار عندنا ،،، الله يهديهم ان شالله ويرجعون لرشدهم
البندري
22-09-2005, 10:09 AM
مشكور اخوي على طرح هالموضوع والله بالفعل شي يقهر ،، يعني بالله عليكم اشلون ماتبون الفقير يحقد على الغير وهو يقرا هالاخبار البايخة ،، انت تتكلم عن حصيلة يوم يعني في كذا رقم عيل بزيدك شوي عند واحد من الربع رقم سيارة يتكون من رقم واحد يعني X X X X X والله العظيم ياجماعة الخير انه وصل له اربع ملايين وشوي ومارضا يبيع يقول بيجيب اكثر !!!!!!!!!!!!!!!!!!!!! الله يستر علينا الخوف انه ينزل علينا سخط الرب عزوجل من هالفسق الي صار عندنا ،،، الله يهديهم ان شالله ويرجعون لرشدهم
:app: :app: :app: :app: :app: :app: :app: :app:
اي والله والحمدلله اني (ادري اني بنيه ) بس ماااسوي جذيه :shy: :shy:
بويعقـــه
22-09-2005, 10:19 AM
اشتقصدين يالبندري - ادري اني بنيه-؟؟؟؟؟؟؟؟؟؟؟؟؟؟

تكفين قولي الي في بالي هههههههههه
بدوي
22-09-2005, 11:02 AM
جزاك الله خير اخوي بدوي

ونسأل الله لنا ولهم الهداية


تسلم يالغالي على حضورك


اللهم آمين يارب العالمين
بدوي
22-09-2005, 11:04 AM
جزاك الله خير على التذكير...... جعله في ميزان حسناتك



وحسانتك يارب


وشكرآ لمرورك المشرف
بدوي
22-09-2005, 11:05 AM
مشكور اخوي وكلام في محله



شكرآ على طلتك الكريمه
بدوي
22-09-2005, 11:32 AM
بصراحه أنا من شفت الخبر فعلا والله قهرني

يعني لهدرجه ناس عقولهم فاضيه!!

ياخي شبتستفيد بهالرقم ؟

هالرقم ماتكسب منه أجر ولا بيدخلك الجنه

المظاهر عمت قلوب الهوامير والظاهر الربع مليون ونص مليون قيمه الرقم ماخذهم من أرباح أسبوع واحد من بورصتنا!!

الله يغفر لهم دنيا وأخره وبصراحه هذي مصاخه وبيتحاسب علي هالشي يوم القيامه

أشكرك أخوي بدوي علي موضوعك ويعطيك العافيه :)



ياخووووووي بتعيش وبتشوف


الشكوى لله سبحانه وتعالى


الحمد لله إن الرزق من عند رب العالمين .. ولا لو كان على بني آدم .. كان على الدنيا السلام
بدوي
22-09-2005, 11:33 AM
جزاك الله خير



وجزاك الله خير ويعطيك 1000 عافيه على مرورك
بدوي
22-09-2005, 11:40 AM
يعطيك العافيه و جزاك الله خير



الله يعافيك .. ويجزيك مثلي وأكثر إنشاء الله :)
بدوي
22-09-2005, 11:41 AM
جزاك الله خير اخوي



ويجزاك خير يالغالي
بدوي
22-09-2005, 11:43 AM
جزاك الله اخوي الف خير وبارك الله فيك



ويبارك فيج يارب



وصج شي يقهر


شنسوي يختي .. الشكوى لغير الله مذله .. دنيا عجيبه وغريبه
بدوي
22-09-2005, 11:50 AM
مشكور اخوي على طرح هالموضوع والله بالفعل شي يقهر ،، يعني بالله عليكم اشلون ماتبون الفقير يحقد على الغير وهو يقرا هالاخبار البايخة ،، انت تتكلم عن حصيلة يوم يعني في كذا رقم عيل بزيدك شوي عند واحد من الربع رقم سيارة يتكون من رقم واحد يعني X X X X X والله العظيم ياجماعة الخير انه وصل له اربع ملايين وشوي ومارضا يبيع يقول بيجيب اكثر !!!!!!!!!!!!!!!!!!!!! الله يستر علينا الخوف انه ينزل علينا سخط الرب عزوجل من هالفسق الي صار عندنا ،،، الله يهديهم ان شالله ويرجعون لرشدهم


أربع ملايين !! :mad:


والله لو يحذفها على العوائل الضعيفه ، ولا يبني فيها مسجد أو آبار .. أو كفالة أيتام


أخيّر له من رقم سياره .. لاااااااااا وازيدك من الشعر بيت : قانون المرور يقولك :


(( الرقم ماله وريث .. يعني إذا توفى صاحب الرقم ، يرجع للمرور )) شفت شلون القهر :anger1:


هذا على قولة واحد من الربع .. والعلم عند الله
الجوري
22-09-2005, 11:52 AM
من الله الله الله يجزاك الف خير


والله يهدي المسرف واللي غارته الدنيا


الله يوفقك
بدوي
22-09-2005, 11:56 AM
من الله الله الله يجزاك الف خير


ويجزاج مليوووووووووون خير .. ياااااااااارب



والله يهدي المسرف واللي غارته الدنيا


اللهم آميـــــن يارب العالمين



الله يوفقك

وياج يارب .. للّي فيه الخير والصلاح
مجرد مساهم
22-09-2005, 05:55 PM
كلام رائع يكتب بماء الذهب ويستحق الرفع

ألف شكر لك
على سجيتي
23-09-2005, 12:36 AM
الله يجعل لك بكل حرف حسنه , خاطري القا اسرة متعففة واساعدها مباشرة واكون المسؤول عنها وبدون واسطة الجمعيات واللي يعرف اتمنى يدلني واكون شاكر ومشكورين
رحال
23-09-2005, 09:59 AM
جزاك الله خير الجزاء انك لم تنسى هذه الفئة من الناس والدال على الخير كفاعله ، جعلها

في ميزان حسناتك !!!
قطر
23-09-2005, 11:01 AM
صدق قهر

ويتقطع قلبك لما اتشوف كل يوم اسر على قد حالها مهدده بالطرد ..بسبب الاجار
او ماعندهم يدفعون 1000 ريال ..

ليته بس دفع لهم اجار شهرين على الاقل بدل دفع هذا المبلغ في خط هاتف..

يعني السعر مبالغ مبالغ جدا جدا فيه ..

والمال مرات ايكون نغمة مب نعمه على صاحبه

الله يستر علينا ..
abadi
23-09-2005, 01:23 PM
للاسف احنا في زمن الانحطاط اتمنى ان يزيد الوعي وتتفتح قلوب الناس
قبل مايحدث مالايحمد عقباه لان (النعمة زوالة)
ROSE
23-09-2005, 01:41 PM
يزاك الله كل خير اخوي وشاكرة لك هالتذكير للنائمة قلوبهم وعقولهم
قطريه فديتني
24-09-2005, 03:44 PM
شوفوا جريدة الشرق اليوم عن أم وبناتها مب محصلين لهم سكن ومأوى

ارجوا منكم اخواني وخواتي مساعدتهم هذولا اهلنا شلون نشوفهم حالتهم هالشكل والله عمري ماتوقعت في عائله قطريه ظروفهم صعبه لهالدرجه احنا بقطر الخير واهلنا فيهم الخير والبركه ومحد منا يرضى يشوف امنا ولا خواتنا يتبهدلون هالشكل الله يجزاكم خير لاتنسونهم
The Edge
24-09-2005, 03:48 PM
جزاك الله خير و بارك الله فيك
المشكلة في كيوتل اللي تشجع هالظاهرة و تسترزق من ورا جنون البعض