بـ فيصل ـو
21-09-2005, 08:40 AM
لا تستغربون من العنوان..
لأني لاحظت شي غريب بدى يسيطر -أو بالأحرى- سيطر بالكامل على الناس من خلال البورصه ..
وهو ما قال عنه رسولنا الكريم (( سيأتي على أمتي زمان لايهتم فيه المرء إن كان رزقه من حلال أم من حرام)) أو كما قال أفضل الرسل ..
جا وقت شفنا فيه الناس تتجه للأسهم الحلال فقط .. ولكنها لي شافت إن الأسهم المحرمه لها إرتفاع .. فأتجهت نحوها ولم تكترث للمحرمات = المحرمات صارت شي عادي مثل الخمر..
فالمستثمر صار كل همه هو الفلوس وكيف يجمعها وأفتتن فيها ..
المستثمر الأجنبي ((بعضهم ماله دين أو دينه يسمح له بالمحرمات)) والناس صارت تقلد هذا الأجنبي وكأنه على دين الإسلام .. فالمستثمر القطري والخليجي أستغرب إنه صار يفكر في الفلوس فقط وكيف يصير غني ومايهمه إن كان رزقه من حلال أو من حرام !!
إللي أريد إني أقوله من خلال مشاهداتي .. إنهم يسألون عن الأسهم المحرمه وكأنه خايف يطيح بالحرام .. ويصير يدور على واحد حتى لو من الشارع يقوله إن هذي الأسهم حلال فيشتري ويضارب فيه .. وإذا شاف أغلب من حوله يقولون له إن هذي الأسهم حرام ((بالطبع بيزعل لأن بتفوته أموال طائله هو يتمناها لنفسه)) تلقاه يقول ما بصدق أي شيخ إلا إذا جاب لي دليل من القران إنه محرم !!!
وإذا كان الشخص إللي من الشارع فاهم في أمور دينه وقال إنها محرمه .. تلقاه يقول: مابصدقك حتى كان إللي قال هالكلام هو أبن تيميه بنفسه وأريد شي من الكتاب أو السنه !!
يعني بيشتري الأسهم الحرام إذا قاله واحد من الشارع إنها حلال .. وبيطالب بدليل من الشيخ إذا قال إنها حرام !!! :looking:
مدري وش تعليقكم يا أخون على مجريات هذي الأحداث عافنا الله وإياكم..
لأني لاحظت شي غريب بدى يسيطر -أو بالأحرى- سيطر بالكامل على الناس من خلال البورصه ..
وهو ما قال عنه رسولنا الكريم (( سيأتي على أمتي زمان لايهتم فيه المرء إن كان رزقه من حلال أم من حرام)) أو كما قال أفضل الرسل ..
جا وقت شفنا فيه الناس تتجه للأسهم الحلال فقط .. ولكنها لي شافت إن الأسهم المحرمه لها إرتفاع .. فأتجهت نحوها ولم تكترث للمحرمات = المحرمات صارت شي عادي مثل الخمر..
فالمستثمر صار كل همه هو الفلوس وكيف يجمعها وأفتتن فيها ..
المستثمر الأجنبي ((بعضهم ماله دين أو دينه يسمح له بالمحرمات)) والناس صارت تقلد هذا الأجنبي وكأنه على دين الإسلام .. فالمستثمر القطري والخليجي أستغرب إنه صار يفكر في الفلوس فقط وكيف يصير غني ومايهمه إن كان رزقه من حلال أو من حرام !!
إللي أريد إني أقوله من خلال مشاهداتي .. إنهم يسألون عن الأسهم المحرمه وكأنه خايف يطيح بالحرام .. ويصير يدور على واحد حتى لو من الشارع يقوله إن هذي الأسهم حلال فيشتري ويضارب فيه .. وإذا شاف أغلب من حوله يقولون له إن هذي الأسهم حرام ((بالطبع بيزعل لأن بتفوته أموال طائله هو يتمناها لنفسه)) تلقاه يقول ما بصدق أي شيخ إلا إذا جاب لي دليل من القران إنه محرم !!!
وإذا كان الشخص إللي من الشارع فاهم في أمور دينه وقال إنها محرمه .. تلقاه يقول: مابصدقك حتى كان إللي قال هالكلام هو أبن تيميه بنفسه وأريد شي من الكتاب أو السنه !!
يعني بيشتري الأسهم الحرام إذا قاله واحد من الشارع إنها حلال .. وبيطالب بدليل من الشيخ إذا قال إنها حرام !!! :looking:
مدري وش تعليقكم يا أخون على مجريات هذي الأحداث عافنا الله وإياكم..