أبشروا بالخير ... الخير قادم ... الصناعات صحصحت من النوم ...

[فاهد العذبة]

لاحظنا في الايام اللي راحت او بالاخص الاسبوع اللي راح في حركة كبيرة وتجميع كبير جدا ع سهم الصناعات بدا التجميع الفعلي ع سعر 117 واليوم ارتفع 6 ريالات وفوق هذا تم شراء كميات كبيره خصوصا ع سعر 128 ريال ووصل تداول الصناعات اليوم مليون و200 سهم وبقيمة 157 مليون و700 الف ريال وهذا الرقم مب هين والصناعات هي المحور الرئيسي في السوق يعني القائد في السوق والحمد لله ارتفع القائد وننتظر يوم الاحد لكسر حاجز 130 ريال حيث تم كسر حاجز المؤشر فوق ال8000 نقطة ومتوسط سعر الصناعات فوق 125 ريال اهم شي وهذا ما نوه له التحليل من الاخوان انه في حين اغلقت الصناعات فوق 125 او 126 بكميات كبيره فانه متجه لل 140 ريال بس احنا بنحط ف بالنا انه ال133 او 135 ريال حلوه ومقنعه بعيد عن الطمع ومن طمع طبع :)
تحياتي لكم وبالتوفيق هذه ليست دعوه للشراء ولا للبيع انما ملاحظات مهمه وحبيت اتناقش فيها معاكم لان الصناعات هاليومين اثلجت صدري بتحركاتها الايجابيه

[كلمة مرور]

اتوقع ان السوق ارتفع بما فيه الكفايه بفضل الصناعات ولازم يهدي شوي والباقي على البنوك واسهم الخدمات لرفع السوق

[كويتي فهمان]

التجميع واااضح على سهم الصناعات

والكميات المطلوبه كبيره والسهم متجه الي 150 ريال

بالامس وباخر التداول صعد من 118 الي 125

واليوم من 124 الي 129.4

ياجماعه حنا ما نطبل للسهم بس تعتبر وجهة نظر

السهم هذا سهم ذهبي


وبارك الله فيكم

[رياني1212]

الله يكتب اللي فيه الخير== واشوف كل واحد خسر من السوق يعوض الله عليه من الارتفاعات القادمه باذن الله== والحذر واجب (لا يلدغ المومن من الجحر مرتين

[بدور]

الصناعات ؟؟؟؟

هذا السهم الذهبي ان شاء الله يعود بقوه

الى الامام يا صناعاتي

[ابوريما الرياشي]

ان شاء يعود للسعر الي شريته 185 ريال وللحين مافكرت ابيعه

[قناص الاسهم]

صناعات من وجهة نظري تعتبر العمود الفقري للسوق والدليل الحجم الهائل للتداول على هالسهم.
130 و 135 ريال ليست ببعيده او مستحيله على السهم في الايام القليله القادمه .
الله يرزق الجميع والتوفيق لملاك السهم

[زهرة قطر]

ياجماعة الله يسلمكم شسالفة ارتفاع الصناعات!!!! وهل الوقت مناسب للبيع؟

[فاهد العذبة]

من بؤكم لرب السماء :)

[لجين قطر]

ان شا الله توصل 250

[rashid700]

ابشروووووووووا بالخيرررررررر

[صعب المنال]

ياجماعة الخير لا تستعجلون على الموضوع ، هذي الارتفاعات مصحوبة مع قرب اعلان ارباح الربع الثالث لا اقل ولا أكثر ، وهي ارتفاعات متماشية مع حالة السوق الطبيعية بمعنى كل ما قربت السنه على الانتهاء كل ما ارتفعت الاسهم وعقب توزيع الارباح السنوية ترجع الاسهم لوضعها الطبيعي من النزول ، وهذي هي دورة حياة الاسهم

غالبية الاسهم ارتفعت مقارنة باسعارها قبل اربعة اشهر في تدرج طبيعي :)

[هسلان]

يعطيك العافيه تمنياتي للكل بالتوفيق

[الوسيط العقاري]

صناعات .. هي العمود الفقري لسوق الدوحة للأوراق المالية .؟!

[الكندري]

أخواني وأخواتي الكرام ...
سهم الصناعات لايختلف عليه اثنين... وهو من أقوى الشركات الموجوده في السوق ...بس الحاصل لعبة في السوق ذابحه السهم ... لدرجة انه يطلع مسؤول وايصرح بأنه سهم الصناعات هو السهم ؟؟؟؟(الأمبراطوري مثلا) ويتضح بعد عدة ايام من التصريح انه بايع 200 ألف سهم صناعات.
الواحد ضروري يتوخى الحذر ولا يصدق كل مايقال حتى ولو من احد المسؤولين ,ياما سمعنا ولا شفنا خصوصا بسهم الصناعات ... أنا شخصياً أقول سهم الصناعات سهم قوي ومن الأسهم الواعدة ولكن منذ متى ونحن لم نشاهد شيئاً يعكس مدى قوة هذا السهم..سواء كان ذلك من القرارات التي يتخذها مجلس الإدارة أو من اللعبة في هذا السهم..
أتمنى التوفيق للجميع وبارك الله فيكم...