عندك فور ويل وتصعد على الرصيف في الزحمه ..تعال واقرأ

[هاجن داز]

بسم الله الرحمن الرحيم

السلام عليكم ورحمة الله وبركاته


هذا المقال لمن يجيدون اللغة الانجليزية , يتحدث صاحبه ( أجنبي يعيش في قطر ) عن الغباء القطري في تملك تكنلوجيا لا يستخدمها الإستخدام الأمثل ..


يذكر الكاتب صفة خطيرة الصقها بالصيام والمسلمين ....وهي ان العادة تكثر في رمضان حيث من المفترض كما يدعي المسلمون انها تنقية للروح والجسد من شوائب التفكير , وعلو وسمو بالروح الى اصفى اللحظات الإيمانية..



http://www.qatarliving.com/node/36592


لو كنت مكانه ماذا ستفعل ؟

هل أخلاقنا تذوب مع محاصرة التكنلوجيا والتقدم والنمو الاقتصادي لنا ؟

هل نحن فعلا سفراء حقيقيين للإسلام ..لبلدنا قطـــر ؟

في الحقيقة لم اعر صاحب المقال اهتماما كثيرا , لمبالغته في الوصف وحنقه الشديد في وقت الغضب ممن كان سيؤذي زوجته وهي حامل بطفله ..وثم شمل كل فئات المجتمع تحت نظريته الخاصة لكن ...

أنا أعاني من نفس الشيء الذي مر به صاحبنا....فهل هناك سبيل الى التغيير ....ولو قليلا .

منقول للاستفاده

[miss-qatr]

تدري يا هاجن داز اني انقهرت من كلامه


صج لي قالو في بلادنا وينتقدون انا صج ما ايد هاللعبه اللي تصير في الشوارع من بعض الشباب


لكن بعد كلامه يقهرررررررررر :court:



تسلم على الموضوع

[المجروح81]

صج حاقدين ياكلون من خيرنا ويسبون فينا انا اقول هذي من السياسه الزينه الي يجيبون زباله لندن ويشغلونهم في قطر وهم حتى شهادات مزوره

ع قولة المثل البدوي
(من قدامك منظره وراك مقص)

[دلة الرسلان]

بس بعض كلامه صحيح وزين نعرف وجهة نظر الاجانب اللي بينا فينا .. بس بعد كملوا قرأة

التعليقات ترى عندهم امثال غريبه ..:shy:

[الخيميائي]

انا ماقريت الموضوع لانه طويل واللغة لكم عليها شوي :p

بس تذكرت كلام زميلنا في الشغل وهو امريكي ومن واقع معيشته في قطر من خمس سنوت يقول كل شيء في قطر يخليك تتمنى انك ماتغادرها ابدا الا شيء واحد وهو السواقة في الشوارع :) انا بصراحة ابتسمت وماجاوبت لاني اعرف هو وش يقصد :)

عموما بحاول اقرأ الرابط وبرجع اعلق على الرابط نفسه بدل الموضوع والردود :p

ويعطيك العافيه هاجن داز

[سهم الخيانة]

[QUOTE=المجروح81;2008237]صج حاقدين ياكلون من خيرنا ويسبون فينا انا اقول هذي من السياسه الزينه الي يجيبون[COLOR="Red"] زباله لندن ويشغلونهم في قطر وهم حتى شهادات مزوره


[SIZE="5"]والله أنك صادق اخوي لا والزباله شوي عليهم على الاقل هذي كانت نعمة من الله بس ذول شيفين روحهم كأنهم نازلين من السماء مثل واحد منهم في بلاده عامل ومش لاقي ياكل يجي بلادنا على اساس مهندس بريال ما يسوه لا ويتشرط على البلاد عن راتبه وعن السيارة والفله الي راح يسكنها بعد وكذا لا وينتقد البلاد الله يعينج يا قطر ؟
وصدق المثل الي يقول
((عومه ماكوله مذمومه ))

[sahari]

صدقوني مافيه اجنبي على هذه الارض الطيبه باهلها الا ويحسدونكم على كل اللي انتوا فيه من نعمه

الله لا يغير علينا ويكفينا شرهم

وهذا كاتب المقال هل كان في كامل وعيه ولا شارب ويشوف الناس كلها غلط

[بــو فهــد]

السلام عليكم
اسمحولي الريال ما جذب ولا غلط
اقرو

and let's be honest - i'm not claiming that every qatari is a danger behind the wheel (and yes i also know that many non-qataris on doha's roads are a menace
ما جمع وقال ان كل القطريين سواقتهم " مينونه "
والريال اعذره تدرون ليش

forgive my rant, but when a loser almost drives his truck into the side of my car where my pregnant wife is sitting for no bloody reason at all, it pisses me off!!!

يعني مرته حامل .. و " الحلـو " اللي يسوق الجمس بغا يطيره .. طيب لا سمح الله دعم سيارته وطيح الطفل اللي في بطن امه .. شبيكون شعوره ؟؟ .. انا اعذره لانه مقهور من اللي يصير ..


from the bottom of my heart - i honestly believe that as a society Qatar is not doing enough to protect its citizens and workers. if i were qatari, i think i would be ashamed
وقال بكل صراحه " من اعماق قلبي .. بصدق ان كـ مجتمع .. القطريين مب جادين في حماية المواطنين والعمال " الاجانب " .. لو كنت قطري .. بخجل من هالشي "
ان شالله ترجمتي كانت صحيحه 100% .. لكن خلونا واقعيين شوي
الريال ما جذب .. وشي معروف ان احنا عندنا نسبه كبيره من الناس " مــــاتعرف تسوق "

والله يعيينا .. ان شالله القانون الجديد يكون " جدي " شوي .. ونشوف الحوادث تقل

[هسلان]

ظاهرة السرعة والتهور في جميع البلدان وليست في قطر فقط
والشباب يتعلمون التهور من الأفلام الأمريكية يعني من عندهم
لكن الحقد لدى الأجانب هو من يسوقهم لقول هذا الكلام
الكل يعرف أن الأجانب قبل مايجون قطر كانو نكرة لم يأتون لكي يرفعو من مستوانا الثقافي بل لأجل المال فقط

[سهم عربي]

لو كانت عندنا شوارع واسعه وجسور وأنفاق وأشارات تنظم السير بدلا من شرطي المرور .

على الأقل مثل الأمارات . ماراح أتشوف حد يصعد الرصيف ويتهمنا بالغباء .

( والله قهر أجنبي ويستلم راتب من الدولة .. ويتهم المواطنين بالغباء في صحفنا المحلية !!

عيل لو في الصحف الأجنبية أيش راح يقول عنا !!!)

[محمد عبدالرحمن]

في نقاط بسيطة،

صاحب المقال، يمتلك مازدا، ذكر التهور اللي واجهه من "القطري سايق الجمس" اللي كان بتهوره بيدعمه و زوجته الحامل معاه في السيارة
صاحب المقال ذكر إن مب كل القطريين هالشكل، و إن بعد في غير قطريين سواقتهم خطأ
صاحب المقال يقول إن المال المفروض مايأثر سلباً على القطريين، و إنه لو قطري كان انحرج من اللي صار


بموضوعية، معاه حق بس يمكن تسغربون من تحليلي بس بعد قيامكم بالتالي:
تجربة 1: أرجو من الجميع الذهاب إلى مواقف السيتي سنتر، و تصوير السيارات المخالفة "صاف و ماخذ موقفين" و "صاف و سيارته مايلة بزاوية" و "صاف مصعد رصيف" و "صاف على المدخل صوب مواقف السينمات على الشارع"

تجربة 2: في اللاندمارك، ادخل بسيارتك من أول لفة على اليمين و انت جاي من صوب محطة بترول مدينة خليفة، بتحصل زحمة.... و السبب سيارات تتمشى بسرعة صفر قدام بوابات اللاندمارك و علشان مانسى "اغاني محمد عبده" أو "بوم شاكا لاكا"

تجربة 3: شارع الكورنيش، زحمة، سيارات على الخط اليمين سرعة 20 كم، و الخط النص سرعة 60كم و الخط السريع 65 كم !

تجربة 4: الدوار 3 خطوط، الشارع 3 خطوط، و قت ماتدخل السيارات من الدوار للشارع، بتشوفون السياراة اللي على الخط أقصى الشمال دخلت على الخط اللي في النص على الشارع، و السيارة اللي كانت في النص على الدوار دخلت على الخط أقصى اليمين للشارع، و السيارة اللي كانت على أقصى يمين الدوار.... يا إما صك بريك، أو إنه اندعم من السيارة اللي كانت في النص لأنها لفت عليه في دخلة الشارع

من خلال التجارب أعلاه، انتبهو لنوعية السيارات مب السايقين، اغلبها تويوتا و أغلبها من نوع اللاندكروز و بعضها من سيارات الفورويل صناعة يابانية. بتستغربون لو قلت لكم إن العيب في السيارة قبل السايق، فعلا، السيارات اليابانية قياساتها و ميكانيكية التحكم فيها ما تعود السايق إحتراف السواقة. يمكن مب منطق، بس انا مرة طلبت من زميل إنه يجرب يسوق سيارة ألمانية فور ويل بدال اللاندكروزر و يقوللي الفرق، و فعلا استعمل السيارة كم يوم وقرر إنه يبيع اللاندكروزر و ياخذ سيارة ألمانية، و السبب إنه حس بالثبات و سوقته شوي تغيرت مع الألماني.

و عموما صاحب المقال عبر عن موقف صارله، و كثير منا نعاني من نفس هالمواقف، و آخرها تعرضي لحادث من اسبوعين، كنت في سيارتي على سرعة 100 كم و يطلع في وجهي "لاندكروزر" داش عرض من اليسار يبي يصعد رصيف دخلت فيه من الجنب و كنت باقلب سيارته و كان هو اللي بيروح فيها و الحمد لله إن الله ستر.

[وطن]

يا جماعه الريال مقهور من موقف صاده
وهو ما عمم كل القطريين

لو واحد منا صايده مثل هالموقف
واهله معاه بالسيارة وكان بيفقدهم بسبب استهتار شاب وتهوره في القياده
شنو بيكون شعوركم !!!

ما ننكر ان في اجانب وايد سواقتهم اخس وادمر من سواقة الشباب المتهورين
الشي الأهم ان شبابنا يطورون من نفسهم ويبطلون هالاستهتااااااااااااااار اللي ممكن يقتلهم ويقتل ابرياء حولهم في الشارع

[بويوسف]

انه ماقريت الموضوع بس لو كان الموضوع عن السياقة المتهورة من بعض الشباب فصراحة معاه حق .. ما ادري ليش بعض الشباب خصوصا الصغار منهم اللي يهداهم يكون عنده لاند كروزر ويسوق (بقلة ادب) وممكن يجيك من وراك يفول عليك ويلصقك فيك يعني عادي عنده يقلب سيارتك او تروح في داهية حتى لو كنت مع اهلك وعيالك ..

ابدا مافي تقدير واحترام للغير سياقة برعونة وخشونه وتعريض الاخرين للخطر في اعتقادي هالفئة محتاجين تربية قبل الحصول على رخصة سياقة.

بعدين ليش مانكون صريحين مع انفسنا ونعترف بالأخطاء الموجودة بدل مانكون هذا حسود وحقود واذا الموضوع ماكان فيهم تعميم وفيه تحديد لهذه الفئة فلا يوجد خطأ في مقاله

[Al@kuwari]

بصراحه قريت الموضوع كامل وتبون الصج اهو معاه حق في الي قاله خل انكون واقعيين شباب كم واحد منكم تعرض حق نفس الموقف اكيد وايد وانا بعد مره مع زوجتي وحصل لنا نفس الشي....!!!

لكن اهو بالغ في اسلوبه طلعنا شعب حضاري ومتثقف وعنده افلوس لكن مايعرفون يسوقون واغبياء....يعني بالغ اشوي...!!!

والي يلفون عليك وايد مب بس اقطريين وايد اهنود وسودانيين شيسوون فينا اشوي وتنقلب...

والسياقه ياخوان فن وذوق واخلااق...والسائق المتهور والي مايلتزم بقوانين القياده ترى يعكس شخصيته كانسان جاهل وغير حضاري....

[هاجن داز]

miss-qatr

المجروح81

دلة الرسلان

الخيميائي

سهم الخيانة

sahari

بــو فهــد

هسلان

سهم عربي

الديان

وطن

بويوسف

Al@kuwari

كل الشكر لكم على التعليق وعلى اثراء الموضوع
وتقبلوا التقدير ,,,