المساعد الشخصي الرقمي

مشاهدة النسخة كاملة : تضعيف الرواتب بمناسبة العيد !!


خشوف
29-09-2007, 09:22 AM
سلام الله عليكم جميع


:D ليش عندنا في قطرما تدبل رواتبنا بالمناسبات مثل رمضان صادف موسم مدراس والناس فلست حدها ليش مايكسبون فينا اجر :eek3: مقارنه بالسعوديه يضعفون رواتبهم اكرميه من ملكهم ... في رمضان :con2:


البحرين رواتبهم صدق ضعيفه بس مستحيل واحد متزوج يسكن بالايجار ... اذا تزوجت يعطونك شقه لين يطلع لك بيتك !!! وحنا هنا نخيس لين تتطلع الارض ولين نستلم الغرض ولين تنبني ناس تموت وللحين ما خلصت بيوتهم ؟؟؟
ANONYMOUS
29-09-2007, 10:56 AM
استخدمي كلمة تدبيل .. بدال من تضعيف..

بس عالعموم.. الله يسمع منج

الله كريم
صغيرون قطر
29-09-2007, 11:07 AM
:D
البحرين رواتبهم صدق ضعيفه بس مستحيل واحد متزوج يسكن بالايجار ... اذا تزوجت يعطونك شقه لين يطلع لك بيتك !!!

الشيخه البحرين مايعطون للمتزوج بيت اجار او شقه اول مره اسمع عنها :con2:
وطن
29-09-2007, 11:10 AM
الشيخه البحرين مايعطون للمتزوج بيت اجار او شقه اول مره اسمع عنها :con2:

ايه والله ما يعطونهم لا شقه ولا شي
ساكنين بتعبهم وشقاهم مساكين

أعرف وايد في البحرين ولا حد جاب طاري ان بلادهم تعطيهم شقق لين يحصلون بيوت

لو بيعطونهم سكن كان الأجدر يرفعون رواتبهم مساكين :eek3:
صغيرون قطر
29-09-2007, 11:21 AM
ايه والله ما يعطونهم لا شقه ولا شي
ساكنين بتعبهم وشقاهم مساكين

أعرف وايد في البحرين ولا حد جاب طاري ان بلادهم تعطيهم شقق لين يحصلون بيوت

لو بيعطونهم سكن كان الأجدر يرفعون رواتبهم مساكين :eek3:

اخر زياده اللي كانت قبل كم اسبوع عطوهم 15% فقط

يعني مايعدي 300 ريال ولا يعتمد كم راتبه ويمكن اقل من 300 ريال:eek3:

تحياتي

القلب الحزين:deal:
خشوف
29-09-2007, 11:55 AM
استخدمي كلمة تدبيل .. بدال من تضعيف..

بس عالعموم.. الله يسمع منج

الله كريم

مشكور اخوي :d
خشوف
29-09-2007, 12:02 PM
القلب الحزين & الوطن


لي أهل في البحرين هم كانوا يسكنون بشقه لين طلع لهم بيتهم وانا توني دريت منهم انهم يعطونهم كنت هناك من فتره وكانوا يروني الشقق الجديده يقولون هذا نظم عندهم بالبحرين انهم يعطونهم موقتاً

ويمكن يدفعون عليها مبلغ 200 او 500 بالكثير، بس الي اعرفهم عاشوا مجانا لين طلع بيتهم ...
بويوسف
29-09-2007, 12:04 PM
وليش تدبيل الرواتب الحمدلله الرواتب في قطر من اعلى الروتب بس المشكلة عدم وجود قناعة ورضا بالموجود كل واحد يطالع الثاني. ماسألنا انفسنا اش هل ادينا حقنا تجاه بلادنا وتجاه اعمالنا وتجاه الفقارى اخواننا قبل مانقول نبي زيادة

واذا تبغون زيادة اسألوا رب العباد قبل لاتسألون العباد
بويوسف
29-09-2007, 12:07 PM
هذه مجموعة من القصص للذين سبقونا لعلنا نقتدي بهم وهم خير الناس اصحاب الرسول محمد صلى الله عليه وسلم، وبعد ان اصبح هاجسنا طلب المزيد والمزيد من الكماليات ومن البذخ والطلبات التي لاتنتهي.

ذهب الصحابي الجليل حكيم بن حزام إلى النبي صلى الله عليه وسلم وسأله أن يعطيه من الأموال، فأعطاه. ثم سأله مرة ثانية، فأعطاه. ثم سأله مرة ثالثة، فأعطاه النبي صلى الله عليه وسلم. ثم قال له مُعلِّمًا: (يا حكيم، إن هذا المال خَضِرٌ حلو (أي أن الإنسان يميل إلى المال كما يميل إلى الفاكهة الحلوة اللذيذة)، فمن أخذه بسخاوة نفس (بغير سؤال ولا طمع) بورك له فيه، ومن أخذه بإشراف نفس لم يبَارَكْ له فيه، وكان كالذي يأكل ولا يشبع، واليد العليا (التي تعطي) خير من اليد السفلي (التي تأخذ). [متفق عليه].

فعاهد حكيم النبي صلى الله عليه وسلم ألا يأخذ شيئًا من أحد أبدًا حتى يفارق الدنيا. فكان أبو بكر الصديق -رضي الله عنه- يطلبه ليعطيه نصيبه من المال، فيرفض أن يقبل منه شيئًا، وعندما تولى عمر -رضي الله عنه- الخلافة دعاه ليعطيه فرفض حكيم، فقال عمر: يا معشر المسلمين، أشهدكم على حكيم أني أعرض عليه حقه الذي قسمه الله له في هذا الفيء (الغنيمة)، فيأبى أن يقبله.
وهكذا ظلَّ حكيم قانعًا، لا يتطلع إلى المال بعد نصيحة رسول الله صلى الله عليه وسلم، التي تعلَّم منها ألا يسأل أحدًا شيئًا؛ حتى إنه كان يتنازل عن حقه، ويعيش من عمله وجهده.


أُهْدِيَتْ إلى السيدة عائشة -رضي الله عنها- سلالا من عنب، فأخذت تتصدق بها على الفقراء والمساكين، وكانت جاريتها قد أخذت سلة من هذه السلال وأخفتها عنها، وفي المساء أحضرتها، فقالت لها السيدة عائشة -رضي الله عنها-: ما هذا؟ فأجابت الجارية: ادخرتُه لنأكله. فقالت السيدة عائشة -رضي الله عنها-: أما يكفي عنقود أو عنقودان؟
وطن
29-09-2007, 12:43 PM
القلب الحزين & الوطن


لي أهل في البحرين هم كانوا يسكنون بشقه لين طلع لهم بيتهم وانا توني دريت منهم انهم يعطونهم كنت هناك من فتره وكانوا يروني الشقق الجديده يقولون هذا نظم عندهم بالبحرين انهم يعطونهم موقتاً

ويمكن يدفعون عليها مبلغ 200 او 500 بالكثير، بس الي اعرفهم عاشوا مجانا لين طلع بيتهم ...


اختي ترى في عندنا بقطر هذا النظام اللي يدفعون 500 ريال على بيت شعبي

اعرف وحده زوجها بالجيش وموفرين لهم بيت بمبلغ 500 ريال شهرياً

يعني مو ببلاش بس بمبلغ رمزي جداً
التيما
29-09-2007, 02:54 PM
اما اكراميه يا خشووف .. هههههههههههههه لا يبا مانبي من حد اللي يجيبه الله الحمد لله .. وحكومتنا ما تقصر رواتبنا زينه وماعلينا قاصر .. بس مشكلتنا ما تعودنا الا على البذخ والصرف والاسراف .. اصرفوا بعتدال ماراح ينقص عليكم شي ..
alanood
29-09-2007, 03:10 PM
السلام عليكم..

ان حبيت اقول شي بخصوص الموضوع او غيره من المواضيع اختي...

نعم:عندنا خير..وحنا فنعمة..ويجوز ان مش الكل راضي عن اموره و رزقة و يمكن يشتكي لغير ربه والرازق هو الله..

ف:
ان كان واجهك فطريقك ونت ماشي شي مايسرك..من اشخاص او عوائق وش تسوي؟

نشتكي ونتكلم و ننطر حد يحل لنا المشكل؟

محدبجاي!الكل مشغول..بيقص عليك بكلمتين لانه مشغول عنك..يسكتك و يطلع..

وتتم انت لاهي بكلامه و بتحوير الشكوى و تغيير طريقه العرض وغيرها..

و بتتم واقف متسمر مكانك..لانتبرايح ولا جاي..
تحرّك..
و غير مسارك..ليما يصادفك طريق سهل وان ماصادفك..

امشي و حاول تتغلب على وعورة الطريق..

لان فيها لذّه ومتعه..فن العيش و الحياه..وليس فن سرد الحكايا و الشكاوى..

فن البحث و الكد والاجتهاد..

الكل يشتكي من الغلاء و قلة العيشه..ولو فكرنا شوي وقارنا بينا وبين غيرنا بنشوف ان احنا فنعمة

ياريت اقدر اوصل وجهة نظري الخاصه في هالموضوع وغيره ..

عالاقل لو شخص يتفق معاي و يطبق هالمثال في حياته ويسير مايوقف
أم حمد
29-09-2007, 03:44 PM
وليش تدبيل الرواتب الحمدلله الرواتب في قطر من اعلى الروتب بس المشكلة عدم وجود قناعة ورضا بالموجود كل واحد يطالع الثاني. ماسألنا انفسنا اش هل ادينا حقنا تجاه بلادنا وتجاه اعمالنا وتجاه الفقارى اخواننا قبل مانقول نبي زيادة

واذا تبغون زيادة اسألوا رب العباد قبل لاتسألون العباد

الحين الجامعي فالامارات

يستلم 30 الف

والجامعي في قطر 7الالف !!

على اي اساس تقول احنا الاعلى رواتب ؟
شاهيناز
29-09-2007, 04:04 PM
الحين الجامعي فالامارات

يستلم 30 الف

والجامعي في قطر 7الالف !!

على اي اساس تقول احنا الاعلى رواتب ؟


قويه 30الف للجامعي الامارتي

وين الاثبات:looking:
قلب الأسهم
29-09-2007, 04:10 PM
فكرة جيدة تضعيف الرواتب ،،،،،،،،،،،، خصم 20% لحماية البيئة ورسوم بلدية وكهربا وماء بيكون شي حلو بمناسبة العيد

وكل عيد وانتم بخير
hamoor4ever
29-09-2007, 04:20 PM
مساكين اهل البحرين ،، اول مره اسمع انهم يعطونهم شقه لين يجهز بيتهم ؟؟!!! يمكن حق ناس وناس يجوز . انا كل هلي اهناك ماشفت عطوهم شي اخر شي خذووه مكرمه ملكيه وعباره عن ٢٠٠٠ ريال بس نزلت مره بحياتهم والزيادات شي لايذكر عقب الخصومات اصلا من رواتبهم ،، واحنا الحمدلله لين جات زياده تجي ع الاقل من ٢٠٠٠ ريال وطالع وكل شهر

ماقول الا الحمدلله على كل حال ،، والله لايحرمنا من نعمته علينا
IPOD
29-09-2007, 04:25 PM
وايد معلومات مغلوطة في هذا الموضوع . . .

احني كل الخليج يحسدونا في الي احنا فية وجاية تشتكين اختي بمعلومات 90% منها غلط

وعلى فكرة الطالب الجامعي في الامارات مايستلم 30 الف اصدقائي اكثرهم طلبة جامعيين اماراتيين وهالكلام غير صحيح اطلاقاً
صغيرون قطر
29-09-2007, 04:29 PM
القلب الحزين & الوطن
لي أهل في البحرين هم كانوا يسكنون بشقه لين طلع لهم بيتهم وانا توني دريت منهم انهم يعطونهم كنت هناك من فتره وكانوا يروني الشقق الجديده يقولون هذا نظم عندهم بالبحرين انهم يعطونهم موقتاً
ويمكن يدفعون عليها مبلغ 200 او 500 بالكثير، بس الي اعرفهم عاشوا مجانا لين طلع بيتهم ...

عزيزتي خسوف

في البحرين صارت ذي الحركه لان البيوت اللي كانوا ساكنين فيها

قديمه يعني عماير الاسكان اللي في الدفنه في المحرق ومدينة عيسي

وبعض مناطق البحرين من زمان وهي ايله للسقوط علشان كذا طلعلهم من اليبت وعطاهم

2000 للبيت اجار شهري + 10000 للاثاث لين يخلصون العماره من التجديد او بناءه من

جديد يعني ذي لين يرجعون مره ثانيه مكان سكنهم بعد مايخلصون من العماره

المبلغ الشهري لمده محدده يمكن سنه او سنتين او طول العمر

للعلم يعطنهم بس 2000ريال شهريا

تحياتي

القلب الحزين:deal:
وحيد-الشوق
29-09-2007, 04:37 PM
قويه 30الف للجامعي الامارتي

وين الاثبات:looking:

http://img262.imageshack.us/img262/7244/16042007rj1.jpg

الجامعي درجتة من الرابعة :looking:

الخريج الجديد يبدأ من الدرجة الرابعة : 28750 درهم

الدرجة الثالثة : 33250 درهم

الدرجة الثانية : 42000 درهم

الدرجة الأولى : 55250 درهم

الدرجة الخاصة : 84000 درهم

تضاف لها العلاوة الاجتماعية وعلاوة الابناء للطفل :600 درهم

للعلم الزيادة فقط لحكومة ابوظبي

عقبالنا ان شاء الله
وطن
29-09-2007, 04:46 PM
http://img262.imageshack.us/img262/7244/16042007rj1.jpg

الجامعي درجتة من الرابعة :looking:

الخريج الجديد يبدأ من الدرجة الرابعة : 28750 درهم

الدرجة الثالثة : 33250 درهم

الدرجة الثانية : 42000 درهم

الدرجة الأولى : 55250 درهم

الدرجة الخاصة : 84000 درهم

تضاف لها العلاوة الاجتماعية وعلاوة الابناء للطفل :600 درهم

للعلم الزيادة فقط لحكومة ابوظبي

عقبالنا ان شاء الله



اخوي في الجدول اللي انت منزله الدرجة الرابعة = 20 الف !!!


وفعلا هالكلام فقط في ابو ظبي

انا سألت ناس في الشارجه وقالوا لي رواتبهم نفس رواتبنا
مافي فرق الا شي بسيط
rashid-1
29-09-2007, 04:48 PM
هذه مجموعة من القصص للذين سبقونا لعلنا نقتدي بهم وهم خير الناس اصحاب الرسول محمد صلى الله عليه وسلم، وبعد ان اصبح هاجسنا طلب المزيد والمزيد من الكماليات ومن البذخ والطلبات التي لاتنتهي.

ذهب الصحابي الجليل حكيم بن حزام إلى النبي صلى الله عليه وسلم وسأله أن يعطيه من الأموال، فأعطاه. ثم سأله مرة ثانية، فأعطاه. ثم سأله مرة ثالثة، فأعطاه النبي صلى الله عليه وسلم. ثم قال له مُعلِّمًا: (يا حكيم، إن هذا المال خَضِرٌ حلو (أي أن الإنسان يميل إلى المال كما يميل إلى الفاكهة الحلوة اللذيذة)، فمن أخذه بسخاوة نفس (بغير سؤال ولا طمع) بورك له فيه، ومن أخذه بإشراف نفس لم يبَارَكْ له فيه، وكان كالذي يأكل ولا يشبع، واليد العليا (التي تعطي) خير من اليد السفلي (التي تأخذ). [متفق عليه].

فعاهد حكيم النبي صلى الله عليه وسلم ألا يأخذ شيئًا من أحد أبدًا حتى يفارق الدنيا. فكان أبو بكر الصديق -رضي الله عنه- يطلبه ليعطيه نصيبه من المال، فيرفض أن يقبل منه شيئًا، وعندما تولى عمر -رضي الله عنه- الخلافة دعاه ليعطيه فرفض حكيم، فقال عمر: يا معشر المسلمين، أشهدكم على حكيم أني أعرض عليه حقه الذي قسمه الله له في هذا الفيء (الغنيمة)، فيأبى أن يقبله.
وهكذا ظلَّ حكيم قانعًا، لا يتطلع إلى المال بعد نصيحة رسول الله صلى الله عليه وسلم، التي تعلَّم منها ألا يسأل أحدًا شيئًا؛ حتى إنه كان يتنازل عن حقه، ويعيش من عمله وجهده.


أُهْدِيَتْ إلى السيدة عائشة -رضي الله عنها- سلالا من عنب، فأخذت تتصدق بها على الفقراء والمساكين، وكانت جاريتها قد أخذت سلة من هذه السلال وأخفتها عنها، وفي المساء أحضرتها، فقالت لها السيدة عائشة -رضي الله عنها-: ما هذا؟ فأجابت الجارية: ادخرتُه لنأكله. فقالت السيدة عائشة -رضي الله عنها-: أما يكفي عنقود أو عنقودان؟




يا بويوسف

الله يسكن والديك الجنه
شاهيناز
29-09-2007, 04:49 PM
http://img262.imageshack.us/img262/7244/16042007rj1.jpg

الجامعي درجتة من الرابعة :looking:

الخريج الجديد يبدأ من الدرجة الرابعة : 28750 درهم

الدرجة الثالثة : 33250 درهم

الدرجة الثانية : 42000 درهم

الدرجة الأولى : 55250 درهم

الدرجة الخاصة : 84000 درهم

تضاف لها العلاوة الاجتماعية وعلاوة الابناء للطفل :600 درهم

للعلم الزيادة فقط لحكومة ابوظبي

عقبالنا ان شاء الله


حتى الورقه هذي اقدر اسوي مثلها

على الفوتوشوب بس عليها شعار قطر

كل ماسئلنا هل الامارات قالو اشاعه:looking:
ANONYMOUS
29-09-2007, 05:14 PM
وعلى فكرة الطالب الجامعي في الامارات مايستلم 30 الف اصدقائي اكثرهم طلبة جامعيين اماراتيين وهالكلام غير صحيح اطلاقاً



اكيد .. الطالب الجامعي مايستلم 30 الف..

الطالب الجامعي وايد عليه 1000 درهم..

اسأل ناس تخرجوا.. ويشتغلون.. مب طلاب.. بو 19 سنه
ANONYMOUS
29-09-2007, 05:16 PM
حتى الورقه هذي اقدر اسوي مثلها

على الفوتوشوب بس عليها شعار قطر

كل ماسئلنا هل الامارات قالو اشاعه:looking:


مب اشاعه.. الكلام صحيح.. وتحت الاجراء..

يعني يوم نزل قانون الاسكان عندنا.. هل هو مطبق حاليا.. هل " كل " القطريين عندهم بيوت..
هل جميع المتزوجات من غير قطريين عندهم بيوت؟؟ هل كل المطلقات و و و عندهم بيوت..

الامر موجود.. والتطبيق ياخذ اجراءاته.. شهر شهرين سنه سنتين .. الخ
ANONYMOUS
29-09-2007, 05:18 PM
وليش تدبيل الرواتب الحمدلله الرواتب في قطر من اعلى الروتب بس المشكلة عدم وجود قناعة ورضا بالموجود كل واحد يطالع الثاني. ماسألنا انفسنا اش هل ادينا حقنا تجاه بلادنا وتجاه اعمالنا وتجاه الفقارى اخواننا قبل مانقول نبي زيادة

واذا تبغون زيادة اسألوا رب العباد قبل لاتسألون العباد


كل"ن" على ليلاه يغني يابو يوسف..
الجمارك
29-09-2007, 06:06 PM
حتى الورقه هذي اقدر اسوي مثلها

على الفوتوشوب بس عليها شعار قطر

كل ماسئلنا هل الامارات قالو اشاعه:looking:


:nice: :nice: :nice:

الدليل باين وين الختم او التوقيع ما يصير مرسوم مصدق ما عليه لاختم ولا توقيع ولا التصوير قبل التصديق :con2:
الجمارك
29-09-2007, 06:10 PM
وبعدين احنا الحمدلله في خير ونعمه بس البعض ما يقدر ينفس عن رووحه بسبت الغلا الى صاير لو التجار يخفووون علينه واشغال يشوفون شغلهم عدل والمرور ما يصيرون ماديين وكيوتل يتفادون اغلاطهم على قولتهم بنكون في غنى عن الازياده الى احنا منتظرينها والله كريم