المساعد الشخصي الرقمي

مشاهدة النسخة كاملة : &&شرايكم في هالنوع من من البنــات,,&&


HaMo0o0o0oDE
29-09-2007, 07:24 PM
السلام عليكم ورحمة وبركاته

مبارك عليكم ماتبقى من شهر رمضان المبارك



حبيت اخذ ارائكم في موضوع انتشر عندنا بشكل رهيب

رغم الفتوى بتحريمه:anger2: ولكن لازلنا نشاهده كل يوم وفي اكثر البيوت:anger2:


البنت مع السائق (الدريول) !!!بدوووووووون محرررررررررم!!!!

عندما تذهب الي المدرسه السوق الزيارات الي اي مكان

صرت كل يوم اشوف هالمنظر قدامي


ولاحد يطلع لي ويقول مب من اهل قطر ولا ولا:court:

لاني ماقلت الا وانا متاكد1000% من الي اشوفه

بس حبيت اعرف من الشباب ارائهم شلون انطباعهم عن هالبنت الي تخلو معا رجال غريب :anger2:

بدون محرم

وحبيت اعرف من البنات ارائهم في الموضوع


الله يهدي كل بنات المسلمين.........
مزيون الدوحه
29-09-2007, 07:57 PM
الغلط الكبير من اهل البنت وخاصه امها واخوانها
وبعد الغلط من البنت لاكن مانقول كل البنات
لان في بنات اهلها مش فاضيين لها واخوانها
كل واحد مشغول ومب فاضي لها والام كذلك
وبتكون مجبوره تروح بدون محرم .
لاكن هذا مايمنع نقول بأن هذا التصرف غلط.

والله يهدي الجميع ونشوف الاخو يهتم بأهله وعرضه
وتحياتي للجميع
امل الحب
29-09-2007, 07:58 PM
اخوي مو الكل يقدر يوفر محرم يروح مع بنته مكان مابتروح

بالنسبة لي انا اطلع مع السايق احيانا الجامعة بروحي لان مافي حد معاي ومافي خدامة وبنفس الوقت مالي خلق اسوق او اكون للحين نعساانة

وغير هالطلعة معاه مافي الباقي الله يخلي الوالد مايقصر

ولكن الضرورات تبيح المحظورات يعني الاضطرار ممكن نتجاوز عنه اما غير هالامور يعني لا

الله يهدي الجميع ان شاء الله
امـ حمد
29-09-2007, 09:59 PM
الله يهدي جميع بنات المسلمين ويستر علي الجميع
بطران
29-09-2007, 11:03 PM
برايي في ناس مضطرين لان محد لهم ... وفي ناس لله بالخير تحصل الاخوان سيايرهم تارسه الحوش ..وفي البيت ريول !! كل واحد عيزان عن هله .... هاذيلا الي يبيلهم تبلح بالخيزرانه ...
حيهور
29-09-2007, 11:11 PM
الي ماعندها محرم يمكن ماعندها اهل

كل واحد وظروفه لكن نحن متفقين انه بدون محرم فهو حرام

بس يارجال هي جات على ذي بس في بنات يسافرون بدون محرم محد قالهم شي وفي بنات يشتغلون ويدرسون خلط يعني مع الرجاجيل محد قالهم شي

محد كسر شوكتهم
هسلان
29-09-2007, 11:23 PM
الهندي عند ناس كثيرين مب رجال عشان كذا مايحتاج محرم وعادي يدخل المطبخ مع المعزبة ويقص البصل ويكوي الملابس عادي إلا هندي موب رجال
الله يكون بالعون
صمت القلوب
29-09-2007, 11:26 PM
بصــــراحه انا قمـــت اشوف هالمنـــظر كل يــوم ...
واستغربت في بادئ الامــر ...اشلون اب او اخ يرضى على اخته او زوجته تطلع مع رجال بروحها
واذا كلمتهم قالو لك هندي اشفهمه !!!!
بس بديت الاحظ بعض النـــاس جــــزاهم الله خير خلو الخدامه سواقه ...منها تنظف البيت وتوصل الاهل اماكنهم ...واتمنــــى الكل يتبع هالـــــشي ...تجنبا للحـــرام والخلوة ...
HaMo0o0o0oDE شاكره لـــــكــ على طـــــرح الموضوع
تقبــــــل مـــــــروري
وطن
29-09-2007, 11:29 PM
اخوي شنو المحرم اللي تقصده؟؟
الخدامة مو محرم لها ولا امها محرمها ولا حتى اختها !!

يبي لها ولد معاها او رجل


عشان نقول محرمها

ومو كل البنات ظروفهم نفس الشي
الطرف الأغر
29-09-2007, 11:58 PM
اذا تتكلمون عن خلوة السائق مع المعزبه في السياره ،، سمعت الشيخ القرضاوي يقول لا يعتبر خلوه اذا كان في طريق مكتظ بالناس والشارع عادة ما يكون زحمه خاصه عندنا الزحمه اشوي وبيدشون عندك بالسياره وهالشي للضروره ،، مب كل العوايل ظروفهم تسمح ان الاب او الاخ يوصل اهله كل مكان وبنفس الوقت

اما الي حرموه ان تكون معاه في طريق بعيد وخارج عن نطاق المدينه المزدحمه ،، يعني صعب حد يشوفهم ، اهني تعتبر خلوه ومحرمه لان من الممكن يكون فيها ضرر على البنت

هذا والله أعلم ،، يعني ما أقدر أحط النص بالضبط ،،


شكرا لكم
امل الحب
30-09-2007, 12:04 AM
الي ماعندها محرم يمكن ماعندها اهل

كل واحد وظروفه لكن نحن متفقين انه بدون محرم فهو حرام

بس يارجال هي جات على ذي بس في بنات يسافرون بدون محرم محد قالهم شي وفي بنات يشتغلون ويدرسون خلط يعني مع الرجاجيل محد قالهم شي

محد كسر شوكتهم

ترا الشغل مو عيب اخوي لو كانت حاشمة نفسها ولو فكرت انها تشتغل وبس

حاسب عالكلمة لان مالها داعي :)
أم حمد
30-09-2007, 12:24 AM
من كم يوم اسمع برنامج فتاوي على السعوديه

قال الشيخ

يتوجب وجود محرم مع المرأه في حالة خروجها خارج البلد

لان فيه خطر عليها

ودامها داخل البلد وفي اماكن كلها ناس رايحه جايه مافيه مشكله

وبعدين اذا بنت صغيره انا افضل تكون معها امها ولا الخدامه

اما اذا مره متزوجه ولا ام كبيره ماعليها شر ان شاءالله

:)

هذا والعلم عند الله
HaMo0o0o0oDE
30-09-2007, 04:22 AM
الغلط الكبير من اهل البنت وخاصه امها واخوانها
وبعد الغلط من البنت لاكن مانقول كل البنات
لان في بنات اهلها مش فاضيين لها واخوانها
كل واحد مشغول ومب فاضي لها والام كذلك
وبتكون مجبوره تروح بدون محرم .
لاكن هذا مايمنع نقول بأن هذا التصرف غلط.

والله يهدي الجميع ونشوف الاخو يهتم بأهله وعرضه
وتحياتي للجميع




وانت صادق اخوي الغلط من الاهل وخصوصا الام والاخوان

والبنت بعد لازم تخاف ربها وتراعي هالشي وعيون الناس ماترحم والسايق رجال وله شهوة مهب جماد وسوالف الدريوليه ماتخلص وياما بنات وبنات الله يستر عليهم سارت لهم سوالف معاهم

والله يهدي الجميع

شاكر لك مرورك وردك يالغالي.....
HaMo0o0o0oDE
30-09-2007, 04:27 AM
اخوي مو الكل يقدر يوفر محرم يروح مع بنته مكان مابتروح

بالنسبة لي انا اطلع مع السايق احيانا الجامعة بروحي لان مافي حد معاي ومافي خدامة وبنفس الوقت مالي خلق اسوق او اكون للحين نعساانة

وغير هالطلعة معاه مافي الباقي الله يخلي الوالد مايقصر

ولكن الضرورات تبيح المحظورات يعني الاضطرار ممكن نتجاوز عنه اما غير هالامور يعني لا

الله يهدي الجميع ان شاء الله


اختي شاكر لك ردج بس ابي اسالج يعني من افتى وقالج انه السائق يقدر يوديج الجامعه بدون محرم:con2:

واذا عندج نص الفتوى او رابط حطيه لنا تري قلوبنا عليكم لا اكثر ولا اقل ونغار على بنات المسلمين ومانرضى بالغلط

بس ماعتقد ان الاب او الاهل قدروا يوفرون سائق وماعندهم خدامه يعني على الاقل اخذي الخدامه معاج:nice:
عشان محد يقدر يقول اي شي,

وشاكر لج مره ثانيه مرورج يالغاليه,,,,,,,,
HaMo0o0o0oDE
30-09-2007, 04:29 AM
الله يهدي جميع بنات المسلمين ويستر علي الجميع


امييييييييييييييييييييييييين وشاكر لج مرورج يام حمد........
HaMo0o0o0oDE
30-09-2007, 04:32 AM
برايي في ناس مضطرين لان محد لهم ... وفي ناس لله بالخير تحصل الاخوان سيايرهم تارسه الحوش ..وفي البيت ريول !! كل واحد عيزان عن هله .... هاذيلا الي يبيلهم تبلح بالخيزرانه ...



اخوي الي مضطر يسوي شي حرام ويضر بسمعة البنت:con2:

اخوي اقل شي يحطون لهم خدامه;)

وهذيلن الي عيزانين عن خواتهم واهلهم يبيلهم الي قلت وهذيلن ماعندهم غيره ولا خوف
وانا الي اعتبر هالبنات خواتي وهم يعتبروني غريب اخاف عليهم ومن جذي طرحت هالموضوع

وشاكر لك مرورك يالغالي,,,,,,,,
الهاوي28
30-09-2007, 04:38 AM
يعني الحين الخدامة صارت محرم؟

عيل اذا وحده تبي تروح الحج ولا العمره خلها تاخذ الخدامة محرم

المحرم لازم يكون رجال في كل الحالات

تحياتي
HaMo0o0o0oDE
30-09-2007, 04:54 AM
الي ماعندها محرم يمكن ماعندها اهل

كل واحد وظروفه لكن نحن متفقين انه بدون محرم فهو حرام

بس يارجال هي جات على ذي بس في بنات يسافرون بدون محرم محد قالهم شي وفي بنات يشتغلون ويدرسون خلط يعني مع الرجاجيل محد قالهم شي

محد كسر شوكتهم

اخوي ماعندها اهل تركب معا رجال يعتبر غريب بكل مافي الكلمه من معني

يسافرون :court:لحول ولاقوة الا بالله


اخوي شاكر لك مرورك ......
HaMo0o0o0oDE
30-09-2007, 04:57 AM
الهندي عند ناس كثيرين مب رجال عشان كذا مايحتاج محرم وعادي يدخل المطبخ مع المعزبة ويقص البصل ويكوي الملابس عادي إلا هندي موب رجال
الله يكون بالعون




والله صدقت ياهسلان

وجان زين بعد المعزبه تتغطى عنه:anger2:

مستانسه الحبيبه يقول لها ماما عبالها صج امهcrazycrazy


الله يكون بالعون

ومشكور على المرور يالغالي......
HaMo0o0o0oDE
30-09-2007, 05:10 AM
بصــــراحه انا قمـــت اشوف هالمنـــظر كل يــوم ...
واستغربت في بادئ الامــر ...اشلون اب او اخ يرضى على اخته او زوجته تطلع مع رجال بروحها
واذا كلمتهم قالو لك هندي اشفهمه !!!!بس بديت الاحظ بعض النـــاس جــــزاهم الله خير خلو الخدامه سواقه ...منها تنظف البيت وتوصل الاهل اماكنهم ...واتمنــــى الكل يتبع هالـــــشي ...تجنبا للحـــرام والخلوة ...
HaMo0o0o0oDE شاكره لـــــكــ على طـــــرح الموضوع
تقبــــــل مـــــــروري



وانت صادق سمعتها وااااايد واااااايد من بنات

جنه الا صج


الهندي تعريفه عندهم= كائن حي لايسمع لا يرى لا يتكلم لا يفكر باي امرأه وليس لديه اي رغبات جنسيه وليس محرم الخروج معه ولا فصخ الحجاب اامامه
ينطق فقط بكلمتين ماما وبابا

والصراحه انا معاك في ان الواحد يجيب له خدامه يعلمها السواقه او تكون جاهزه متعلمه ابرك له بمليون مره وزيد معاشها
والحمد لله بدوا ناس في هالشي وان شاء الله الكل



واشكر لك مرورك الطيب يالغالي.........
HaMo0o0o0oDE
30-09-2007, 05:13 AM
اخوي شنو المحرم اللي تقصده؟؟
الخدامة مو محرم لها ولا امها محرمها ولا حتى اختها !!

يبي لها ولد معاها او رجل


عشان نقول محرمها

ومو كل البنات ظروفهم نفس الشي



المحرم ياطويلة العمر
رجال بالغ عاقل ان وجد
واذا ماوجد امها او اختها او اي بنت بالغه
واقل شي خدامه تخاف من ربها

هاي الي اقصده:deal:
قطر501
30-09-2007, 10:04 AM
اذا تكلمنا زعلوا خلنا ساكتين احسن للاسف البنت تشوف الدريول ريبورت مب رجال
وطن
30-09-2007, 10:22 AM
المحرم ياطويلة العمر
رجال بالغ عاقل ان وجد
واذا ماوجد امها او اختها او اي بنت بالغه
واقل شي خدامه تخاف من ربها

هاي الي اقصده:deal:

هاهاهاهاها
ادري رجال بالغ عاقل شوف ردي

وفي ردي بعد ان لا اختها ولا امها ولا الخدامة محرم

omen
rashid700
30-09-2007, 10:49 AM
زين وليش يابنات الحلال بدل السايق الريال ما تجيبون سواقه مره
HaMo0o0o0oDE
30-09-2007, 11:05 AM
يعني الحين الخدامة صارت محرم؟

عيل اذا وحده تبي تروح الحج ولا العمره خلها تاخذ الخدامة محرم

المحرم لازم يكون رجال في كل الحالات

تحياتي


اخوي الخدامه مب محرم بس يجوز ان البنت تركب معا السائق اذا وجدت امراه اخرى

المراه تعتبر محرم بس للظروره
يعني مب للظروره المراه تركب بروحها معا السائق



والفتوى للشيخ ابن عثيمين رحمه الله
وبحطها لكم بس خل اكمل الردود...

ومشكور يالغالي ع المرور,,,,,
HaMo0o0o0oDE
30-09-2007, 11:07 AM
اذا تكلمنا زعلوا خلنا ساكتين احسن للاسف البنت تشوف الدريول ريبورت مب رجال




لا اخوي واحنا شعلينا منهم واذا بيزعلون من الصج خل يطقون راسهم في الحيط

ياخوي اذا الواحد مايخاف على بناته ليش يسمي نفسه مسلم

الحرام حرااااااام ولازم الكل يعرف مب نسكت عن الحق
ابوالجازي
30-09-2007, 12:50 PM
http://www.qatarshares.com/vb/showthread.php?t=135779&highlight=%C7%E1%C8%E4%CA+%C7%E1%D3%C7%C6%DE

تم طرح نفس الموضوع اكثر من مره